新竹園軒

營業中

休息中

同媽咪飲菜，我地兩個食既野都唔多，呢度就幾好，靜靜地又新裝修，好好坐好舒服。我地叫左一個西芹百合炒黑木耳，清清地夠晒健康，除咗有西芹百合黑木耳，亦有三色椒，蔬菜滿滿，好清甜，好爽脆既口感，真係清淡啲，唔會好咸，一碟有幾款蔬菜，岩晒健康一族(*¯︶¯*)另外叫佐安蝦鹹水角，鹹水角即叫即炸，新鮮熱辣，唔會油淋淋，炸得好乾身，好鬆脆，入面好軟糯，餡料既蝦米肉碎果啲都好香，口感味道都滿分(^o^)/仲有叫佐蜜椒雞翼，雞翼先炸完再煎，炸脆既雞翼係金黃色既，香脆無比，之後再用蜜糖芝麻炒香，沾滿蜜糖醬，甜甜地好香口，亦有雞翼本身既咸香，好味(^.^)仲有仲有叫佐蔥花炸兩腸粉，炸兩一定要趁熱食，呢度既炸兩好脆，腸粉皮又夠薄，加佐蔥花又香，再點啲豉油去食，不得了V(^_^)V

恰逢國內國慶放假，跟太太雙方父母過來香港帶他們嘗試傳統粵菜看到這家環境價格跟出品都不錯過去一試果然不錯。傳統粵菜味道規矩美味，香辣蟹出品也讓人眼前一亮。感覺選擇沒錯，店家還贈送了開邊蒸大蝦跟餐後糖水。還陪著父母聊天，其樂融融，服務態度很好！

同朋友喺尖沙咀行街，行到攰攰地又肚餓，隨意揀左新竹園軒。整體價格相宜 ，絕對性價比高，決定同朋友食呢間。入面裝修都有種古色古香嘅感覺🏯見店員都有同啲熟客傾吓計，仲會推介啲菜式比客人這款懷舊蛋撻仔可以點兩件，口味較甜甜的。黃金南瓜條外樣好酥脆 真係係酥嗰隻，點知食落好香脆！南瓜條炸得好鬆脆，又吃到南瓜的香味，水準極佳。蔥花炸兩腸粉，腸粉好薄好通透安蝦鹹水角外皮脆爽,內皮Q軟,內餡嚐起來鹹鹹的,當中帶有甘甜,特殊風味之外挺有咬感。整體來說，坐在舒適卡位，壁燈十分雅緻，感覺恬靜。點心的質量不錯，食物水準高，價錢相宜，怪不得常常排隊，值得推介！

今晚約咗朋友一齊去新竹園軒食晚飯，近尖沙咀方便大家收工聚一聚🥳我哋點咗胡椒湯鮮肉菜心煲，胡椒湯燉得好濃味道鮮香😀胡椒的辛辣味同肉片的鮮美相互融合，菜心亦好脆嫩👍🏻椒鹽鮮魷炸得好香脆，鮮魷的口感嫩滑，微辣的味道，沾少少醬汁，愈食愈開胃🤤豉油雞非常好食😻豉油醬汁的鹹香同微甜，雞肉又嫩滑，口感一流😚芝士龍蝦上菜個陣，大家都嘩一聲！香濃嘅芝士鋪滿整條龍蝦🦞龍蝦的肉質鮮嫩😽而芝士的香濃口感，味道極佳🫶🏻再夾埋蒜蓉包一齊食，味道再次提升✨好好食呀~大家都食到好滿足😌

一班同事食晏唔知食咩好，飲茶就係一個好選擇✔️呢間酒樓我哋經常食，上菜快食物質素高，所以午市時間客似雲來😀🌟🌟黃金南瓜條🌟🌟一碟有8條，南瓜條先炸後裹上鹹蛋黃，金黃色見到就好有食慾😋🌟🌟西芹百合炒黑木耳🌟🌟嗌返碟菜補補纖維🥬每一樣配料都好多，keep到蔬菜嘅嫩，味道簡單舒服☺️🌟🌟鮮蝦韭菜餃🌟🌟韭菜餃好肥大，入面放咗好多粒蝦肉，爽口彈牙。皮薄餡靚，點埋XO辣醬食仲會再好味啲🤤🌟🌟北菇滑雞飯🌟🌟蒸飯粒粒分明，用荷葉包住食得出有股荷葉香，飯索哂雞肉、香菇同荷葉嘅精華，每次都要嗌返籠先滿足🤩

今日一家人👨‍👩‍👧‍👦去新竹園軒食飯，叫咗四個小菜，每一款各有滋味，每一道都非常好味。1️⃣燒汁雜菌牛柳粒餐廳招牌菜雜菌牛柳粒，每一台都見到佢嘅蹤影，我哋都唔執輸要叫黎食，燒汁非常濃郁，每一粒雜菌和牛柳粒都充滿醬汁，小朋友用佢送返連飯都食多啲。2️⃣黃金南瓜條佢鍾意食南瓜條，呢個新鮮即叫即炸南瓜條香脆又香甜，南瓜肉軟綿綿，又滑有淋好易入口，大人細路都鍾意3️⃣椒鹽富貴蝦呢個富貴蝦係瀨尿蝦，係避風塘嘅煮法，用咗炸蒜和辣椒🌶️，蟹肉鮮甜，炸蒜和辣椒惹咪，令人食得好滋味，仲要連手指都食埋😂4️⃣胡椒湯鮮肉菜心煲清甜暖胃胡椒湯鮮肉菜心煲，入邊有肉又有菜，肉片鮮甜，菜心又甜又爽脆，仲有暖胃胡椒湯可以飲，豐富又好味。

今日同家人去左尖沙咀「新竹園軒」食飯，點咗幾道招牌菜試試🤚🏼其中包括了燒汁雜菌牛柳粒、椒鹽富貴蝦、菜脯涼瓜煎蛋、胡椒湯鮮肉菜心煲同黃金南瓜條，全部都色香味俱全👍🏻首先有「燒汁雜菌牛柳粒」牛肉油脂豐富，雜菌炒得好香，風味濃郁💨依個「椒鹽富貴蝦」好惹味，千祈唔好嘥咗啲炸蒜，用嚟配飯食好過癮❤️‍🔥不過最啱配飯嘅一定係「菜脯涼瓜煎蛋」涼瓜好爽口搭配菜脯嘅鹹香，再加上蛋煎得金黃焦香，好味又有營養👍🏻「胡椒湯鮮肉菜心煲」可以濕吓口，滿溢住胡椒嘅香氣，而鮮肉同菜心煮出嚟嘅湯好清甜👏🏻最後仲有「黃金南瓜條」南瓜條表面包住鹹蛋黃，金黃色澤加香脆外皮，帶點自然甜味，小朋友好鍾意🫶🏻

豉汁蒸鳳爪既鳳爪一啲雪味都無，入味十分，鳳爪軟腍，做到入口即化，豉汁味滿滿，味道香濃，色香味俱全！鮮蝦韭菜餃既餃皮好薄，薄得黎好煙韌，真係皮薄餡靚，餡料既蝦好大隻，好爽口彈牙，韭菜又多又香，熱辣辣蒸出黎，味道好好！蔥花炸兩腸粉好脆口，薄薄既腸粉皮包住鬆脆既炸鬼，油炸鬼好香，一啲油益味都無，加左蔥花既腸粉更加香，味道更濃，腸粉吸晒啲豉油香！梅菜肉餅飯好香，係充滿荷葉香，因為用荷葉去蒸，本身飯都充滿飯香，豬肉亦係軟嫩香噴噴，油香十足，仲有蝦乾添，更加咸香，梅菜亦更添風味，味道更好！

下午茶時間同媽媽去中國五礦大廈食飯，兩個人叫咗四道菜。餐廳佈置大有少少中國風，典雅又有氣氛，仲見到入邊有個充滿海鮮嘅魚缸，一睇就知呢度嘅海鮮會好好味，下次放工又過嚟食海鮮餐😂😋鮮蝦韭菜餃鍾意食韭菜嘅話一定要食，透明雪白嘅餃入邊塞滿鮮蝦和韭菜，餡料飽滿，材料全是新鮮的，食落去啖啖鮮味。😋蜜椒雞翼有邊個唔鍾意食雞翼？呢個雞翼炸完之後．用蜜糖和胡椒調味，肉汁鎖晒喺雞皮入邊，食落去肉汁油脂喺口到流，每一啖都係雞肉香味。😋菜脯涼瓜煎蛋已經好耐冇食過菜譜涼瓜煎蛋，呢度竟然有得食，煎蛋煎得非常靚，入邊嘅菜譜同涼瓜非常爽脆，鹹鹹地帶有少少涼瓜嘅甘味，清爽又好食。😋蔥花炸兩腸粉蔥花炸兩腸粉油炸鬼係新鮮即炸，再加上新鮮即整拉布蔥花腸粉，上枱油炸鬼仲係脆卜卜，配上爽滑又香嘅腸粉，淋上豉油，滋味無窮。

芝士龍蝦完全係非常足料，龍蝦鋪滿芝士，金黃色嘅車打芝士好香，芝士味滲晒落龍蝦入邊，每一啖龍蝦肉都有芝士味，而且龍蝦好大嚿，啖啖肉，另外仲有啲脆餅可以夾住嚟食，口感更加豐富，味道更加香！🥰椒鹽富貴蝦好大隻，每一隻都成隻手咁長，而且好肥美，仲要有金黃色嘅蝦膏添，好鮮味，蝦肉好嫩、會燒到好乾，但係又充滿椒鹽嘅鹹香，食到蝦肉嘅鮮嫩，亦都食到椒鹽味帶出嚟嘅惹味，味道真係好好！😍椒鹽鮮魷同樣惹味，鮮魷切成一條條，先拎去炸，魷魚身同魷魚鬚都炸得好脆，完全唔油膩，炸到金黃香酥，一啲油淋淋都冇，反而好乾身，充滿椒鹽嘅香味，亦都有魷魚本身嘅鹹鮮，非常香口！😘食完啲熱氣野就要食番啲清清地既胡椒湯鮮肉菜心煲同埋菜脯涼瓜煎蛋，胡椒湯飲完成個人都暖晒，好濃嘅胡椒味，飲完個人好㷫，但反而好舒服，豬肉琳琳地，菜心都煮得唔會太硬，成個湯都好香，係食材新鮮煲出嚟嘅湯，另外菜脯煎蛋都整得好好，煎蛋表面有啲焦脆，但係入面仲係滑嘅，而且涼瓜亦都唔會太琳，口感啱啱好，加埋鹹鹹地嘅菜脯，真係好好食！🥳

見到網紅介紹這間新酒樓，不過佢係介紹晚飯，上網睇到有飲茶點心、所以星期六中午十－點十分到，剛開門所以不用等位，兩個人只叫了鳳爪 鹹水角 脆皮腸粉 兩碗雞絲翅 元貝帶子餃， 食物大概十五分鐘到齊、鳳爪的醬不是太啱口味、脆皮腸粉沒有預期中好味 而且豉油太過杰，跟住兩碗雞絲翅到了 反而呢個雞絲翅我覺得幾好味，每碗只係$48，這個值得推介，元貝帶子🥟亦都幾好食、最後甘筍鹹水角值得推介, 不過到了12:10有個部長行埋嚟話送甜品，感覺好似想你快啲埋單，我哋也是吃了才一個鐘，所以感覺不是太好

住喺外國嘅朋友嚟香港搵我玩，作為東道主緊係要帶佢哋食港式點心先可以😙依間酒樓裝修光猛，服務細心，俾到外國朋友一個好好嘅印象😌🚩安蝦鹹水角入面包住蝦肉同肉碎，煙UN嘅外皮同餡料結合得恰到好處，香口煎炸野俘虜到朋友嘅胃❤️🚩蔥花炸兩腸粉中嘅腸粉本身柔軟有米香，搭配蔥花同酥脆嘅油炸鬼，又脆又軟口感一流😍🚩鮮蝦韭菜餃大大粒，蝦肉彈牙，大量韭菜味道濃郁，餃皮厚薄適中，不錯🤪🚩豉汁蒸鳳爪係外國朋友一路想試又唔敢試嘅點心😆 鳳爪肉質韌而多汁，豉汁甜甜辣辣，朋友話原來都唔係咁難接受，表示喜歡❤️

今日同老公去新竹園軒食午飯，叫左2個蒸飯和兩個點心，每款都美味，老公讚不絕口，飲蒸飯得又靚又香，飯粒粒粒分明又彈牙，水份控制得剛剛好，荷葉香味更起左香料作用！鮮蝦韭菜餃🥟🥟🥟🥟🥟豉汁蒸鳳爪🧆🧆🧆🧆🧆北菇滑雞飯🍲🍲🍲🍲🍲梅菜肉餅飯🍛🍛🍛🍛🍛鮮蝦韭菜餃非常鍾意食韭菜，呢個鮮蝦韭菜餃就啱晒我，韭菜味夠晒濃，蝦肉鮮甜又爽口，再配上用澄粉造成嘅餃皮，包滿密密的饀料，成隻餃大大隻，抵食又好味！豉汁蒸鳳爪鳳爪煮到軟淋，放入口就甩到肉，好容易食！佈滿豉汁，仲有辣椒🌶️帶有少少辣味，超級超級好味道👅北菇滑雞飯大大籠北菇滑雞飯，用荷葉包住黎蒸，餸靚飯香又足料，雞肉新鮮又嫰滑，而且份量都唔算好少，食得過有餘👍梅菜肉餅飯超正梅菜肉餅飯，肉餅入邊有豬肉🐷，梅菜🥬鮮蝦🦐和冬菇🍄，又正又好味👅，真係自己整都冇咁豐富呀！肉汁流晒落飯入邊，每一啖飯都充滿梅菜肉餅香味👅

我住系油尖旺區呢邊，呢頭好多特色既食肆，但系正宗既廣東菜就真系好少，呢間餐廳叫新竹園軒，甘岩中午時間我要去附近買野，就去食下😆😆要贊下店員向我地推介既有特色而合乎口味既菜式，所以今次體驗唔錯🤪🤪小食：燒汁茄子=====價錢都好親民，我最鍾意就係呢個，整得好juicy，鮮甜，醬汁調味好夠。鮮蝦韭菜餃=====😎😎口感十足，面頭嘅醬油點綴鮮味。全部都好好味！食左好多。風味十足。主食：北菇滑雞飯=====雞肉鮮嫩爽滑，再配合北菇的鮮味，好滋味的選擇。鹹魚蓉煎肉餅=====都好好味，鹹魚同埋肉餅反而帶出更多鹹香味，係令味蕾覺得幸福既一道菜!味道評分：❀❀❀❀❀環境評分：❀❀❀❀❀總體評分：❀❀❀❀❀

呢間係尖沙嘴既酒樓，裝修新淨，樓底又高，都幾好坐，中午同屋企人黎飲下茶就岩。呢度既點心都用蒸蘆放好，梅菜肉餅飯仲有特色，用荷葉去蒸，食到淡淡荷葉既清香，豬肉係半肥瘦既豬肉，特別嫩滑，仲有啲蝦干仔，加埋咸香既梅菜，味道好香，唔駛落豉油都好夠味啦😋😋😋點心試佐兩款，豉汁蒸鳳爪同埋鮮蝦韭菜餃，鳳爪好咸香。充滿豉汁嘅香味，咸得來有啲甘香，好軟腍嘅鳳爪，好入味，韭菜餃嘅皮好薄，皮薄餡靚，蝦好大隻，韭菜又香😁😁😁試埋小菜燒汁雜菌牛柳粒，牛柳粒好腍身肉質好好，仲有啲牛脂，更加腍身，配上燒汁同雜菌一齊炒，更加咸更加鮮，口感豐富😚😚😚