新活道餐廳小廚

返工前係附近搵飯堂，喺附近諗唔到食乜好，揀左一間市市正正既茶記，就入去幫襯下。本來有set lunch，$42都幾抵，但唔太岩，就叫左餐牌上既焗豬扒飯，有驚喜。鮮茄焗豬扒飯蕃茄都幾新鮮，夠冧又多汁。芝士份量岩岩好，焗至溶掉，食到芝士香又唔會過籠。茄汁都OK，唔算太鹹亦唔太甜唔太酸，仲帶D鮮茄味。豬扒碎上，肉質唔錯，有D韌勁。炒飯底就不過不失，少左D蛋香味，整體水準不俗。免費送例湯煲，湯底嘅味道都OK，感覺冇乜味精，清甜。凍奶茶的茶味都夠，奶味有D偏濃，岩哂自己。…查看更多

今晚家中沒有煮飯仔，最後都來到家中附近的茶餐廳食個晚飯，一家大小一共四人來到樓下的「新活道餐廳小廚」，時間大約6時，都比較早，餐廳中的客人都不算多，都不用等位都好快入座。本來只是想散點炒粉麵，後來家人都是想點小菜，所以我們都是選擇了晚市套餐。 餐廳有供應二人套餐、四人套餐及六人套餐，整體價錢都真是相當經濟又抵食。 最後我們四個人當然選擇了四人套餐，當中包括有港式小菜兩款、炒時菜、蒸魚及雞(半隻)，也包括四個絲苗白飯及四杯餐飲。價錢只是$298，三百元都有找。(餐飲凍飲另外加$3)。點了小菜後，侍應姐姐也馬上奉上四碗餐湯，今晚的例湯是西洋菜甘筍，湯水沒有加味精，鹹度得宜，開飯前飲碗熱辣辣的湯水曖下個胃都是不錯。 時菜可以選擇通菜、菜芯、白菜或生菜，我們點了蒜茸炒白菜，菜的份量都不少，新鮮疾口，還有一些乾蒜灑在菜上，吃起來真是好惹味。先講下我們點了的蒸魚及雞(半隻)，蒸魚都是普通清蒸，魚就選擇了紅鮪，蒸魚都是大大條，蒸的時間拿捏剛好，魚肉都好滑溜，最喜歡食魚上的青蔥絲，賣相都幾美。 另外雞(半隻)都選擇了沙薑雞，但雞肉都蒸得比較熟，不過幸好雞皮都不是太厚，雞肉都不是好肥，肉質都十分嫩滑，蘸上沙薑醬果然滋味。 港式小菜我們分別選擇了梅菜扣肉煲及上素羅漢齋，前者的扣肉都炆得非常入味，肉都好腍身，肥瘦相間，佐飯食真是非常一流。 美中不足的梅菜太碎，夾起來都比較不容易，後者的上素羅漢齋的味道鹹了少許，芡汁都味道較濃，不過食材真是非常豐富。有雲耳、枝竹、甘筍、菜芯、野菌等……吃了不少肉都要食番多些蔬菜較健康。四碗白飯的份量都不少，我們只是吃到兩碗，其他都要打包拎走，餐飲方面的質素都正正常常，奶茶的茶味一般，而我杯熱檸檬水的檸檬片都大大片又新鮮。餐廳方面都有跟足政府的指引，每枱都有相隔，地方環境衛生都不算差，食物質素都還可以，價錢都好經濟實惠，都是做街坊生意，侍應姐姐都好親切又有禮，都值得再來光顧。…查看更多

行到邊食到邊，見到呢間冬菇亭靚仔干淨就試試，而家望望舖面都好多野揀，而家下午茶時段都多選擇，又有電視睇，環境幾好。見到d價錢都抵食，叫左3個下午茶，1個常餐下午茶時段都好多人，野食黎得好快波浪薯條炸到金黃色，仲熱辣辣，外脆內軟，好食，雞翼入味好食，好想叫多碟呢個常餐蒜蓉厚多士好有誠意，睇圖都知蒜蓉牛油搽得好均勻，厚多士烘得好脆，而火腿又再煎到小小金色，蛋炸得滑，出色一大塊豬扒，米線份量多，豬扒入味又煎得唔老，有汁個米線係滑，比出面果D專門食米線嘅地方好食好多。三絲炒麵干身唔多油，味夠又唔太鹹，下午茶都比到呢個質素，回頭指數爆燈睇到都知多料，食落飯干身一粒粒，飲身唔太淋，個師父幾炒得呢杯奶茶係真心好飲，入口好滑，有茶味，奶又唔掩過茶香，驚喜利賓納就無咩好講，最睇間野會唔會沖得好淡，但呢間良心之選，唔淡。整體上真係讚，而家好難搵到冬菇亭係好食，價錢又合理，估唔咁偏僻嘅屋邨就有一間。…查看更多