散水餅

營業中

休息中

Waffle趣卜卜好新鮮，訂咗random味道等廚師安排，有朱古力/雲尼拿/士多啤梨味三款，個個同事食完都讚好👍🏻多謝waffleman係我嘅last day畫上完美句號😊

店員超好 公司仲有2日開幕 我都算叫急單 諗住叫到會店員夜一夜都仲覆到我 我地叫左20個donut , 20個蝴蝶酥同蛋糕仔都超級好食 ！運送過程非常衞生 仲有保溫袋裝住啲donut ! 食物方面！donut 同蛋糕仔唔會話太甜 超岩小朋友食 ！小朋友仲話食完要再返黎拎多個！如果想搵散水餅哩間係一百分！或者到會開幕都係一個好選擇very good ！下次去到赤柱都一定要試下哩間Waffleman ! 今次冇叫到waffle 下次黎一定要試！

訂購了蝴蝶酥做散水餅，包裝衛生又乾淨，味道都ok.訂購過程效率快，安排用順豐運送快靚正，唯出貨未有通知聲及比單號，欠交帶，等足大半日，我都收吾到順豐通知，反而係我老公收通知（因佢要求填上後備者，以防找不到訂購人。）之後whatapp又已讀不回冇反應，擺明我急佢吾急既態度，結果搞亂晒我既行程schedule ，未能親手將每個餅送到同事手上，到我話收到貨後（係我做人有交帶），原本吾諗住comment 因已成事，佢就急住要話回圖又話比評語支持下小店。只着眼想要好comment, 服務不夠體貼。

鬆餅好好食🤤同事都話包裝好靚好可愛🎀啲鬆餅好快就俾人攞哂😂個個都好有心思蜂蜜加棒真係好可愛～我自己都留左一個🤣送貨準時有效率，司機大哥都好好🤣有機會一定會再幫襯同一定會介紹俾朋友🥳

好random咁係ig ad 見到原來赤柱waffleman 有散水餅，咁就決定一試。再加上自己之前都有去過赤柱試過佢哋嘅窩夫，一直對佢哋嘅印象都唔錯。今次買埋散水餅之後，覺得佢哋無論食物嘅品質定係運送安排都無得頂。如果諗唔到山水餅送咩，大家不妨一試！

好靚嘅冬甩棒，味道都唔錯，可以試下架，行過赤柱邊食邊欣賞四圍美景冬甩棒有三個味道，朱古力控必試朱古力味，真係好好食，士多啤梨味都唔錯，影相打卡真係超級靚，另一隻糖霜外表win晒，睇上去雖然白雪雪，彩色糖係畫龍點睛呀，總之非常好

“𝙒𝙚𝙚𝙠𝙚𝙣𝙙 𝙬𝙖𝙛𝙛𝙡𝙚𝙨 𓊱”放假難得來到赤柱 赤柱真的很少人 是避世好地方啊 天氣太熱 就試了這間專賣比利時窩夫的店 大家夏天來也可以一試·͜·環境 ᴇɴᴠɪʀᴏɴᴍᴇɴᴛ☁️店鋪地方小 但舖外有很大的戶外空間 眺望赤柱風景 室外室內食都沒有問題食物 ғᴏᴏᴅ🥢✦ 香蕉朱古力新地窩夫𓂃⋆｡ 🍌味道幾好 偏甜一點 不過沒有太大驚喜 賣相討喜 加了很多棉花糖粒粒*⑅ 🍡 窩夫夠熱 整體不錯✦ 玉桂蘋果新地窩夫 🍹𓏔 🍮 ✧ ˳味道酸甜 覺得味道有點重 愛甜的應該會喜歡吧 玉桂味不算重 較喜歡上面那個喔(　-᷄ ᴗ -᷅ )

離任在即，安排散水餅是一樣煩惱。想了很久，終於選擇了這一間。討好嘅外形，精美嘅包裝，同事們很鍾意，又IG able🤪冬甩甜而不膩，窩夫質地軟熟。送貨時間比原定的早了，這也不影響到他的味道，因為有精美嘅錫紙保溫包裝。不過可能因為溫差，夏天包裝紙內裏會出現水蒸氣，不過也不影響食用效果和味道。如果朋友問我散水餅，我都會將佢推介俾朋友。有機會都會親臨貴店幫襯。。。。。。。。。。。End。。。。。。。。。。

一星期前預定，很快便回覆。當天送貨準時。獨立包裝冬甩精美，味道也不錯。同事也很喜歡。唯較想像中細小一些，但原來同事們覺得份量剛剛好。而且放在保冷袋，不怕因天氣熱而變壞。

一開始見到 Waffleman 係知道佢有埋散水餅，係今次去赤柱先知原來佢有實體店賣比利時窩夫既。夏天去到赤柱行到攰，就去買件waffle坐低食下嘆下😌除左有waffle食之外，鋪頭出面仲望到個好靚好大既海景🥰 1️⃣焦糖抹茶窩夫（$42）窩夫每件都係即叫即製，用到比利時既材料整，蛋香味好夠🤤窩夫做到外脆內軟，外面微微既酥脆，配合埋面頭既抹茶雪糕同埋焦糖醬，甜得黎食得好開心😄另外仲有啲棉花糖朱古力碎係度👍  2⃣️玉桂蘋果新地窩夫（$52）玉桂蘋果既醬酸酸甜甜，食得出肉桂既味好香😍配埋雲呢拿雪糕一冷一熱食好正！不過要留意窩夫即整出黎仲熱既，雪糕係上面溶得幾快，所以唔好影相影咁耐📷  

唔明點解會有人話好食中曬伏、好垃圾、得個樣，衰到我要貢獻我第一次食評同朋友經過買咗兩件試Waffle 好似現成超市買返黎咁，太淋patpat，唔香口，粉團味自己喺屋企整都好過佢雪糕仲可以叫正常，雀巢質素睇番啲食評，好難想像係講緊同一間舖！定係我黑仔⋯服務態度都唔好講喇，無服務可言Find out返之前同事請食餅就係呢間，點解會記得！因為佢個藥水味冬甩，難食到我最後扔咗，都唔好意思同個同事講。最後建議對食無要求同唔怕晒錢可以試下嘅。

幫媽咪訂來送比佢d同事🥰個個都話包裝好精緻同好好味，特意自留幾個，家人也大讚✌🏻送貨好方便而已包裝得好妥當，乾淨又整齊🥰多謝曬，下次會再幫襯及推薦比朋友😍😍

☀️夏日炎炎，入赤柱去完沙灘玩再去埋美利樓打個咭，上翻去赤柱廣場食翻個冰凍雪糕窩夫降一降溫先！🧇𝔸𝕡𝕡𝕝𝕖 ℂ𝕚𝕟𝕟𝕒𝕞𝕠𝕟 𝕊𝕦𝕟𝕕𝕒𝕖 𝕎𝕒𝕗𝕗𝕝𝕖 $➎➋即叫即製嘅比利時窩夫新鮮熱辣辣仲少少脆身，淋上用蘋果粒同玉桂煮成嘅果醬，甜甜酸酸咁好開胃。再襯埋雲尼拿雪糕球，每啖食落口都係一冷一熱，炎夏食翻個咁消暑嘅甜品，再望住個海望住靚景感受住涼涼海風，精神真係會為之一振㗎！

發覺其實赤柱好似好多餐廳，但好多其實都係連鎖店，就算唔係赤柱都食到，所以今次就搵左間得赤柱先有嘅小店。原本想去boat house，但發覺佢喺冇幾耐之前已經結業，雖然我想去唔係因為佢啲嘢食好食，而係因為佢算係赤柱嘅一個landmark，個個去赤柱都會去嗰度打卡，甚至係上上面邊食嘢邊睇赤柱嘅風景，所以我就搵咗間類似嘅，係一間食比利時窩夫甜品嘅小店，佢係喺赤柱廣場嘅4樓，餐廳有少量嘅位置，可以睇到黑板上總會提供Wi-Fi密碼，如果唔想喺餐廳食都可以喺廣場4樓出邊嘅觀景台既室外位置食，嗰度都有一啲枱、櫈、太陽傘提供，可以望到赤柱嘅海景。店舖主打比利時窩夫，每個款都可以揀加唔加雪糕，除咗窩夫仲有法國朱古力批、美式班戟、全素窩夫、雪糕三文治、雪糕筒、奶昔、新地凍鮮奶、東檸檬梳打、咖啡奶茶熱飲等等。-1️⃣ 香蕉朱古力新地窩夫💰52（👅: 7.5/10）呢個口味係店舖最推介，都係人氣之選。雪糕有一球，係朱古力味，食落正常唔算苦亦都唔算好甜，味道係餐廳決定咗，如果想轉口味要加$10。窩夫都係用比利時入口嘅材料整，麵團加入甜菜根提煉嘅比利時珍珠糖，烤焗過後都唔會溶咗，所以形成咗一個脆面，珍珠糖夠甜唔使落

週日帶老婆遊車河, 行完淺水灣再入埋嚟赤柱...赤柱已經有一排冇黎啦, 對上一次嚟好似係幾年前嘅聖誕市集, 車又逼人又逼，之後就怕怕😅 今次嚟到估唔到唔算好多人! 咁又係嘅赤柱都係個旅遊區, 冇咗遊客就... 但都好, 唔使同某大國嘅大媽大叔迫! 本身已經喺淺水灣食咗晏, 到赤柱就冇再搵餐廳啦, 但老婆竟然仲想食下甜品...女人果然係有兩個胃! 咁我就梗係奉陪啦! 叫咗呢份全名好長唔記得, 有香蕉有雪糕嘅窩夫, 貪佢最大路~ 雪糕 加埋個熱嘅格仔餅，又凍又熱咁都幾搞鬼，最緊要老婆Ok啦! 其實窩夫同港式格仔餅有咩分別呢? 講真我至愛都係花生醬煉奶~ 仲要多醬~ 嘅格仔餅! 因為係香港嘅味道呀!食完行下赤柱市集又一day~ 話時話赤柱市集真係要諗諗唔好太依賴旅客...d檔都係賣緊紀念品鎖匙扣咁嘅嘢, 遊客可能都會買啲，但對本地人嚟講真係冇乜吸引力~ 不妨參考下台灣嗰啲文創市集, 賣畀啲年輕人賣下d手工作品, 話唔定有另一番景象啦?