新羅寶韓國餐廳

營業中

休息中

我和朋友叫了一個Course C (貴價二人套餐) $560.首先來一個生菜沙拉，只有生菜和沙拉油；然後是一個頗有特色的生牛肉，用生牛肉包着一些蒜片、香草絲、青紅椒絲、洋蔥絲，再點醬汁吃。牛肉切得很薄但一點兒味道也沒有，還有那個侍應的大拇指，把碟邊的那片牛肉壓扁了，很嘔心。主菜是燒牛肋骨肉及大蝦，是燒烤，但水流流，沒有香噴噴的感覺，所有烹調都由一個女侍應在你面前主理，一次過燒完你的牛肋骨，沒甚樂趣！牛肋骨的味道更差！！完全沒有牛肉味，只吃到甜味，失敗！無論你如何咀嚼都嚼不出一點味來。那四隻中蝦更不濟，雪藏了大概十個世紀，同樣來一個水流流的燒烤，就在你面前燒，但一點香味也沒有，味道更加不消提，就像吃塑膠，惟有嘆氣！還有一個牛肉麵，明明是超薄牛肉片，但就運同生的麵條一同放進鍋裏滾，最後牛肉片當然死得很慘。這個麵的味道和其他菜式很一致-- 淡！我差一點以為其實是自己失去了味覺。最後來了一盤生果，有蜜瓜和西瓜，感謝上倉！它們是新鮮而有味道的。還有一小柸薏米糖水，還似人吃的東西。如1有負分，我給他負25分。如果我們坐近門口的話，我會不付錢-- 逃走！但不由你不信，那裡客似雲來，侍應要我們7:30

1.鮮蠔仔煎餅$95 ~ 我覺得好過中式蠔餅喎2.甜酸泡菜鳳球$98 ~ 甜多過酸,但炸粉勁多,整碟都唔多食到雞肉3.牛肉鍋麵鍋$220 ~ 麵有韌度,但牛肉可能過度灼熟,入口較鞋4.燒紫菜$205.南瓜餅$48 ~ 煙韌香軟6.生果紅豆燒$48 ~ 好大杯呀,抵!

收到一張轉贈的100元現金券, 不妨去試下這間韓國菜館。兩人共要了三個商務午餐, 兩個烤肉餐及一個海鮮米線餐。烤肉餐跟一般韓國餐廳差不多。反而個海鮮米線很好吃, 啲米線跟平時的米線不同, 粗很多, 都有幾多細粒海鮮, 啖湯都幾好飲。要讚的是個經理很好, 因我不是所有伴菜都吃, 換了幾次及幾款他都很樂意換俾我。

Horrible service, portion is small and food are not fresh. Both my friend and I have stomach ache right after the meal there. Will never eat there again!

之前同女朋友蕩到去尖沙咀,唔知點解上左去呢間野到食,坐低望下個餐牌,嘩....咁貴既,再望下d侍應,咦...又真係幾似韓國人喎,到叫野食既時候,諗住同佢地講中文,點知佢同我講英文(但係唔流利既),呆一呆,先知道呢間餐廳d侍應真係韓國人,之後叫左個石頭飯同燒牛肉同埋豆腐湯.都ok,但係呢個價錢既話我會expect再好d囉.服務質素ok.

10.11.07很久沒來這裡, 主因係它只有新鮮泡菜係我的favorite, 反而石頭飯, 牛肋骨…這些主菜被明洞/梨花園比下去. 這次到訪也是為了這新鮮泡菜, 其實這是新鮮的生菜加上泡菜醬汁, 該沒有醃很久吧! 因吃下去時, 蔬菜仍然新鮮, 爽脆, 是一般泡菜沒法媲美的. 這個笑臉, 絶對是給這出色的泡菜!

價錢都算幾貴以小弟o既經濟能力實在係負擔唔起所以選擇去食佢d set lunchset lunch 有兩種一種係一個星期七日每日特定左某d 菜式另一種就係商務午餐頭一種係特價餐款式比較少但價錢比較平而商務午餐就有十幾款可以選擇只係星期一至六供應價錢就大概由六十幾蚊至九十幾蚊最初唔明點解佢價錢咁貴但食過之後就發覺真係一分錢一分貨食物o既質素比平時去漢陽苑o個d 高好多我最鍾意就係佢個烤肉拼盤、辣八爪魚飯、炆牛肋骨烤肉拼盤o既肉好嫩而且調味剛剛好唔需要點任何醬油辣八爪魚飯o既辣醬好好味加埋八爪魚又有d 口感兩樣野真係幾夾而牛肋骨就好鮮味d 汁用黎撈飯就更加正值得一提o既係食物o既份量其實好多因為每一個餐都會跟3-4碟o既前菜有部份餐會跟一個湯而且佢會免費提供南瓜粥同埋沙律任攞最後仲會送一個甜品仲有一樣野值得一提有好多信用咭都可以用好少積分換到新羅寶100蚊coupon用黎食lunch 就真係好抵o里度有少少相http://eat-together.blogspot.com/2007/10/sorabol-korean-restaurant.html

與好友想食韓菜，由於大家不是大食之人，叫的款式不多。煎菜只有7小碟，其中辣泡分別有新鮮及可以保存較久兩種，新鮮那種好爽脆，舊的那款相對較腍身；另外辣小蝦爽口好惹味。炒粉絲-味道較淡些，但仍食到有點點麻油香，粉絲本身煙韌得來又彈牙，只可惜唔夠熱。烤特大牛肋骨-沒有濃濃醃味，只帶點不太濃烈甜味，這樣就不會蓋過了牛肋骨本身的甘香。而肉身厚厚仍富有彈性、肉質柔軟又多汁，果然是招牌菜。什錦石頭飯-飯身略濕亦較腍，飯蕉亦不多，缺少了香味。飯後送的糖水味道有點怪怪的。

尋日去食dinner, 我地一行5人去, 點左兩個dinner for 2 sets(包括有半生熟牛肉, 鮮菜果醬沙律,燒牛筋骨, 燒大蝦, 牛肉湯麵); 另外再叫多個海鮮鍋同海鮮石頭飯。半生熟牛肉一般啦, 不過不失鮮菜沙律正,佢個鮮果醬好好味, 好醒胃, 有d蘋果味燒牛筋骨,正, 好有肉味燒蝦, 大隻, 有咩特別, 同佢燒得太熟牛肉湯麵,d麵好好食, 自己打的, 當然已經滾到熟哂啦, 唔係d湯點會有味呢海鮮鍋, 勁唔好食, 超咸, 一定唔會再叫你個石頭飯, 一般, 但加埋d豉油, 就完全唔同哂, 好味好多overall, 我自己覺得唔錯, 我會主打燒牛的食物...但佢d waiter & waitress 真係個個都有笑容ga...真係好似被逼係到做咩........大佬, 我來食飯,佢地的表情攪到好似好唔願意招待我地咁.....

阿爸忽然想食韓國0野, 話有工作上認識0既韓國人介紹佢0黎呢度, 咁就book 星期日6:00pm 一行4 人0黎食飯啦.叫了個"D course" (for 4), 好多0野食:- kimchi: 個人口味一向食唔得kimchi, 唔講咁多.- 生牛肉(圖右下): 切到好薄, 賣相有d 似意大利風乾牛肉... 食落唔似生肉, 因為唔會滑潺潺/濕笠笠, 感覺亦唔係血淋淋. 用生菜/生薄荷葉包住生牛肉, 加埋生洋蔥, 生蒜之類0既配菜, 再落少少麵豉醬一齊食, 真係別有一番風味. 不過唔知點解生洋蔥/生蒜唔辣的??- 炒粉絲: 一向好鍾意韓式炒粉絲, 呢度的味道唔錯, 又唔會太油, 幾好食.- 燒牛肋骨(圖左下): 所有燒烤0野都係waitress 幫我0地搞, 唔洗自己落手... 牛肋骨醃得幾好味, 燒起非常腍非常juicy, 肥0既部分又足夠, 好好食!- 燒豬肉: 呢個一般, 燒完幾香不過較韌, 肉汁亦比牛肋骨少.- 燒帶子: 賣相靚, 不過味道唔得, 灌得太多水0既關係搞到無乜鮮味, 口感又"泡".- 牛肉鍋麵: 牛肉唔得, 因為from the beginning 已被w

之前食過cwb果間,覺得真係幾好味,做埋member有discount又有coupon,都覺得算抵食既....點知食完美麗華果間之後,我就一定唔會再去呢間分店囉.d waiter個個好似死老豆咁,service唔好已經費事提.d肉令左黎冇人理(因為係cwb果個,有人燒埋比我地食,火喉調較得好好),我地叫人黎整,佢放肉落去之後走左去...d肉係咁燒,我地以為佢會有人黎整,點知一路都冇人理.直到d肉有d燶味,我地叫人黎,問係佢地煮(好似cwb果間咁)定係我地自己整?佢話sorry,又換過碟肉比我地,終於企定定煮好先走...我個幾朋友食完呢間,仲肚痾左幾日...我都算好彩囉~~

我和朋友2人食晚飯, 叫咗一個燒烤牛肉,豬肉,蠔仔煎餅及牛肉湯. 燒烤牛肉勁韌, 咬不到, 但勁貴$180得兩小塊. D豬肉勁甜, 蠔仔煎餅好腥, 牛肉湯無味. 成餐飯無一樣好食. 但又好貴. Quality同$88任食差不多. 所以千其唔好去.

我其實都食過莊園，金羅寶，阿里朗呢3間韓國菜，今次同同事farewell而過左黎食，感覺又冇樓下d comment咁差喎.其實呢度既食物款式都算好多，今次一行8人就可以試到好多野.雜菜炒粉絲-- 好味道，一定好過阿里朗煎綠豆餅-- 煎得好靚塊塊都金黃色!味道都唔錯!生牛肉-- 其實都好味，不過牛肉味俾d醃料味蓋過了~~ 輕手d可以食到牛肉味更好!燒烤既有：醃左既大牛排骨-- 超級正!!!!! 肉質嫩滑醃得又好味雪花牛肉-- 又係超正~~ 真係好雪花架!牛舌-- 比起上面2個牛肉呢個就普通d，同埋厚切應該好食d豬肉-- 醃得好味呀~雞肉-- 試左辣同唔辣2種，我食唔到辣但都試左少少，我覺得論肉質，唔辣好食d喎~~~ 另外有仲石頭飯-- ok冇特別; 牛肋骨煲-- 份量比我想像多，不過乾身左少少我鐘意食多d汁既!Overall黎講都唔錯呀~~~ waiter方面態度普通又未至於惡劣既! $180/ head都算幾平了~ 之前食親每人都起碼2百幾! 不過我都係鐘意金羅寶多d! hee!

韓國朋友話呢度食的算正宗韓國菜，一試下發覺佢地服侍不錯，前菜都好好味！而且可不停任拎前菜食，覺得已抵返好多！試過叫二人套餐，石頭飯頗遜色！牛好味就唔駛多講！最捧的都係佢的碎牛肉刺身！加埋雪梨條，青瓜及蒜片，又有醃味，襯到啱啱好！

離間位於TST的韓國餐廳, 本人也有去過, 食物質素差不在話下啦, 最差還是他們的服務態度, 原本以為這家薄有名氣的餐廳, 價錢貴是肯定的, 但估唔到服務咁差, 個日我地一班朋友去食飯, 坐左間房, 可能係佢地好忙, 由頭到尾都無人招呼, 飲水都要出去叫幾次, 上菜的時候附送埋佢地個黑口黑面, 埋單時態度重衰, 個女侍應係雙手放後面貼牆微彎身等你比錢, 咁樣招呼以後請都唔去。