文記粉麵茶餐廳

營業中

休息中

每次去都一定叫牛雜米.炸醬麵味道不錯""價錢合理份量適中""但過多味精上次買左個外賣返到家""試試個奶茶勁討厭~~將鹽當糖放""令杯奶茶要作癈我事後無作追究但水吧師傅留意""下次小心點呀除此之外""整體不錯呀

住响黃大仙的我,會常常行上去慈云山搵好野食第一次去文記,晚上快餐連餐飲都是$21,好抵選了鼓椒牛肉炒河,其實都唔算快餐,因即叫即炒,要等一上桌,好多好多油,應該是我這一生人中食到最油的炒河,出事啦,因我腸胃唔受得咁油的食物唔怪得身邊的人多數選牛雜麵/河(套餐包餐飲$19),可能牛雜才是招牌菜見煲仔飯有好多都是$28,冬天時一定要再行上來試下

o係慈雲山溫完書次次都係去呢間宜家佢擴張呀前几個月我記得食面都係10蚊碗但絕對係落足料!我好鍾意食個常餐佢個um列真係超好食睇住老細(我估咋)o係度炒送之餘仲要整埋野飲超快手!d侍應反應又快真係好鍾意呢間!!!

我諗住慈雲山果d都知文記好食架啦...不過點解咁少評語既?佢d滑蛋肉片河勁正... 都係廿幾蚊... 有埋野飲.奶茶好飲呀!!!我覺得係慈雲山數一數二既茶餐廳!!!又平又好食!!! 成日都好多人架!!!

慈雲山既疏華街食肆很多。高級既就欠奉，草根有歷史既就有唔少，尤其是茶食廳。短短一條街就差唔多有成十間。質素當然有好有唔好。但講到優質既茶餐廳，莫講話慈雲山，就算全港黎講，文記粉麪都應榜上有名。好食既野，實在太多，就抽幾樣簡介下。常餐-- 同其他茶餐廳一樣，都係奄列，叉燒/牛肉公仔麵加杯野飲。乜都唔講，公仔佢地十年前已經只係用出前一丁唔駛加錢，其他茶餐廳用既大光麪有幾好食大家心照。剩係呢樣小小既心思巳可知老闆係對食有要求既人。其他既，當然唔會差。奶茶-- 有茶味有奶味又夠香滑，仲想點。真係試過同十大奶茶之一銀龍比較過，真係不相伯仲。煲仔飯-- 冬天先有，價餞稍貴。雖然唔係好似廟街興記咁用炭爐，但係仍然煮得爽身有飯味兼粒粒分明。皆因每煲煲仔飯皆由老闆係店門口親自操刀，每煲都係精心傑作。可惜既係只得冬天有得食。北菇滑雞乃係不二之選。晚餐-- 老實講我食佢地既晚餐分分仲多過係屋企食飯。佢地每晚都有特價晚餐，只收廿蚊之餘仲有四款可楝。咁平既價錢咁正既質素，可謂超值到予欲無言。小弟既至愛獨沽一味，咸魚雞粒炒飯。炒飯夠乾身，咸魚夠咸香，雞粒夠口感，再加埋杯凍奶茶，食完之後此生無憾矣。有好野就一定要同

次次lunch經過都話有位,其實入面好多人, 逼到死,不過都幾好味, 幾抵食

幾好架! 又唔係貴. 去呢間野最好係有野睇, 有個煮野食既人動作極似機械人, 睇到心情都好D

一般茶廳，不過勝在慈雲山風景好，好似去了半山區，個feel 幾好唔錯！