撒冒小面

營業中

休息中

凍冰冰想食麻辣川菜～去咗將軍澳廣場「撒冒」小食有麻辣鍋巴土豆，加少少甜辣醬～炸薯仔又軟糯又易入口冒菜揀左藤椒湯底，連同蓮藕、萵筍、豆卜、豬頸肉、牛肉作配料，主食嘅寬粉超級大片，一人食一碗已經好飽紅油抄手用辣椒、醋、蒜調味，味道鮮香，可當主食又可以當開胃小食，咬落啖啖肉😍朋友同我都未聽過重慶碗雜麵呢啲當地嘢～有蜜豆，大量蒜蓉，蔥以及肉碎嚟乾撈麵，份量超多！叫咗好多款串燒同friend邊食邊傾，其中坨坨羊肉串勁推！羊獨有嘅臊味好正！特別粗嘅竹籤穿住間肥間瘦嘅羊肉，好有街頭小食嘅感覺黑椒香豬肉串食落好Juicy!所有菜式同埋串燒下面有蠟燭keep住食物溫度加$9仲可以任食紅糖冰粉，以桂花蜜同埋紅糖作主要調味，配料有我最鍾意嘅提子乾+桃膠!

冒菜有幾個湯底可以揀，中意食辣當然係揀麻辣底，唔食辣嘅朋友亦可以選擇雞湯。主菜都有得揀，但食冒菜我覺得最夾都係寬粉，可以吸滿曬成個麻辣湯汁，而且十分有嚼頭。雖然價錢好平，但應有嘅都有齊，而且分量唔少。配菜有土豆片、金菇、蓮藕片、海帶、青笋等等，都係經典嘅配菜。另外仲可以揀多2個餸菜，推介魚片好滑。麻辣鍋巴土豆即炸，外皮薄薄地一層，非常酥脆，入面口感軟綿。味道甜甜地少辣，非常推薦！乾拌抄手雲吞份量非常多，外皮非常薄，餡料係滿滿嘅豬肉，味道比一般市面上更加麻。最後一定要加$9自助冰粉，多達十幾款配料選擇，例如紅糖汁、葡萄乾、桃膠、薄荷等等。冰粉食落好似果凍咁，主要靠配料同糖水嘅味道，口感冰涼，非常解辣。隔離仲有個茶水區，有唔同嘅茶包，例如玫瑰荷葉茶，呢D出面要十幾蚊嘅野，呢度係完全免費，非常抵！

在將軍澳廣場Aeon購物後，見剛開左間#撒冒，老友話係大角嘴食過，味道正宗好好味，見有位便即時入座囉。小鍋冒菜，湯底㨂了麻辣（小辣），選了入口幼滑的酸菜魚同新鮮牛肉，配菜還有豆卜、海帶、萵筍、金菇菜….，麵底要了麵質較粗的小面，麻辣（小辣）對於我哋嘅來講都算辣，而且份量很足夠。秘製酸菜魚麵，魚片幼嫩滑口，冇骨啖啖肉，湯底酸酸的令人食得開胃，配搭爽彈口感的幼麵都很捧啊。老友至愛的四川擔擔麵，要了bb辣，有肉碎同蔥花，拌勻底下的花生醬，見佢食得好開胃喎。乾拌抄手，抄手皮薄又夠滑，豬肉結實有咀嚼感，麻辣味好惹味。小香腸小串燒得香口，坨坨羊肉串，加埋孜然粉，非常滋味。黑豆漿，紫米豆漿，低糖夠健康。自助解辣冰粉，配料可按自己的喜好加進冰粉內，有紅糖汁、葡萄乾、桃膠、爆珠…等多達10款，抵食又可解辣。

撒冒小面 (將軍澳).將軍澳廣場角落開左間細細地嘅小店，見近近地又平就入去試下.▪️秘製酸菜魚麵▪️.酸菜魚肉好多，但略嫌唔多酸.▪️自選冒菜▪️.個底叫左寬粉底，餸叫左豬腸，牛柏葉，豬頸肉佢本身已經有萵荀，蓮藕，金菇等配料，湯我唔太食得辣就叫左雞湯！.▪️乾拌抄手▪️.夠香夠辣，份量仲要幾多下！.📌 撒冒小面 (將軍澳)將軍澳唐德街1號將軍澳廣場1樓Kiosk A.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

叫咗一個招牌冒菜8個菜配小麵，同埋一個麻辣牛肉擔擔麵，一個雞皮小串，同埋一個半肥黃牛牛肉串，竟然可以冇一樣嘢、冇一件餸係好食。面同湯唔係分開上，啲面浸到發脹變腍，一夾就斷。要咗小酥肉，竟然離譜到浸落啲湯度，嚟到之後又淋又黐埋一舊一pat嘢，完全冇可能接受，究竟係乜嘢廚師同埋餐廳先至可以有啲咁嘅搭配？小蘇肉就係食佢酥脆嘅口感，浸落個湯度除咗係因為懶，或者唔想再包裝，我諗唔到其他理由。要咗藤椒湯底，但係個湯冇味，配菜要咗嫩牛肉同埋川燒牛肉，串燒牛肉得幾舊，少得可憐; 擔擔麵又一 pat嘢，冇一樣嘢落得口，雞皮又軟，牛肉又韌到好似翻叮咗20次咁，要求走蔥又冇理，呢次用餐體驗係我人生裏面最差嘅一次！

經過將軍澳廣場見到呢度開咗呢間撒冒小面，鍾意食辣嘅，聞到咁香，當然要試吓。酸菜魚豬頸肉麻辣米線 麻辣湯底係幾出色，酸菜魚都滑牛肉豬大腸雞湯寬粉 豬大腸份量很少 雞湯湯底都出色呢度啲粉個碗連埋個爐外觀就好大，但實際份量係超級之少，啲米線同寬粉 ，完全係兩三啖就食晒，小鳥胃的我都完全吃不飽。建議份量真係可以加啲

My husband wanted something spicy and mouthwatering. So we walked pass this new restaurant in tko plaza on a weekday and gave it a try. When we were seated, the service was ok for a place selling noodles at around 50 dollars. I ordered noodle with sour and spicy fish. It was so bad as I could taste it’s ready made fish from China. The fish had no texture even with its skin on. Obviously, it was soaked in pre made pack for long. It didn't taste like fish at all and the texture was more like a smo