料理X空間

營業中

休息中

早聽聞呢間餐廳都係做創意菜式，一入門就畀佢暖笠笠嘅燈光同充滿格調嘅裝修吸引住🥰真係好 chill！🐚法式焗生蠔配黑松露​打開焗爐蓋黑松露香氣撲鼻而來~生蠔肥美多汁咬落去鮮味爆發🦪再搭配上濃郁黑松露醬，鹹香中帶點菌香，好似味蕾喺跳舞💃​🍲麻辣牛筋腩煲​個煲紅彤彤嘅湯底已經令人流曬口水🤤牛筋軟腍到一抿就化，牛筋腩肥瘦均勻吸收晒麻辣湯嘅精華辣得過癮送飯一流🍚🍮焦糖燉蛋​飯後甜品點咗焦糖燉蛋🥄蛋香混合奶香甜度啱啱好，食完美餐再嚟返件，真係大滿足😋呢間餐廳每次都有新驚喜，性價比好高食物質素仲超班🌟

今日就同朋友去左料理X空間食飯,餐廳環境佈置好有異國風情泰式菠蘿炒飯菜式融合咗東南亞風味同西式既烹調方法, 用左唔少配料炒, 菠蘿味道酸酸甜甜,粒粒分明, 炒得幾香口花竹蝦拉絲窩夫鹹甜鹹甜嘅組合, 窩夫外層烤得脆口,面頭撒滿芝麻, 增加口感, 蝦滑肉質彈牙, 中間仲可以拉絲安格斯牛肉漢堡有別於傳統漢堡, 用咗窩夫代替麵包, 外層微微烤香, 咬落外脆內軟, 牛肉漢堡係自家製, 手打幾厚身, 加咗黑椒調味有小小辣, 夾埋青瓜, 蕃茄等, 配搭豐富, 配菜分別有薯條同沙律

又話openrice book位全單8折，佢$1都冇減比我。啲人叫唔到黎，賣個單三吹四請。#生菜包 得肥豬肉，蔥花都冇，豬肉係全肥膏，一啲肉味都冇，你只係用塊生菜包啲豬油入口，差到前所未有。 #菠蘿炒飯 冇菠蘿味，啲菠蘿好似風乾左n年乜味都冇，乜材料都冇，腰果又無，得啲肉松，炒飯冇蛋，用隔夜飯炒呀炒王～ 你隨便揾間茶餐廳隨便炒個飯都好食n倍。#沙冰 唔係沙冰，只係一啲水，上面有乜粒冰…… 叫咗雜苺沙冰，已經難飲到唔想影相了。第一次飲雜苺沙冰，裏面竟然放咗話梅。另外，隻碟細到爆，食嘅時候啲嘢食好容易跌落張枱。隻碟成個乞兒兜咁，畀個貴嘅價錢，然之後好似乞兒咁食嘢……

[✨旺角料理X空間 ]#深水埗 #料理X空間🔸泰式菠蘿炒飯 $98炒飯鍋氣十足，金黃色粒粒分明勁好食！搭配好多肉鬆，仲有大大隻彈牙鮮蝦，真係好足料，水準好高！🔸黑松露蟹肉天使麵 $128🦀成個天使麵煮得岩岩好，creamy之餘亦口感十足，松露香味濃郁，蟹肉分量亦好多，絕對值得一試再試！————————♡♡♡♡♡♡————————✨總結高質清新小店，設有室內和室外坐位，食材優質，用心製作，而且份量都頗大份，價錢好合宜💰深水埗必食推介👍🏻📍料理X空間🏠深水埗青山道3及5號建新大廈地下E號舖 @lon.don.room420 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #深水埗 #深水埗美食 #深水埗好去處 #深水埗食乜好 #深水埗餐廳 #創意料理 #融合菜

食材新鮮，菜式新穎，特別嘅味道，好用心制作，性價比高。斧頭豬架，香草白酒封門柳（牛）處理得恰到好處，食到肉本身的鮮味，特別是豬架，質感好幼嫩好鬆軟，咬落充滿肉汁。桂門柳牛味超濃，3成熟剛剛好。Lon.Don.Room 沙律，三文魚帶子超級大隻，蔬菜超新鮮，仲好大盤。安格斯牛肉漢堡，塊漢堡扒爆肉汁，98蚊，真係超值。為家人慶祝生日，老闆特別造了個蛋糕🍰，同樣高質好味。最後，一定要食黑松露蟹肉香草天使麵！地方舒適，坐得舒服，好開心的一餐晚飯。

冬陰功海鮮龍蝦湯個湯好濃郁，有冬陰功嘅咸鮮但唔會辣，入面有魷魚，蝦，青口等海鮮。法式芝士蒜蓉包熱辣辣即食有拉絲既效果，芝士量好足，下層嘅麵包好香脆。雞胸菠蘿芝士漢堡呢個係估佢唔到嘅組合，雞胸似有預先處理過，有煎過嘅焦香味，上面配有菠蘿芝士，中層有蔬菜類，底層係窩夫，第一次試呢個組合。佢個薯條真係出色，條條香脆，應該係裹過粉再炸既，食到一條不留👍檸檬乾荔枝沙冰&雜莓沙冰似用真果加冰製成，味道清新又吾會太甜。食飽飽後仲會問吓你用餐意見，係個有heart既餐廳。

呢間餐廳有啲東南亞fusion，近近地試一試都幾好。餐廳環境輕鬆自在，可以揀室內或者室外用餐。我叫咗個雞胸菠蘿芝士漢堡，主菜用嫩滑嘅雞胸肉，經過精心醃製，配上融化嘅芝士同新鮮菠蘿薄片，果香同酸甜層次感十足，真係好好味！仲有個古法焗魚，魚肉新鮮，肉質細膩。焗製時淋上特製嘅香草同果醬，讓魚肉吸收到果香料嘅精華。最特別嘅係佢有一款酸酸甜甜、辣辣嘅醬料，類似薑、香茅同某種生果製成，呢個醬真係好上癮，一啖接一啖食唔停。飲品方面，檸檬乾荔枝沙冰清新可口，檸檬乾嘅酸味同荔枝嘅甜味完美融合，帶來清涼感。而雜梅沙冰就更加開胃，超適合最近潮濕嘅天氣，飲完之後人都爽一爽！

前幾日同朋友聚會預約咗呢間料理x空間食飯😋每一道菜用心製作❤️性價比好高！值得推薦比大家～入到去走簡約北歐嘅風格，職員專業有禮貌👍🏻介紹每一道菜！美食⭐️⭐️⭐️⭐️⭐️🩵泰式牛肉沙律蔬菜的脆度 vs牛肉的嫩，加上花生碎的酥脆，口感豐富。濃烈又清爽！酸辣醬汁刺激味蕾，但香草和蔬菜立刻帶來清新回甘～🩵回味無窮生菜包生菜葉片本身口感脆嫩，帶有淡淡的清甜和微苦，能中和餡料的油膩感。餡料為炒香的肉末～生菜包裹住嘅肉食完一啖接一啖呀！🩵骨膠原咸豬手鹹豬手好香香草煙熏嘅味😋超入味👍🏻滿滿骨膠原😍🩵檸檬乾荔枝沙冰🩵雜莓沙冰

呢度店舖唔係好大 不過對住街 空氣都好流通清爽我哋午餐時間嚟到選擇都算幾多 係一個溫馨小店第一個叫咗牛扒薯條啲薯條係比較粗身，熱辣辣炸出嚟上面有適當嘅鹽分牛仔粒煎得幾惹味下低就有啲菜，成個碟都平衡另一個叫咗蝦炒飯呢個有少少辣 食落都幾爽口啲蝦已經剝晒殼而且啲飯嘅份量都幾多粒粒生命上高有唔同嘅香料配料，例如黃薑所以加咗口味套餐亦都包餐湯同埋嘢飲不過可能因為店舖太忙 所以佢一開頭都唔記得俾餐湯餐枱有少少辣 胡椒味重同埋有熱檸茶已經調咗味

深水埗一向多嘢食，喺附近兜咗個圈結果喺個偏僻啲嘅位置搵到間幾特別嘅fusion菜。呢個位置比較清靜，座位相比大街嘅餐廳闊落，食飯傾偈坐得相對舒服。🍽️金不換肉碎西蘭花苗 $88平時食泰國菜都好鍾意加咗金不換嘅菜式，今次都叫咗個菜試下。肉碎份量都幾多，金不換香氣濃郁，加上櫻花蝦香氣食落好有層次。🍽️肉骨茶燉牛尾 $228有別於平時飲開嘅肉骨茶，呢度嘅肉骨茶顏色呈奶白色。湯內除咗有多件牛尾亦有好多枝竹，飲落有濃厚嘅牛香氣。兩個人飲用亦覺得份量略多，非常適合天氣凍時飲用。🍹雜莓沙冰 $38 雜莓沙冰唔太甜，唔會好似飲緊雜莓果醬咁，真材實料~飲沙冰之餘仲食到粒粒莓肉，口感唔錯！🍹檸檬乾荔枝沙冰 $38有驚喜嘅沙冰！相比平時嘅檸檬飲品，使用檸檬乾香氣更加突出，除咗酸味仲帶少少檸檬皮嘅甘香，配搭荔枝嘅清甜同幽香非常夾！入口清爽又解渴~.想喺深水埗舒舒服服坐低食餐飯呢間唔錯~

📍 料理X空間{深水埗｝ 好chill 嘅咖啡店☕️店內外都有座位，可以比大家帶埋主子一齊食飯🥢店內環境都好寧靜，而且仲會有午餐套餐優惠，都幾抵食。而且食物款式都幾新派🤭✨ 生果咖喱雞與普通咖喱不同，冇好大嘅咖喱味，但係酸酸甜甜，以水果做主題，雞件好多，差唔多有半隻雞嘅份量，撈埋白飯一齊食，會更加開胃！✨ 骨膠原咸豬手肉質軟嫩，膠原蛋白豐富，吃落都幾嫩口。豬手的皮膚變得Q彈，配甜酸醬，更突顯味道！✨ 法國雜莓情人梅沙冰新鮮的雜莓與細膩的梅沙冰融合一齊，紅色和紫色的莓果在冰雪好吸引 🤩每一啖都帶來清新的果香和冰涼的口感。✨特濃朱古力濃郁的巧克力口感，搭配絲滑的質地，散發著濃厚既可可香氣，甜度適中，完美平衡左苦與甘。

這間隱藏在深水埗的小店氣氛悠閒，菜單匯聚多國美食，中西合璧，令人眼花繚亂，卻又好好味。**冬陰功海鮮龍蝦湯配蒜蓉包**香氣撲鼻，雖無龍蝦肉，但海鮮豐富，湯底鮮甜濃郁，香茅與辣椒的平衡令人回味。蒜蓉包香脆，是絕配。兩個人吃也足夠。**黑松露蟹肉天使麵**火候恰到好處，麵條彈牙，蟹肉與黑松露香氣交織，奢華中帶點清新。**朱古力咖啡**甜中帶苦，加上Hello Kitty棉花糖，既可愛又有心思，為用餐畫上完美句號。

呢間餐廳主打西式 × 泰式 Fusion 菜，菜式選擇多元化，擺盤設計新穎，而且價錢相宜，絕對值得一試。🦞 **海鮮龍蝦湯意粉**（$128） 湯底濃郁鮮甜，食得出用料十足，蝦肉爽口彈牙，意粉煮得剛剛好，口感煙韌。加埋其他海鮮，每一啖都充滿濃厚海鮮風味。🦐 **花竹蝦膠鮑魚三寶沙律**（$98） 相當有特色，豆角釀蝦膠比較少見，花竹蝦膠爽口彈牙，鮑魚粒鮮甜嫩滑，一啲都唔韌。配埋新鮮蔬菜，口感層次豐富。🧇 **雪糕窩夫**（$68） 即叫即整，窩夫烤得香脆，上枱時仲熱辣辣，雪糕冰涼順滑，兩者形成強烈口感對比，食落滿足感十足。

今次去咗間好特別嘅餐廳「料理X空間」，主打多國fusion菜，一入門口就見到個開放式廚房！燈光好柔和，令人好放鬆。我同朋友今次試咗幾款菜式，每樣都幾有驚喜。♡法式芝士蒜蓉包♡個包焗到金黃色，芝士同蒜蓉好香口同有啲果肉乾！最正係點佢哋個冬陰功湯一齊食，個包索晒啲湯汁，又脆又香，真係好鬼正！朋友仲話想encore多份添😆♡冬陰功海鮮龍蝦湯♡個湯濃到呢～一上枱就已經聞到好香嘅香料味，飲落去酸酸辣辣好開胃，仲有啲海鮮，鍾意泰式口味嘅一定會愛上❤️♡骨膠原咸豬手♡個豬手滿滿骨膠原🥰，肉質好腍！味道鹹鹹香香蘸上酸甜汁好特別，仲有沙律配菜唔會膩。♡檸檬乾荔枝沙冰♡呢杯好特別！飲落去先係荔枝嘅甜味，跟住會有檸檬乾嘅微酸同香氣，仲要真係食到果皮嘅咬口，好清新解膩。♡雜莓沙冰♡朋友叫嘅雜莓沙冰都好正，酸酸甜甜，仲有粒粒果肉同果皮，飲落好有層次感。兩杯沙冰都夠晒冰凍，飲完成個人爽晒！

鬧市中寧靜之《料理X空間》深水埗嘅印象都係好多電腦，比較多傳統嘢食，例如煲仔飯、街邊串燒，但係今日畀我發掘到，原來喺呢個舊區，有一間值得打卡留念嘅寧靜地方😇。北海道蟹肉焗野菌：外相吸引，香辣嘅蟹肉，配上焗嘅野菌，味道豐富，作為小食黎講非常唔錯😊。聖女菓日式扒大蝦：有四隻非常爽甜嘅大蝦之外，亦配有份量十足嘅意粉，口感彈牙，加上配菜為蕃茄仔同埋濃濃嘅醬汁，無論係外相定味道，都好值得讚架👍🏻。熱檸水 + 檸檬乾荔枝沙冰 + 特濃朱古力奶昔：朋友啱啱好返無耐，所以叫咗熱飲。餐廳好貼心地準備咗一杯暖笠笠嘅熱檸水，係愛嘅味道🤣； 檸檬乾荔枝沙冰，酸酸甜甜加上凍冰冰嘅感覺，夏日熱辣辣就最啱飲啦，超級消暑😗； 另外喺最後我都特別加多一杯朱古力奶昔，朱古力味濃厚， 有(黑森林)嘅味道，鍾意飲甜嘢飲嘅朋友嚟到，我會推介呢一杯嘢飲比你地😋。總結：餐廳屬小店，主要做熟客生意，喺深水埗呢個咁熱鬧嘅舊市入面，靜靜地坐低嘆返杯咖啡，係個不錯嘅選擇😄。餐廳亦設有室外位置，如果係有吸煙習慣嘅朋友，亦都可以選擇坐外面😊。