利安咖啡屋

去澳門前做咗好多資料蒐集，想搵好食嘅乳豬，之後搵到呢間利安咖啡屋。一入到去餐廳冇食客，問店員乳豬2-3人份量有幾多，店員話大約有11、12件，我地2人，所以要咗呢個2-3人份量。但乳豬嚟到比想像細份，皮又靭又硬，唔脆，而且size偏細、偏幼，人哋一件等於佢兩件，好似平常一件切開咗變兩件咁，所以唔似平常11、12件既份量。不過，估唔到焗豬扒飯比想像好食，係炒飯底，份量都係比較細份。厚椰拿鐵味道好淡，覺得麥當勞的厚椰拿鐵比佢好飲。整餐飯價錢都偏貴，覺得唔太值呢個價錢…查看更多

放假同小朋友去左澳門玩，之後本來想去官也街附近食人氣餐廳，但係超級多人排隊。見隔離利安咖啡屋等位唔使太耐，上網一睇，先知連續數年榮獲米芝蓮推介的葡國菜餐廳，即刻入去試下。🌟豬仔包麥香味重，口咁鬆軟，飽腹感不錯，好味。🌟#馬介休球幾有特色，味道不錯。🌟#利安特色燒乳豬皮脆肉嫩，好好食，必試。🌟#厚燒黑毛豬扒厚身肉，肉質鮮嫩，鎖住肉汁，很嫩滑，正。🌟#葡汁咖喱雞超大份，味道水準不錯，食唔晒。🌟#炒雜菜🌟#吞拿魚意粉芝士味香濃，意粉軟硬度適中，味道佳。店面無咩裝修，看似平凡，但食物水準不錯，屋企人大贊，價錢合理，值得一試。…查看更多

今次颱風澳門之旅一行17人，由於人數唔少，所以搵食一定要book定枱，事關我哋呢個行程係最後一分鐘先決定Go！所以無預早搵食，好彩表妹夫有朋友介紹呢間「利安咖啡屋」兼幫我哋book 埋枱，非常感謝🙏🏻。我哋叫咗好多食物，但係我專心食所以忘記影相，當然亦有少少場地因素，因為我哋果張枱係超長枱，所以⋯⋯有幾款食物我係鍾意食嘅：利安特式燒乳豬 - 皮脆肉嫩，燒得啱啱好，好食。咖喱蟹 - 咖喱炒得好香，好惹味！蒜辣汁大蝦 - 呢個好鮮味，個汁餸飯一流，如果可以嘅話，我想自己食晒一碟。馬介休炒飯 - 炒得夠乾身，馬介休唔好咸，淡淡的，同炒飯一齊食好match。木糠布甸 - 澳門必食甜品。…查看更多

這次來了澳門遊樂，就試一試當地有名的葡國菜，這家店近官也街，店內地方不大、座位不多，所以建議提前預約。利安特式燒乳豬 $298/客這個是這裏的招牌菜式，燒乳豬的皮燒到好脆，而且肉多而嫩，的確是挺好吃的，而每件肉的size都切得比較大塊，所以吃著挺滿足的。紅酒燴牛肋條不得不說這裏的菜式份量都幾大，這個牛肋條有好多件，不過略嫌肉質煮得有點過淋，而且紅酒汁偏甜，吃著有點膩，不是太惹味，至少不會令人有想一口接一口的感覺。木糠布甸又是來到澳門必食的單品，這裏的木糠布甸雪到像雪糕質地，而且味道不會太甜，感覺吃2份都綽綽有餘。總括而言，如果來這裏食的話，只點燒乳豬及木糠布甸就足夠了。…查看更多

喺openrice睇到咁多正評以為好好食啦，特登行成20分鐘走去食呢一間餐廳。但實際上都好麻麻。特別係好多人推介嘅葡國雞飯，碟就大喇，但雞又少，薯仔又少，椰子味都係冇乜，非常之普通。我哋仲試咗佢個招牌Menu第一版嘅厚燒黑毛豬扒，我覺得用咁嘅價錢，居然俾啲咁嘅質素豬扒我哋，啲肉鞋烚烚。重點係唔單止個環境麻麻，連嗰啲服務員嘅態度都係超差。每一句說話都好似要搶你錢咁。又貴又唔好食，都唔知啲好評係邊度嚟㗎！好失望！ ！…查看更多