影片
營業時間
今日營業
07:00 - 22:00
星期一至日
07:00 - 22:00
*截單時間: 21:30
以上資料只供參考, 請與餐廳確認詳情
唔好去敏華食嘢，如果我今日唔係去咗敏華食嘢，我唔會喺呢度講呢番說話！我叫咗個餐，坐咗10分鐘，嚟咗碟多士加香腸，再等多接近8分鐘，先至嚟杯凍檸茶，我唔知道點解一杯凍檸茶要沖18分鐘，但係我喺出餐位度見到我杯凍檸茶擺咗喺度已經5分鐘冇郁過，唔知係咪要做啲乜嘢嘅儀式或者供奉先可以拎俾我，所以我好想問一問，但係佢哋嘅目光同埋態度令我問都問唔出口，因為我覺得我好似欠佢哋錢咁！其實到而家，我仲等緊我個公仔麵！
繼續閱讀
好耐之後都食過敏華，記憶中無咩大問題，連鎖餐廳既質素，諗住簡單醫下肚。叫左兩個餐，一個火鍋一個沙嗲牛肉鍋，前後等了最少4、5個字，追左幾次都係未有，眼見全場都未坐滿，不明白點解咁慢。火鍋仲要過咗3個字先話無湯，要轉，再揀湯底，呢度開始感受到佢嘅速度。附近食客等不同的飯菜，都係奇慢，前後左右個個都追，都有啲食客開始鼓譟。食物方面，火鍋牛肉肥廋半半，湯底普通雞湯，但起碼唔柴，沙嗲牛肉鍋都係淡淡地。但如果要等咁耐食咁既質素就唔會再嚟。
繼續閱讀
食物冇問題 係店員嘅態度十分有問題..有個女店員 對食客好串我俾錢嗰陣仲係咁叫我拍啦拍啦 感到受命令 我自助自己都識俾錢啦 冇人叫你過嚟搞事因為店員差而令人唔嚟就唔係太好
繼續閱讀
之前買外賣已經特慢, 今日堂食等咗45分鐘勁催都未出齊嘢, 明顯廚房樓面都負荷唔到唔多張枱,總公司應該正視下, 我唔係等一個留言話佢哋超慢！晚飯7点已冇燒魂飯, 其他餸味道又唔係特別好....下次會去第間店....
繼續閱讀
呢幾日敏華搞咗個$35叉燒蛋飯活動，帶阿女補完習去食個晚飯，去到門口就已經大排長龍，本身以為要等好耐但好快就有得入座。入到去主要嗌咗兩個$35叉燒蛋飯同凍檸茶，見佢價錢減咗將近一半諗住係迷你版，結果上枱居然係同原價份量一樣，叉燒蛋同埋飯都冇縮水😍個服務員同我講係因為公司想回饋客人比客人用更平價嘅價錢去試佢嘅招牌產品，咁其實都幾好幾佛心，聽佢講下個禮拜都仲有另一個平價活動係食沙茶牛肉麵，到時候一定會支持。整體嚟講無論價錢、味道、服務都好唔錯，阿女都食到舔舔脷，希望敏華之後都陸續會有同類嘅活動優惠返俾我哋小市民🤤
繼續閱讀