敏華冰廳

營業中

休息中

大家有冇試過去食都要等好耐，次次都要三催四請雖然好食但次次都另至食完心情下降其實佢哋知唔知到咁嘅情況，係佢哋老闆特登咁樣做，定係佢老闆根本都唔知食品出得噤慢，究竟佢老闆知唔知

今日開工嚟到太古城，知道有敏華冰室，於是乎開工前嚟食番個早餐先啦。我叫咗個午香肉丁公仔麵，重點係個餐跟嘅滑嘟嘟炒蛋同埋個多士，多士係新鮮熱辣唔隔夜👍🏻，你睇吓我夾住嚟食，一流，美味道

已經重複好多次，叫外賣，早左3個字打去，去到未有都算，企多半個鐘吹阿姐十次先幫我睇，一叫咪又即有，前面幾個外賣都係！入面大把吉枱，出面大長龍，外賣又做唔切，搞乜鬼？

話說 小妹同男友lunch time有幫親過敏華兩 三次 其價錢加上食品味道性價比都ok 男友其後睇完早餐menu就好想一試 咁今日我地就起左個大早去一嚐佢地既早餐 咁同Ceiling講左兩位之後 就好快咁帶左我地入位 睇完食咩就Take order啦 咁其間就見到張枱十分多既蛋撻碎 可能係忘記左清潔 咁我地Order既時候 順便叫埋個位帶眼鏡長頭札髻既女同事幫我地抹一抹枱啊 咁個名女同事 就好大聲咁同我地講左句 睇住啊 之後佢一個八兩撥千金 一野 係一野 將枱面上所有既蛋撻碎都一同掃落我同我男朋友既褲上面 佢抹左兩下 之後就轉頭走左 一句sorry 吾好意思都無 其實 佢個句睇住 係要我睇住D咩呢？ 佢咁樣一野掃落尼 我係要點樣避？ 其實佢個意思係咪要我睇住佢點樣將d垃圾掃落我度？ 一朝早既好心情 咁就比佢破壞左 落單時候 都好明確講左杯奶茶要少冰 佢都有打到 但最後杯奶茶尼度 d冰既分量大概有三分一杯 到最後我都吾知自己飲緊水定係奶茶 相反 男朋友個杯咖啡無要求到少冰 係要正常冰量 但尼度 入面係一粒冰都無 連平時吾揀擇既男友都不想飲個杯所謂既奶茶 仲有d侍應係吾會記枱號架 只會拎

點解今時今日啲服務態度都可以咁差。其他分店我唔知，但係太古城分店真係好差。老實講嘢食一般，覺得佢生存到係因為太古城冇乜茶餐廳類型嘅選擇。下次行遠少少食金記冇咁嬲。。

原來係一啲簡單嘅食物，第一次試什扒飯係咁樣，首先熱咖啡係溫暖的，此一刻我想要杯熱水，第一印象失望，然後主菜，香腸原來係凍的，冇諗過，豬扒係溫暖的，有些不敢相信，午餐肉好似冇咩煎過，雞扒煎得係OK的，成碟野好多油，嗰一刻好想走，雖然服務態度好好，下次我會有更好的選擇，希望你哋支持得到，再見希望下次有時間試吓你們的銷魂飯,我估招牌菜應該OK的,其實選擇不多,但有好多人食,希望你們會認真改善和檢討,大家有冇同樣的經歷?

太古鰂魚涌呢區都開左好多間類似有常餐食既餐廳，雖然常餐係最普通既，但都唔係間間整到一個正常質素既常餐。敏華每日食lunch時間條龍都排到轉埋彎，不過等位既時間又唔算好長既。佢有常餐，都有叉燒蛋飯、餐蛋飯同埋鮮牛豬潤湯粉食。叉燒蛋飯我都食過一次，係幾厚切既，味道都唔錯。今次食常餐就叫左五香肉丁麵。佢跟麵既送量唔少，而且麵唔會淥到好林。炒蛋都滑，而塊多士，厚同大塊又烘得夠之外，一路食會食到佢有陣甜甜地既味，個人覺得係唔錯既。凍華田都夠味，唔會又水又淡咁。正如一開始所講，常餐都唔係咩好難整既野，但整得正正常常已經算係咁。以地區黎講係正常價錢，但其實唔平。

食左茶餐，炸菜肉絲配炸雞翼兩隻公仔麵+熱奶茶。炸菜肉絲有驚喜，不是一般罐頭炸菜肉絲，似係自家製。熱奶茶就少左一般黑白淡奶所沖嘅口感，口感似係植脂奶所沖，唯有望住隻黑白淡奶杯⋯失望⋯

又美味又邪惡嘅叉燒蛋飯，今日一個人去到太古城食lunch行行吓行去咗呢間茶餐廳，當然要試吓依個最出名嘅叉燒蛋飯啦，果然個叉燒半肥瘦，叉燒肉有口感，仲有少少脂肪增加香滑度，唔知佢點樣整到好入味，配合埋叉燒汁，個表皮有少少地燶，係特別香嘅。依個叉燒飯跟咗兩個煎蛋，最令人驚訝，就係個煎蛋原來係流心㗎。我一路食一路覺得自己係食緊師傅嘅心機啊⋯⋯另外再加錢叫咗杯招牌咖啡，雖然稱不上精品咖啡，但係茶餐廳做得出呢一個Standard 都收貨啦。

巴士經過的時候，見到排長龍，今日兩點幾去，都係要排長龍，係出面排隊真係好熱呀!啲冷氣機喉，煙通全部向外噴住，再加埋炎熱的天氣，機乎想暈。入到去坐到最入張枱，老實講，張枱後面又有啲員工locker，又有側邊門可以俾員工進出進入，當員工開locker又要食客就住，咁危險好心就唔好俾人坐啦!食物方面幾好食，啲材料都唔差。超級雜扒飯豬扒唔會死實實，口感軟腍，冇雪味，雞扒亦都嫩滑，午餐肉腸仔都唔差。每日新鮮出爐的蛋撻，曲奇皮都幾脆，蛋漿較少，味道唔濃。馬來三叔公咖吔多士呢個味道一般。熱檸檬茶唔得，有苦和酸味。

🤬發生在太古敏華冰廳, 首先吾係針對大陸人， 但咁岩佢係大陸人， 個大陸待應九吾搭八，追單聽吾明，比埋張單佢睇又睇錯，咁我咪行去搵人幫我太太追個等左大半個鐘都未到既意粉, 個大陸待應阿姐突然行過 一陽指彈左粒蛋落我碟野度 (唔係唔小心整到）, 我太太問佢做乜咁做 佢話以為我走左 我地真無言 ................（以為走咗又吾見妳清理，淨係路過彈D野落黎）, 之後佢知衰，話俾多塊多士黎 我地無胃口食啦 即刻取消埋個意粉 埋單走人....

今日同屋企人兩個食晏就飯，杯野都未飲完就被侍應們趕客。由於餐廳為午飯打工仔熱門落腳點，2人食飯少不免要搭4人枱，被安排坐出面。叫左雜扒飯味道過鹹，要配水或飲品。用膳不足20分鐘，在家人未飲完咖啡時，坐入面的2位食客先離場。接下來侍應安排2人入入面座。一分鐘過後，侍應叫: "都唔知要坐幾耐，你2個(剛入座客人)都係去個張4人枱啦!" 首先，這種排隊入座餐廳應齊人入座/放2人入2人座是常識吧! 然而趕客手段不止高呼嘲諷，其後更於午市忙碌階段，侍應站住看我家人喝完飲品才走。家人上年紀，看熱飲亦需要時間。侍應一邊盯住食客一邊在旁埋怨用膳時間太長。但其實等待時間10分鐘，進食時間15分鐘。真係野食都未落胃就被人趕走。真係嬲到想嘔野食落個侍應到。我地都話哂2個人食2個餐，又冇賴死唔走過，份野咁油真係剛食完就被人趕。要整臭公司個朵都唔好無故鬧食客!

太古另一午午必食！太古午市食飯人多就一定㗎喇，雖然佢餐廳出面排隊係冇冷氣，不過好彩都算陰涼。去到排隊前面大約有20人左右，等咗15分鐘就入得，都算快手。入到餐廳都算乾淨整潔，餐具亦算乾淨。餐牌上面就有單叫或者午市套餐，午市套餐就係加16蚊有凍飲。作為精打細算嘅打工仔就一定乖乖地單叫算數。叫咗個黯然銷魂飯，叉燒有肥有瘦，仲有燶邊，真係非常之好食！煎蛋就係一個太陽蛋，加埋佢嘅鼓油汁撈飯一流，胃口大開！

路過敏華，見沒咩人排隊，打算入內食飯，發覺入面員工變了不少。雖然變了不少，但感覺到服務變好。叫左個銷魂飯，賣相和味道都很好。食完飯打算離開時，剛好遇上蛋撻出，又叫了一個，十分好味！

Breakfast sets here are pretty cheap. All of them are priced below $40.-The food tastes good.The egg is very tasty as it’s very smooth, albeit it’s at the same time super oily.The slide of toast is normal. Nothing special,just something you can enjoy from all tea restaurants.The ShaCha Beef noodles is pretty good. The sauce has strong flavor and the portion of beef is satisfactory. However, the portion of noodles is very little.The egg tart usually comes out at around 7:30 a.m. eating them at th