文記

營業中

休息中

之前一直聽朋友話海防道熟食市場內有好間食店d野又平又抵食，於是就今日走去試下。今日其實天氣好熱，去這裡真係冇冷氣都幾甘。我見到餐牌和招紙上寫住有快餐丶午餐丶常餐，仲有好多炒粉面飯。我揀了常餐($33),A+B+C，吉列魚柳丶沙爹牛通粉丶熱奶茶。吉列魚柳好大塊，又熱又夠脆，真係有水準！沙爹牛通粉大碗，而且有好多片牛肉，牛肉不會好鞋或者多根，沙爹味反而唔夠，通粉煮得比較淋左d咯！熱奶茶可以好肯定話正，夠熱，有茶味又有奶味，完全係大排檔的奶茶味！這個真係好有水準雖然天氣好熱，但這裡的吉列魚柳和熱奶茶真係好好味。

聖誕日要返工，早上特地在上班前做了一件很有聖誕氣氛的事，就是上教堂！之後已沒有太多時間吃午飯，記起附近正是海防道臨時街市-一個已經「臨時」了三十年的街市和熟食中心。夾在熙來攘往的彌敦道和廣東道之間，這個從外面有點陰森恐怖的地方，裡面原來別有洞天。首先這裡有應是全港最多的清真鮮肉檔，不遠處便是熟食中心。公假仍有不少在附近工作的售貨員和餐廳員工在吃飯，所以絕無冷清的感覺。（如果不是某馳名牛肉丸檔是日休息，令不少人吃了閉門羹，不然應該會更多人！）隨便在文記的的桌子坐下，也就求其地叫了個蕃茄牛肉意粉走牛肉（$37，跟餐飲）。另外加隻煎蛋（$5），據說是另一邊弄的所以分開上。我的吃法就是把蛋放在意粉上，刺穿蛋黃，那蛋汁跟意粉汁混在一起便變成茄蛋麵了。意粉本身味道偏甜，芡汁非常之多，幾乎是像湯的質感。蕃茄份量不算少還有幾條蔥，意粉當然也是腍腍的 ，不過求其快吃一餐算是這樣子了。跟餐還有一杯熱檸茶，夠晒醒神。有機會還是會試一試別的檔口的。

三月中旬‧晴工作完的時間明明是吃飽了的，但不知何解想喝一杯港式咖啡，來了這裡。這裡的熱咖啡不太得，淡淡的毫不香濃，水準以下。再來一件新野，是加哋鮮牛油麵包頭，味道不錯，但包烘得不夠熱，美中不足。不過吃完，也安樂一點了。

對於有美食既地方，不論環境是否最舒適，我都會去。同時，美食更不能用金錢多寡去衝量美味程度，今日我和同事去了尖沙咀海防道既臨時街市大排檔熟食搵食 一入到去門口，已經坐滿很多白領人士和地般工人進食，好不容易找到一個位置坐下，我今日很想吃炒粉麵類，所以來了文記。我叫了肉絲炒麵+奶茶，肉絲材料跟麵的份量配搭平均，一半脆卜卜的麵，加一半被汁蓋滿的淋麵，實在滿足我半淋半脆既口感麵質。而最重要的是，吃到最後部份，並沒有遺下大量油在碟裡，就可見廚師對炒粉類都有些功夫呢！而奶茶方面，我需不是奶茶愛嗜者，但來到大排檔，當然要叫返一杯嘆下啦！奶茶茶味較重，很香，餐茶來說，比起一般茶餐廳好飲。對我來說，有時大排檔師傅所煮出之菜色，真的更出色、更有鑊氣。值得保留此港式文化呀~~~YEAH

以前嚟親呢度都係食牛丸因為食開有感情由佢響街邊大排檔食到搬咗入嚟街市,其他檔口好少幫襯,呢排都會嚟開老尖就不如逐一試吓.今朝由街市個邊行過嚟,.朝早檔檔都冇乜人,幾冷清,各個檔口都努力拉客,回為一眼就望到佢個招牌咁就坐低喇.早餐得幾款,例牌要個沙嗲牛麵,餐肉煎旦,奶茶.呢度D奶茶阿姐會問你自已落糖抑或佢同你落,而家連細路仔都識講話要自已話事梗係自已落啦.茶味相當濃,見佢唔係落花奶所以奶味比較淡,沙嗲牛D牛肉OK起碼無乜化學品招呼過,大光麵質素如何,心照喇,餐肉煎旦,即做但好多油.普普通通嘅水準,以$19呢個價錢又算幾平.

我本身係尖咀返工...已經係文記既常客^^每次食既都係一樣,所以d阿姐見到我黎就知我食咩~我通常食既係佢地既常餐 $23牛油麵包 ( 可+$1轉奶油,奶醬厚麵包o個d, 或者+$2轉奶油,奶醬多士o個d )火腿奄列 ( 可選擇火腿,香腸,煎蛋,午餐肉其中兩款 )沙嗲牛肉麵 ( 可選擇五香肉丁,雪菜肉絲等等...多款 )一杯飲品 ( 凍飲+$2 )[ 佢地既沙嗲牛肉係唔同出面茶餐廳既"麵根"...佢地o個d係炒過...好味好多架^^ ]但今日我見到佢地既特價飯 $27有我心愛既黑椒雞扒飯...所以試下食...佢既雞扒味道似鹽酥雞...好味道^^包野飲 ( 凍飲+$2 )$29 係尖咀黎講食個lunch 已經係好平啦^^又平又好味~*不過天氣熱既時候...真係唔建議去...因為真係會食到出汗~ 以及仲可以order 埋隔離檔既德發牛丸添~

叫呢度的凍奶茶飲, 純粹因為食了self-induced 的辣0野, 要救救火, 相都無影到. 不過杯凍奶茶又出奇地好飲喎, 係"茶走" 的味道, 幾對口味!下次又0黎海防道街市的話, 會再叫0黎飲!

朋友介紹,話呢道出名牛丸,所以我專登點個牛丸米粉試下,又真係幾好味喎,牛丸大大粒,一碗五粒,而且無筋,有牛肉味,唔錯!不過叫飲品真係要小心些,我叫佢少甜,佢俾我困杯竟然勁甜,熱飲都同你加埋糖,甜到我真係...好難飲得晒落肚囉!少甜都係咁,正常咁漏死?順帶一提,個伙計好野,三個人叫三樣唔同野,又唔同飲品,佢唔使寫低,無錯個喎!好野!

(12/1/07)阿哥好識食,佢覺得呢度奶茶最好,經過咪入去試試。因為街市地方唔係咁衛生,買走的。唔....我覺得太甜o羅,已落糖的奶茶,更加唔夠茶味,奶亦頗多。唔滑。

轉眼間已寫咗三百個食評...好嘢仍然照食，評論仍然繼續...但係當初冇諗過呢度會成為第三百個食評，事有湊巧而已...每次嚟海防道街巿都只會去德發，今次轉吓口味去隔籬食什扒飯...先嚟例水菜乾豬骨，典型味精湯...什扒有豬扒、香腸及火腿，再加一隻荷包蛋...飯軟熟，汁唔太鹹，但對於我呢亭"鹹人"嚟講就偏淡；豬扒醃得有D過甜，不過算幾入味，本身有少少用鬆肉粉處理過，對我嚟講，灣仔新景園及九龍城文叔豬扒就較為出色；火腿並冇仔細煎過，失望，反而香腸就有煎，叫做補番數...奶茶就係普通料la...排檔嚟講價錢唔算平，各位都唔使專登過嚟食la..

去了日航搞埋d手尾，都說我「做慣乞兒」，好地地有兩個地板爽潔又乾手淨腳的美食廣場﹝新港及海港城的﹞，硬是要行來這裡吃排檔。是日天氣涼涼地，但在排檔爐頭環伺的情況下，也可是熱熱的。上次試了華香園的「秘製豬扒」，今次就試試這裡的「文記什扒」。放上招牌，應該是有點信心吧。什扒的陣容十足，有豬扒、雞肉腸、火腿、蛋各一，及幾條A菜，都夠舖滿碟面的了。先吃豬扒，用五香粉醃過，吃過腍腍的，亦有鬆肉粉，但感覺上比華香園的甜甜味道多一點好感，雖然後者沒有用化學品，但太實了。而用上雪藏貨，廿零蚊的飯餐，情有可原；腸是炸過的，火腿也是煎過，都叫做「有做野」；可惜的是，蛋是全熟的，下次記得的話要交帶要太陽蛋。結論是這個招牌什扒飯，不差，但放上了品牌，有點冒險。又忘記了叫「扣底」，飯是多得吃不完，夠晒飽肚。連冰鴛鴦一杯，29蚊，不介意環境的話，可也是經濟又飽肚的。總好去大集團的快餐店吧！