新樂餐廳 (已結業)

老尖附近當然是佐敦地區，周圍都是地道火鍋，日式放題，韓國燒烤，泰國香辣食店及東南亞美食，酒店自助餐等等，如果想尋覓一間優雅而寧靜，地方環境企理，而又可以和班志同道合，又為食，又好傾，談地說天，一路食好嘢，又所欲言，互相寒暄一番，真是一生樂事，這間小型酒店雖然格局級數不太高，就是以現今經濟環境，適合打工仔女的口味，價值適中，食物算可口美味，以半自助餐形式，不同口味的朋友都能夠找到自己的食物，而且餐飲方面都尚算適中，有熱騰騰的中西湯，精緻西餅甜點，甜甜蜜蜜的糖水，沙律雜菜伴美味蛋黃醬，水果及涼粉加雪糕，當然有最為特色的格仔餅和香脆的班戟，加上花生醬，甜奶，牛油就更加口水直流，而造餅老師傅在此餐廳服務超過二十幾年以上，每次到來都會和他談天一番，真是一種回家的感覺！我們一家人來光顧，每年每次都會來，值得回憶的地方！環境衛生企理，傾計好地方，大家談天說地要細聲一點，餐廳面積較為窄細局促，但是可以接受，價錢公道，任食配菜，飽餐一頓，自得其樂，不太多豐富美食，就足夠肚皮，始終不同其他貴價酒店比較，真是平有平食，人生就可過活一天，相信下次再回來！各式各樣甜點西餅供應，製作認真可口美味，甜膩在心頭，選

阿仔話好耐冇食過自助餐,趁星期四系九龍公園學游水,近近地就決定等老公收工齊齊去開餐...6點半開始,上去揀左主menu兒童餐(肉醬意粉)西冷牛排拼飯鵝肝香草腸松露炒蛋多士夠鐘就出去睇睇有咩食...主打沙律吧/有2款冷麵(蕎麥/綠茶)/包類/中西湯/生果/甜品(cake/布甸/啫哩/雪糕/糖水)/coffee or tea(熱)雖然冇全自助甘多款式,但其實都飽飽,全單仲有8折,3個人夾埋都只系$56x,抵食有機會下次試埋個午餐先

今日同朋友去佐敦行街，行到夜晚七點半，都係食晚飯嘅時候，於是朋友提議不如去新樂酒店度食，假假地佢都係半自助餐，於是我地就直接踩上去啦一上到去，好好彩啱啱有人埋單，所以等咗2、3分鐘度，侍應就安排我哋兩個坐一張好闊落嘅卡位其實我哋每次嚟到，都係食紐西蘭牛扒同埋特級羊扒，十年如一日照餐牌8折起碼每人飲2杯D菜都好新鮮格仔餅次次都熱辣辣有部機俾人烘熱D麵包呢D甜品，我次次都無食主菜，我次次都叫呢個我朋友話個羊好味

已經第二次品嘗，也是9成客滿，還有點擔心walk in 沒有位子。是半自助餐，主菜配沙律吧及甜品吧，也有日式冷麵提供。7道主菜加1款兒童餐可選擇，而我選了鵝肝雞排配薯菜。這裡服務生不算多，但服務真的無話可說的好，態度主動，殷勤的點餐，加水，收餐，也非常到位，自助區也處理得十分迅速。吃到尾段也不會出現沒有餐具或食物不夠的問題。至於食物方面，沙律吧的選擇不多不少，但重點是十分新鮮，可口爽脆，另人滿意。主菜送到跟前，碟是熱的，賣相亮麗，尤其是配菜，是日本菇洋蔥及白蘿白，擺設精緻而且可口，多汁美味，配上肥美的鵝肝合到好處。甜品比較簡單，不精緻但美味，個人推薦是Tiramisu, 芝士撻 及 即製窩夫(跟肉桂糖非常配)，又是一次開心的享受。

近排想清減吓, 考慮食的哋方, 希望食多點菜, 所以好想食沙律, 同朋友商量後, 就揀咗呢度的半自助晚餐。可能我們太遲訂枱, 安排的2人座位, 近入口樓梯邊, 有啲不舒適。今晚我同朋友主菜叫咗西冷扒同黑松露什菌意粉，西冷我們叫咗5成熟，但都有點偏熟，肉質及味道一般，反而什菌意粉味道好好，份量略小了一點。好喇，到主要的沙律bar，車厘茄、沙律菜、火箭菜、紫椰菜絲、粟米、煙肉粒、薯仔沙律等，種類多、新鮮、refill又快，醬汁除一般的都有外，我最欣賞的.....好似叫士多啤梨酥，味道好好，酸酸地，啱我想清減的人士。自助Bar除沙律外，仲有凍麵，有綠茶及蕎麥麵，可配紫菜絲、蔥粒及凍麵汁或芝麻醬，味道不錯；另一重點要試，就係老師傅即整格仔餅，香軟可口，有自助的煉奶、花生醬、芝麻、砂糖等，自助配搭。仲有中、西湯；多種甜品：啫喱、涼粉、芝士餅、蛋糕等；生果有蜜瓜、火龍果及西瓜；茶品有中國茶、奶茶、檸茶及咖啡，行自選擇。結論係，價錢、味道合理，而且選擇多，適合清減人士之餘，又適合大胃口人士，各取所需，滿意的一餐，值得推薦朋友。

適逢假期同朋友聚餐，諗嚟諗去都唔知食咩好，都係揀自助餐，咩都有得食啲。以前嚟呢度都係食晚飯，都唔知有自助午餐，而且價錢又大眾化。餐廳設計普通簡單，細細間還算舒適，食物Refill得快，服務都唔錯，收碟快，食物味道都ok㗎，咩都有啲，呢個價錢絕對抵食。自己烘嘅包類，烘咗兩次，包及鬆餅外脆內軟，配埋牛油，又香又好味。海鮮吧嘅涷蝦，翡翠螺，青口，全部都大大隻又新鮮。三文魚每次分配三件，夠厚身。各類熟食，雞翼炸得幾好味，端午節仲有咸肉糉同鹼水糉，咸肉糉好足料。燒豬柳好嫩滑，蘿蔔牛腩夠惹味。豬腳薑略酸咗啲。桂花杞子雪耳糖水好清潤呀。甜品賣相唔吸引，最好味係牛奶布甸，滑嘟嘟又唔太甜。即製熱香餅以及格仔餅。

今天相約好友聚會在幾年沒有幫趁的新樂酒店自助吃午餐，時別三年的新樂餐廳已遷往M字樓，全新裝修後，感覺很舒適。今日提供的熱食很不錯，我取了香脆肉嫩的炸魚柳、一般水凖的煎蘿蔔糕、較油膩的雞翼和炒什菜。不錯的炆豆腐、蘿蔔牛筋都夠腍好味道，標榜得獎豬腳薑，我只淺嘗少許很夠腍的豬腳和一片薑，薑很辣，很想吃夠「粉」的薑，真是可遇不可求，醋汁已經煑得很濃郁了！很香酥的咖喱牛脷、美味不太甜的南瓜西米露又幾滑喎，很愛！窩夫、椰汁豆糕、鳥結蛋糕、雲石蛋糕、布甸......美味又滿足！鳥結蛋糕要再安哥，萍果批、泡芙、雪米餈 給我小小滿足感！來杯冇糖檸檬茶助助消化先！加練奶、花生醬的窩夫要再安哥，是我心目中最美味的街頭小吃！餐廳也提供魚生刺生、凍食海鮮如翡翠螺、白灼蝦.....因為我不愛刺生、凍食，所以沒有分享給大家了！最後要讚許餐廳侍應服務也良好！

本身諗住係美麗華揀間食,點知無一間有間,結果朋友話新樂幾抵食,所以就去試下!去到見到好多一家大細黎食,我諗係老字號，所以有一定捧場客! 除左主菜，沙律甜品都可以隨便添!首先講下主菜,叫左肉眼扒,要7成熟，肉質唔錯，唔會話太硬又痴牙! 只係薯條少左d而自助餐都有唔少野食，最鐘意係窩夫，因為是即叫即整(可能無咩人既關係)，又有唔同醬、料比你揀，水果亦有唔少種類，所以以咁既價錢黎講，真係抵食!

星期日就緊就要high tea扮濶太啦（其實去cafe shop飲杯咖啡，我已當自己做左濶太high tea😂)今次來到新樂餐廳，貪佢坐得舒服，加上⋯ 其實無乜人😁 下什茶餐有5款，我就選左XO醬海鮮炒飯味道唔錯，不過份量少左啲，可能因為份量少，先叫下午茶吧餐飲整壼上，我都係第一次咁飲，夠份量，倒出來，足足有3杯咁多！岩晒啲濶太，high tea吹水，慢慢歎

新樂餐廳既半自助餐、前菜同甜品都係任食、徐了餐湯同麵包還有日式冷麵同好新鮮生菜沙律、主菜我就簡左西冷牛扒7成熟、一切開粉紅色肉質食落很有鮮嫩口感😄至於甜品佢地caKe都令我喜出望外估吾到都有一定水準、整體黎講我最滿意塊牛扒😆2佰幾蚊食到咁質數都算係咁！

假日午餐R爆頭，就來個選擇多價錢實惠既lunch buffet啦!! 呢度熱食冷盤甜品加埋都有三十幾款可供品嚐，每樣試一舊都夠曬飽我就當然會主攻冷盤同燒牛肉啦凍蝦大大隻，啖啖肉，鮮甜美味，隻隻都好乾淨，無需故意挑蝦腸!!而且供應充足，唔怕冇 ! 翡翠螺都好大粒，大到要用刀叉切開分幾啖食鮮甜爽口又彈牙，滿分享受但呢度嘅燒牛肉就認真麻麻，太熟，有啲柴皮 ，不過賣相吸引，落都好有肉香，忍唔住食左兩舊其他熱食甜品都不過不失，咁既價錢絕對超值

無意中行過，見到幾得意，同個侍應講望下先决定食不食，他好 nice. 老公行左一轉見到 d 自助 salade bar 幾 fresh 咪决定食。果然 salade d 食材好新鮮，而且不停 refil, 中湯，西湯出品不錯，足料，不會水冷冷。主菜叫左羊架和焗魚柳，味道和品質也 ok, 羊架份量也算夠，若用價錢計。甜品細細件也不醋。重有中式糖水供應。低食一餐

相約朋友聚舊 星期五晚飯訂枱非常困難  幸好預早訂枱，以前也曾多次到此餐廳，抵吃的半自晚餐  不過不失，沒什麼要求吧！已有一段時間沒有來，原來最近酒店翻新了，餐廳也重新裝修，由十樓搬了到閣樓，雖然座位看似比前小也擠迫了，但用餐環境比之前好 食物質素及沙律吧選擇也升級了，主菜的水準和賣相也提升了，但餐牌也自然加了價 如果甜品的品質和選擇也能提升多一點便更加好吧 ！整體而言，服務有水準，餐廳侍應也很有禮貌，二百多元的半自助晚餐，算是抵吃 餐廳重新開業後也吃過三次了，想不到哪裡吃飯的時候，便會偶爾想起此餐廳，朋友們也滿意這推介 實在是不錯之選！

從來無留意老牌酒店新樂酒店上面有間西餐廳路過樓下媽咪見到樓上有自助沙律吧就提議上去試下 LIFT門一打開我第一感覺 "係咪去錯地方?!" 比中式酒樓更中式既裝潢你肯定係食西餐的嗎？媽咪話上面呢D木雕有返咁上下歷史而家已好難有架喇 , 讚！對我黎講依度充滿特色 自助沙律吧都充滿中式既感覺用冰鎮住保證夠凍 番茄仔 青瓜腸仔沙律 甜甜酸酸既泰式汁 酸菜黃介辣薯仔沙律呢個我幾鐘意食比平時食開既薯仔沙律多左黃介辣既香味更醒胃 好媽咪feel既蘋果沙律入面有好多蘋果有d桃酸酸甜甜幾好味好似小時候媽咪整既味道西瓜哈密瓜超甜仲有橙但一出就無曬泰式雞翼尖自製冷麵要幾多 , 想食咩可以自己揀 自己夾又係童年回憶之一甘筍南瓜豬骨都唔錯最小唔覺有太多味精西蘭花忌廉湯忌廉味重我地既自選沙律 香蕉蛋糕 朱古力蛋糕 有冰凍涼粉鐘意既可以加埋西瓜一齊食自製西瓜涼粉又係細個同屋企人成日一齊整既小食 紅豆椰汁糕雪糕原本平平無奇但你睇下隔離個杯仔好懷舊既感覺 , 讚啫喱同布甸又係我夏天細個成日食既小食wow我兒時同而家既最愛煎薄餅 即叫即整新鮮熱辣呢種已經無咩見過全部都變曬整仔餅格仔餅外脆內軟yummy加個雪糕球一齊食都

之前來過一次, 覺得唔太多人又不太嘈,又可以坐耐一點, 所以選擇在這裡提前吃的聖誕晚餐。食西式半自助餐, 但環境佈置卻是中式化。餐湯-有西式(陀和中式(冬瓜意米)選擇, 味道不錯。包類-有牛角包,餐包,白/麥方包,牛油蒜溶法包可供選擇, 牛角包和牛油法包。沙律吧-有冷麵,雞翼尖,羅馬生菜,芥末薯仔沙律,生果沙律甜品吧-tiramisu, 芝士餅, 格仔餅, 啫喱，南瓜西米露,雪糕. 以價錢來看, 還有不同選擇算是不錯.小朋友可以不叫主菜, 只吃自助沙律吧的食物都已很飽。