新美棋餐廳小廚

營業中

休息中

今日紅日都知會等得耐啲 等左半個鐘到送到上黎一打開個外賣盒見到啲薯條少得可憐 如果我係第一次食可能會唔知覺得一直都係咁少 但以前一直食都五會係一望到就想數下得幾多條薯條 一數得19條 咁就打落去同佢講 一講完佢就話：一直以黎都係咁少既 咁樣 心諗：一直以黎都係咁少 叫左呢間野都好耐 一定五係咁樣 跟住佢不斷叫我地落去換左佢 我地就講： 但呢個係你地真係比少左好多，仲要我地落去換 咁我做咩要叫外賣？佢就cut我地線 我地就不斷打不斷問佢就不斷cut 佢一聽就講：45蚊有野飲有薯條雞髀仲想點？再cut線 我地只係想你換一換比我地 但個吖姐個語氣都係事不關己 唔關我事 不嬲都係咁 你要換你就自己落黎換既態度去講野 態度勁差 。

自從山景邨商場重新裝修後，開始多番去山景邨午餐。最近疫情有輕微改善，附近中學生、小學生開始可以全日返學，午餐時段成個山景邨嘅餐廳都變得好多人。比較容易搵到位嘅就係呢間新美琪茶餐廳。今次係第二次幫襯，又係因為山景邨周圍好多人，所以再次入咗呢間茶餐廳。今次叫常餐配凍檸茶，凍檸茶上枱一眼已見到茶色清晰，杯底檸檬係已經篤過晒。心諗餐廳服務真好，會幫客人篤檸檬，但有點擔心會篤到檸檬皮令杯茶苦澀。我首先好小心整上杯面睇清楚係咪真係已經篤左，確認篤過再問清楚侍應水吧係咪會幫客人篤檸檬。可是，侍應一口就話唔會幫食客篤檸檬，跟住我就示意我杯檸檬茶啲檸檬上枱前已經篤爛哂，個侍應粒聲唔出又走開咗，隔咗一陣間先返嚟，話幫我換杯凍檸茶。有咁好服務，真係世間難有。

今日一早去完面試，因為太肚餓，見到間小店茶記，就去試下，我地叫左沙爹牛肉麵配炒蛋加凍檸茶同埋麥皮配蛋治凍檸茶茶抵靚，唔會澀口沙爹牛肉麵同蛋冶都係一般茶記味道麥皮比較甜D，因為用煉奶唔係用鮮奶但勝在唔貴，兩個餐埋單都係$51，抵食推介

我小時候到依家成日幫襯既茶餐廳，有日我去開嗰度附近睇醫生，順便喺嗰度食埋早餐；我叫咗份早餐，入面有我最愛既沙嗲牛肉米、奄列&餐包。食咗之後，味道跟以前一樣 ——— 好味。主要原因：來自 —— 沙嗲牛肉，通常其他餐廳既沙嗲牛肉都冇用沙嗲醬醃過啲牛肉，煮完啲牛肉後，就咁淋啲一罐罐喺街都可買到既沙嗲醬放上牛肉&麵/米粉。依間餐廳既沙嗲牛肉係有醃過；另外，沙嗲醬食落係似自家製既沙嗲醬。我見依間野既食評唔係咁好；但係實質上依間餐廳最好食既食物係：沙嗲牛肉麵/米粉、牛腩麵/米粉、牛雜麵/米粉，都可以試下叫依啲野食。

中學時代一次都沒吃過新美棋餐廳小廚，今天忽然心血來潮想試試，但吃完後覺得真的不值一吃，相信這是唯一一次光顧。我很簡單地點了一碗雲吞墨魚丸麵，基本上除了麵沒有鹼水味，挺爽口的，可是雲吞，墨魚丸均不合格。雲吞皮厚度一般，每顆雲吞內餡都有一尾小蝦，可是欠缺彈牙鮮甜感，肉餡過於死實，又無鮮味，亦沒有調味，吃時有少許腥味，是我吃過不好吃的雲吞之一。墨魚丸也不見得多好，綿綿的，咬勁欠奉，完全吃不到墨魚丸應有的質感。

早餐叫左個沙嗲牛肉螺絲粉，沙嗲牛肉做得幾惹味，少少辣，牛肉都幾滑，螺絲粉有點彈性，唔會太淋，煎蛋就油多左少少，至於柸熱奶茶，味道其實係0k既，茶香奶滑，可惜隻杯爛成咁⋯

來到屯門屋邨內，原意想找些特式平民美食，可是多變成集團餐廳，最後找了這間小廚，門面，裝修，服務都不太好，唯一是食物味道是值得的。我叫了北菇雲耳蒸雞，等了35分鐘左右，蒸雞到了白飯就要4分鐘後才到，還要追先記得... ...北菇雲耳蒸雞份量及用料倒了十足，我一個人都吃得好飽，調味亦十分好，似家常菜，不太重手，D汁送白飯一流。但價錢其實唔算平，如果服務態度好，我認為亦值得！

昨晚不想煮飯，跟友人和我家寶貝三人到新美棋用餐。晚市除了碟頭飯、炒粉麵及潮式粉麵外，還有小菜供應，平均價錢$50-$70不等，包例湯、一碗白飯，如需另加飲品，則另外加錢。叫了一客粉絲雜菜煲，一客土魷肉餅。先上桌的是蕃茄紅蘿蔔薯仔排骨湯，湯的顏色顯示是一個絕對足料的湯水，沒有味精，寶貝高興的將湯喝光。然後等了十五分鐘左右，兩道菜分別上桌，如食量不大，這裡食物的份量絕對足夠兩人共享的。粉絲雜菜煲：一個載滿各式雜菜、粉絲、雲耳、魷魚和蝦乾的小湯鍋，賣相雖然普通，但份量豐富，調味剛好。土魷蒸肉餅：熱度足夠，肉餅鬆軟，土魷份量足夠，味道鮮美，絕對是下飯好菜。百餘元消費，吃的飽飽，味道可以，還想怎樣呢﹖以前這裡跟另一中式飯店併鄰，但如今那間飯店結業，換了一家米線店，但生意仍不及這裡，自有它的原因。家庭式經營的食肆，其實不稀罕任何人的食評，都可以存活。事實上，這裡也不如另一位資深食家所講那麼差......也許各人口味不同吧。

上星期日到屯門探完嫲嫲, 就去醫肚, 想食d地道野, 見到這間茶記好旺場, 就一心諗住一試。嘩......價錢都好平, $2X一個下午茶炒野, 見人地好大碟又豐富就諗住無死啦, 咁就叫咗干炒牛河及金蒜海鮮炒飯跟餐飲凍奶茶及凍綠茶利賓納干炒牛河--- 一字記之曰: 鹹, 其實粉的味道ok, 但牛肉就鹹到「拿」喉, 都食唔出是用什麽來調味,只知道「拿」喉 幸運地我杯凍綠茶利賓納可幫我解苦困金蒜海鮮炒飯聽名字就想吃, 點知一啖放入口, 哎喲......有野「硬」口, 吐出來看看, 不是金蒜(炸蒜)而是硬飯, 有些有「骨」也有些是生米, 已經氣結......再看有什麽海鮮料......只有日本魚蛋粒, 蝦仁及蟹柳再加些雜豆及葱粒和生菜絲早知搭505輕鐵去新墟, 重多野食呀！