新沙洞 (已結業)

📍#新沙洞📍Shinsa Dong #ShinsaDong.🇭🇰香港杏花邨盛泰道100號杏花新城地下G43B號舖🇭🇰Shop G43B, G/F, Paradise Mall, 100 Shing Tai Road, Heng Fa Chuen, HK.人均消費: HKD208.味道: 👅👅👅👅賣相: 👀👀👀價格: 💰💰💰💰環境: 🌹🌹🌹服務: 👨🏻👨🏻👨🏻性價比: ⭐️⭐️⭐️回頭率: 🔆🔆🔆.韓式燒肉系列！近近地食個燒肉滿足一下味蕾！環境的話建議4-5個人會好啲，枱放唔晒啲野食😂抽風喉唔算好夠力，不過食完都唔會成身有味👌🏻.⭐️ #餐前小食 小食有菠菜，泡菜，芽菜，魚片腸仔，咸魚仔，韓式海帶！個人比較喜歡泡菜同咸魚仔，絕對的下酒菜！其他口感可以不過味道偏淡.💯#牛肋骨 HKD250已經醃過嘅牛肋骨，係全晚最好味嘅一款肉！上枱時仲有少少雪，不過燒起來又可以喎！要好小心拆開條肉嚟燒，如果唔係啲汁彈到周圍都係！醃得非常之入味！肉質口感好好，有似係黃金牧場食果種咁！因為醃得太好味，食到停唔到口😋.Ⓜ️#牛舌 HKD98牛舌望落幾靚，不過無乜口感，無牛舌果種香嫩，但又唔算差.⭐️#羊肉 HKD108羊肉

朋友生日，本來想好好慶祝一下，但係經濟不景氣，所以小妹諗過度過決定避開人潮擁擠既鬧市，黎過空氣質素好既休閒午餐時間。搭左成個鐘去人跡罕至既杏花村避世。居然發現有驚喜，有特別既韓式料理食。 午餐奉送前菜 搭配熱茶 （仲有一杯特飲）奧爾加特別喜歡泡菜，所以請朋友俾成碗我食，唔太辣又好味呢個比較淡2 號 韓式豬肉飛魚籽（$63）個飯好惹味，因為啖啖飛魚籽，豬肉唔油又幾好食6. 韓式香辣牛肉蘿蔔粉絲湯配白飯（$63）個湯幾好飲，白蘿蔔好入味 整體感覺唔錯荔枝特飲都幾清新又解辣

最基本的韓燒服務及食品都沒有😤爐又壞壞地😤原本以為一試無妨，但比想像中的差很遠，總之就是服務差、食物差、環境差！差、差、差、差！原本以為一試無妨，但比想像中差！

行杏花邨，亞女想吃豬手，於是試試。裝修和環境都舒適，食物選擇亦不少。 服務一般。我們點了韓式豬手，豬手軟軟有硬口，可惜偏咸。 韓式豬肉石頭鍋飯不過不失；鰻魚石頭鍋飯就好一般，鰻魚皮較硬身肉又多骨。 蘿蔔炇牛肋骨味道普通，略微味咸。一試無防的餐廳！

昨晚往杏花村探朋友，經過一個商場，一行7人進入了一家名為新沙洞的韓式燒烤進食晚餐，座位稍嫌少許迫，其端爐上的抽氣設計是仿照韓國的餐廳，餐牌是逐碟叫的而不是放题，有牛肉、豬腩肉、茄子、開邊蝦、鸡肉等等，前菜是一些韓式泡菜、魚乾仔、菠菜、豆腐、蘿白等等，也有些小炒如炒粉絲，服務员服務態度也恰可，經常自動自覺更換爐板，而食物價錢大概一碟百元左右，7個人埋單约1900 元，個人認為食放题比較多種類和經濟點，算是一間普普通通的韓式餐廳。

朝早唔係好舒服攞左半日假睇醫生,睇完之後同事約我一齊出杏花村食午餐後先返工,於是我早d到商場睇下有咩選擇,經過這裡睇到餐牌都不錯,所以入去一邊等一邊諗食咩!雖然餐廳在商場內,但都有分"室內"和"室外",我們安排坐"室外",雖然比較多人經過,但"室外"比較光,位同位之間唔算迫,坐得都幾舒服!除左主餐牌散叫,另外都有精選午餐可以選擇,我想食得清淡d,所以選擇湯烏冬,同事唔怕辣選擇泡菜粉絲湯!落單後前菜就到,可以選擇泡菜或芽菜,但份量小左d,一啖就食左!<韓式海鮮湯烏冬> 湯烏冬裡有青口,大蝦和魷魚圈,仲有大量雜菜和冬菇,雖然入面咩都有,不過味道就較淡,雜菜太多,食到個口有d寡<豬肉泡菜粉絲湯配白飯> 同事話唔係好辣,泡菜和蛋花好多,豬肉雖然比較乾但都幾入味,粉絲可以再多d就更好食完先上餐湯,次序調轉哂唔緊要,但個湯真係好凍,飲左一啖已經唔想再飲!!整體來講,餐廳環境不錯,但價格偏貴又要收加一,食物一般,同我想像中有點落差!

早前說過因每週要到杏花邨、柴灣一次，所以我可以每次試一間餐廳。這次我到一間韓國餐廳試試看，一入去，店員極度有禮貌，從帶位到介紹食物都招呼周到。牛More王三寶飯餐廳的午市套餐有十款左右，即使最貴的一款燒烤套餐也是八十蚊有找，價錢公道。我點了牛More王三寶飯。首先先吃泡菜，泡菜不太鹹，以酸味為主，並帶少少辣味。牛More王三寶飯的名字改得很有趣，三寶意指牛舌、牛𦟌和牛肉。紫菜配飯吃一流，是既經典又美味的組合。燒汁味道稍稍鹹了一點，不過連牛一起吃也是挺好的。牛類食材全都處理得不俗，尤其是牛𦟌，味道和口感也恰得好處。

黎到杏花邨想醫肚都係得一啲連鎖店 朋友提議想食韓國菜就黎左呢間試試加芝士加$15,芝士份量幾多，味唔算好濃，但個辣醬唔錯幾惹味牛舌份量偏少牛味亦唔算濃 一般雖然揀辣嘅石頭飯 但落左好多甜辣醬都唔算辣 鐘意甜辣醬嘅甜味嘅人應該會鐘意牛肉一上就係鍋入面有啲搞笑 好快咪熟晒要食，但湯底有驚喜，無味精，菇味幾濃，好多菜，share食不錯可能新年 人手唔多 成日舉手都無人應 本身想叫一個韓式豬手 朋友話唔錯 不過無貨無得食 下次有機會再試

第三次幫襯要求唔高嘅人 可以一試雖然平民價 但質素真係唔差可能我就係要求唔高的嘅其中一個吧今次有試韓燒1. 牛肉定食2. 雞肉定食3. 牛肋骨絲絲蘿蔔湯4. 海鮮泡菜石頭鍋飯#1同#2定食 有白飯 有湯 肉類都頗多雖然每個set都係一人份量但女士嚟講 可以些牙食 男士們應該會剛好份量真心多 肉質唔"鞋"百零蚊鬆啲可以食到唔鞋嘅質素算係咁#3 原來呢個粉絲仲有跟白飯 無留意睇menu 所以要take away 唔做大嘥鬼望落好似好清淡 但味濃 蘿蔔淋同甜 牛肋骨都好淋 驚喜架#4 石頭飯無嘜特別 份量都係大嘅 又係食唔哂 要拎走整體如果想燒嘢 又唔高要求 真係可以一試雖然叫咗咁多嘢試 不過我哋絕無浪費結帳都係5xx$

今日同老公行完杏花村既Outlet順道食埋個tea。原本想食Pizza Hut，不過冇位。第一次食「新沙洞」，tea time 只有Lunch set，$5x-$7x，一般韓國餐廳價錢。老實說味道是可以，但服務就真係絕對有待改善，落單混亂，態度求其，連餐具都要主動問先有豆腐蛋花牛肉湯，味道都幾清甜，豆腐同牛肉都唔少，而且幾嫩滑，可以食哂!老公既炒牛肉，味道可以，不會太油，份量也不少，配白飯不錯。另加$18，有3 隻柚子雞翼，幾入味，幾抵食！希望可以加強服務質素，好好改善吧！

星期日返完教會，杏花邨食飯是一個習慣，杏花邨食店種類多，款式都多，價錢有平有貴，今次食新沙洞（韓國野）午市佢有set , 平均5x 至6x ，有主菜有飲品，有一碟泡菜，再加一，是一個接近一百蚊既午餐我點了牛骨羅白粉絲湯飯，最快上菜，牛骨好多，粉絲量都可以，湯都幾好味，唔似味精，食後無口乾，我連個飯都無食已飽了我既朋友大多數點石頭鍋飯，來左一個之後，其餘三個差不多等左廿分鐘，我食完佢地才剛上菜，侍應話廚房唔夠爐燒石頭鍋，呢個解釋，有幾多人接受呢？整體來講，味道ok, 份量很夠，女生應該食唔完一個石頭鍋，唔趕時間可再食

同太太慶祝生日，冇預約下,手捧着一大束鮮花和生日蛋糕，當去到餐廳門口服務員已立即幫我存起蛋糕在雪櫃,跟手幫我收起花束並安排在飯後切蛋糕時送上太太驚喜！之後為我們拍即影即有,並連同相架送给我們，他們真心為客！

今日過嚟新沙洞食嘢、中等價錢嘅韓國菜、食物質素正常、但這裏這些比較年紀大嘅男員工、工作態度極度Hea、加咗個菜啲菜梅到唔知擺咗幾耐都竟然可以俾人、叫佢十問九唔應、之後有個長髮馬尾嘅女員工過嚟即刻換左啲新鮮菜俾我、服務態度簡直一流、直得表揚呢個女員工嘅表現、仲介紹今日有啲乜嘢限定食物、我哋都一一點埋、佢仲提醒我哋唔需要再點咁多、不然浪費食物、這樣工作態度親切的女員工真係呢一間店的福氣請到這種類型的好員工難得難得！

lunch time黎食飯, 等左25分鐘麥都冇, 不停叫侍應跟單, 原來漏單都冇人交代下, 結果由1點半等到2點先有食物, 就快餓死先有碟泡菜食下點解坐左咁耐都冇人理? 我叫左軍人抄辛辣麵, 可能佢趕住抄俾我. 開始幾啖係硬既, 其實係幾大份同幾好味, 不過食哂會太辣而我朋友叫左咩牛more王三寶飯, 有牛舌, 牛同牛肉, 加上紫菜同燒汁, 係好食既建議叫辛辣麵要同人share食, 否則好油好辣而且要有要等半個鍾既心理準備我叫左熱柑桔綠茶,杯野完全係藥水溝出黎既, 見到都唔想飲而我朋友叫左熱百香果綠茶, 佢話似汽水, 我寧願飲汽水都好話坐位有d迫, 女仔伸長隻腳都有d頂,而個水樽有霉菌

有冇人同我一樣都好鍾意食好有咬口既麵呀🤣 以前食開出前一丁既我已經投奔去韓式麵啦🇰🇷冷麵配牛肉泡菜呢一款冷麵正正就係我好鍾意既麵 超級彈牙之餘 佢既韓式辣醬酸酸甜甜 好開胃添❤️配上紫菜，泡菜同其他蔬菜一流！鐵板豬肉鮮魷好有鑊氣啊🔥加埋好多洋蔥同魷魚好香口 重有韓式飯💕好似日本米咁有黏性 又係我最愛🤤🤤韓式炒粉絲又一道好有咬口既麵喇😆 好多時啲粉絲會比麻油味搶哂 但係呢個絕對冇！同埋有好多蔬菜冇咁大罪惡感😛