新翠園茶餐廳 (已結業)

話說朝早同家人去新翠園食早餐，一看餐牌，食物款式少，心想：「既然入黎，冇理由出番去」。於是點了兩個早餐，誰知上餐時一看，份量少得驚人，味道只是一般。經過這次，我寧願光顧對面的大家樂，食物美而廉。

今日掃墓後，家人個個都肚餓，下午成棚人落山醫肚，經過間人山人海茶餐廳，坐落唔知食セ好人又多，叫亞姐介紹，亞姐就介紹魚香茄子煲同京都骨小菜，想唔到這間茶餐廳都有D水準，味道很好，正！下年清明必再來食過，味道好真正。

是朋友推介我到那茶餐廳食京都骨小菜午餐，試過後味道很有水準，唔錯，值得推介。

今日去完柴修見個肚餓餓地就同個fd諗住去tea一tea 佢話有間抵食夾大件既茶餐廳咁咪去試下lor 初時我都唔係好信點知......食落d雞翼真係好鬼好味價錢又平而且d奶茶仲要又香又滑.....真係值得一試.....

同傻鬼原本想食tea, 不過已經6時有多, 到處都無tea食. 膽粗粗入去問亞姐有無茶餐食. 點知亞姐好好人話, 算啦俾埋我地. 咁我地2個人叫左雞翼薯條及蕃茄蛋治.食物就叫ok啦, 不過佢地各位亞姐d服務真係唔錯, 好似我地2個人share野食, 佢地見到又好主動俾多份餐具我地. 真係值得一讚. 唔該!

上星期五，例牌跟同事出去食。其中位話好耐冇來過，於是扑鎚，因為懶得諗。6個人叫了星洲炒米、雪菜肉絲炆米、豆腐火腩飯和京都骨飯。炒米幾得，至少唔會油光反照，但星洲味不夠，雪菜炆米又偏鹹，豆腐火腩最搞笑，豆腐得兩舊，但火腩就多到10隻手指都數唔晒，味ok，京都骨最有水準，分量都幾多，起碼有七至八塊，埋單每人$21，都算可以接受。

原本昨天有帶飯回公司，但一位老友突然來電說自己已人在柴灣，要我出來陪她lunch，我也惟有放下已叮熱o既飯盒，急急腳趕去。由於都差唔多係下午茶，所以間餐廳冇乜人，與老友share了一碟咖喱魚柳飯和一碗冬菇雞翼烏冬。 咖喱汁唔知點解好鹹，魚柳又r鞋烚烚(其實已預o左)，而且配料只係得一"大"舊薯仔和紅蘿蔔，認真係冇料到；烏冬都還可以接受，雖然係味精湯底，但冬菇炆得頗入味，雞翼又滷得不俗，不會老油咁o既顏色，肉質又不會浸到霉晒。 但我想我也不會再來這兒用膳的。

i sometime go there to have lunch. the food is okthe service is good but the price is expensive.