拾月冰室

營業中

休息中

疫情下，工作前食個早餐是煩惱好多餐廳都要搭枱，老寶講：我梗係唔想同個三唔識七既人面對面除底口罩啦，一個唔覺意人地講電話或者咳一聲，我碟野仲食唔食好？但唔好意思，無立法唔可以搭枱，可選食同唔食！今日試呢間原因好簡單，有好多二人枱（咁可以一個人坐）而且每張有間板。雖側餐廳內總有坐得擺隻腳上椅唔帶口罩既大叔響度講野（好彩我同距有4米左右距離）但無職員理佢地兩個大叔，所以佢隔壁左右既枱都無人坐，入左來都行返出去。奶茶用黑白淡奶夠奶香，但唔知點解飲既時候會有紅豆冰既影子蛋夠滑，份量不會太多，剛剛好，有蛋味通粉偏細碗，夠唔大食既女仔食，男仔食左應該唔夠飽。但佢勝在湯底都有飽片味，啖啖通粉連湯夠正，不會太咸又不油。唔錯唔錯。疫情下餐廳生意難做，坐左20分鐘，眼見近90%滿坐（只除左大叔隔離同門口位）。不過咁，坐得舒舒唔洗搭枱食個安樂無壓早餐，一定會繼續幫襯

食物分量大大碟唯一不足係冷氣超級吾掂，只靠入邊兩部冷氣而門口嗰兩部冷氣係唔涼嘅，大熱天時冇冷氣真係幾趕客，食物方面夜晚平均$50左右1個小菜，扒餐都係收$68份量都算大價錢可以接受味道亦都可以

星期日想出去吃個靚早餐，見世宙樓下有間新開的茶餐廳，不如就試試啦！一進去感覺都算乾淨企理，夠光猛。10點幾唔算多人，不過姐姐就唔俾坐4人檯，而且要自己拿餐牌，好似有點人手唔夠。價錢都一般茶餐差不多，$36經典早餐。仿鮑魚通粉，通分太硬同好粉，如轉用有坑紋的會更好，一般味精湯底。多士有烘抵，不過唔夠脆，炒蛋無牛油味，都算滑，但唔夠香，午餐肉比較淡口。豬扒湯意粉，豬扒有雪味，醃得太耐，意粉無味到。咖啡☕及格。

世宙商場食店越開越多了，今次來到拾月冰室！比起附近同類形食店，此店都算闊落，唔會迫夾👍🏻🔸餐肉煎蛋🍳公仔麵$36與一般茶餐廳差不多，沒有甚麼特別🔸單選扒餐$45包餐湯及熱飲可選豬、牛、雞、雞翼，俾$5仲可以加煎蛋👍🏻餐湯係羅宋湯👌🏻主菜雞扒份量不少，有兩塊㖿😘雞肉嫩而不嚡，還有兩粒車厘茄及西蘭花伴碟添👍🏻整體不過不失，價錢合理，亦算坐得舒服

見新開張，環境都算幾企理乾淨，諗住近近地咪試下囉。頂！點知真係中晒伏！成間餐廳得個收銀識落單，叫嗰樣無嗰樣都算，湯飯黎到無湯，淡某某又唔好味。D扒味道差，肉質梅，份量極少，賣相同味道都好差。Order 5 個餐黎錯3個餐。落單等得耐，出餐等更耐，值得一贊嘅只有樓面d姐姐，最耐嗰個只返左一星期，但大家都好盡力去做好服務。最後我地餐晚飯仲要去第二間餐廳再食過，真係無言。

2:30pm路過肚餓，見環境企理又咁岩即刻有位就入去醫肚。叫左兩份下午茶餐，迷你焗卡邦尼蘑菇意粉+炸雞脾 ($38) 及 公司三文治配炸薯條 ($48).意粉份量比想像中多，上枱夠哂熱，但意粉太淋身，汁太多唔似卡邦尼，似白汁意粉多D，同埋咸左少少。炸雞脾做得唔錯，賣相大隻，炸出來唔油，切開雞脾有肉汁，唔會炸到乾哂。公司三文治賣相吸引，餡料豐富，有雞蛋/火腿/餐肉/生菜/蕃茄，麵飽有烘過亦有牛油香，生菜果層亦有D沙律醬，食落唔會乾。炸薯條好熱，放一陣先食到，外脆內軟，都唔錯。兩個餐跟熱檸茶及熱奶茶，茶底唔錯，奶茶夠熱入口算滑冇酥味。下午茶餐選擇多又可以自選配答，見鄰座要意粉+炸魚，塊炸魚睇落都好吸引，下次要試。臨走時有位男侍應咁岩係外面入來，見我地要離開即刻拉著玻璃門，佢話個門都幾重等佢幫我地拉著，呢位幾細心

第一次食lunch 剛開張 個蛋皮奄列呢 見相就明啦 沙嗲牛好難食 野飲要再加錢 間野超大油煙 食完成身好似浸左油咁 員工唔得 得一個人入識入單 黎咩錯咩 我個餐黎左三次先岩 野飲追左半個鐘 好多枱無單埋單 叫左好耐都無人處理到 好啦 諗住比多次機會佢 因為趕時間 去左食tea 食物還可以 但service 依舊 油煙依舊 如果唔係趕時間同埋近 唔會再去 大家去前有心理準備會食到一肚氣+成身油味！

見佢新開咁去試下午茶又幾好，咁第二日就食埋個午餐，喜出望外喎出品非常之都唔錯， 咁星期日就去食埋早餐啦仲要約埋好多親朋好友成11個人，點知服務非常之混亂出品又非常之差，每一個餐要等上十幾二十分鐘，炒蛋竟然係一堆碎濕濕嘅黃色物體，粉麵淡而無味，沙爹牛肉冇 沙嗲 味 牛肉顯然係雪藏用醃肉粉醃得太過，雞扒米粉竟然係一嚿少到一吋乘2吋嘅黑蚊物體 ，真係不知所謂水準會差得咁遠， 最弊連杯咖啡都冇咖啡味好似奶水一樣。

份量少，價錢又貴，午餐啱啱開始其中一個餐就冇得叫。 叫咗個燒汁火腿豬扒飯，個燒汁仲要有忌廉味，份量仲要得壹塊火腿加塊細豬扒。午餐送紅湯，感覺好稀，不過湯入面都有啲菜嘅。另一個叫撈麵，芝士汁無味，淡茂茂。茶餐廳來講簡直係曳，唔會再去