敏華冰廳 (Tower 535)

營業中

休息中

又到我喜愛的敏華冰廳， 今次到銅鑼灣謝斐道分店， 雖然敏華菜式不多選擇， 但常餐和黯然銷魂飯的味道確有水準， 今次點兩個一樣的常餐A3 $54～ 沙茶牛肉公仔麵， 炒滑蛋、雙腸、歐式軟多士， 原味凍咖啡跟餐$3。沙茶牛肉公仔麵～沙茶甜味較輕， 微微的辣， 公仔麵軟硬適中不會太腍， 牛肉嫩口，讚！炒滑蛋、雙腸、歐式軟多士～ 炒蛋口感香滑， 煎腸仔就比較油膩， 歐式軟多士配上牛油香脆好味。凍咖啡～ 喜歡這裏的凍咖啡沒有冰粒，原汁原味。今次因為太飽沒有吃到至喜愛的蛋撻， 下次一定要再食過。

今日黎到銅鑼灣嘅一間冰室嗌左圖中呢個飯食。本身我都成個上晝無食嘢，去到餐廳已經下晝兩點幾，非常肚餓，諗住食呢個飯應該啱啱好。其實個飯味道係唔錯嘅，但食到後面就會覺得有啲濟，因為佢啲叉燒全部都好大件，仲塗左一層好甜嘅蜜汁係面，食得多就會有啲膩。

一杯奶茶，一件蛋撻，就是正宗的港式下午茶奶茶可以說是茶餐廳的靈魂，好喝與否，正可顯示水吧師傅，技術如何，沖奶茶有沒有功夫。其實除了功夫外，用料也是十分重要，荷蘭黑白淡奶，來貨價比較高，很多茶餐室不願意使用，可能因為成本控制的問題。但好的東西，一定有棒場客，生意便不成問題。敏華冰廳的奶茶，香濃茶香，配上黑白淡奶，相映成趣，到餐檯的時候，溫度剛好，立刻享用。新鮮出爐的蛋撻，永遠是最美味，這裡有現場烘焙，外間少用。蛋剛熟，蛋汁還在流動中，令人回味。一件$7，兩件$13，所以認不住，多點一件外帶。他們是酥皮蛋撻，個人還是喜歡牛油皮蛋撻。可能因為是幼時的回憶。

今晚8點幾去食晚餐，平時見鬼甘多人太危險但見今晚冇人咪試下，一開始已說冇叉燒同黯然銷魂飯，其實都不多晚飯選擇最後在8：35pm叫了所謂超級雜扒飯，我已經很餓，等到8：55見朋友的三文治都食完再問話扒要耐d,以為可能是兩三吋厚概超級扒咪等，到9：05見有扒出以為係點知係隔離椅叫個牛扒飯，火到來根本吾分先後，最後再五分鐘出了個如圖的超級扒，只有一少塊雞扒/一條腸/一塊大豬扒/再發現原來甘大塊午餐肉都算係超級扒，冇啦啦已經有鼓油超級扒都好咸重比薑蔥您做乜？冇白切雞哦。 唉如果冇人手吾夠野賣不如早d收啦。。。個名吾好叫超級或叫迷理我會滿意d了

經常到的敏華冰廳， 在香港已經開了好多間分店， 今次約了朋友到這裏吃晚飯， 大家一齊食敏華黯然銷魂飯$68， 雪碧$3和檸檬可樂$6。 黯然銷魂飯係敏華冰廳嘅特色菜， 開頭諗住會好好食的， 但其實味道都只是普普通通， 叉燒偏瘦， 飯質感比較乾， 整體太普通。 個人感覺敏華冰廳最好的食品都是蛋撻， 平時多數到敏華冰廳買新鮮出爐的蛋撻或者吃這裏的常餐， 今次試下黯然銷魂飯， 沒有特別的， 價錢不算抵吃， 下次可以繼續食常餐和蛋撻了。

行經銅鑼灣肚餓，是但入左間餐廳食飯。餐廳食物既款式唔算好多，自己叫左沙爹牛公仔麵，男朋友就叫左叉燒意。常餐跟炒蛋兩條腸仔同多士一塊，個炒蛋炒得幾滑同埋都好多蛋汁好juice幾好味，腸仔同多士味道就正常。沙爹牛麵牛既份量都幾多，麵就正常。個牛肉煮得幾淋同埋沙爹味都幾重幾香口，食每啖牛都有沙爹味包裹住。另外試左啖男朋友既叉燒意，湯底比較淡，叉燒比較瘦，但一碗都幾多舊叉燒。自己都係鍾意食沙爹牛麵多過叉燒意，建議大家如果想食清淡d就叫叉燒意，想濃味d就可以試沙爹牛麵。另外跟餐叫左凍檸茶，冲得都幾好飲，有三塊檸檬，同埋一杯都幾大杯下。價錢方面每人大概六十蚊左右一個餐，價錢相對偏貴少少，不過以銅鑼灣地段黎講都算可接受。

呢間敏華冰廳開到週圍都係，次次經過都比佢個黯然銷魂飯張poster 吸引住。今日係銅鑼彎決定要食！ 入到去諗都唔洗諗，即叫黯然銷魂飯餐，凍奶茶！ 我朋友就叫左雜扒飯餐。雜扒飯快得有d 誇張，落單半分鐘就上了😂都幾唔錯，有腸、午餐肉、雞扒、豬扒，但我冇近影，張相都勉強睇到吧😅。 塊豬扒都幾厚切，我偷食左一忽都幾煎得幾香。個黯然銷魂飯就等得耐d, 不過就有d 被過分吹奏了。好食既，叉燒入味到有d 太鹹😂，要撈埋d 飯一齊食先得。杯凍奶茶我叫左正常甜，佢地既奶茶係冇冰既，但我覺得太甜了，我覺得，唔值得比$71 食呢個餐。臨走口痕買個蛋撻食，$7， 酥皮好正，中間有d 太甜。都可以嘅😀

今日同朋友嚟咗敏華到諗住食個lunch，其實之前一直都好鍾意食佢個炒蛋，所以我就叫左沙嗲牛肉麵餐，個餐除咗個麵之外仲包炒蛋、多士、同埋兩條腸仔，仲包一杯嘢飲添！我就叫咗呢度最好飲嘅凍奶茶，奶同埋茶嘅份量啱啱好，而且仲好重奶香味，所以幾好飲！如果沙爹牛麵都幾香口，不過啲肉可以再好食啲～腍啲就好啲，但係味精有啲重，可以改善下最後想讚一讚個炒蛋，我覺得個炒蛋應該加咗啲奶去煮，而且好鬆軟，我覺得係咁多樣嘢食入邊最好食嘅一樣！正～

細細個睇食神，以為黯然銷魂飯只係電影劇本，原來已經有大廚將呢個銷魂飯帶到嚟現實，而且只係$56平民價，一般大眾都可以食到👍🏻黯然銷魂飯比起一般的叉燒飯，除咗多咗隻煎蛋外，重點在於個秘制薑蔥油！薑蔥油好香好香，舖係飯面，每食一啖都聞到噚油香味，超正！厚切叉燒半肥瘦適中又有燶邊，沾滿叉燒汁唔會好乾，入口夠淋👍🏻。燶邊位入口似食豬肉乾，好惹味！但煎蛋令人失望，蛋黃全熟了，完全做唔到半熟流心效果，更加做唔到讓蛋汁混入飯的效果。自家制調味頭抽味道不錯，份量都適中，唔會浸到個飯水浸咁。

等候時間太長，落單叫常餐豬潤通粉，等候約15分鐘後獲職員告知豬潤售罄，之後轉沙茶牛肉通粉等候時間超過20分鐘，一碗通粉前後等候超過30分鐘，多次催促下店鋪員工先開始跟進，對餐廳的服務失去信心，完全無顧及客人的需要，日後不會再光顧銅鑼灣分店

今日跟朋友到銅鑼灣吃晚餐，附近的餐廳都基本吃過很多次，唯獨535這間連鎖集團式茶餐廳未吃過，就決定入去試試。我們差不多9點45分來到，餐廳內不算多人，侍應都忙著收工，我們點了兩個常餐，五香肉丁公仔麵拼雙腸炒蛋牛油厚多士 和 沙茶牛肉公仔麵拼雙腸炒蛋牛油厚多士，沙茶料不足，雙腸是用熱水煮，侍應解釋因為已換油，但我覺得一個常餐賣到$54 真的貴絕銅鑼灣，味道又不是太好味，個人覺得是給遊客，有點中伏。總評：價錢貴，食物差，中伏

餐廳生意非常忙，點餐後需要少许耐性！但係食物非常好，湯粉麫湯底超正，招牌黯然銷魂飯义燒超軟化，飯用靚米！夠薑豬潤非常夠味！雞翼非常入味！還有新鲜熱辣蛋撻係限時出爐！餐廳待應服務非常有禮！

剛剛和友人三人去謝菲道敏華食午飯、當我們四人一進餐廳時，前面已經有四、五人排隊等位中、但職員非常禮貌地對我表示稍等一會、大約三四分鐘後我們已經可以入座，職員安排入座速度奇佳、及後落單叫了兩份雞扒飯和一份雜扒飯、食物質素奇佳，兩份雞扒超大件，而什扒飯亦份量超大！蔥油好好味呀👍👍👍而且要特別一提員工笑容可嘉、給本人感覺良好👍比起上次去另一敏華(蘭芳道）分行職員態度有天淵之別！所以在此特別嘉許💪💪💪💪💪💪

叫了早餐牛油厚多士拼炒蛋$30蚊，轉頭想改為忌廉雞湯火腿通粉拼炒蛋牛油厚多士$36蚊。但侍應話落咗單唔改得，我話其實只係加個通粉，點解唔得，佢死都話落咗單電腦就唔改得。我想話我唔係將沙爹牛肉麵粉改為火腿通粉.......唔知點解咁都唔得，今時今日咁既服務態度，我諗我以後都唔會再去食，又唔係好食，同樣既價錢我會選擇服務態度好的去消費。

又到星期五工作了一週，來個豐富早餐作鼓勵，這間冰廳近年擴張得好快片佈各區。用了路牌作分店裝飾早餐選擇都多叫了店鋪推介沙茶牛肉公仔麵牛肉份量足夠，沙茶醬味道適中唔過咸。炒蛋都幾嫰滑冇過重奶味，因為我好怕有些餐室太重奶味