新安越 (已結業)

等了超過半個鐘得兩枱客，明明漏單都未話佢，後面枱客遲黎都上咗都唔做我地張單(只係炒飯同炒河)催佢都唔理。掛住做 網上外賣平台。埋單唔等，俾$100 紙佢特登好慢都唔找錢話開唔到部收銀機。。講笑咩？叫佢先找錢唔等佢張收據佢都唔找，我話你唔肯找錢我攞返$100紙佢竟然話你走佢就報警。呢間食店我地由搬離佢新開張幫儭到3年幾以前女侍應加埋老板娘落力又快手，又好客。而家果個男子態度差又慢，廚房得三個樓面得一個。唔會再幫儭

去朋友家玩,下午來到呢間越南菜餐廳吃.和朋友各叫左一碗湯河,味道還可以.吃 完後一陣,覺得喉嚨有點幹,口也特別幹.平時只會吃太多味精或調味料先會甘,都吾知他放左幾多.一整下午不停口喝飲水去厠所.

每次來我都叫炒金邊粉，整得好食又有心思，將蛋漿包住金邊粉，放了5、6隻蝦，一睇就覺得有心去炒好一碟餸。豬頸肉份量多又入味，通菜都炒得好香。依家喺商場人流多的地方食飯乜都要快，吃到一碟有心炒的小菜都唔容易，希望依間舖可以經營落去同保持住水準！Everytime I come to this restaurant I like to ordered fried noodles and pork jew, the dish are delicious and staff are nice, friendly. clean environment and not very busy. Highly Recommended

今日晚餐黎左哩間好有越南風味嘅小店，價錢適中，份量足。員工服務好好，因為媽媽係素食者，都冇厭麻煩用心安排食物比佢。但海南雞飯因爲太受歡迎，冇緣嘗試。最後重送左份甜品😋值得再黎！

一次落雨，就去左附近新安越食越南粉，人地介紹話好食，去到就坐低叫個生牛河湯粉，無米線或者其他揀，職員話，距地想做得專門啲唔緊要啦。我就照要河粉，生牛肉應該系靠湯淥熟，但又唔會太熟咁先唔會刃同鞋。 距就岩岩好熟啦！都見到少少粉紅，不過牛肉就Ok既，另外牛肉都彈牙，好食，夠咬口，大塊，有少少汁，份量相比河粉就少左啲，牛少粉多，不過系咁上下啦，配埋檸檬汁，加少少配料加辣椒仔。不過都唔系好辣，酸味都系吊少少味姐。總括，粉可以唔使咁多😂牛肉Ok既，好味令到覺得距牛肉份量唔夠，奶茶無乜特別。

平時都會去吃泰越菜,今次剛好來到,就入去試一試. 菜式沒什么特別,沒有吸引的地方.環景衛生略為欠佳,整體質素很一般......, 會選擇其他餐廳, 不會再來第二次.

This restaurant has a large selection of Vietnamese and Thai food. I go at least once a week for their lunch menu. Highly recommend a visit if you are in the area.

今日竟然又入咗嚟將軍澳探完BB之後老公記起之前同親戚食飯嘅越南野突然又想來幫襯因為今日撐枱腳嘅關係所以唔係可以嗌好多嘢不過上次冇試到冬陰公所以今日嗌咗冬陰公湯炒芥蘭同埋去骨海南雞佢首先上咗去骨海南雞跟一個油飯，其實佢有單叫海南雞嘅不過半隻都98咁呢個飯餐就65叫個平啲試吓先海南雞好味肉質鮮嫩尤其是個兩個醬汁😋😋😋個炒菜熱辣辣👍🏻不過今日同老公都係最鍾意個湯唔怪得個冬陰公湯咁貴我覺得係值回票價其實我都飲咗三碗佢有好多海鮮係入邊㗎好鮮甜唔算好辣雖然蟹肉就食唔到不過個龍蝦肉都好爽甜👍🏻

第一道泰式沙啦前菜就都來了，這裡的越式歺厅是做得一般的。比起下午的餐牌，這裡味道或會沒有少少關係，但看上來就沒有貴氣得多了。因為「減」的關係，所以就只試了一小口。就是實際的吃了一淡，只屬一般質素。

雖然位置不多 唔大間 但係坐得舒服 環境新又乾淨 估唔到竟然咁好既服務 家人都好喜歡 食物新鮮 牛肉都好好味！ 好感謝老闆娘送俾我地既芒果糯米飯同埋一隻蠔 食得好滿足 我相信第日一定會再黎㗎！

終於有時間寫一下食評， 過去幾日去咗幾個地方食嘢，好先嚟第一篇：新安越， 一行四人我哋法點了帽子火鍋， 馬拉盞通菜， 蝦球檬粉， 凍檸七及椰青牛肉雞肉鮮嫩冬陰功湯底美味比較多油唔夠乾身，淡少少 但鑊氣十足

今晚跟太太專程去試食這間口碑不錯的越南菜館，沒有豪華的裝修但店舖整潔明亮，點了春卷、串燒、泰式鳳爪沙律、越式薄餅和生牛肉粉，其中我和太太覺得生牛肉粉和串燒最值得推介，但今次晚餐的重㸃不在食物，而是它們的員工、食客和老闆娘的温情。由於本人的不小心，把手提電話跌進椅背和屏封的窄蓬中，員工姐姐很熱心幫我想辦法，而就在這時候，鄰枱的一對夫婦及同枱的數位小朋友亦開始關注事件，及表示希望幫我想辦法，沒想到員工姐姐提議由最小的小朋友嘗試進入窄蓬幫我拿取電話，該對夫婦亦鼓勵小朋友盡力幫忙，雖然沒有成功，但亦非常感激他們所付出的努力，和欣賞該對父母對小朋友的培育，及後老闆娘現身，搬開阻隔物，成功為我拿回電話，我連忙道謝，而老闆娘說，沒什麼大不了，她只求每個食客在這裏開開心心的用餐。這篇食評沒有對食物作出評價，但單單這份人情味，足以令我繼續光顧。多謝你們！🙏🏻🙏🏻🙏🏻🙏🏻🙏🏻

數數手指，應該第5-6次光顧，每一次去都開心，除了食物，價錢都相當不錯之外，仲有舖內各人的服務！友善，有人情味！我地今次一行5人來，送左杯龍眼冰，西米椰汁糕俾我地，多謝Supervisor姐姐幫我地將椰青肉刮出黎，小朋友們食得很開心，真係好貼心，多謝你地，希望新安越客似雲來，一直保持這份親切的味道！但有個地方都希望佢地有點改進：我地當中叫左泰式奶茶及凍檸茶，味道轉淡，泰式奶茶比我平常飲開的較為淡味，應該係茶底出左事，期待有改進！

在豪宅商場新開的這家越南菜出奇地充滿街坊味，價格亦同樣地親民。午飯時間來到，餐牌上的選擇有湯粉、撈檬、炒粉炒飯等，幾十塊的價錢包飲品，凍飲也毋須加錢雞絲撈檬 - 炎炎夏日來一碗撈檬，酸酸甜甜的汁很清爽開胃，跟調配好的薑蒽配合得剛好，檬粉和雞絲的份量也很多，整體而言清爽可口，跟餐的凍咖啡味道也不差，不怕澀。熟牛肉湯河 - 河粉和牛的份量也挺多，略嫌牛肉有點「鞋」，河粉吃到最後太油，改配檬粉或會更好。店員態度也是友善的，是將軍澳搵食的好選擇。

街坊群組的fb內，有街坊推介這間泰越菜館。今晚和朋友去試一試，唔識路，用google map找路，都找不到，好彩行番轉頭，才看到指示牌。去到店鋪，普通裝修，乾淨光鮮。因星期三晚，無咩客，但老闆講星期四至日晚來吃，要訂位。今次吃了推介的黑椒杧果炒牛仔粒👍🏻，無骨🐷手👍🏻，另外還有兩個餸，份量充足，唔覺有好勁味精，牛肉好淋。因人數少及朋友不太舒服，所以無食街坊推介的火鍋，下次會去試一試火鍋😋。