新南苑海鮮飯店 (已結業)

話說老友得閒，這個星期五晚夜來左呢度食飯﹗左計右計，坐得耐又可以傾下計，最後都係揀左打邊爐﹗金融風暴下，人人損手，以前食野邊會睇價錢，而家望一望個餐牌，都係揀0的平野食就算﹗點左個蕃茄薯仔湯底，未吃先試一口，飲落都幾清甜喎﹗肥牛無錢點手切，只有點美國的，嘩，有相為證，肥到九彩﹗魚皮餃同埋貢丸都係普通貨色，再加多個蔬菜籃，就是今晚的晚餐﹗埋單連埋六支大啤一人百七蚊，老老實實食物是一般的，下次都係去番任食火鍋算了﹗

重陽一家人拜完山，會合埋弟婦一行四人一齊來呢度開飯﹗今日老父竟然唔推介美心而去食大排檔，真係十年都未試過一次﹗先來個西蘭花帶子，細碟得可憐，西蘭花得0個幾粒，一人一粒已經沒有了，仲要賣成60幾蚊，好似貴左0的喎﹗再來個老父至愛的豉汁鱔，平日無咩機會吃鱔的他當然今次吃個飽啦﹗魚我就唔食喇，不過他沒有左彈右彈應該好味呱？本來想食螺或蟶子，點知兩樣都無，只有叫個炒蜆，又係一般的老毛病，殼多過肉，真係執殼都報到把鬼火，雖然0的蜆夠大隻亦肥美﹗最後來個肉餅送飯，入口已脂味直入喉嚨，好多肥豬肉呢﹗用黎送飯好好食﹗今次0的送好似細碟左0的﹗上菜速度亦慢﹗埋單一人唔洗一百蚊，可以吧﹗

話說尋日明知今日會打風，全世界都將兩日既工作迫0係一日做完﹗收工眼見仲未轉三號波，有0的擔心，不過好在8點幾就轉左，幾可督定明天不用上班﹗幾個老友相約於官塘食個飯新南苑，上次就係同老豆來過﹗佢都話好味﹗當然係坐街啦﹗全場都係麻甩佬﹗老人家次次都要食蠔餅，唔錯好鬆脆﹗蠔仔都不少﹗蘸0的魚露食好正﹗冰鎮三寶﹗有鴨舌、腎及雞翼尖，我當然只係食翼尖啦﹗加0的醋來食，有0的白雲系爪0個0的味﹗凍凍地幾特別﹗辣子香酥骨，惹味佐酒一流﹗現場睇緊中國對巴西排球大戰﹗全部人睇得血脈沸騰，中國一贏一分就大叫﹗我的至愛﹗椒鹽雞翼尖，呢道比較細碟，對面森記多好多﹗好重既美極鮮醬油味道，對呢個醃味普普通通，個人認為森記生炸得更脆口好食0的﹗炸豬手，呢個送我都係第一次食﹗因為我是不吃手類食物e.g. 鳳爪、鵝掌等等揀0的無咁肥的地方一試，好香口，入口充滿油脂香﹗如果有紅酒就更加好﹗黃一梅，今年女排最出位，大鎚手，我估無人唔識佢喇呱﹗不過巴西真係合作性強好多，起碼無咁多犯錯，第一局可以先贏都要輸番已知無計了﹗最後來番個乾炒牛河作結尾，炒得幾乾身夠味喎﹗好食﹗現場好多人圍埋一齊玩十三張，十分之想加入一齊玩﹗飲得啤酒多

二支公, 忽然好想食大排檔, 其實都唔係第一次幫襯…馬拉盞炒菜芯 – 第一次食馬拉盞炒菜芯, 覺得好得意, 因為係出面真係未食過。菜芯好爽脆, 馬拉盞不是很多, 不過也很夠味, 好食。新南苑吊燒骨 – 餐牌著是必食的, 所以叫了, 沒有想像中那麼熱氣, 甜甜的, 吃得出蜜糖味, 肉質不會太韌, 有咬口, 不過每碟份量有點參差, 看見隔離檯的好像較大碟。咕嚕雞球 – 咕嚕汁很好味, 酸甜適中, 應該有山渣在內; 雞球其實不是球, 是雞件, 應該是整件雞上粉後炸熟再切開, 但這樣肉汁也很豐富, 不致乾淨淨, 青椒/洋蔥及菠蘿都是輕輕兜熟, 好味!!上菜次序是先上兩個肉, 菜芯等了頗久, 催了兩次, 待應叔叔說是不同廚房的原故, 而且另一邊廚房有很多單在排隊呢!環境方面, 真的很麻麻, 大排檔嘛。外面地面是濕濕的, 要小心慢慢行。

上個月, 本來朋友帶我來是因為之前試過介紹我吃, 我也滿心期待地去試一試吃大排檔的滋味, 我們坐室內, 本來也沒怎樣, 很可惜, 我們叫了三樣餸, 芝士西蘭花、豉椒炒蜆、鴨舌, 點知來一樣, 隔很久才來第二樣, 而且份量少得很, 我見原來不只我們這一台是這樣, 鄰近的都等了很久, 侍應卻求其敷衍了事。最後的一碟豉椒炒蜆更離譜, 大部份都是殼, 肉只得數粒, 我們惟有同侍應講, 侍應話一齊炒是這樣, 肉藏在汁中看不見吧! 於是我們逐粒逐粒把殼和肉分出來, 結果看上去, 殼有成三十個, 肉十粒都不夠, 我明白有時一大鑊炒是會分不均, 但如果我用了成五十元, 卻只吃得十粒不夠的硯肉又實在對不起自己, 起碼都換過碟給我們, 結果再叫了另一個侍應, 他就冷冷地回答, 「咁點呀, 呢碟不算囉!」結果就在單上刪除了這個價錢。那就算了吧, 只是我們都覺得不夠,但如果叫多味都不想等, 最後是快快埋單了。

間中會到新南苑享受阿伯式早茶，它的鵪鶉蛋燒賣有廿年前屋村茶寮的風味，味精豬肉多汁夠熱，鵪鶉蛋夠新鮮，一個掂字。綜觀坊間酒樓已甚少有賣鵪鶉蛋燒賣，即使有，水準也奇差。由於近年豬肉價格急升，部分酒樓會將用剩的豬筋混肥膏打成肉醬做燒賣，吃起上來滿口筋，有時候還吃到煮得過熟的鵪鶉蛋，蛋白位置韌如橡皮，真是不吃也罷。

不記得那一天來左呢度幫趁﹗貪其就近，也貪其街邊風味﹗記得之前來食過印象麻麻，今次卻改觀了不少﹗先來墨魚紅腸，份量不少，墨魚夠爽夠彈牙，送beer一流﹗之後是豉椒炒蜆，來呢0的地方食最緊要一樣野就係無沙，佢做到比你，亦都唔係得殼無蜆的貨色﹗蜆亦都入味夠辣﹗最後是咩extra xo醬雞煲，個待仔話係名菜，雞肉夠多微辣，好多大蔥，如果可以再辣0的會更好﹗

飯局前已經係屋企食左D野, 所以同M小姐只係叫左兩味雞煲- 已經忘記左名堂, 雞件啖啖肉好嫩滑, 瓜肉腍中帶爽, 而個醬汁加埋大蒜齊炒, 好香濃, 送酒一流馬拉盞炒雜菜- 馬拉盞味唔夠濃百威- 賣$18/支, 埋單少計左一支, 有著數

一路都好鍾意尼呢間野度食佢d 炒送夠晒味~~份量亦都唔少呢~~佢的咸蛋肉片豆腐湯真係好好味~~~又有得飲~~d 湯渣又好味~正不過講到最好的都係佢d 豬紅~~~點少少佢的辣油就真係正呀!!!最衰就係佢地的一個waiter次次去親佢都好hard sell佢地d 凍蟹....好煩好討厭!!!

先唔講野食好唔好味,環境超級唔衛生,人多又嘈又大煙,再講,又話自己出名食海鮮,d野又唔係真係好好食,亦唔係抵食,最重要食到我女朋友一路食一路喊咁,非常唔掂,未食完我地就趕住要埋單走,以後一定吾再去!

上星期試過係其中一間分店打邊爐...今次再黎多次..點知人多關係..被迫去總店...總店本身有d舊..再加上唔係專用打邊爐台...擺個gas爐就算...都冇所謂..最重要好味!..點知...點好晒所有野...貴既就勁快上台...平既...食晒野..等半個鐘有多都未見黎...問侍應又話得一個人執配料..冇咁快喎!!! 好喇...終於等到..叫左炸支竹..炸芋片...完全冇炸過..仲係凍冰冰..支竹仲有d發黑左...嘩...唔知擺左幾耐...要求換過碟...負責人話因為冇乜人打邊爐..所以d配料擺得耐?! 下?! 上星期先黎完..宜家都仲有幾張台都打緊..個d咩人黎架?!鬼呀?! 係多人食小菜..都唔係咁講!咁你又提供打邊爐?! 呢個係你責任喎!成台人聽完都呆左...之後再黎個雲吞...雪到出晒水又扁晒...負責人又吹水話即造?!下?! 真係唔知你幾時即造?!叫佢換..面色變晒仲態度勁寸...結果都仲有d未黎既野..唔想等...埋單閃好過..咁巴閉...留番欣賞你既人幫襯!

又係因為係觀塘區,所以一個月都總會幫襯兩三次自從室內禁煙後,呢度舖入面就經常都有吉位,可以唔駛坐係室外熱辣辣,所以終於俾我發現禁煙的好處去新南苑就一定食吊燒骨$48 , 又大碟又好食,送啤酒一流想食打冷野又貪心想樣樣都有就叫個潮州大拚盤$60一碟都幾大碟,除左鵝其他樣樣有D,抵食西蘭花帶子$68 豉辣炒聖子$48 , 個人喜好,去到邊都總要叫碟聖子煎蠔餅$32 , 好似無乜蠔,廟街果D正好多椒鹽鮮魷$48 , 好夠椒鹽味,岩晒我口味

7點幾去到又係好爆, 環境唔太好, 但勝在夠平生炒骨- 每件炸得好細, 骨多肉少, 個汁酸酸地唔太搶, 幾醒胃, 不過菠蘿太少, M小姐唔太夠喉味菜鵝腸- 鵝腸無肥膏好瘦, 不過o岩晒我呢D怕肥既人, 鵝腸入口算爽. 而味菜唔太鹹之餘仲甜甜地, 可用來送飯齋瀨粉- 個湯好淡味青島x 3來呢度食飯本來諗住就M小姐返屋企, 點知原來佢已經搬左...

呢度晚市很旺, 室內外都很滿座.衛生環境欠佳, 周圍多數係麻甩佬, 不過都預左.叫左三個餸:1.椒鹽鱔球- 鱔味唔夠又不太爽, 勝在不會油淋淋.2.馬拉盞炒芥蘭–幾油又唔夠香口.3.白灼鵝腸- 鵝腸仲有少少肥膏在內, 不太肥美, 伴食醬汁唔能帶出利提升鵝腸鮮味.薑餅人必叫啤酒伴食.

昨晚7點到去到見到有好多人, 心諗好好生意喎, 再行入D睇, 原來只係出面坐滿晒人, 裡面就好多吉檯, 原來係入面唔食得煙出面就得, 所以D人寧願比寒風吹都要坐出面.得番張二人檯就坐底, 呢度D效率好快, 叫咩都好快到.大豆豆腐卜($20) - 好大碟, 咸咸到OK既豉椒炒蜆($38) - 好惹味, 但要襯要食, 如果唔係凍左D汁會好杰豉汁蒸魚雲($48) - 份量比以前細左, 魚雲蒸得夠滑, 但個汁太淡, 要扣分青島($16 x 3)比個笑係因為真係好抵.同M小姐意猶未盡, 要轉戰第二輪...