敏華冰廳 (黃埔天地奇妙坊)

營業中

休息中

早餐惹味五香肉丁公仔麵，肉丁味道一般，亦沒有辣味。反而公仔麵幾彈牙，且份量都唔少。雙腸歐式軟多士，較為幼身的香腸，味道可以，唔係死鹹嗰隻。軟多士，外邊烘得鬆脆，內裏是鬆軟外，亦好有空氣感，好像飽內有很多氣孔咁。忌廉雞湯火腿通粉，火腿正常，通粉屬細細粒，有咬勁。忌廉雞湯底淡淡的味道，唔鹹。炒滑蛋歐式軟多士中，炒滑蛋不過不失，滑蛋的部份少，熟硬的部份佔大多數。常餐义燒湯公仔麵，义燒雖浸在湯中，但仍保持有些蜜味軟淋的狀態。湯底亦是忌廉雞湯，但較早餐時的濃，唔知是常餐較貴或因不同日子來，所以有所分別啩！配炒滑蛋火腿歐式軟多士。檸檬老薑煲可樂，成嚿薑連皮拍過煑成，可樂的甜味被檸檬和薑味減去不少，熱熱又有些辣辣的，令喉嚨好舒服。

話說前幾日，經過見到外賣自取有88折，所以今日決定試吓黃埔嘅敏華。今日中午12:15打去落單叫黯然銷魂飯，職員話俾我聽要等15分鐘，於是我12:30諗住落去拎外賣，等到12:50我忍唔住問收銀，明明係叉燒蛋飯點解要整咁耐，經過我燥底之後，結果等到12:53先成功拎到外賣，真係未食都已經黯然。係我拎完外賣之後，都仲聽到有五六個客喺度嘈底。講返味道方面，叉燒又黑又焦，飯同蛋方面冇乜特別感覺，淨係一路食一路覺得好嬲。真係可一不可再