新記芝士麵 (已結業)

明白每家食店都有她的形象及待客態度，亦了解餐飲服務是吃力不討好的工作，會忽略待人該有態度。這店的服務員由”命令”式地要食客座指定位置 （註：當時店內客人不多） 到黑面埋單，每一環都盡顯其獨特性格。這不是個別事件，每位服務人員都以同一種無禮及傲慢囂張態度公平對待每擡客人。落單口吻其實有點接近呼喝，何解？難道幫襯都是錯？不是在小店尋找五星級服務，但未至於要食客受氣吧。食品方面，貫徹有期望有失望的道理。豬頸肉芝士撈丁，芝士冇芝士味，豬頸肉相當韌。只有賣相還可接受。 簡單的雞翼煎蛋飯的汁料都咸得有點過份。 如果這些就是新記的招牌味道，恕本人不懂欣賞。

大約6，7年沒有來過新記吃我最愛的豬頸肉腸仔螺絲粉，誰知入到來，兩個阿姐都面黑黑的落單， 人好像不同以前的了，粉來到的時候，嘭一聲放下，很沒有禮貌，後來我見那個阿姐，張張枱都是這樣的，好似全世界都欠了她什麼似的🙁，而至於味道，連桂林辣椒醬也換了，豬頸肉又沒有以前脆邊的，很是失望，肯定以後不會再來了，我仔叫了一個新記炒飯，少得可憐，一個12歲小孩也吃不飽，很攪笑的，不知為什麼，全店位位都黑口黑面，我去的時才剛開門約12:00，應該還沒有氣受吧？奇怪，以後都不會再來了！

又一間台灣朋友指定要食的餐廳：新記芝士麵對於芝士控嘅佢地，一聽到佢朋友介紹佢地呢度有芝士撈面食，佢地已經失哂控，完全聽唔到我哩個地道香港人講野：已經沒以前好吃了耶🙄🙄好，咁去試囉！一去到，淨係侍應們的眼神同表情，我已經瞬間無哂食慾。招牌的蜜汁龍蘇，甜甜的汁係無變嘅變左嘅係魷魚，以前係煎香左再撈汁，已家係白烚撈汁（重要未鯨乾水）再黎個豬頸肉芝士撈面豬頸肉煎到燶燶地，食落有陣焦香味，keep到👍芝士汁，濃度適中，keep 到👍今之個面底有鯨乾水喇！😂感動！個撈面都算唔錯喇！凍檸茶味道就不過不失喇，不過就勝在夠凍喇！

星期六下晝去想食light少少，同女朋友叫左一個撈一個西多士，結果餐廳無包，無等整西多，諗左一陣我決定要一塊淨雞排。店員再三問我係雞排麵定淨雞排，明顯佢覺得我幫親得少。結果落完單張落餐紙九里幾遠飛埋來！叻啦你，唔休做啦你，巴閉啦，我以後都唔會再幫親你架啦。

今日係尖沙咀做野，同幾個朋友想食個快飯，佢地好熟路咁介紹左黎新記食豬頸肉芝士撈丁，當我仲喺度睇緊食咩好嘅時候，佢哋三個已經落咗order叫豬頸肉撈丁咁我見到個個都叫我又未食過咁就唯有一齊叫啦。另外再叫左份瑞士汁魷魚雞翼。先講個撈丁，豬頸肉係幾好食嘅，芝士撈定好普通，成堆醬冇咩特別。面底就幾好飲品我就叫左杯鹹檸檬話梅7-up. 呢杯特飲算唔錯，因為加$8凍飲，加$10就特飲，所以就揀左特飲😂😂。而份瑞士汁魷魚雞翼都只能講一般般，似白烚魷魚加瑞士汁...作為一個快飯ok la😊

（從來唔會想比劣評餐廳） 以前讀書都會嚟食 但係冇諗過幾年後黎食 原來呢度已經變得咁差唔好意思 我呢個食評唔可以話係一個食評 因為我連食嘅機會都無🤷🏻‍♀️🤷🏻‍♀️嗰日大概係1:30鐘左右嚟 我同朋友兩個人 我一個人先到 入門口坐櫃檯講阿哥問我幾多個人 我話我兩個不過朋友未到 佢話可以入去坐 有位 （入到去其實只係坐咗2枱人）我坐低左 然後一位40零歲嘅女侍應阿姐 想幫我落單 我話朋友未到 唔落正餐住 想叫杯凍奶茶飲住等 點知阿姐（黑口黑面 用着凌厲嘅眼神）一句得埋黎：人到齊先一次過嗌啦Ok fine 你唔介意我齋坐 我有咩所謂點知唔夠3分鐘 同一個阿姐來勢洶洶走過黎話（依然係黑口黑面 用着凌厲嘅眼神 講嘢無語氣 ）：如果你未齊人就唔好坐喺度等 要出去Excuse me ??? 1: 如果一早話我知 未齊人唔可以入 我一定唔會入2: 我唔係唔叫嘢食齋等 係你唔俾我落單3: 你嗰時唔係多人 加上出面亦都冇人等緊位4: 食餐飯點解我要受咁嘅氣？ 唔好意思 如果要我食餐飯 係要忍住度氣去食 我真係食唔落 你要我走 OK 我走 而且我保證以後都唔會再嚟另外：我一路喺餐廳見到同一位侍應阿姐 對住其

新記我真係食左有十幾年了， 真係細細個就識去呢度搵食。 新記o既招牌🧀芝士豬頸肉撈公仔🍜麵絕對係我favour 啦， 10次有9次都係叫佢， 但間唔中都會叫下公炒麵🍝， 因為芝士真係好邪惡o架， 真係唔可以次次都食囉👉🏻👈🏻👉🏻👈🏻。同朋友講開， 竟然佢地未食過新記， 擇日不如撞日嘛， 即興就今日帶朋友黎食。登登登登。。。邪惡新記🧀芝士豬頸肉撈🍜公仔麵， 食左咁多年都一樣咁好食。⭐️⭐️⭐️⭐️⭐️另一喜好就係佢個蜜汁龍鬚， 雖然而家要成$53 / 碟， 同份量都少左。。。但我黎到都一定要食佢o既。⭐️⭐️⭐️⭐️⭐️

Fatbrown 今日去左尖沙咀The One 睇戲，睇完戲行左陣街，肚仔有D餓就去左附近出名出好野食的香檳大廈食個芝士面填下肚先香檳大廈系尖沙咀少有的舊式商場，唔系睇少呢個殘舊的商場，因為商場有唔少有名的港式茶記新記芝士面就係其中一間，兩點幾去到都仲要等位，除咗香港人之外，仲吸引都唔少旅客嚟朝聖望下Menu，其實大部份都係芝士面，只不過係有唔同嘅配搭Fatbrown 最後揀咗中的芝士麵同埋蜜汁龍鬚<蜜汁龍鬚$53> (好味:2.5/5) (抵食:3/5)呢個蜜汁龍鬚都算係店內人氣小食之一，見到隔離枱有人食，即刻嗌個黎食分量普通，賣相幾吸引蜜汁好多，鋪滿龍鬚面，但係食落。。。麻麻地龍鬚完全無味，好明顯系雪櫃解凍完攞出黎烚下就上臺的貨色，單靠蜜汁的甜味去鈎汁<終極芝士面$60> (好味:4/5) (抵食:4/5)材料有紅腸、豬頸肉同雞蛋豉汁好濃郁，食得出係用唔同的芝士溝出嚟，好味豬頸肉好爽好大塊，芝士撈埋蛋汁好香滑雖然睇落去份量唔係好大，但係因為芝士汁會濟，所以食完都好飽㗎黎到新記，一定要食芝士面，小食就。。可以唔嗌

芝士麵難得嚟到灣仔，當然佢食下芝士麵啦，咁多明星食過，當然去試吓啦。成日聽到啲人話去灣仔食芝士麵，今次終於到我有機會啦。我今日三四點去到食，都唔好算好多人。而我就叫咗豬頸肉芝士麵，個份量都幾細，如果大食的朋友可能要食兩碗。個面來到，見到成個面鋪滿芝士，每一條麵都沾滿芝士醬，都幾好食。因為我本身食開好濃味的芝士，但呢個芝士對我黎講唔算好濃味，比較淡味。豬頸肉正正常常，冇咩特別。如果各位行開灣仔的話，可以去新記芝士麵試吓。

平時食野好少俾comment，今次真係俾呢間野激到，服務態度差到離曬譜，個戴眼鏡ge男店員全程勁囂張，落單同埋問野都超唔耐煩，差d以為自己欠佢八千萬添🤷🏻‍♀️🤷🏻‍♀️🤷🏻‍♀️雖然知留comment未必有用，不過希望大家知道，今後點都唔會去

好多年前嚟過新記食芝士麵, 覺得好好食, 前排經過想重拾返回憶, 已經唔係果樣野!我地落order嘅時候, 侍應態度唔好, 可以話係差, 心諗呢啲出名嘅餐廳係咁上下, 如果食物OK我都無所謂嘅! 我哋叫咗豬扒雞翼芝士麵, 公仔麵煮到林晒, 芝士醬唔香, 越食越糊狀, 口感差, 豬扒雞翼都好普通, 好失望, 咁就盛惠$58 =.=蔥花豬頸肉蛋包飯, d飯有d硬, 豬頸肉無味, 其他都無什麼特別, $60呢個價錢, 呢個質素, 呢個態度, 呢個環境, 我唔會再嚟!!

其實本身呢間應該唔使多介紹因為由中學食到而家咁多年一如以往咁惹味好食唔使問一定係會叫招牌豬頸肉芝士撈出前一丁同行友人就嗌咗個川式辣牛肉飯過住驚又真係完全冇變過非常好食又冧又多個芝士醬簡直係邪惡識咁多年都係咁好味反而個川式辣牛肉飯我就嚟咁多次都冇叫過試咗少少可能我個人唔食得辣辣到我PK鍾意食辣嘅人可以挑戰下嘅我係下晝時間去完全唔使等位又冇乜人重點係出邊條街熱辣辣入到新記永遠個冷氣都非常充足以前中學一定會呀買魷魚食但係依家怕肥好後悔走咗先覺得爭啲野下次都係要嗌埋

Sun Kee is a small Cha chaan teng located in Tsim Sha Tsui. It was a little difficult to find the location for me, but we managed to find it after a while of searching around. Cheese on instant noodles was an extremely new and almost bizarre thing for me. When I first found out about it I knew I had to try it, and I’m glad I did. Personally for me, both dishes were not disappointing and I greatly enjoyed consuming it 😂 At first, I was worried that the cheese would be too heavy for me since there

繼上次食完永年士多之後，今次我哋再喺香檳大廈搵嘢食😆 講起對上一次嚟新記食芝士麵都大概十幾年前，嗰陣時係一個老朋友帶我來。10年過去，呢度仲係保持住陳年嘅裝修。牆仍然掛滿了歷年以來幫襯過的明星嘅合照。👍🏽基本上都一定會食佢嘅邪惡芝士汁撈麵🤤講真佢嘅芝士有一種講唔出嘅味道，平時食一啲麻麻哋嘅芝士撈麵硬係會覺得芝士汁入面有一啲粒粒（唔知大家明唔明我講咩😂）新記嘅芝士汁除咗香濃之外，食落口一啲都唔覺肥膩（自欺欺人中🤣，但總好過一入口就有一種肥膩感）。至於豬頸肉、雞翼、和雞扒嘅口感我覺得普普通通，尤其是食得出雞扒係翻炸，所以呢一度扣左唔少分數🤨🆗豬頸肉芝士汁撈公仔麵🆗雞扒雞翼芝士汁撈公仔麵最後我覺得價錢來講都係算偏貴，因為都要50至$60一碗🤕偶爾經過口痕想食嘅話，絕對係唔錯嘅選擇😈—————————— 食物質素：7/10 環境衛生：6.5/10 舒適度：6/10 服務：3/10 性價比：5/10 總評分：5.5/10 —————————— #foodblogger #foodlover #foodie #hkfoodie #相機食先 #尖沙咀

今次點了豬頸肉芝士汁撈公仔麵，上來就是一碗滿滿芝士的既視感，豬頸肉大大塊，都被芝士蓋住了，每條麵條都均勻地痴上芝士才滿足！一定要趁熱吃，放涼了估計會有點膩，但是豬頸肉真是沒得說，刷上烤汁脆脆的真的太好吃