拾號公社

營業中

休息中

凱都睇完戲,經過發現有間出面擺左檯嘅酒吧🍹睇落個環境幾chill,餐廳嘅人流唔算多,靜靜地同女朋友飲翻杯都幾舒服☺店鋪環境幾舒適,燈光唔會太昏暗,同埋音樂聲量唔會太吵雜,舒舒服服歎杯雞尾酒,傾下計,relax 下🍹不過今次坐入面,坐出面嘅話 ,座位間隔會闊d,可能仲舒服d今次叫左杯Mojito同Long Island,不過兩杯都酸味略重,同埋飲完都好似無咩wing嘅感覺😂同埋叫左個炸薯波,即叫即整,好好食😋酒類同小食價錢就同出面清吧相約整體黎講,都算一間幾chill嘅街坊清吧

之前曾經嚟過呢間餐廳 一樣係食午餐非常 好味, 即使唔喺附近住今日都特登坐車過嚟食 可惜 美味 不再， 羅宋湯 好咸， 意粉 好咸， 濕立立 碎濕濕 。 之前食過一隻 釀雞翼嘅意大利粉， 真係好好味 今次連杯熱飲都唔熱 都係 暖嘅啫 下次應該唔會 再嚟但係覺得非常可惜 估計係轉咗廚師

食完又食，睇下有無新野食嘛。黎到最緊要緊係飲啤酒啦！陳皮啤酒味道濃厚，有好大陣tangerine 味道，而鹹檸啤相對較淡口。睇下你鐘意濃定唔濃味啦。青口都算係嫰滑易入口，佢就話用黑啤整嘅，但黑啤味未算太濃。不過sip到啲汁就食得出。和牛蘆筍意粉Portion 較細呀。但牛肉粒都叫做約有肉味，係個cut嘅油脂分布有啲唔均勻。意粉都整得幾flavourful 同都幾重garlic味。至於個豬，我覺得肉本身都幾有肉味，都係啦marination 都算係得宜。個honey mustard 同豬肉都夾。最後，餐廳係有好多員工嘅，但唔知點解都係叫極....都唔太應.... 當然唔係突登啦，但係，都service係慢左啲。

這間餐廳的地點夠方便，見d相同食評好似OK，諗住來試下呀！！店子小小，有兩層的！有手工啤酒，幾特別的！餐牌都幾型叫左幾個Lunch set一齊食。芝士磨菇釀雞翼配蟹籽忌廉扁意粉，份量唔算多，兩隻雞翼，入面係芝磨菇，不過又唔太夾，唔夠味。意粉都不是好入味。餐湯，牛角包，沙律，賣相吸引，好豐富，南瓜湯一般唔夠熱，牛角包唔係好夠熱，沙律正常。車打芝士牛肉醬長通粉，這個好淡，長通粉冇乜味道，牛肉都淋的。All Day Breakfast，要等20分鐘。這個是有些取巧，因為餐湯，牛角包，沙律都是每一個午餐也是包埋的，所以感覺其實這個All Day Breskfast是唔抵，只有幾條腸，炒蛋，雞翼，焗豆，橙同火龍果。咖啡正常！

同朋友慶祝生日所以想簡一間屯門西餐，6:30來到的時候不算太多人，但到7:30-8:00開始已經爆滿人，食物速度上枱時間算快，無論餐湯或者配菜都絕不馬虎，樣樣食物都有驚喜，如果喜歡吃咸蛋朋友絕對要點黃金薯條👍🏻

今日happy Friday一於去Relax 一下，又俾機會自己唔煮飯😝😝新墟嗰邊有間西餐感覺不錯，今晚就去呢度試吓啦！門口都擺到兩張枱，如果食煙人士可以坐喺出邊飲杯酒，傾吓計😎😎我就梗係要涼冷氣啦😂😂好多酒嘅擺設，色調暗暗地，真係可以暫時放鬆一下😌😌件扒最吸引，五成熟常識吧！牛昩好濃，啱啱好一啲都唔韌，仲有好多薯角，熱辣辣！每個餐都可以加$就有埋沙律或湯飲品🍮沙律都都新鮮，開胃👍👍飽一個點，下次會再嚟飲生啤🍺🍺🤭🤭

在食評中看到這間餐廳的氣氛好像挺不錯，那就來個下午茶吧。那天在下午4時左右坐到樓下裏面的座位，菜單有2張，看完一輪決定好了要下單時，店員說這份菜單的時段已過，要在另一份菜單中選擇。所以想建議收起不在這段時間可用的菜單，就像一般的茶餐廳也會這樣做。2人要了2個意粉和一份薯條，這樣算是3個餐，所以會有3杯配餐送的飲品(凍飲+$3，可選紅茶或綠茶，味道可選蘋果、蜜桃、蜂蜜和荔枝)。12分鐘左右後，薯條就來了，黃金流沙薯條($48)，鹹蛋黃味突出，新鮮炸起，熱辣辣，份量剛好，推薦！隨後意粉都送到來了，是芝士牛肉醬長通粉($48)，長通粉的份量十足，牛肉醬的味道偏甜和有點過多，會有點膩，所以全部長通粉吃光之後，還剩很多醬汁在底，而味道是正常發揮。另一個是卡邦尼蟹肉扁意粉($48)，有蘑菇、煙肉和蟹肉，配料的份量十足，而味道也是正常水準。飲品方面，要兩杯熱的，最後來了兩杯凍的，但不想浪費就算吧。建議要熱的飲品會比較好，味道也較突出，否則凍飲的糖漿會在底下溶不了，要攪拌得比較落力。

拾號公社終於有機會來試試黎到餐廳的門口 見到一張張的高枱高椅我就諗 係咪吾適合我一家大細（2歲及5歲小朋友）😭原來我諗得太多🙈兩個小朋友都坐得好舒服 食得好至在🧐😎老闆員工都好friendly 😍仲好快拎出小朋友餐具🍴😍真係吾比like都吾得🥰我地四個人嗌左兩個主菜一個小食😋即刻去相🤣整體黎講 佢的食物質素真係吾錯兩個小朋友亦乖乖坐定食哂成餐飯😌不過我覺得三五知己黎會開心好多一路食一路摸下酒杯底 真係好吾錯☺️聽聞上面仲有一層希望下次同班姐妹再黎chill過😉

出了屯門西鐵站後， 走到超平戲院什麼巴黎倫敦紐約戲院的附近街道。 在不起眼處有一間西式餐廳 。走進餐廳內原來有閣樓， 閣樓的位置可望到地下的中空大廳 ，裝修也別具特色。我與朋友所在的位置為二樓 有一部很大的電視播放著強勁的音樂。坐低見到檯面上有facebook宣傳 只要進入他們的專頁， 並讚好便可以免費得到一杯Hoegarden 啤酒。他們有一本drinklist 內有多款不同的有酒精和無酒精飲品任君選擇。我們點了一個 香蒜白酒露筍日本和牛煮扁意粉食品一放到檯面便傳來陣陣蒜香味。排盤也有少少心思， 也放了小蕃茄清新點絕一下。可惜牛肉比較硬，是為一一點美中不足。我們也叫了黑松露雜菌芝士意大利飯黑松露味十分突出， 芝士意大利飯的配合相當好，不會太鹹 ，也不會太膩。也叫了焦糖朱古力。朱古力味也很濃 正常大小。這一餐也不過不失。

今天去了屯門區附近工作，下班後找朋友吃飯。很久沒來這一區，在新墟附近的位置，有一間西餐廳，裝潢很有格調，就像西餐廳跟酒吧的那個樣子，就進去試一下。下了兩客套餐，套餐升級後加配了牛角包跟餐湯，這天的餐湯是南瓜湯，很濃郁很豐富的南瓜味。主菜下了卡邦尼蟹肉扁意粉，意粉做到軟硬適中，鋪上面的卡邦尼白汁份量很多很多，很豐富！味道方面也很惹味！醬汁香濃，黃金比例的配合，實在令人覺得陶醉。加入了的蟹肉也毫不吝嗇，味道濃郁，豐富了本身的卡邦尼汁的味道，這個值得一贊！令一個主菜是三文魚南瓜意大利飯，每一口都有豐富的南瓜，配合分量足夠的三文魚，配搭不錯。飯大大粒放入口，好正呀！飲品方面下了熱榛子咖啡跟冰榛子咖啡，很幼滑香濃。這餐廳還有限時的優惠，拍下他們的專頁，會送你一杯啤酒。整體而言，這餐廳是屯門區少有有氣氛的西餐廳，下次再來的時候，會再試試其他菜式跟他們的手工啤酒。

今日去屯門睇戲前，見仲有時間之際梗係去搵間餐廳醫下肚先。喺戲院對面餐廳都算多，但多數都係一啲比較傳統嘅餐廳，都係啲雲吞麵店同埋茶餐廳。 但經過一個小路入邊，見到拾號公社，被佢吸引嘅原因，係因為佢既裝修別樹一格。入面既裝修都唔會馬虎，比到人有種青春活力的感覺，而且電視一直在播啲歐美韓流行歌曲，非常適合年青人在這裏飲酒食飯。食物方面上菜佢都好快，首先去上咗個南瓜湯同牛角包，飲落去好重南瓜味，愛南瓜人士一定喜歡。之後有個芝士焗青口，芝士個味濃同埋都焗得幾好食，送酒一流。然後仲有墨汁意粉，意粉有咬口，而且條條分明掛晒啲墨魚汁，每啖食落去都充滿着墨魚汁嘅味道。總括而言，呢個價錢都算中等。下次如果經過的話，叫個小食飲杯酒都係一個唔錯嘅選擇。

聽聞屯門有間好靚嘅西餐廳，咁我呢個吃貨當然要去啦😎睇得出小店裝修好用心，好精緻我哋分別叫咗一個煙三文魚蟹子南瓜汁意大利飯，同埋一個龍蝦汁青口凡立貝煮長通粉佢惠顧正價飲品仲可以送鮮打濃湯同牛角包添😍先講下個煙三文魚蟹子南瓜汁意大利飯今次係我第一次食南瓜汁味嘅意大利飯，入口甜甜地咁，非常特別。同埋平時食意大利飯好驚好重忌廉，好漏，食幾啖就唔想食，但今次呢個唔會，我仲食到唔停口添☺️另外我更愛龍蝦汁青口凡立貝煮長通粉，好濃嘅龍蝦汁， 非常之惹味！😍下次一定會再encore

係屯門v city行完街好肚餓，於是就去咗附近呢間餐廳醫肚。入面環境都幾chill，有d酒吧feel~芝士蕃茄牛肉碎焗有機大磨菇（$62）大啡菇好juicy，加埋幾種配料黎焗，好開胃。- 香蒜白酒露荀日本和牛扁煮意粉（$88）露荀幾新鮮爽口，輕煎過的和牛牛味都算濃～扁意粉軟硬度適中，加咗白酒調味，不錯。-芝士熔岩極上和牛漢堡（$108）芝士好多好滿足！和牛咬落去juicy，唔乾身。中間配料都多，食完好飽~除咗食飯，係度飲下野吹下水都係唔錯嘅選擇~有好多唔同嘅手工啤酒！係FB like同share 黎打卡仲送一杯200mL啤酒，麥味幾香！-屯門友如果想飲野，但又唔想出到咁遠，去呢間都唔錯，開到凌晨十二點㗎！

今日要去屯門，想去冇咁多人嘅地方開🍴😆咁就揀咗係近V City 學校後邊條街找吃，真係一個靜土😚 "拾號公社"有上下層，外面也有位，啱哂放🐶嘅人仕用餐🍽Lunch set $58.00 up, 包餐湯、沙津、牛角包和熱飲😌 南瓜湯creamy,🥐香酥，沙津新鮮，以意大利醋作調味👍 🍝香氣十足，蜆肉磨菇也多，意粉煮得軟硬度啱啱好👍 玫瑰朱古力凍咖啡+$13.00 ~ 飲咯有淡淡玫瑰花香滲出嚟， 口感豐富😍 店內有music tv播放，邊睇邊食十分爽😆

之前經過呂明才，發現呢間餐廳.因為格調頗有feel,所以深深咁記住要下次約三五知己黎試下。我地星期五7點黎食..可能因為新開無耐，暫時都可以walkin, 但估唔到呢度啲啤酒都幾特別，岩哂我呢啲貪新鮮嘅人。我地叫左大菇(好食)，豬手(推薦之選)同意粉(牛肉有點硬)我最欣賞就係隻豬手，上枱後侍應會點火，脆皮之餘仲要入面都好juicy..值得一試戶外有幾張枱，如果有食煙朋友可以揀出面食...因為地點真係旺中帶靜,慢慢飲下嘢都係一個唔錯吧選擇我地食到10點左右就走，侍應無特別催，可以暫時人不多呱。😊請支持特式小店