成興魚蛋粉

【油尖旺區】【成興魚蛋粉】喺佐敦嗰頭都好多嘢食，就算係喺彌敦道，選擇都非常之多。然而，當一轉入德成街嘅話，就好似冷清好多咁，得幾間小店屹立喺度。如其中最吸引我嘅一間，就係呢間粉麵店。感覺佢好似開咗好耐咁，但係我唔係蒲開呢區，唔熟，所以唔知佢哋幾時開業。唔理喇，就入去食嘢先啦。見到佢哋嘅手轆魚麵系列幾吸引，就叫 $48 嘅「自製魚蛋魚麵」加多 $8 雙拼「汕頭魚餃」。魚蛋有少少失望，好普通料，魚餃相對好食好多，肥豬肉勁邪惡，可惜魚麵又係爭啲。加 $8 飲「凍檸茶走甜」，正正常常畀 $64 走人。之後再去咗次，呢次就食 $48 嘅「淨雲呑拼牛丸」算數，因為上次食魚麵都幾失望。雲呑都幾好，個餡都算大嘅，而牛丸水準就略高於一般，有少少爆汁效果同肉香，但又好似唔夠咁。加 $8 飲汽水「可樂」，係玻璃樽嘅，誠意十足。埋單 $56，係咁上下啦。。。（地址：九龍佐敦德成街1A號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #佐敦 #成興魚蛋粉 #自製魚蛋魚麵 #汕頭魚餃 #凍檸茶走甜 #淨雲呑 #牛丸 #汽水 #可樂 #1am1852 #1ambackup…查看更多

今日公司好多野做，要做野做到9點幾，咁返到屋企附近見到成興魚蛋粉咁就入去啦！咁睇返佢個餐牌都是以牛為主，有牛什，牛腩，牛脷，牛肚，自家製丸等等而店舖亦都可以買走自家製墨魚丸，魚蛋及辣椒油等等，咁我就點左個牛什粗麵，而我同事就點左個牛什河。咁2個麵都好快就到了，配料都充足，有牛肺，牛肚，牛膀及牛腸，首先吃牛肺，都非常入味，而牛肚及牛腸都炆得非常淋及入味，湯底亦非常濃非常入味，麵都非常彈牙，而朋友都說河粉都滑滑的，最後我地食完就埋單走人了。…查看更多

經過見到呢間麵店，見食評幾好，所以試下。叫咗一碗崩沙腩河粉，同一碗淨魚皮餃，魚皮餃比一般硬咗少少，味道唔差，但崩沙腩呢，係冇筋膜黐住嘅，同我平時食開嘅唔同，唔通呢間舖頭係特別啲嘅！？🤔最多叫普通牛腩算，反正味道差唔多。🤣…查看更多

▪️墨魚丸魚麵 $45每次嚟呢度一定要食魚麵！！而家已經唔係好多地方可以食到魚麵，魚麵係由新鮮魚肉打成，又唔會腥，食落好彈牙！望落去有少少似烏冬既粗度，仲要冇咁多澱粉質🙈食落冇咁肥❗️墨魚丸份量唔多，但夠彈牙爽口👍🏻仲要記得加少少辣油一齊食，最後辣油既香味會更好味～♡好味指數 🌕🌕🌕🌑🌑✔︎性價比🌕🌕🌕🌑🌑✔︎環境服務🌕🌕🌗🌑🌑✔︎打卡指數🌕🌕🌑🌑🌑✔︎推介指數🌕🌕🌕🌑🌑✔︎回頭指數 🌕🌕🌕🌑🌑…查看更多

在佐敦德成街靚樓林立嘅地方，難得會有一間平民食堂。食碗魚蛋粉30幾，叫個清湯牛腩飯都50有找。幫襯的時間其實都四五點，但竟然都坐滿客人，但當我望望枱上的牛腩，心裡都大概明白。清湯牛腩飯最怕莫過於腩肉煮到似煲湯瘦肉一樣，乾柴又無味。所以清湯牛腩最好一定要有一定肥肉，添上牛肉脂香，以及提升湯頭味道。至於成興用的清湯牛腩算係合格，間中係有一兩舊的確有如乾柴，但有油脂依附的牛腩入口中和瘦肉的乾癟，讓脂香於口腔中漫遊。腩汁亦吸收了牛腩的甜，撈飯更正。至於湯就正常紫菜湯發揮，足料夠大碗。反而我嫌白湯偏少，餸仲多過飯，女士食或者夠嘅。但其實成個清湯牛腩飯有菜有肉有湯，都係45蚊埋單。當我食完起身走走，都有撐住肚皮的感覺。…查看更多