新森林焗之專門店

以前經常去天樂里的森林，貪佢地方乾淨，價傔加物美。今天經過佐敦，方知原來有分店，即時入去幫襯幫襯。好失望啊！入面的裝修跟天樂里有天淵之別。這裡的格局跟茶餐廳一樣，個mood當堂down 晒。不過down還down，飯還是要食。今次就點個雜扒焗飯。唉，原來食物跟裝修格調是成正比的。一句到尾，都是一般茶餐廳水平。食完這餐後很想立即到天樂里的森林尋回昔日的感覺。…查看更多

今日夜晚同屋企人去左食"新森林"食完係度諗..點解同mk個間差咁遠?先講服務….見佢唔加一,我都唔講究..叫佢針水都會針下!!!!算係咁啦西式野老人家一定ma ma地…二人套餐比我地選既款式唔多叫一樣無一樣..可能我地9點幾10點先去-.-叫左個焗蕃茄雜菌雞皇天使麵"><等左勁耐!!以為好好味啦-.-點知濕淋淋其他餱都唔想再提~~~埋單好似百三~~~個湯又太稀!!!個包又唔夠熱!!!下次應該唔會再去…查看更多

餐廳不算多人, 不用等位裝修很簡單我們用團購買的優惠卷一行人吃了個焗飯1. 軟殼蟹媽媽喜歡鬆脆大件的軟殼蟹和咖哩汁, 她還加了8元享用龍蝦湯, 濃味不錯2. 墨魚意大利粉這是最令人不解的, 我以前吃的墨魚意大利粉是整條都是黑色的, 但它是表面有一層黑色的醬料恕我直言, 我覺得真的不是好吃3. 雙色飯我姐姐挺滿意的, 茄汁和白汁, 分別有豬扒和魚塊我問她有什麼特別, 她也說不出我認為這是一個趕時間的好去處…查看更多

終於實現了多年的夢想, 新森林專賣焗品, 由我d小朋友讀幼稚園開始到現在是位小學生, 我終於試咗間店。 其實一早並沒有預期到此店, 因為突然的一場大雨, 我地走投無路就入咗去。 食品由最便宜的焗肉醬意粉$33至最貴的煎牛扒$6X, 任君選擇。 我們剛好坐在出菜位, 我從出菜口望入去見到兩名無上裝廚師(鋼條身型再穿條低腰褲, 但睇唔到樣), 他們分別忙着煎煎、焗焗、灼灼, 我心諗咁熱唔會辣親????還有......咁熱唔會流汗嗎? 有時自己在家裏煮食也會熱到標汗啦！ 可否細想......厨師們的香汗在忙碌的身體郁動下滑落貴客的......, 我不想再想了服務生的手腳很快, 當吃完後一放下匙或义, 服務生立刻前來收碗、餐具及餐紙, 我頓時向門口外望, 看看是否排長龍? 不是並且店裏還有「吉」位, 可能這是勤快的表現呱!?焗飯加$5有餐湯及蒜蓉包, 再加$5可配普通飲品。 今次我們叫了芝士焗肉醬意粉$33及芝士焗香草雞肉伴肉醬千層麵$43。先評評餐湯吧......粟米忌廉湯-----不知所謂, 水不水, cream不cream, 似煉奶溝水的質地。 羅宋湯-----酸到無譜, 喝了一口已經感覺自己原來就是IQ博士裏吃酸梅干變超人的超人酸樣 > < * 跟湯的蒜蓉包很脆很好味, 用新鮮蒜蓉加牛油塗在包上, 很香很香。芝士焗肉醬意粉-----意粉硬度ok, 雖不是al dente, 芝士我嫌不夠多(喂, 名字以芝士排頭先嫁！)肉醬一入口先有少少辣味來迎接, 再啷之後便感覺到蕃茄的酸, 臨吞下前再感覺到有甜味走出來, 這意粉比餐湯好一百倍, 可惜分量少, 十啖左右便了結。芝士焗香草雞肉伴肉醬千層麵-----芝士我依然嫌不夠多, 味道亦是另一番韻味, 她比芝士焗肉醬意粉好味多一百倍, 比餐湯好一千倍, 雞肉約有四大件, 香草味重而且煮得肉滑溜, 沒有焗到變肉干, 可惜千層麵的麵皮較薄, 入口不夠豐富, 薄到有點似雲吞皮。其實可以選厚點千層麵而減少層數, 那麽便可滿足肚皮亦可滿足口慾。另外我要讚讚凍檸茶的檸檬很新鮮, 飲到最尾也有檸檬味, 一杯三塊檸檬但每塊有5mm厚, 讚!是次消費$96…查看更多

呢間食店師傅食過一次之後竟已經冇再黎過, 點解? 因為覺得一般, 如果大家有興趣, 可以睇番師傅之前嘅食評! 不過早餐師傅就冇食過, 所以早一陣子師傅決定比個機會佢, 亦比個機會師傅自己, 睇下又得唔得........入到去都幾多人喎, 地方細細不過好彩有位, 一坐底即刻有咩好食先, 早餐款式同選擇甚多, 而師傅最後揀左個湯麵餐, 而湯麵餐有多士, 腸仔煎蛋, 五香肉丁米粉同埋凍檸茶!等左一陣就有得食, 師傅第一啖就係食呢個多士, 多士用個籃放著, 賣相超靚, 入口夠香而且脆口非常, 少少腍嘅感覺都冇, 正喎; 再試下個腸仔煎蛋, 腸仔煎得香而唔油, 加上唔咸同埋師傅好耐冇食過, 所以感覺頗好; 而煎蛋係太陽蛋, 煎得好靚而且賣相吸引, 不錯! 頭兩樣比師傅嘅感覺真係不錯! 到左五香肉丁米粉, 賣相反而一般, 成pat肉丁就咁擺喺碗米粉度, 真係唔知佢想點, 睇見都想嘔, 師傅諗番轉頭都唔知點解放到入口? 而一放入口後發覺米粉本身幾韌, 湯底又極少, 唔算好味; 而五香肉丁味道一般, 又冇咩特別, 相比下覺得冇頭兩樣咁正, 即刻覺得大打折扣; 凍檸茶嘅檸檬夠鮮, 但茶味一般, 可以接受啦!總括黎講食物質素尚可, 服務一般, 環境一般啦, 價錢廿一蚊, 凍飲加多兩雞, 接受啦; 師傅覺得明明頭兩樣都好好地, 但點解個肉丁咁樣呢? 師傅唯一解釋係懶, 求其將d肉丁放上去, 求其煮下d米粉, 如果比多少少心機應該會好好多, 呢一下師傅真係估你唔到? 師傅覺得早餐都可以再黎, 不過一定唔會叫肉丁囉, 費事反胃, 笑臉難比少少喇! …查看更多

一看圖就知道這個墨魚汁意粉名字不是蓋的，每條意粉都是全黑色的，雖然是焗但意粉不會乾身還略帶點黏，煮意粉時間掌握得準，吃起來有韌度(即所謂al dente?)，略帶點洋蔥味很好吃。墨魚也很有嚼頭，沒有腥味，可惜份量不多。魚肉近乎入口即溶，魚味雖不重但也合格了。…查看更多

不嬲都對新森林的天使麵情有獨鍾,呢一晚咁啱路過佐敦,於是走入去食,入到去只係得一枱人食緊,而裝修亦比旺角分店簡陋得多.叫咗兩個天使麵,一個係煙三文魚,一個係雞扒.煙三文魚竟然有很多,又不會太腥,又有三文魚味,雞扒亦煎得很香口,而天使麵繼續保持水準,不會硬亦不會太過淋.另外加$8有個龍蝦湯,湯本身唔會太濃,味道剛剛,仲有少許龍蝦仔肉.唯一可惜的是如果加埋飲品就會比較貴.…查看更多

要在香港吃到好吃的焗飯可算是相當困難的一回事所以小弟也就一直少吃。在澳門反過來倒是吃到不俗的出品，但回到香港，卻是有點黔驢技窮了....論到"港式焗飯"，這兒都應該算是其一表表者。至於何謂"港式焗飯" ? 對小弟而言，就是將不同 (有許多更是九唔搭八的combination)的材料放在一起，繼而舖在飯或意粉上，最後加上芝士放入焗爐焗一下子便可奉客。以小弟之愚見，用這些東西來填飽肚當然是游刃有餘，但要稱之為美食，還是差得很遠呢....看看太太的那個"芝士焗石班豬柳漢堡焗飯"，面層的芝士是還沒有焗得焦香的，好像是臨奉客之前才將那pat"芝士獻"求其舖上去似的所謂的"石斑肉"及漢堡當然是frozen food，入口仍殘留着少許雪味，就連那厚厚的醬汁也掩蓋不了；飯底也沒怎預先炒過，不夠香；那個"紅白"獻汁就更不用說了，杰得有如漿糊一般，是全然膠着喉嚨的，怎吃得下口 ?....再看看面前的那份"芝士焗帶子菠蘿軟殼蟹飯"，無論是獻汁以至飯粒也是如上的如此不濟；雪藏帶子小粒得差不多要拿着放大鏡才找到；軟殼蟹竟只得一小件，而且看上去是甩皮甩骨的，怎吃得下口 ? ....唯獨可入口竟是那杯以益力多及西瓜汁溝成的特飲。想不到這兩樣東西混和起來又挺不錯的，味道甜甜酸酸又透心涼，很清爽，找天自己在家也弄杯喝喝....雖說四十多元一個焗飯套餐，是不可以有太高要求。但同樣是付出四十大洋，小弟就寧願到茶記吃個普通炒粉麵好了.....…查看更多

難得有機會逃離金鐘食午飯,中午來到佐敦,想起很久沒有幫襯過這店…...一於今餐食焗飯!有餐湯有麵包而且兩樣都是熱的!(這兩樣能做到是熱的已經很少平價的食店會做得到)那款有點像雜扒的焗飯材料有:一隻雞中翼,半條司華力腸,半塊牛仔骨及雞扒.雞中翼先炸後焗外皮依然是脆的!其它的普普通通.炒飯底乾身及少油,黑椒汁亦夠濃夠味.即叫即焗怎也比那些連鎖式快餐店高幾班吧!…查看更多

Lunch又同班同學仔來了呢到食...叫左個白汁蕃茄汁豬扒飯同雞扒雜菌天使麵個豬扒飯幾好味,又有兩種汁又大塊但個天使麵就麻麻,唔係幾好味,因為個味太淡...汁亦不太多,多點就好啦!!!佢d份量都好多,女仔都食唔哂,男仔就岩岩好!!!佢個到d朱古力要+$8,見太貴都叫d不用+$的野飲了…查看更多

今日同班同學仔食lunch,試左呢間,因為係openrice見好多人都話okay..我叫左芝士豬扒海鮮焗飯,另外有兩個都係,一係食羊扒焗飯同芝士雞扒天使麵個豬扒好lum,飯夠硬,好煙un~~~GOOD~~~我見其他同學個d都好好味咁~應該會有下次再來的!!!不過地方比較淺窄了點......…查看更多

男友接放工， 終於帶他到前同事極力推介的新森林餐廳。點了一個焗飯和天使麵(名字忘記了haha)，焗飯和天使麵都很出色，焗飯的飯底很和，很有味，而且熱度剛剛好。至於天使麵一向都喜歡吃，所以自然愛不釋手。這裡的服務都ok，只是店舖比較窄，坐得不太舒服~…查看更多

今日夜晚去左食"新森林"我見openrice 呢喥有44個笑臉對7個喊臉諗住幾好味la!!! 我係d 好like 食焗飯ge 人自問要求都唔係d 好高ge 人之不過完全唔覺得呢間野ge 焗野好味lor簡直係覺得neway 下午茶十幾蚊1個焗野ge 水準都仲好過佢話說今晚我叫左"芝士焗香芋帶子雞皇飯"好快就o黎lor!! 等左5分鐘左右ja wor =0=唔係太熱!!! 我懷疑係一早焗定講下個飯先!!! 首先就係一粒香芋都見唔到lor!!! 搵o黎搵去都冇!!!d 雞又唔好味!!! 帶子得好小!!! 普通急凍貨色!!! 冇咩野!!!d 飯係就係炒飯底但係d 蛋乾晒飯又唔係話好味個炒飯好地地又無lala 有d 蔥粒wor!!! 唔多得另外仲有叫左個"芝士焗蕃茄雜菌雞皇天使麵" 就仲慘!!!1來等左勁耐!!! 我食左個焗飯超過一半佢先o黎2來就個味真係唔掂lor!!!等gum 鬼死耐!!! 起碼等左20分鐘!!! 熱咪夠熱lor!!! 之不過係蕃茄湯天使麵gum 滯濕淋淋都叫焗野 =_______________=都係第1次食到d gum ge 野仲有o個兩杯野飲先想死!!! 叫左杯香蕉華田昔對呢杯野其實冇mug 期望不過都唔洗gum 難飲ar!!!???仲有1杯泡沫咖啡朱古力昔勁淡味!!! 冇奶味!!! 係咖啡水+朱古力水+糖水ge 合體真係陰公 >< 好無奈!!! 全部野都唔好味!!! 好失望!!!以後都唔會再去呢間野!!! 係應該話呢間分店我呢世都唔會去!!!食完一d 都唔滿足lor!!! 攪到要去隔離間義順食返個雙皮奶補數!!!…查看更多

某日差吳多六點去食飯, 仲有下午茶, 不過都有飯呢個係蟹肉粟米石斑飯, 拼埋個辣既雞串蟹肉吳多, 石斑就有兩大塊, 佢即叫即整, 出黎仲好熱。汁非常之多, 係一般茶餐廳忌廉汁啦, 吳會太稠, 都吳太漏, 整體黎講算ok至於個雞串, 好大串呀, 個汁真係好惹味, 幾好呀加錢要埋個紅豆涼粉冰, 佢仲放左d棉花糖係度, 有心思, 但冰多左d相同其他食評可以去我個bloghttp://hk.myblog.yahoo.com/food_talk2008/…查看更多

同朋友二人去左呢間度食早餐兩個人比半塊多士有冇搞錯見到其他台都係一個人有半塊!!!叫左個麵.....好普通既級數湯底極清,唔係話冇味精,感覺上好似滾水........五香肉丁...呢樣冇得講~度度都係一樣^^不過下次唔會再黎了......…查看更多