摩登士丹里

營業中

休息中

除左買手抓餅、串燒，仲見到有間糖水鋪，傳統糖水外，仲有台灣芋圓系列，搭配唔同嘅配料，例如紫米露、豆腐花等。台灣嘅芋圓唔知點解近排hit起來，大部分嘅糖水鋪都加入呢隻材料，不過就唔係間間好食。摩登士丹里只有外賣，不設堂食，咁我山長水遠拎到番屋企，都冇穿冇爛算係咁。芋圓一號 $25 (紅豆沙，小丸子、珍珠) 呢間都唔錯~食完咁多重口味野，都要買定糖水潤一潤。紅豆沙唔會太甜，份量都幾多！芋圓煙韌，甜甜地；尤其小丸子有口感得黎唔硬（好似許留山嗰種…真係可以好難食）整體不錯，再黎掃街會試下其他款式。

香港愈來愈多地方賣芋圓，今天系屯門打算飲豆腐花奶茶，見到有賣芋圓，當然要試下，一試有驚喜,我們一行5人買了5碗，都好好食！芋圓地瓜圓：芋圓有芋頭味,地瓜圓有蕃薯味！仲要彈牙的，系台灣的味道芋圓3號：好似台灣甘分芋圓1，2，3號，有豆腐花、湯圓、紅豆，三樣都正,紅豆好大粒好好味，湯圓系凍的豆腐花上都彈牙3.6牛奶豆花芋圓：牛奶同豆花勁滑，香濃又突出了芋圓的味道白果腐竹芋圓：個味出奇地夾，創意之選，仲勁多白果，本身個腐竹湯水都好好味，如果有埋隻蛋仲正！仙草榴連芋圓：仙草好滑好香，同台灣的仙草凍有得比。問過有沒有熱的，話而家冇做，希望天氣凍d時會出埋燒仙草，甘就勁正la! 榴連系成球榴槤肉，勁重榴槤味，我個friend 食得好開心，我就鐘意分開芋圓同榴槤食有得揀芋圓：揀左豆花、芋圓、小丸子丶湯圓，好好味 總括來講，全部芋圓都好味，湯水、仙草都好正，台灣的口味！可以系香港食到呢個質素真是有驚喜！仲要系屯門的小店，以後除了飲品，仲可以食芋圓！唯一一個問題，真是好多人圍住買野，浄系排隊俾錢都等成10分鐘！系咪我唔識揀時間去買野？

買咗兩碗外賣，兩碗都係熱嘅，返屋企見上面嗰碗斜咗，一開發現原來下面嗰碗個蓋溶哂，成碗芝麻糊一陣膠味渣咋，稀過水，無椰汁，水還水，渣還渣，好難食芝麻糊反而好香，可惜膠味扣哂分

落雨天買左碗薑汁五色湯圓做下午茶~ 老闆娘態度好好👍同時見到超多人買菠蘿冰，下次我又試下先。芝麻，花生，奶黃，紅豆咁多隻味湯圓最好食係芝麻同花生，夠流沙，奶黃同紅豆凝固左冇咁好食(可能我拎左半個鐘先食所以咁)

之前一次到訪屯門，貪新鮮試了這個豆腐花奶茶，起初都有點怕中伏，但一試便念念不忘，於是今天特意來屯門，為的就是它：因為太好飲了，今次要了杯加大，都只是21蚊。奶茶味道不算濃，反而沒有給味蕾太大壓力，而奶茶質感本身不算幼滑，但加了豆腐花後便很完美。飲奶茶有時很怕太濃，兩三口後便想放棄，這杯比較接近我的口味，味道不甜，沒太大負擔。而豆腐花幼滑，相信豆腐花類甜品會不錯！下次再來吧！

唔係朋友摟我都唔會去試，一試大穫了，肯定會係咁去幫襯！試左凍奶茶豆腐花，諗住個配搭好奇怪唔知會唔會中伏，但係原來勁好飲！！佢個港式奶茶好香，夾埋豆腐花出奇地夾，飲到我好感動。收銀個姨姨又好好人，傾多幾句試埋佢個榴槤煎餅。開頭仲嫌貴，點知佢係真材實料，啖啖榴槤肉，好正！真心推介！

昨天試完榴槤煎餅、奶茶和魔豆菠蘿冰, 今晚忍不住再去，買了D24榴槤皇煎餅2份、白桃梳打加蘆薈、榴槤豆腐花，又系勁正！呢個豆腐花勁滑、D24 榴槤真系好好味，回味無空窮！飲梳打是因為前面兩個人都order, 所以我又試下，好味！

呢日去左朋友屋企玩，係佢屋企樓下見到間未見過既飲品店，有d野飲個阿好搞笑 ，係出便冇見過，充滿好奇心既我地就買黎試下。跟住竟然見到我細細過飲開既“忌廉溝鮮奶” ， 朋友又未飲過，我就叫佢買黎試下。 我自己就買左“涼粉奶茶” 出便未見過，味道都ok，又清涼 。不過個度員工話最多人買係梳打同紅豆奶茶，但係我地個胃已經裝唔落多杯野飲 唯有下次有機會再黎飲過~