新泰東南亞餐廳 (馬鞍山廣場)

營業中

休息中

前排在家工作困得太耐,趁疫情減退,放假同honey入馬鞍山「海之心」漫步打下卡。漫步完再來個東南亞美食😜雖然餐廳係商場內比較偏嘅位置,但近馬鞍山站。座位相當寬闊、裝修華麗,見幾多食客,食物質素應該幾高。我哋倆個人嗌咗一個小食、一個菜、一個炒金邊粉同一個甜品。🍴蒜蓉炒貴妃苗炸蒜蓉加生蒜粒炒出蒜香翠綠貴妃苗,清清哋吾油膩！🍕印度酥餅酥餅兩面金黃,外皮焦酥內軟糯。就咁食已經好好味,下次可以嗌多個咖喱點嚟食,多重口感。🍝泰式蝦炒金邊粉金黃色嘅蛋網包住金邊粉,加上花生碎同青檸檬伴碟,賣相紮實誘人。橙黃色嘅金邊粉炒得乾身,甜中帶酸,質感彈牙,加上鮮蝦、芽菜、硬豆腐、韭菜等同炒,撈埋花生碎同滴上青檸汁,口感豐富😋！要讚下位大廚師個蛋網做得非常好👍🍽️千層糕點飽都有個甜品胃食埋個軟糯Q彈,有椰香味又暖暖地嘅千層糕😋呢度除咗坐得舒適外,食物份量十足,加上泰籍嘅服務員,好有泰國feel!

新泰東南亞餐廳泰國食物😋😋😋😋😋去食咗咁多次，今次一定要出返個post因為呢個雞飯實在太好食啦泰色燒春雞釀香茅黃飯一個人都食得晒😋😋😋😋😋必食👍👍👍👍必食👍👍👍👍必食👍👍👍👍重要的說話要講三次🤣🤣🤣🤣🤣店內大多數是泰國人非常有禮貌，服務快到非常好環境又清潔串燒也食必食之選串燒有燒牛肉燒頸肉燒鳝片燒菠蘿燒羊肉燒鱸魚燒雞肉飲品推介芒果沙冰，泰式奶茶，椰青

今日超級大雨，突然想食少少辣嘅嘢，於是搵到馬鞍山呢間新泰東南亞餐廳，門口同其他泰國餐廳分別不大，但內部嘅燈光設計及室內裝潢就別具心思。燈罩用了紅綠配膝枝色系，感覺溫馨得嚟有情調，係一家人、三五知己或者情侶都適合嘅餐廳今次叫左香芒軟殼蟹米紙卷、泰國街邊豬肉串、冬蔭功海鮮金邊粉，飲品叫左杯Lychee Mojito,甜品就叫左芒果糯米飯首先上左香芒軟殼蟹米紙卷，朋友話比其他餐廳食過嘅好食，軟殼蟹脆口而不油膩，但唔食蒜嘅朋友記住要整走表面蒜片泰國街邊豬肉一上台已經吸引我嘅視線，就咁睇就知肉汁豐富，咬落肉質鮮嫩，朋友食到想食埋我果串🤣當然比我阻止左冬蔭功海鮮金邊粉有多種海鮮，蝦、魷魚、青口，仲有好多菇👍🏻辣度岩岩好去海島旅行最鍾意叫返杯荔枝特飲，杯Lychee Mojito 令我諗起旅行放鬆嘅感覺，本身唔飲酒嘅我都接受到，酒精成份不重每個晚餐嘅結束，最正就係有個好食嘅甜品，芒果糯米飯甜而不膩，除咗糯米飯之外仲有紫米，我本身唔鍾意食太甜，配合紫米一齊食就甜度適中

香港人齊心擊退疫情後，限聚令有放緩，政府派發每個成年人消費券，話名"消費券"大條道理出外消費😃😃朋友相約到馬鞍山食好“東西”我找來找去到找不到"新泰東南亞餐廳”餐廳位置比較偏僻，因我不是地膽😁😁,但是餐廳都高朋滿座呀，餐廳很有東南亞feel1.椒鹽軟殼蟹~軟殼蟹脆卜卜，啖啖肉食到蟹肉味，伴椒鹽可口入味。2.越南烤蔗蝦配檬粉~鮮嫩蝦肉吸收清甜甘蔗，吃完外層彈牙蝦肉，還有微微熱甘蔗，真是美味無窮。甘蔗烤過後更加清甜，只有一個動作不停地咬……咬將甘蔗榨乾榨淨😆😆😆檬粉好彈牙佐以甜酸辣渃蘸，感覺好清涼美味3.串燒(雞、牛、豬)~雞、牛、豬肉大件夾低食，肉質非常juicy,甜甜地相當夠味，但是配上沙爹醬更是絕配👍👍👍4.泰式甜品小拼盆~款式多多一次過滿足晒心頭好甜品食客：有西米糕、椰汁班蘭糕………等美道不錯椰香味濃郁又不會太甜，非常滿足😊

今日想趁着假期行下馬鞍山海濱長廊，我哋下午四點由沙田圍開始，終點行到馬鞍山站。傍晚終於行到馬鞍山站，行到攰攰地就在馬鞍山廣場揾野食。在商場見到poster有間東南亞餐廳叫新泰。我地在門口等左一下就入得。入到去被安排坐在呢個位，讚👍🏻坐位放枱係咁既：我哋兩個人，嗌左兩個主食，分別係馬沙文咖喱牛肉、越式香茅豬扒、蒜蓉包、印度酥餅、白飯，最後甜品仲有芒果糯米飯。馬沙文咖喱既牛腩好林、好正；越式香茅豬扒好鬆軟，有唔少香料；蒜蓉包都好香脆；印度酥餅好鬆脆，一啲都唔韌加左個靚仔白飯送咖喱牛腩同埋香茅豬扒。而今餐最後上既甜品係芒果糯米飯，店員仲幫我哋換咗新嘅甜品碟&餐具。見到熱騰騰嘅白糯米同埋紫糯米，表面仲曬咗芝麻，餐廳真係非常之有誠意👍🏻👍🏻今晚埋單$340，人均$170。

今日MOS開餐揀左呢間泰菜呀之前食過DINNER都好不錯呀有SET LUNCH WOR揀左~冬陰功海鮮金邊粉一黎到賣相幾好份量係幾多下唔只金邊粉海鮮份量都多雖然只係蟹柳...蝦....尤魚蝦肉質OK呀唔會淋晒果D~青咖哩雞配米線黎到見到個米線幾淋下本人鍾意食淋可接受既不過應該好多人唔鍾意呀雞肉還好啦有幾舊偏鞋個汁撈埋米線食好夾OVERALL都滿意既~加配左個炒雜菜都好OK熱辣辣黎到有少少炸蒜0係面幾香呀

之前新開食過好好食，之後再帶屋食，個個都話正常，廚房應該轉左班底，以家簡直系用難食來形容，大不如前、初初呢間野好好食，食過有癮想再食。今日去買外賣，樣樣都難食，冬蔭功好似用左好多青檸去煲咁，又酸又劫, 我未試過飲唔哂要放棄， 生菜包 ，用塊又大又厚既椰菜頭墊底，肉碎實得好少，但又干又鞋， 馬拉咖哩雞，d 咖哩味好怪，雞又干又無味，好似焯完掉返落去咁，半價都唔想食。好多餐廳都有呢個通病就系岩岩開個陣好好食，但系個廚房一士轉人就攪唔惦

我哋入到黎叫叫下，就叫咗10樣餸，包括:泰式去骨海南雞、串燒羊肉、印度酥餅、越南鮮胡椒炒牛𦟌、泰式柚子蝦沙律、日本南瓜焗海鮮飯、叻沙蝦米線、鹽焗爐魚、泰式炒椰菜仔、咖哩蝦、叫咁多係咪好勁呀！😂

呢個死角位，真係好小行過；朋友唔講都唔識呢間鋪，不過平日行經都要等位😳下午茶時段又好爆，於是今晚趁平日夜左無乜人就試試🙃冬蔭功海鮮金邊粉$78想飲冬蔭功湯，不過又想食小小嘢飽肚，揀左呢款湯+金邊粉就剛好👍🏻價錢合理$78，大約3碗金邊粉有5-6隻鮮魷，草菇、青口，味道唔太辣啱朋友😘串燒6串（雞、牛、豬，各2串）$88雞肉比較嫩滑，配沙爹醬味道更正；不過牛肉燒得太過火變得好韌難咀嚼😔餐廳氣氛唔錯，晚市冇套餐，是否有實力先會咁做🤔

最近多咗嚟馬鞍山🐴發現呢度比以前多咗好多高質素嘅餐廳😍見證住馬鞍山由一個美食沙漠🏜漸漸變成綠洲🌳係感動嘅😭今晚特別想食泰國菜🇹🇭於是決定試試呢間位於商場角落嘅新泰南亞餐廳😽🔸串燒沙爹（雞、牛、豬）（$88/6串）串燒可自由配搭雞🐔牛🐮豬🐽我同朋友都係豬肉串嘅愛好者💕所以六串都揀咗豬😝熱焫焫嘅豬肉串燒得軟腍多汁🍡香口惹味✨配搭酸甜開胃沙嗲汁👏🏻絕對係味蕾一大享受🎖🔸麵包焗咖喱軟殼蟹（$208）份量相當有驚喜🥳軟殼蟹炸得酥脆無比🦀椰汁咖喱香濃甜滑🥥並滲透於軟熟綿密嘅麵包之中🍞令人一試愛上😻難怪成為餐廳大熱💃🏼🔸日本南瓜焗海鮮飯（$118）焗飯以原隻南瓜呈上🎃上面更鋪滿濃厚芝士🧀海鮮配料有爽口蝦仁🦐彈牙魷魚🦑新鮮青口💫嫩滑魚柳等🐟食完飯仲可以刮埋啲南瓜蓉嚟食🥄飽肚感十足🤰🏻

星期日中午12點午餐， 人流未多， 1點前已爆滿。星期日午餐點了1）南瓜帶子焗飯 。7分焗飯夠熱， 帶子3粒， 南瓜夠甜，味道非常好。帶子不是白色的， 是新鮮帶子最主要是焗飯夠熱， 南瓜汁配搭甜而不膩。2）泰式蝦炒金邊粉 。3分午餐金邊粉是沒有煎蛋花蓋在粉上。芽菜似未炒過， 好生好草青味金邊粉唔夠熱蝦是雪藏， 冇味金邊粉味道又淡， 可以說食唔出什麼泰國風味。食左一半已經唔想食， 芽菜好生。好失敗。 差以前幫襯過此店午餐都沒有咁差， 估唔道再食， 味道咁差。 有些失望。總評： 午餐 5分。😔《金邊粉拉低左分。》服務： 6分環境： 6分

新泰東南亞餐廳 (馬鞍山廣場) (馬鞍山)馬鞍山西沙路608號馬鞍山廣場2樓259及260A號舖泰式蝦炒金邊粉$108每次去新泰東南亞餐廳任何一間分店食飯，都會點呢款泰式炒金邊粉！面層有雀巢形的網格蛋皮做蓋包住，好睇！😊而且大碟，蝦仁又夠爽口～金邊粉炒得火喉適中，唔會過份乾身或燶，又唔會炒得過份油膩！味道仲微微酸甜，開胃～蝦醬炒飯$88大碟，好足料！泰國臘腸口感唔硬，軟腍，易咬，入口味道甜甜哋，加埋肉鬆，仲有蛋皮、蝦仁、蝦仔乾、腰果、四季豆切粒，夠晒香口！同炒飯配合得唔錯，令炒飯有口感～燒豬頸肉$78豬頸肉燒得粉嫩，火喉適中，邊緣燒到少少焦香，肉質唔老唔乾唔嚡，蘸埋酸辣汁，幾醒胃！青檸梳打$38小妹每次食泰國菜其中一款必點飲品！椰汁冰$38椰漿水～

一波剛平一波又起。颱風「獅子山」剛走又來個口颱風「圓規」，最具娛樂性的娛樂台「香港天文台」今次竟然晨早就預告下午收市後掛8號波。於是全港C9就出動橫掃各大街市超市。掃完就開餐。馬鞍山係美食沙漠就已經係世界聞名。難得仲有一間性價比高D嘅「新泰」。午餐衹需七十五個大洋，裝修一流，招呼週到，座位舒適。當然食物水平先係最重要。點左兩個餐。先講巴東牛肉，一上枱就聞到好香好香，牛肉炆好焾，真係入口即溶，冇渣，吾會黏牙。水平之上!喇唦亦十分香，很刺激食欲。各種食材都好，就淨係輸係兩隻蝦度。佢地用左兩隻急凍隻，完全冇味，有待改善!

今天，我同朋友放工後去馬鞍山廣場行街，突然想食泰國菜，就走入新泰東南亞餐廳食晚餐。我們在門外已見有不少客人，好彩仲有位，我們坐下不久，服務員遞上餐牌，餐牌中的食物種類多，樣樣都好吸引，好想食，我們揀左好耐，終於選了4款食物。＊泰式蝦炒金邊粉：外表好靚，金黄色，好似有一個網包住，裡面的蝦好大隻，有少許辣，好美味。＊泰式酸魚湯：鍋好特別，好少泰國菜用這個傳统鍋做酸魚湯，好特別。湯酸酸辣辣，好惹味，第一口只是有少少辣，但大口飲卻覺得更辣，好吸引，魚肉多，好美味。＊馬沙拉咖哩豬：金黄色好靚，咖哩好滑，只有少許辣，豬肉軟滑，好入味，用來伴金邊粉吃，也很不錯。＊泰式炒椰菜仔：圓圓的椰菜仔切為兩半，有咬口，再加上菜心和红蘿蔔片，外表靚，好好食。我們都覺得這間泰國菜色香味俱全，不枉此行。

今天來馬鞍山返工，大熱天時在商場隨便揀間泰國餐廳食午飯，居然驚喜！門口裝修已有濃濃泰國風情，好似去左曼谷咁。餐廳內環境優雅，很喜歡那些燈飾和小擺設，光和影營造出很舒適氣氛。二人午市套餐都只係$228，每碟份量相當充足，十分抵食。店員還說一人午市套餐會每星期轉一次菜式，咁都幾有心，係呢頭返工既人日日食都唔悶。頭盤蝦米紙卷有好濃香草味十分清新，賣相亦十分精緻。青咖喱雞十分推介，辣度剛剛好，椰奶味濃，雞件都好肉嫩，除左都好多雞件外，配菜豆角、矮瓜都好多。配埋烤餅食相當唔錯。馬拉盞通菜好惹味，足料味濃，仲保持住通菜青綠。另外，散叫左碟生蝦，蝦新鮮爽口，好味！最後，值得一提服務很好，店員好友善。卡位枱有半級高低，每逢上落，店員都會再次提醒，十分細心。總括而言，食物水準有驚喜外，價錢都唔算好貴，值得一試。