文記小食 (已結業)

收工後路過見到掛左個遠睇寫住2蚊串魚蛋既牌，就走埋去要左串，然後放底兩蚊，點知個阿姐勁大力拍個兩蚊係台面，"十蚊啊小姐" 我問"唔係兩蚊串咩？"佢話你睇清潔個牌先啦！我話"睇唔到細字寫乜，講我知" 個阿姐就走左去。另一個阿姐話要買其他野再買魚蛋先有優惠，咁就要多左串墨丸。收左30蚊。貴又態度差，魚蛋係粉團，墨丸麗咸一d都唔好食，反而激到一肚氣。建議各位先詢價後買。…查看更多

由左邊舊舖搬去右邊新舖，地方似乎細左，但乾淨左好多，而且依家賣埋牛雜添！係真唔係呀，$2 蚊串魚蛋？唓，搵笨！其實係 2 串 $12 蚊，個牌好有問題囉！咖哩魚蛋，居然有大中小辣揀？又幾好喎，我梗係要大辣啦。但如何調出來呢？都係同一盤咖哩汁，搵我笨嗎？魚蛋無魚味無鮮味，好采有咖哩味又夠辣而無腥味。口感硬實，都總好過索索聲似發泡膠。炸雞髀，賣相睇落就大大件，點知一咬落去得層皮既？裡面空心架喎﹗雞肉縮到只剩低一半唔，其他去左邊呀？比班阿姐偷食左？搞錯呀﹗雞髀無醃過淡如水，廿成熟再翻炸，肉質乾爭爭。只係雞皮洒椒鹽，最難頂係炸到油淋淋囉﹗炸巨形牛丸，要 $16 蚊串，食到個飯架喇﹗大粒到我個口都只可以容納到一粒，係勁既。牛味濃郁，炸得香口，外皮略脆，丸肉不彈但有嚼勁。淋上蜜糖、洒上七味粉，調味有創意而且真心幾好食，係有點油膩啫。大陸阿姐一開口就想劈我細碗 $30、大碗 $50，吓？無一串買架？有，多謝 $15 蚊啦！蘿蔔牛雜走肺，大陸阿姐超柔既動作，十分優雅，不慌不忙，串針線一樣，精雕細琢。睇到我個心卜卜跳，滴晒汗添啦！即刻幫佢計時，足足四分鐘，您係利害既。好采無客買牛雜啫，多一個都霖檔。味道重口味，好咸喎！牛肚少點牙力都唔掂，硬韌極致，牛腸薄衣衣得塊皮，質地最好係牛膀喇！三舊生蘿蔔，掉去垃圾桶！如果我唔係樓上打泰拳，我諗無咩機會幫襯依間小食店。已經兩年，只係食過巨形牛丸、巨形墨魚丸、咖哩魚蛋、炸大腸及炸雞髀。全線女人服務員都係大陸婆，老闆驚死被落格唔比職員同現金有任何接觸，學足大陸要買現金卷真係麻鬼煩囉，您不如學快餐店比錢買飛先再去攞食物！依家要排兩次隊講兩次，又混亂又打尖！非常十分完全大陸 feel，依為返左深圳東門！…查看更多

今日路經旺角，被一間小食店內的食客抬上的車仔麵所吸引。反正接近午飯時間，就選擇了這間食肆。店子很小，相信最多都是可以坐十多個客人。小店沒有餐牌，主要都是小食，包括車仔麵、腸粉和生菜魚肉湯之類，還有幾款飯寫在牆上的 poster 上。反正一心想吃車仔麵，都沒有細心看那些飯類，就點了油麵，再加了豬紅和豬皮。車仔麵的賣相很好，份量亦可以。味道方面亦處理得相當好，豬皮有口感，而豬紅所帶的微微鹹味，亦相當可口。估唔到這樣的一間小食店，竟然有這樣水準的車仔麵。唯一美中不足的是沒有主動幫我加辣，或問我要不要加辣，而我竟然在差不多吃完後才想起，怪不得在吃的時候總是好像差了點什麼。吃完車仔麵，並未十分飽，就加了一碟腸粉和一杯豆漿。很喜歡吃混醬腸粉，這裡的腸粉都是高水準制作，腸粉軟滑，端出來的時候熱辣辣，再加上份量適宜的醬料，好味！豆漿亦是冰凍，不過甜，ok。這間小店完全不起眼，但食物的水準比很多舖頭還要好，而且價錢公道，三樣食物總數三十二元，希望佢地能長期維持食物水準，繼續努力吧！…查看更多

今日黎左旺角買電話，買完諗住去先達買埋個case，途經呢間文記小食，因為剛才食o個包撈撈小食真係少得可憐 ,所以o係度再睇下有 d 咩野好食 , 呢度除左一般煎釀三寶之外仲有好多特別o既煎炸野 , 好似炸蝦 , 紫菜卷 , 粟米魚蛋等而我地就比 d 一塊塊o既煎餅吸引左，查問之下阿姐話係銀絲魚蓉餅，$ 9 兩件 , $ 14 有四件 , 咁緊係四件抵食 d 啦，我地就係咁卜鎚左喇呢間舖有個特別之處，就係要先向一位阿叔落單 , 比錢後佢會俾d 飛仔你，系一張張寫住價錢既紙仔，到你拎野食既時候就要出示反紙仔先得 ~我地睇住個阿姐將本身疊系旁邊既魚餅 , 放o係煎皮上先翻熱再俾我地食，到手時熱辣辣 , 魚肉好彈牙，而且食落去唔覺腥 , 外皮略脆 , 裏面有少量蘿白絲同蔥花 , 味道咸淡適宜，不過就有少少多餘o既油，原因係阿翻熱既時候係不停地將 d 滾油淋上魚餅度，所以其實似炸多過煎好在個紙袋都索減 d 油，如果唔係入口可能會覺得好肥膩 ~## 呢個轉角位生意都唔錯 , 成日都有一堆人圍住 , 可能因為食物選擇夠晒多 , 不過其實大部份野定價都偏貴 ,相信都係因為地方問題 , 租貴物價貴 , 自然要賣得貴 , 唯有將就下啦 …查看更多

今日收工實在太肚餓，隨便係街邊買幾串小食填住肚，就發現左文記!!我叫左煎釀三寶，煎韮菜餃!!煎釀三寶樣樣都超好食，特別要讚係個豆腐，炸到外面好厚身好有口感，而入面就好滑，我唔太鍾意食豆腐都想食多件!!而煎韮菜餃就煎得好香口，不過要留意好鬼熱，必食推介之一!!一定會再返黎幫親!!…查看更多

有時候放工, 會喜歡拮返件小食來邊行邊走. 而旺角既街道頭街尾街中間, 是充滿著呢一D魚蛋店, 售買一些串串美食. 從前, 這些東西絕對不會在店舖出現. 魚蛋, 煎釀三寶, 碗仔翅, 炸大腸, 牛雜同今次我食的臭豆腐, 全都是街邊檔車仔, 大伙一圍著檔仔, 買來食. 後來, 因為環境及衛生問題, 推車仔的東西已經不再有, 但呢一種街頭小食就依然照顧著我們香港人. 不過, 售賣地點, 就入晒舖頭.身為旺角既一份子, 現在陳真會加多一個篇幅, 就是街頭小食逐間捉. 今次, 就係先達旁邊的一間魚蛋店, 整返件臭豆腐先.現在的魚蛋店, 同以前的不同了, 以前的車仔檔, 賣魚蛋就魚蛋, 賣碗仔翅就碗仔翅, 賣臭豆腐就臭豆腐, 河水不犯井水. 而家上晒舖, 這些街頭小食店實行多完化, 一個檔仔, 基本上乜都有得食. 不過, 正因為咁, 他們不再是專門製做, 好多好多, 都非常之參差. 而這個臭豆腐, 就是一個比較失敗的作品.拿到上手, 已經覺得不妙, 因為臭味不重, 亦可以說, 此臭豆腐, 完全的不臭. 加了甜醬去食, 味道上, 未夠濃, 雖然口感就差不多, 發酵了的豆腐味道食得到, 但臭豆腐是應該再發臭一點, 口味再濃一點才是. 如此一吃一嗅, 嗅得到此臭豆腐, 未到家......下次食, 試別的, 評別的...…查看更多

話說今日同朋友去文記諗住買d小食.由於果陣比較多人 我地就企左係臭豆腐格離等!點知小食店既人就炸臭豆腐 d豆腐炸炸下飛晒落地下不特止 d滾油仲飛晒落我地個身度.第一次少少都算啦 我同我個fd巳經行開少少 點知第二次仲勁 真系唔係誇張 我朋友半個身都係油! 我個朋友俾油彈到又紅又痛!點知小食店既人仲要話 我點知佢會咁樣彈d油出黎姐!連一句唔好意思都冇 仲要大大聲話番人 會唔會過份左d呢?間小食店唔單止衛生程況差 成地油同豆腐都唔在講 仲要態度極之惡劣!…查看更多

未寫已經要給十個黑面 生菜唔知咩魚肉 沒錯不是鯪魚肉，是一舊粉．．．你是感覺不到有魚在裡面．．生菜份量少有點霉發黃 +味精湯.. 鋪面(一) 鋪面(二) 比錢買coupon ! 事情是這樣的 話說倆口子在等巴士，一口子在經過黑店眼尾看到白色的魚肉就想吃了，因為一口子很不喜歡鯪魚肉的，很難得有白魚肉就走回頭買了．．事情是這樣的．．．為了確認這不是鯪魚肉．．一口子：靚姐這是什麼魚肉丫？丫靚姐：我唔知ｗｏ．魚肉囉！一口子：咁係唔係鯪魚肉黎丫？丫靚姐：我點知ｊｅ，ｄ魚肉攪埋一齊！（ｂｅｅｒ一聲．．咁幾多錢丫？）丫靚姐：$10。如是者一口子就走到coupon 丫姐到買coupon..(街邊小食店的food court ...要coupon先可買野食)..怪事發生了．．當一口子給$10　coupon 丫姐．．coupon 丫姐：生菜魚肉　$15一口子：$15?coupon 丫姐：係丫你外賣$15 堂食$10　一口子於是照付款走回丫靚姐面前給coupon 啦，點知丫靚姐就淨係收左$10 coupon 還給一口子$5 coupon一口子：嘜唔係 $15咩?丫靚姐：唔係丫，呢個$5 係送比你飲野架一口子：送!? 我比左錢架wo個coupon ?唔要係唔係可以要返cash $5 架?丫靚姐：係丫送比你架.(...好野..明明我比錢你話你送比我 ) 送比你架!!!x3....一口子：........於是走到轉角的"喫茶店"看......所有menu 都是over 12, 14,,,咁可來送野飲呢?! 如果想用埋張coupon 又是要加多$5-6 先買到杯野飲..夾硬黎架wo!!!!!!!即是如果我不想浪費$5 又要比多$5.........好野....大家真是要問清楚....呢個咁好既promotion唔知做到幾時......又或者一向都是這樣.........…查看更多

呢間野食過好多次, 魚旦, 碗仔翅, 九菜餃等... 但係都好難食, 最好食既只得 "牛丸"牛丸會加上才許蜜糖 & 胡椒粉, 甜甜地又辣辣地, 外脆內爽。:)但係好貴 $12 蚊得 4 粒, 不過粒粒都大過乒乓波 食一串都會滯滯地~~順帶一提, 果幾個呀姐態度真係好麻麻地 好似唔自在賺你個幾蚊咁~~…查看更多

現今的臭豆腐沒有兒時那種怨臭味道已是不爭事實，呢間文記的連入口都可以做到淡就第一次見﹗約了友人食飯，小巴出到旺角，梗係醫左肚餓先，就叫了件臭豆腐。豆腐炸得脆口，但成件豆腐隊埋鼻聞，臭味真係欠奉﹗係咪因為放在大街唔俾佢賣得太臭呢？總算外脆，豆腐心卻口感很散，沒有豆香，試過好多檔臭豆腐，呢間都可算最差的了﹗買件豆腐俾左錢佢俾兩張紙仔我，唔係多人都唔知點解要咁做，認真唔環保了﹗…查看更多

同男友、朋友一行三人去旺角, 經過<文記>, 肚仔餓, 幫襯佢買下嘢食。唔買由自可, 一買把幾火~阿姐係咁大叫魚旦買一送一,我同個阿姐講要兩串魚旦&一串牛栢葉, 問佢幾錢, 佢話$14, 點知話要先同個阿叔買飛, 再攞飛過來領嘢食。阿叔話$15送$2飛, 咁男友買多咗份煎釀三寶(唔記得幾錢), 送咗$2飛。咁領完三寶, 攞$14飛同阿姐領魚旦&牛栢葉, 阿姐俾得一串魚旦(6粒)&一串牛栢葉, 我話佢俾少咗, 佢係咁話無錯, $14係一串魚旦 + 一串牛栢葉,我話魚旦唔係買一送一咩?佢話魚旦齊買一串$6, 牛栢葉$8, 加埋$14,魚旦買一送一要$8, 加埋牛栢葉要$16,咁算啦, 我俾多$2買飛, 要多串魚旦(即係買一送一魚旦 + 牛栢葉, total $16),點知佢俾多串魚旦(4粒0既), 我問係咪俾少咗啊?點解頭先嗰串6粒, 而家呢串4粒, 又話買一送一?佢竟然話買一送一係咁喎~嘩~你話係咪一肚氣?離晒大譜囉~阿姐已經亂咁叫價, 又計錯錢, 仲要魚旦話就話買一送一, 其實都係$1粒, 同一個價錢, 根本搵笨!講真, 到最後都唔知道究竟有無俾多錢, 因為實質佢話幾錢就幾錢, 海鮮價咩而家?呢間咁既ge嘢真係要black list~…查看更多

23/8 晚上男友突然間想食碗仔翅關係就去咗呢間食店, 男友買完後我就急不及待攞嚟食點知我唔睇由"自"可一睇就把幾火嗰碗咁嘅嘢叫碗仔翅得幾條肉絲(仲要你可以數得出有幾多條)跟住乜都無佢仲要標榜呢碗咁嘅嘢叫金牌碗仔翅…查看更多

常說現今的臭豆腐已不臭,真懷念昔日街邊檔的臭豆腐.之前在某食家的Facebook內,推介這間在先達外面的小食店.原來我一直也未試過.每樣小食井然有序地紛陳在店外,要吃就先買票,再去拿食物.有點多此一舉.臭豆腐$7一件,小弟恰巧碰上即炸,拿上手,是熱辣辣,但未聞到臭.急不及待放入口,又幾香脆,也吃到陣"除".可惜只是一瞬間,那陣味道,迅速消失.內裏的豆腐,滑就幾滑,不過就沒有味道了.是我要求太高,定係現今的人對臭豆腐沒有要求?總之,同油渣麵一樣,也吃不回以前的味道矣.…查看更多

2007年12月7日，22:40若不是食友在嘆息，好的臭豆腐難求；便會忘掉這麻雀雖雖小，五臟俱全的街角小店-炸物、鹵味...果汁。當晚走到如遊人如鯽的亞皆佬街，忽然嗅到濃烈和熟悉的香味。原來街角在炸臭豆腐，便對大姐要一件，大姐著我先買票，才知道有先錢後貨的售票系統。當交票時，那件臭豆腐還未炸好。原來放在鍋邊的，衹經走油，還未炸透；即炸貨色，信心保證，加分。色：金黃，通透。香：炸時香氣頗濃，但細味後餘香不足。味：皮算鬆脆，有層次，入口霉軟、微滑，有餘香。這臭豆腐，不是完美之作，但放眼現今香港的"臭豆腐"，肯定是有水準。…查看更多