新吉士 (已結業)

氣餒的周末，心情不好時也沒有活動什麼比出來吃餐好更能解悶氣，約了幾位旅行團成員出來吃餐便飯，傾傾清假大計。突然想吃新派的滬菜，印象中這裡裝潢不賴，有新朋友的情況下，這裡也算是較穩陣選擇，附近競爭激烈太差的話，早就執了。四人坐到卡位，遲來了連餐牌亦未有時間看，連忙點了醉雞、海蜇頭、紅燒肉、奶油津白、小籠包、鱔餬幾味平宜近人的外省菜。人不多，兩味涼菜也差不多了，醉雞肉質不怎好，帶點粗糙，但醉入肉，確實美味，醉雞就是如此，當然在坐的還是比較喜歡吃肉嫩但不醉的醉雞。海蜇頭全部是葵花狀的海蜇頭，爽嫩帶麻香，也是穩陣之選。招牌的紅燒肉老樣子用大瓦埕載著，五花腩三成肥，掛上冰糖醬油炆成的艷紅外衣，脂肪肥味，但瘦肉只炆不焗，肉質粗韌得要命，最近吃過幾間新牌的滬菜館，同類菜式都是這裡情況，赤醬是對辦的，但火功可以更好。小籠包一客四件（卅二元），份量剛好一人一件，皮薄透光，在坐筷子功不好的朋友亦沒漏汁問題，汁鮮肉嫩，每隻八元，連埋裝潢服務，吃得過。清炒河蝦仁（一百二十八），比起老牌菜館平三成，蝦啤水發漲大如姆指，蝦鮮、肉質早已被啤走，口感軟腍而蛋清太厚，愈吃愈「立籮」，麻麻，四人各分上十餘粒，份量是交足功

琴晚收工後同BB响銅鑼灣剪頭髮，剪完就約埋mm一齊食飯。本來諗住食日本野o架，但突然諗起間好耐都無食過既上海菜，好掛住佢既紅燒肉結果我地都係選擇咗去食「新吉士」。可能因為平日既關係啦，本來我地仲驚要等位o架，但係去到得小貓三兩隻 =.= 我地仲有卡位坐添！一坐低就第一時間叫野食，冷盤就點咗膳片同雞絲粉皮，再o黎熱盤最愛既紅燒肉同加多個生根什菜煲。鱔片 - 即係脆鱔條，炸得脆脆咁，醬油唔算甜，味道不過不失雞絲粉皮 - 醬油較濃，但勝在粉皮夠滑，口感唔錯紅燒肉 - 即係東坡肉，味道夠濃又食落唔覺太肥膩，送飯一流，值得一試生根什菜煲 - 從未食過啲咁咸既野！真係不知所謂，都唔知有無試味o架，起碼落咗成三四倍鹽。同waiter講佢都肯換，但過咗陣個waiter走過o黎同我地講，話佢都試過個菜，覺得只係咸咗少少！都唔知佢係唔係味覺有問題o架，咸到好似直接食鹽咁，竟然仲咁笑住同你講只係咸咗少少，都唔知有無搞錯 o架之後換俾我地既就特登同佢講唔係要少鹽，係要淡！換完既味道係ok，但就唔知點解叫生根什菜煲d生根全部唔見晒囉食完飯mm用咗恆生埋單，每人加送糖水，紫米露既味道唔算甜，連愛甜品既我都覺得唔錯

25/8有朋友生日話想食上海野,咪上openrice搵囉.又要係causeway bay,又要坐得舒服,新吉士就幾附合我們的需要啦!咁我地就先叫左:1. 酸辣湯 - 無左舊式的風味,夠辣但個樣似牛肉羹2. 炒膳糊 - 肉質唔新鮮3. 蔥油面 - 面質過份煮爛而且無呢味道4. 小籠飽 - 豬肉肉質帶梅5. 生煎飽 - 同小籠飽一樣6. 薺菜炒年糕 - 年糕好硬及無味7. 百葉伴小棠菜 - 正常8. 京蔥炒牛肉 - 牛肉無牛肉味9. 薰魚 - d魚好好肉,好似無薰過咁6人埋單要$650都幾貴,但係就唔係物超所值

今日係我第一次帶佢同朋友食飯呢當初好擔心佢會唔慣, 始終大家ge age group, work group 都唔多同, 不過女朋友大方得體, 全無問題.........遲到, 去到已經食左前菜, 咁我都食左少少雞同菜, 都幾好食, 跟住就0黎主菜, 好似醉蟹, 鍋胋, 香煎包同小籠包, 其實都幾好食, 不過D 涵就差D, 好咸呀. 其他野就幾好食, 推介豆腐湯, 我覺得好好飲. 粉絲煲都係好咸. 係咪上海野係咁0架???anyway, i enjoy it........個場好乾淨, D 碟成日換, 好好呀, 侍應都OK HELPFUL-----------------------------------------------------------------------今日係156 日

我出生自上海家庭，上星期六去食飯，特訂了八寶鴨。我們7個人去，叫左幾個冷盤，包括脆皮黃瓜卷、素鵝、醉雞、烤麩。冷盤不錯。然后熱菜點了紅燒肉加百業 （一流）、小唐菜（唔會差啦）、河蝦仁（還可以）、小籠包 （OK 啦）、紅燒魚頭粉皮（馬馬虎虎，是一個湯），但是那個八寶鴨真的是不知所謂 （鴨又騷，飯又一塌糊涂，經理還說他們的八寶鴨是紅燒的，所以這樣子。我叫他讓他們的大廚試這個鴨看他會否接受，幸好他們願意退了這道菜，＄380呀！另外還送我們甜品或生果拼盤。態度很好，值得獎勵。）埋單約＄1250，不貴。會再返去食，不過一定不會預訂八寶鴨！

想說的不是服務態度惡劣,而是水準嚴重不夠班.這算是比較高級的餐館吧?怎麼可能出現這些情況?不過,是那位侍應的問題嗎?今晚一行六人,其中一個不吃肉.於是我們點麻婆豆腐的時候,要求只要豆腐,請不要加肉.那位女侍應有點被嚇呆了的反應.雖然最後還是順利做到我們要求的.吃到後來,似乎是最後一道菜也吃得差不多了,可是那碟兩面黃一直都還沒有來.我們才發現原來是漏了單.於是,我們點甜品.(非常奇怪的,他們居然沒有自動來問要不要點甜品.)點了三樣:雷沙湯圓,煎八寶飯,還有豆沙鍋餅.雷沙湯圓來的時候我們全桌人"打了個突".因為我們見到的雷沙湯圓是乒乓球的大小,外面黏著花生*粗粒*,裡面是豆沙餡.當然,如果說是新派上海菜,有創意,那不過分.可是那位不吃肉的朋友一心看著英文名字來點,卻覺得貨不對辦. Exact wording記不清楚,不過重點是Steamed Sesame和coated in grounded peanut.完全不是那回事呀,於是退貨.那位女侍應又來了,跟他說了之後,他解釋說這是他們的煮法,我們於是說這跟英文版本不符(已經不跟他說雷沙湯圓不是這樣子的).可是他又是呆呆的,反應不過來,於是只好

十二月十日當晚菜色如下:1)醉雞2)炒鱔糊3)蔥油餅4)蟹粉小籠包5)河蝦仁兩面黃評語:1)醉雞還可以2)炒鱔糊腥味濃郁(雖然有胡椒粉一樽), 但鱔糊不但腥, 而且還不夠熱, 好像用微波爐打熱的菜.3)蔥油餅炸到好似隔夜油條咁色, 仲要油淋淋.4)蟹粉小籠包得一粒塵這樣大既蟹粉在包面上, 就叫蟹粉小籠包, 真懂做生意.5)未見過咁白既兩面黃, 根本同白灼麵無分別.食品貨不對板之餘, 晚飯收取加一服務費還要另收每人十元茗茶費用????? 真不懂吃!!!!!

舅父同表妹係印尼來左香港家姐訂左新吉士同佢地洗塵新吉士, 聽過但無來過, 知道係一間新派既上海菜館店舖開係銅鑼灣既利園二期, 擺明都係走高檔路線先來個毛豆雪菜百葉, 清清地, 但食得出佢有落上湯去煮, 所以味道唔會太寡上海臭豆腐, 包左一層腐皮去炸, 點少少甜辣醬, 幾特別紅燒肉, 類似東坡肉, 濃得來又唔覺太肥膩, 好功夫醬茶鴨, 呢樣就唔覺有乜特別瓦片魚頭, 聽聞係用左口魚, 魚頭好大, 上面舖左好多炸左既蔥段, 肉好滑, 骨又好有咬口, 食得好滋味一個湯菜, 類似醃篤鮮, 材料豐富, 有火腿, 紹菜, 粉絲, 咸肉, 蛋皮肉丸等, 份量好大, 七個人每人都分到一大碗, 但我覺得湯底咸左少少, 送飯可以, 淨食就未必人人岩另外還有炸銀絲卷, 小籠包同蘿蔔絲酥餅招呼方面, 點菜時侍應會因應我地既人數而提供意見換碟加水都做得唔錯埋單九百幾, 每人都係百幾蚊, 已經可以試到甘多款味美既新派上海菜, 確實唔錯

三個人, 點了:1.小籠飽: 皮如果再薄點會更好.2.鍋貼: 呢個唔錯, 煎得香脆, 有肉汁, good!3.海鮮炒年糕: 唔太記得有乜材料, 淨記得有蝦和年糕. 年糕切到細細粒, 幾cute, 味道ok.4.醋溜魚片: 魚片滑溜, 可惜醋味不太夠可能怕搶了魚的鮮味吧! 5.糖醋排骨: 唔錯, 香噴噴, 入味, 不錯的一味.我想價錢有70%俾裝修和服務, 只有30%給食物吧!

2007-09-26中秋前夕也是在銅鑼灣吃上海菜﹐中秋翌日也是﹐不過這天改了去新吉士。也許是時間尚早﹐又或者很多人趁長假期去了旅遊未回來﹐總是門面也是冷清清的﹐比早兩天在雪園更甚。不過香港是越夜越燦爛的﹐所以到我們離開的時間﹐這裡也有7﹑8 成滿了。和雪園不同的是﹐我們所有人都對這裡的食物不太滿意。記得最初開張時來過幾次﹐覺得食物服務都不錯﹐是值得一去再去的﹐所以雖然最近在OR 見到食評都好麻麻﹐還是不太相信﹐一定要自己來試試才心息。醉雞- 雖然不怎樣出色﹐但這個已算是最像樣的了。雞肉不鞋﹐酒味剛好﹐不過不太入位﹐有種雞還雞﹐酒還酒的感覺。糟溜魚片- 不腥但也沒有魚鮮味﹐不過總算是嫩滑的。最差是個獻汁﹐只有甜味﹐怪怪的﹐不太討好。煙熏鴨- 史上最乾扁的鴨子﹐又乾又瘦﹐鴨肉當然鞋得很囉。煙熏味輕得若有還無的也算了﹐還要鴨腿都有一陣鴨騷味﹐吃了一塊就放棄了。棠菜百頁- 難得正常﹗嫩雞(火畏) 麵- 麵條太硬﹐沒有(火畏) 麵應有的那種淋﹐似普通湯麵的感覺。甜糕點也沒有什麼特別﹐不說也罷。

其實呢間餐廳d野都幾好食,我食過好幾次,而每次我同我d朋友都會覺得好好食. 不如,講下今次,都就點咗好幾款我覺得呢度最好食既餸,包括:紅棗糯米(心太軟),小籠包,生煎包同埋新吉士醬坊等,真係好好食啊!

上兩個星期我們一行八人到新吉士吃晚飯。點菜時, 伙計向我們推介獅子頭, 大家都覺得他的提議不錯, 因為這是著名的上海菜, 平日在上海食店吃的獅子頭都是用煲仔上, 有些獻汁。怎不知上菜時發現是用湯浸煮, 與我們點的沙窩雲吞雞如出一轍。在埋單時, 看見獅子頭是以每個計算, 價錢是$130, 那個伙計為我們點了三個, 即$390, 看到賬單後當堂呆左, 感覺是做了“水魚”! $390 可以有更多選擇或叫其他菜啦, 所以想同大家講, 下次伙計向你們推介獅子頭時, 千萬要想清楚才叫呀!

環境很特別,但菜上的很慢,食物看上去不錯.熱菜味道偏咸.侍應生又不理人態度很差,尤其個經理好唔掂.這樣的服務態度..下次不會再去了.

如果不懂上海菜，那可一去。But if you know about shanghai food, it's bad. Too bad. Very expensive, poor quality. I won'g come there again. Never! Never! Never!

本人都甚喜歡吃上海菜，一進入食店感覺舒適，枱與枱之間很寬闊，坐的是卡位亦很大，帶了支紅酒去，頭一支免開瓶費，GOOD !!至於菜式味道卻沒有驚喜，跟一般上海店沒多大分別，價錢屬中下。只記得花生很好吃，其他菜式食過後的味道已忘記了。