拾玥

營業中

休息中

堅尼地城分店有位戴眼鏡的男員工細心！見我地兩個人人食一碗牛肉麵 主動俾多隻碗 其實以往我都係會自己行去拎，同埋走時同我講多謝byebye 呢間分店感覺同以前好大分別～

香港大學學生注意‼️堅尼地城新開台灣菜&一人火鍋💖★日式壽喜燒sukiyaki小火鍋 $118(可選雞/牛/豬）*跟飲品一杯根本是I人的天堂吧～準備好配料，只需要等佢煮滾就可以享受一人邊爐了🤍雞肉都給雞腿肉，特別新鮮，超級嫩滑很有雞味！壽喜燒汁鹹甜鹹甜，配讚岐烏冬(+$12)，是我喜歡的煙靭QQ麵質♡！配料很豐富！有台灣凍豆腐/澎湖特A級花枝丸/鱈魚湯包/芋頭貢丸/鵪鶉蛋/娃娃菜/金菇/香菇丸 番茄/粟米/木耳★醬汁巨人雞扒拼香茅豬扒肉燥飯 $91 跟小食+飲品蛋白質滿滿♥️雞扒豬扒超級大塊，日式照燒風味，肉質也好嫩滑！台式肉燥很多塊肉粒，充滿油香，配飯一流☆(≧▽≦)跟了鹽酥雞🤍特別推介！熱氣騰騰，外皮超脆，配台式胡椒辣粉，雞肉有咬口，很香口♡！珍珠奶茶不會很甜，珍珠軟硬適中，很有咬口！嘗到茶香～♡白桃紅茶漸層很美🩷📍 拾玥 (西環)西環堅尼地城卑路乍街80號Imperial Kennedy地下6號舖

主打有多款台式料理而聞名，可以滿足到唔同口味嘅人，加上性價比高同埋啲野食大大碟，絕對食得飽～😋🥢蟲草花養生小火鍋 $118 （6.5/10）湯底鮮甜多料，可以選擇雞肉、牛肉或者豚肉，可以根據自己嘅口味去選擇。今次揀嘅雞肉都幾大嚿同埋都幾新鮮，另外加$12就可以轉手工烏冬🥢醬汁巨人雞扒拼鹽酥雞肉燥飯 $96 （6/10）成個飯都好大份🍚，見到面頭上面有3大塊雞扒，鹽酥雞都幾香口，但係雞扒同鹽酥雞都略為乾身，啲肉燥稍為油膩同過鹹，將肉燥同埋飯撈埋一齊食就啱啱好🥢3款台式小食😋滷水雞翼（3隻）$24 （6/10）肉質鮮嫩多汁，調味啱啱好唔會過鹹，同時間滷水汁入到味🍖😋上湯鱈魚湯包（5粒）$35 （5/10）個湯包好彈牙，有爆汁嘅口感，配埋紫菜湯都好夾，湯包入而嘅餡都好夠味😋鹽酥薯條（套餐追加） （5.5/10）薯條口感香脆，但係唔夠熱同香口，但係食完容易口乾，整體口感都算滿意🥢台式飲品（套餐加$10）🧋朱古力牛奶雪香（6/10）🧋香芋雪香（6/10）兩杯都入面都有啲麥片，飲起上嚟都幾有口感，不過飲完就好飽肚，同埋都比較偏甜💸avg spending per headl ard: $100-1

第一次來，一人鍋好抵，今晚點左蕃茄雞鍋，沙茶牛肉鍋，牛肉有好多塊，雞件超大嚿，每煲都有幾款台式丸，鵪鶉蛋，蜂巢豆腐，金菇，菜，幾件粟米，一大碟面，台式飲品，都係$118，無加一，算抵，味道都ok!開頭怕雞件太大唔熟，竟然滾耐咗都唔韌，沙杉蒜鹹都OK，可以試吓！

拾月在西環開業後 一個月都會去食3、4次 因為有珍珠奶茶同埋有大愛嘅台灣小食地瓜薯條 今年過年不在香港 回港後再去光顧 好味嘅地瓜薯條已經變成麥記薯條啦！唉 $30叫個麥記薯條 好失望 食材已經唔同曬⋯

醬汁巨人雞扒拼鹽酥雞肉燥飯🍚🍚🍚成碗飯都好足料，鹽酥雞外皮香脆，雞扒都好大份又多汁，而最重要嘅肉燥，調味啱啱好，撈埋落啲白飯，每一啖都有肉燥嘅精華～蟲草花養生小火鍋🥘🥘🥘成個湯底都好鮮甜，加上成個湯底由蟲草花、粟米、娃娃菜、豆腐熬製，一個咁細嘅小火鍋有差唔多半隻雞係入面，性價比極高。加咗錢轉烏冬 加埋湯底索晒汁一流滷水雞翼🐔🐔🐔雞翼充分吸收左醬汁，咬落去嘅每一啖都充滿醬汁同埋雞肉嘅鮮甜，醬汁唔會過鹹，調味啱啱好上湯鱈魚湯包💦💦超多湯汁爆出嚟！鹽酥薯條🍟🍟🍟酥脆好惹味😋香芋雪香 朱古力牛奶雪香🥤🥤🥤有麥皮係入面 增加咗口感！香芋同朱古力味都濃郁

之前在將軍澳吃過一次，感覺親民大份好吃，今天來到堅尼地城新分店再嚐一次👍🏻餐廳menu 有一系列的晚巿套餐，包括小食和飲品。主菜有肉躁飯，牛肉麵，湯麵，台式涮涮鍋，鐵板餐，即燒熱鍋小菜等，選擇非常多，價錢親民。🍜自選麵尊享套餐⭐️田園蕃茄湯底配稻庭烏冬⭐️巨人雞排.台灣直送雪魚包⭐️滷水雞翼湯底有清新的蕃茄味，配料豐富有紅蘿蔔，椰菜，雪菜。雞扒大塊香口，雪魚包juicy 鮮味👍🏻烏冬份量超多，又滑Q彈。🍲日式壽喜燒sukiyaki 小火鍋(牛肉)熱辣辣火鍋超適合冬天，牛肉片味濃而且很滑。另外有五款肉丸，都非常好吃。蔬菜吸收了壽喜燒湯底和牛肉的精華，很甜很嫩。🥬上湯浸時蔬生菜新鮮爽口🍹巨峰提子檸檬冰甜甜酸酸很解渴🍹朱古力牛奶雪香超濃朱古力，不會太甜，加上脆片，口感很棒。⭐️非常推薦的一間台式料理，感覺全部食物都用心制作。

港大附近这家拾玥开了有一段时间了，一直想吃但没找到合适机会，今晚朋友过生日，正好一起来吃生日面–我们点了一份自选手工汤面，有麻辣、番茄、猪骨汤底可以选，配菜也可以按自己喜好搭配，面的口感是那种软软糯糯的，吸满汤汁很入味。–铁板扒餐和涮涮锅真的很有夜市的感觉！肉排的分量超级足，配菜也很丰富，地瓜薯条非常惊喜，是想要单点的程度！–整体感觉是很精致的一家店，菜式的分量也很足，店面环境不错，适合和朋友一起来

今日約了朋友去堅尼地城午餐，由於時間關係要食啲輕便快捷，終於帶我去了一間台灣菜餐廳，環境相當好，舒適。午巿套餐多款選擇，有牛肉麵，滷肉飯，花枝丸，貢丸⋯⋯價錢實惠。台灣蕃茄牛肉手工麵蕃茄湯底不簡單，加入了紅棗，養生。手工麵質感有彈性，有嚼口，掛湯也不錯。牛肉份量不少，肉質腍滑不黏牙，肉汁豐富。滷水雞翼雞翼調味嘅滷水汁恰到好處，不會過鹹，滋味。香芋雪香不知雪香是什麼，原來係胚牙。啖啖清香芋頭味，混合胚牙，增添了口感。

最近去了這間台式餐廳食晚餐，餐廳光猛整潔，桌椅頗寬闊，讓人覺得舒適而不擁擠，加上大碟性價比高，吸引了不少街坊客來幫襯。🐖醬汁巨人雞扒拼香芧豬扒肉燥飯套餐份量幾驚人，「巨人雞扒」，的名字沒有誇大，雞扒的尺寸比手掌還要大，外層酥脆不油膩，內裏卻保留了肉汁，嫩滑多汁。搭配的香芧豬扒同樣不錯，口感柔嫩，豬肉經過醃製後非常入味。而肉燥飯的表現也不遜色，米飯粒粒分明，拌上濃郁的肉燥汁，惹味。雖然我選了「少汁」，但依然依然夠味，是個令人滿足的主食選擇。🐥滷水雞翼（追加）滷水的香氣非常濃郁，肉質軟嫩，滷水有滲透到雞肉中。🥭愛文芒果茉莉花茶（熱，少甜）芒果香氣濃郁，與茉莉花茶的清香很好的結合。點了「少甜」的版本，甜度剛剛好，不會太膩，熱飲喝起來暖胃解膩。🍅蕃茄濃湯小火鍋豚肉配新竹米粉蕃茄濃湯的味道酸甜適中，搭配的豚肉片切得薄而均勻，煮熟後仍保有肉質的嫩滑。新竹米粉吸收了濃湯的滋味，口感滑順且帶有淡淡的米香，火鍋內的麻辣貢丸亦令我印象深刻，香香麻麻的味道，很特別。🍵蜂蜜綠茶茶香濃郁且帶有自然的甘甜，蜂蜜的味道不會過於搶戲，整體喝起來非常解渴，又不會讓人感到負擔。

想食養生雞湯又想食吓邪惡嘅鹽酥雞嚟呢度就最啱喇～樣樣都有啲 種類繁多 想食西式嘅連鐵板餐都有😌❣️台灣鹽酥雞食落有好脆口 除咗鹽酥味之餘仲有少少辣椒粉雞肉好嫩滑 脆漿夠薄身 真材實料㗎❣️蟲草花養生雞肉小火鍋配稻庭烏冬凍冰冰一於打邊爐先 呢啲一人火鍋啱晒 配料有凍豆腐、澎湖A級花枝丸、鱈魚湯包、芋頭夏丸、麻辣貢丸、鵪鶉蛋、娃娃菜、金菇、香菇貢丸、粟米樣樣有啲 係滿足嘅感覺雞肉係有成隻雞髀 煲到最尾先食依然好滑溜❣️醬汁巨人雞扒拼香茅豬扒肉燥飯食肉獸就最啱點呢味 兩大塊扒 雞扒炸到好香口 香茅豬扒就好重香茅味鍾意呢度嘅肉燥唔係偏甜嘅口味而且唔會話好多肥豬肉 撈飯食晒都好放心❣️鹽酥麻辣貢丸麻辣貢丸食得出係台灣風味 原來炸過再配埋辣粉更加滋味❣️上湯浸時菜雖然係跟套餐 但份量又一啲都唔少喎

嚟咗呢間喺堅尼地城嘅台灣菜餐廳諗住食個簡單晚餐🤣$118「蟲草花養生小火鍋（可選：雞肉／豚肉／牛肉）」：揀咗雞肉，雞件大大件有幾件件件都好多肉兼且肉質夠滑🤣，蟲草花就幾好味🤣，其他材料好似包括貢丸、香菇貢丸、芋頭貢丸、花枝丸、鵪鶉蛋、金菇菜、娃娃菜 等，都幾豐富🤣跟餐「珍珠奶茶（熱）/ 優惠 / 多奶」：夠滑🤣跟餐「肉燥飯」：大大碗上邊鋪滿肉燥幾好味😋$118「蕃茄濃湯小火鍋（可選：雞肉/豚肉/牛肉）」：揀咗豚肉，豬肉片幾好豬味🤣，蕃茄湯底都幾好味🤣，其他材料就同「蟲草花養生小火鍋」應該差唔多🤣仲揀咗「公仔麵」：「公仔麵」吸收咗蕃茄湯又幾好味喎🤣加 $10「香芋珍珠（熱）/ 優惠 / 多奶」：都係夠滑仲有啲啲芋頭香味🤣$33「滷水雞翼（5隻）」：雞翼滷得好入味仲超腍，一咬就幾乎完全離骨👍

拾玥😘😘😘主打台式美食西環卑路乍街，主打台式風味餐廳、玻璃幕牆、透徹明亮、暖和燈光、令人身心舒適、坐得安心、食得開心🙂小食二串一✨台式地瓜台語「地瓜」、即是番薯、幼條、炸脆偏橙黃、偏甜香、番薯愛好者必食拼奶醬多士$40多奶多醬、邪惡絕配、yummy yummy熱黑糖冬瓜茶⋯滋潤暖胃唉✨滷水雞翼（3隻）⋯雞翼入晒滷水汁、上晒豉油色、色澤均勻、惹味無窮拼丹麥多士Dasish$40酥香鬆軟、外層金黃脆口、咬一口、溶化口腔感！熱柑桔檸檬⋯ 清香柑桔🍊、鮮檸檬🍋、味道非常夾、滋潤喉嚨✨鐵板西冷牛扒（2 塊）102牛扒🥩肉質軟腍、濃香牛味、跟餐仲有廚師腸一條、地瓜薯條、粟米粒、切片椰菜、材料豐富、滋味又惹味😋意粉🍝、幼條、份量十足、大大碟、軟硬度適中，配黑椒汁一流👍🏻+$10特濃朱古力珍珠⋯⋯超特濃朱古力、台式珍珠、雙重口感、yummy yummy ✨台式燒牛肉肉燥飯$69滷水牛肋條、軟腍入晒味、台式肉燥冇得輸、醒胃配菜（雪𥚃紅）、甜甜鹹鹹、🈵滿飯餸、飽肚滿足！+10士多啤梨牛奶雪香清香士多啤梨🍓、淡淡奶香、色彩粉紅迷人、灑上脆粒、賣相吸睛、完美ending 拾玥西環堅尼地城卑路乍街80號Impe

喜歡去拾玥，因為性價比高，配搭多樣化，抵食，最緊要係出品保持水準。今日二人同行又去食，一人台灣涮涮鍋專享套餐係我至愛，今次點了蟲草花養生小火鍋（豚肉），配肉燥飯，及蕃茄濃湯小火鍋（牛肉），配新竹米粉，還點選了兩款小食：滷水雞翼和台灣地瓜薯條兩個火鍋先上，每款火鍋，都配置了指定的材料：各款不同的丸類，雜菜，連同所選肉類，滿滿的裝上一鍋，開火煮熟各樣材料後，便可以與選配了的粉麵飯類一起享用，朋友選的蕃茄湯底，當然是牛肉的最佳拍檔，再加上新竹米粉煮一分鐘左右索咗湯一起吃，濃郁而且口感極之豐富。我選的蟲草花湯底，則十分滋潤清甜，煮好的蟲草花拌著肉燥飯吃，很有層次感，這裡提供的辣椒油十分惹味，丸類和雜菜點一點最適合 小食方面，滷水雞翼好入味，雞翼不會煮得過腍。特別要讚地瓜薯條，係越食越不能停下來，自然甜味原來咁好味，個人覺得不點茄醬都冇問題，炸得乾身挺身香脆可口。我們都喜歡珍珠奶茶，點了原味和特濃朱古力味，呢個寒冷天時飲就最適合，暖在心頭，珍珠發得煙煙韌韌有咬口剛剛好吃一頓滿足嘅晚飯，傾吓偈，開開心心過兩小時，一樂也！

放低碗嘢飲啖湯即出事。味精，調味較出嚟，十分單薄，一點牛味也沒有。睇樣完全係車仔麵造型。看著已沒有食慾。完全not my cup of tea, poorly executed with no heart whatsoever.麵又話手工麵，一點也不Q彈又不掛湯，吃了兩口已唸緊contingency plan.不過，堅城真係冇好嘢食已係鐵一般嘅事實，大佬真係免得過都咪嚟，跌錢又一肚氣，難得咁多咁難吃嘅店聚集一齊都揾倒生存空間🤣