新樂園魚蛋粉

營業中

休息中

[ #caloriefoodie將軍澳 ]• 新 樂 園 魚 蛋 粉•🐿雖然叫做新樂園魚蛋粉 但有齊哂茶餐廳既野食魚蛋粉今次就冇試啦 試咗焗飯同咖哩飯(⁎⁍̴̛ᴗ⁍̴̛⁎)-🧀芝士焗魚柳飯 $57聞落芝士味都幾香 而且魚柳都好大條飯粒因為焗過 所以好乾身 粒粒分明 似炒飯份量好多 啲汁送飯都好好食٩(˃̶͈̀௰˂̶͈́)و-🥘香濃咖哩配吉列魚柳飯 $53一大條吉列魚柳 表皮炸得好香脆 但魚肉仲係好滑咖哩味唔算太辣 幾香口 啱哂送飯-🥞西多士 $22口痕想食埋件西多士 西多士即叫即整上台既時候熱辣辣 牛油都溶得七七八八仲有成枝糖漿任你倒 再加埋濃濃既花生醬 超級邪惡-📍將軍澳調景嶺彩明街1號彩明商場2樓265號舖-#caloriefoodie

食過尚德店，原來調景嶺呢頭都有分店，面積大過尚德店，門面都靚D牛雜入面，最鍾情係牛肚，成就咗呢碗牛肚米 ($37)，落單時叫"多蔥"，實物黎度都真係算多蔥嘅，牛肚差唔多舖至碗嘅直徑食湯粉習慣係先飲啖湯，牛味唔算太濃但都幾香，而牛肚炆得夠腍，索晒味道，後加醋及辣椒油點食，至愛食法!食粉麵套餐，可用優惠價$9配凍飲，杯凍奶茶係茶記味道，用埋龬杯保持凍度，COOL..........加$16有郊外油菜，選擇菜心走油，但連蠔油都走埋 (哈...)，入口無渣，食得相當健康又加$15配細炸魚皮，大細塊不一浸幾秒落牛湯即食，湯粉麵嘅配搭奧妙之處莫過於此唔食湯粉仲可以配飯，五香牛什飯 ($50)，牛什另上，碟飯份量大，一定夠食內有牛肚、腸、肺及膀，再有生菜底湯汁可以加少少撈飯，牛肚量係最多，腸就偏肥 (只食少許算吧)，久違了嘅肺及膀都相當入味，又係要加D辣椒油伴食先岩數除左湯粉麵/飯，呢度其實都提供茶餐廳食物，例如常餐/焗飯/意粉/咖喱等，仲有一系列小食，叫咗客西多士 ($22)當甜品淋上金黃糖漿，牛油已被半熔化切成9等份，夾係中間係"老拍檔"花生醬，一貫認識嘅西多士口感及味道，加點甜在口中!場內多部

夜晚晚係食物沙漠既將軍澳區都冇乜食物可以揀。雖然donki係開24，但又唔想煮，好彩仲有間新樂園12點先收舖。打電話去落左單先，叫左個焗芝士魚柳飯，凍檸茶。個飯既芝士好足，白汁又夠，唔會漏，配太好夠好正。魚柳都算大塊，味道一般啦，又唔係新鮮魚，冇乜野可以評論。夜晚叫左有個熱飯係都算係好好架喇。

以前我陪伴老豆前往「將軍澳醫院」覆診的時候，最喜歡就是陪伴老豆，光顧位於「坑口」商場「TKO Gateway」地下美食廣場裡面的潮州粉麵店「新樂園魚蛋粉」。雖然老豆已經不在我的身邊，我現在只能夠獨自一個人，孤獨地光顧「調景嶺」分店「新樂園魚蛋粉」裡面的晚餐。之前我在「彩明商場」裡面，以為自己已經食完晚餐裡面有關「雞肉」部分食品，即使在「彩明」分店「新樂園魚蛋粉」沒有雞肉食品也不用擔心，結果我因為「彩明」「新樂園魚蛋粉」的茶餐廳餐牌而感覺有點驚訝。但是我卻意外發現「新樂園魚蛋粉」在「將軍澳」其他商場裡面，還有開設其他的分店。而且其他分店「新樂園魚蛋粉」裡面，還有「坑口」分店「新樂園魚蛋粉」沒有的茶餐廳粉麵飯食品飲品。原來「新樂園魚蛋粉」除了有，位於「坑口」「TKO Gateway」地下美食廣場裡面的分店，而且還在「調景嶺」「彩明商場」二樓裡面，開設了另一間分店，而且「彩明商場」分店實際樓面面積，也比「坑口」分店大得多。「調景嶺」「彩明商場」分店「新樂園魚蛋粉」跟「坑口」「TKO Gateway」分店比較之下，兩間分店之間的最大分別，就是「調景嶺」分店還有提供一般茶餐廳食品以及手調茶餐廳飲

服務態度極度惡劣外賣比漏野，追收銀戴眼鏡個女人千萬不情願今日見到員工又同外賣仔嘈，粗口爛舌，影響晒食客觀感收銀果個的態度極差出門時又見到員工圍在後門食煙，嗚煙障氣!成間無論服務，衛生，環境無一樣合格，完成BLACKLIST不會再光顧!

1. 員工冇禮貌，2. 廚房員工就咁用手掂你啲煮熟左既麵，撥返落個碗度3. 店內大把空位但迫你搭枱，卡位就咁用張紙擺喺中間，要同對面陌生人面對面咁食，張卡紙仲要超級污糟! 估唔到可以有一間咁污糟嘅食店！

每次去都係食佢啲牛筋飯， 今次即管試埋佢嘅《五香牛雜飯》$49。 次序好奇怪先上咗兩大碟飯—— 好驚等到凍曬啲餸先嚟。 五香牛雜份量都好足， 牛肚好大件，夠腍夠入味， 牛腸就偏肥～～ 不過鍾意食嘅人就唔覺㗎喇， 愈邪惡愈美味～牛筋都係一貫嘅軟腍。 餐飲凍檸茶茶味夠濃。👍仲試『五香牛腩飯』， 份量也很足。環境一般，周圍都係桶～～典型嘅地道茶餐廳格局。

叫左個五香牛什河粉落完單之後等左幾分鐘就有得拎真係好快！岩晒我呢啲咁急速既香港人呀因為我無叫到分湯 拎到外賣之後啦啦臨趕返屋企啦一返到屋企就即刻開黎食碗牛什河都好足料唔會因為係外賣就份量減少一碗都河入面有5-6舊牛肚 真係好驚喜平時其他餐廳得3-4舊咋牛肺都有兩大舊 好厚美中不足係個湯有啲唔夠味可能我重口味啦以為佢三十幾蚊會得好少河粉同幾舊牛什啦點知又唔係喎 仲食到好飽添P.S. 啲河粉吸湯吸得好快食左五六啖啲湯就無左八九成下次再叫外賣的話 一定會叫佢分湯

是日趕忙，需要快食，茶記就係一個好選擇。已經冕過平時食飯，唔想食太飽，就揀常餐啦。炒蛋火腿加勁厚多士，雖然咁樣影唔覺，但佢應該有一節手指公咁厚，真係保證你飽...雞扒公仔麵。雞扒皮整到微脆，真係有少少邪惡。係幾好食嘅。檸檬水，勁多檸檬，太槺概了吧？

服務態度真係好差又成日聽錯Order 牛腩麵變牛雜麵凍檸茶變凍奶茶其實有冇考慮如果廣東話唔好就唔好幫人落Order呢？收銀果幾個真係好似皇帝咁樣唔講我以為食緊貴啲又冇咁高質號澳牛

開張頭三天時，味道可口。但到了數個月的今天，對食物失望。尤其是焗豬扒飯，醬汁過多鹽和醋，使整個飯滲透濃汁，無法入口。可以說這店鋪是自己斷了財路，使食客一個個地失望離去。

2019年6月4日星期二呢排返工勁多會開，收工嘅時候有同事邀請我食個下午茶先至走。去咗公司樓下茶餐廳食飯一個下午茶。叫咗一個西多士加一杯熱奶茶價錢係$30樓下杯奶茶茶味唔係好夠，已茶餐廳嘅奶茶來說水準一般。西多士都算幾大份炸得幾好食。另外有個同事晏晝都未食就叫咗一碟腸仔煎蛋飯，佢嘅意見係碟飯嘅size好似OK。但係味道就係普普通通不過不失。如果係趕時間呢間茶餐廳都算唔錯，距離我公司大約5分鐘步行距離

調景嶺站附近食肆選擇不多，有一天早上想享受一個港式早餐，點了個沙嗲牛肉麵，怎料沙嗲味一般般，牛肉碎濕濕，量少，質差，另外公仔麵毫無彈性，明顯是廉價劣質之選。飲品方面點了杯凍華田，極淡，失望！

彩明商場大翻新後多了不少新餐廳進駐，中日韓泰樣樣有，令乏味的調景嶺添色不少。今晚就試下呢間【新樂園魚蛋粉】。【新樂園魚蛋粉】裝修佈置似茶餐廳格局，以實木為主色調。半開放式廚房及水吧旁，環境尚可以。餐牌簡單只有前後兩頁。一頁是雲吞、牛腩、魚蛋……粉麵。另一頁是飯類及小食，不叫得豐富。【牛腩併牛丸河 $41】單看價格及切得整齊的牛腩相信餐廳用上急凍牛腩。這個牛腩肉質柔軟、最緊要完全冇渣滓；軟膏只有腍滑、完全沒有牛膏的膻味。湯頭顏色偏淡以為冇乜味道，可能餐廳標榜用上老火鮮魚骨湯底有關。筆者愛吃淡味，因此覺得這個湯頭咸鮮味都足夠，不似其他油膩又咸的牛骨湯頭。河粉在湯內浸泡後沒有發漲; 另外，河粉沒有一夾起就斷的形況，吃到最後依然有爽口口感。【XO醬牛肉炒滑蛋飯 $50】滑蛋炒牛肉舖滿大大碟白飯，抵食夾大件。起 初見到餐牌上的 XO 醬幾個字，已經覺得有點奇怪，因為實在冇辦法聯想如何與滑蛋炒牛肉聯繫起來。原來只不過是將一撮 XO 醬放在滑蛋上面，基本上沒有任何直接關係。滑蛋炒得幾好；對於茶餐廳的炒牛肉不會有很大期望，味道也是預期中的茶餐廳質素，沒有牛肉鮮味，但總算食得出係牛肉。至於 XO醬，味道