手作之店

營業中

休息中

食完飯就去左食雪糕...lee 間雪糕第一次食...味道很好,而且都算大球我心大心細唔知食咩味好...0個個服務員都不嫌其煩咁俾我試左幾隻味...最後我揀左好似唔知咩芒果味...好味...好香呀!!我朋友就揀左個薄荷chocolate 碎..都係好味呀!!價錢又唔貴..所以我一定會再食0家!!

相比起其他小小雪糕店, 這家店其實不算便宜~大球 $10, 小的$7, 再加多1球+$4, 可以算用膠杯或是威化筒~店員非常親切有禮~~ 可能是實習生的關係, 特別賣力~試味方便都相當大方~ 反而雪糕口味款式並不太多, 較特別可謂烤蕃薯。 爸爸選了提子冧酒, 他說喜歡淡淡酒味~ 而且有提子乾點綴~至於妹妹,, 選擇困難症又來了 > <最終選了福島紅豆~~ 彷間的紅豆味雪糕, 始終混了奶味, 可幸是這家的仍然保持得住紅豆味~而且充滿紅豆粒粒~~~ 加分加分 =]威化筒..普通普通, 可以接受的脆感和味道~

尋日飲完茶，就黎呢度食雪糕。講真，呢頭無乜雪糕店架，同埋雪糕既味道令到我唔知點揀。最後揀左紅豆同芋頭。紅豆甜甜地，又多紅豆粒。果然俾足料。而芋頭既味道都唔錯，因為芋頭味好濃。而且兩隻味都唔算太甜，十四蚊兩球大既雪糕真係好抵食。實有下次既，因為呢度既雪糕好抵食。而且服務員既態度唔錯，佢會俾你試味試到為止。

和親愛的又到SSP! 哈哈! 依個夏天真係變左半個街坊如果真的係半個街坊, 我更加係這裡的忠實顧客今次要了豆腐同咖啡; 清淡的豆腐和濃味的咖啡, 配合得唔錯咖啡雖然有點像鴛鴦, 不過這不是壞處而且很討好豆腐清清的, 和上次吃的一樣的出色可惜一點是Memo紙換哂啦…

1-10-08 (三)兩大球雪糕只售十一元，而且還有脆筒，便宜得嚇人。手作朱古力＋薄荷曲奇，味道也不錯。

行過見到唔多貴既雪糕, 就食了一個芒果味~筆雪糕個個女仔都好好笑容, 筆得又好大球喎~好香, 好凍, 好好味呢~佢夠生果味喎~ 而且食完之後唔會口渴喎~

七月五日(六)去到西九龍買左手作雪糕黎食，綜合咁多次購買，得出最愛選擇~手作朱古力+曲奇朱古力雖然一定及唔上Movenpick，但以佢價錢同味道黎講好唔錯，加上大球份量不小，食得好滿足，另一選擇曲奇亦都係我最愛，比牛奶彊屍好食太多，唔會成塊OREO無碎晒放係度.... 雪糕亦較香濃，以中價貨黎講值得推介~

相約親愛的到深水為她加加油首先去左西九龍中心手作食雪糕啦!今次要左薄荷朱古力同曲奇兩個大球好似咁快溶咁gei? 好似雪得唔夠所以雪糕過軟呢薄荷朱古力味道幾refreshing, 不會過濃的薄荷味可是朱古力粒不夠好呢曲奇係新嘗試呢! 又唔係差bor~同Dreyers的差不多呢! 即係唔太差啦!因為上次來雪糕已經軟軟地, 唔知下次會唔會好d呢?還有, 惠顧一次會印一個印, 今次剛得到一份memo紙呢!

2008年7月8日晚上9:00 7蚊一個球, 好抵食, 又好好味, 上次已經試過芒果同朱古力, 今次又試其他… 豆腐味, 好香豆味雖然係平, 但係d味都唔會好假!呢間7蚊一球, 其他入鋪o既手作之店要10蚊一球架!

和親愛的及如如在升中放榜前去深水散心夏日炎炎, 除了正好眠外, 當然還有吃雪糕啦 XD今次三個人當然要吃多點, 這裡的姐姐仍是很好態度試了很多味, 幸運兒就係豆腐, 石板街和芒橙熱情三個大球, 膠杯盛著真係有點勉強, 姐姐說今天的雪雪得較軟, 幸好還接受到豆腐帶著淡淡的豆味, 石板街就失色呢, 朱古力粒綿花糖太細粒和芒橙熱情仍然很好refresh. 咁熱食又抵又大的雪糕, 超滿足呢!!

六月十九日(四)今日去左深水埗行先，去到西九龍中心就o念起手作之店，因為第一次同老婆一齊食雪糕就係尼度買黎食 照舊都係叫左兩球大杯裝，尼度只係$14比黃大仙平成$4，抵～石板街因想食朱古力所以叫佢，肉有果仁同綿花糖，算OK，但個人認為手作朱古力比佢好～曲奇味道唔錯，比牛奶僵屍好食不小，幾蚊一球大大球幾好～

雖然剛去了綠林食糖水親愛的還嚷著要食“手作之店”的雪糕 =P (當然自已也心動啦) 這裡的姐姐服務態度很好, 有禮貌不停讓顧客試雪糕親愛的試了兩、三款才下定主意叫了兩個大球($14) : 綠茶 和 rum酒提子綠茶清香有茶味, rum酒提子依然好有酒味“手作之店”的雪糕水準不俗, 可惜的是分店不多呢...(可能係好事, 唔係就肥死啦…)

食完CPK就轉乘地鐵去深水繼續覓食呀途中油雞和米糕又再次談起雪糕了, 講講下就話西九龍原來有間好食的雪糕鋪所以一下車就是來這裡, 如果唔留意的話可能真係會睇漏眼我和親愛的點了米糕介紹的酒提子, 再加芒橙熱情酒提子吃下去很滑溜有酒香, 米糕話仲好味過Haagen Daz果d芒橙熱情是香芒雪糕加橙味的"椰果", , 感覺好fresh~一個大球($10), 然後每加一球+$4, 真係物超所值!!他們每個人都吃了一大杯. 真係好難相信女子組剛吃完一大杯雪糕...食完雪糕行了陣西九龍作小休, 等埋石頭同油雞就去下一站

平時在沙田分店單球細siz$9，大size$12都已覺得很便宜了，但今天見到西九龍中心分店價錢分別只是$7和$10，更便宜了!試了大size的蜜桃味，有很重的奶味，反而蜜桃的味道只是一般。我比較喜歡紅豆和豆腐味，推介!

今日幫襯既係西九龍中心分店行到去counter前同朋友仔唔知食邊種好姐姐仔即時自動波俾左幾款我地試就算之後人多左幫襯仍然無黑面仲笑笑口服務一流試左幾款後朋友仔決定要芒果溝左橙o個種我就要紅豆芒果加橙幾清新加埋果肉好有口感紅豆份量多而且奶味濃口晒口味脫脂奶製造既雪糕單球脆筒都只係7蚊十分超值