愛麗絲的秘密花園 (已結業)

兩個女仔一早book左位就係想係呢度ff下自己係愛麗絲，佢個Tea set整得好靚啊我哋都影咗好耐先開始食，不過你就預咗一定唔飽㗎喇，黎到最主要都係為咗影相啦，打個卡朝聖下冇下次啦😋

如果你係愛麗絲夢遊仙境嘅Fans，呢間Cafe一定唔可以錯過，原因係店內滿是愛麗絲元素嘅裝修擺設！好似森林系草綠色打卡牆、宮廷式枱櫈、立體故事書等，就連食物都係以故事內嘅人、事、物命名，不過食物味道只屬一般，目的為打卡會好啲。大烈鳥打槌球Flamingo's Croquet($48)原來係秘製紅黑鴛鴦雞翼，兩隻韓式辣醬雞翼拼兩隻醬油雞翼，味道較一般。特偉兄弟Tweedledum n Tweedledee($78)係牛肉芝士迷你漢堡配雞肉豆腐迷你漢堡，雞肉較有彈性，相反牛肉較乾。輝煌日的空龍Tabberwocky on Frabjous Day($128)，拿破崙香草鮮茄油虎蝦意粉嘅味道唔錯，但意粉Overcook，有啲太腍，虎蝦屬雪藏級數，係預期之內。

今個月有個朋友仔o係澳洲返左黎香港，第一時間梗係要約出黎食個飯，Update 下大家近況啦。早排知道有間以愛麗絲為主題既 CAFE o係油麻地，之前一直未有機會去試，依家終於機會黎喇 - 飛雲！真心無令我哋失望，一推開門就好似走入左愛麗絲既夢幻國度一樣，朋友仔和我都好有驚喜，雖然地方唔算好大，但環境非常乾淨，餐廳既佈置亦好精緻，細緻到連每個座位既椅背都印有唔同既愛麗絲童話入面既角色出現，坐上去就好似每一秒都有佢哋從後緊抱住自己一樣。而且仲有一幅主題草牆專為喜愛打卡、影相既你而設，有唔同款式既道具比大家去換唔同既造型影相，非常細心。我哋叫左「香濃鮮製紫薯牛角包」、「青蘆荀雞肉燴意大利飯」、「挪威三文魚沙律配黃芥醬」、「紙牌兵」、「白皇后」。「香濃鮮製紫薯牛角包」 -  紫薯香濃軟滑，牛角包非常鬆脆，酥皮層次突出。「青蘆荀雞肉燴意大利飯」 -  青蘆荀新鮮爽脆，雞肉嫩滑，意大利飯粒粒分明，牛油及鮮奶味好出。「挪威三文魚沙律配黃芥醬」 -  三文魚新鮮啖啖肉，沙律菜新鮮清甜，配黃芥醬非常開胃。「紙牌兵」-  忌廉梳打味比較出，夏天飲夠晒醒神。「白皇后」-  乳酸味比較濃，岩晒小朋友飲。

有個fd系openrice睇到呢間野，覺得佈置靚所以黎左。當日係同朋友補慶祝生日，所以買左蛋糕去。我一去到既時候已經拎住個點左蠟燭既蛋糕入去。生日歌都未唱，佢已經過左黎同我地講要收切餅費。又冇要佢幫我雪蛋糕/切蛋糕/播生日歌，就收左$100切餅費。都算啦，少事。成場有5-6張空枱，得兩枱人(包括我個枱)，都知伏伏地。睇個menu,睇左幾次都唔知有乜岩食，選擇已經唔多。兩個人既set lunch成500蚊，都唔知佢貴在邊到。啲野食黎到，份量已經少到係平時正常餐既四份一，味道仲要係極一般。杯野飲貴過starbucks, 但份量又係少到得grande既一半(青檸梳打)。個意大利飯都幾搞笑。明明係兩個唔同既飯(黑松靈vs三文魚)，個飯既味基本上係一樣，只不過多左啲魚子。無可否認，個佈置係靚既，為打卡可以黎既。但想成班朋友過去挽card game啊食野傾計既，就算啦。

唔好去啦。又貴又唔好食，就算為打卡既一啲都唔值。佢唔多枱，目測5-6張，每張都有啲裝飾品，其實睇得出佢地一開始係有心做，但野食既價錢同質素真係好差。當初純粹想搵間靚靚地既cafe同朋友坐下，係冇睇評語既情況下就黎左，野飲細杯都算，服務態度又唔好，好多人(唔知係純粹上去朋友度坐定點)坐晒係度，但得一個人做野，有客影相個陣又唔避開，叫個意大利飯，佢好似用普通飯加罐頭湯咁……個toilet 又唔乾淨就咁一個意粉一個飯一個沙律4杯野飲就57x幾蚊。。。唔好去啦。唔好晒錢

Dessert Together 有macaroon，雪糕球，cheesecake，是日蛋糕賣相一流，打卡岩晒macaroon唔會好甜，檸檬味都算香雪糕球係mint chocolate尼到時有少少溶cheesecake的味好怪，唔係用creamcheese是日蛋糕應該係raspberry mousse，raspberry味都算重，個mousse好soft，成個cake唔會好甜飛魚籽煙三文魚燴意大利飯 Risotto的份量多，煙三文魚有兩卷，靚risotto偏軟身，但又未至於一pat，好creamy，好香藍忌廉溝鮮奶 聞落有D臭，但飲落又淡淡地冇咩味，完全唔似忌廉溝鮮奶$52.....好似用$52買支水，貴唔貴就見人見智下次唔會再叫

一向中意愛麗絲夢遊仙境～之前知道日本有好多呢類型既cafe不過原來連旺角原來有！馬上約朋友一試～呢間用愛麗絲做主題既cafe，不過其實位置唔大，要影相最好避開星期六日啦～一入門口就有呢面森林feel牆身影相，好難得先等到佢無人檯面上有好多關於愛麗絲既飾物同書比你當道具不過其實張檯比較細同窄，擺咁多裝飾野其實都幾阻訂🤣食物賣相唔錯，不過食物質素就一般🙈比較有心思係佢既碗碗碟碟都好精緻連flamingo都有～超可愛！可惜餐廳比較細，唔算多影相位置同埋檯與檯之間距離好近，同朋友傾計唔自在不是太推薦～

香港已經好少主題餐廳，難得上網見到呢間以愛麗絲為主題嘅樓上cafe，抱住可以打下咭、食環境嘅心態去試下。餐廳由推門開始已經有一種進入咗花園嘅感覺，裝潢都盡量配合愛麗絲嘅主題，由於我係夜晚去，燈光偏暗，唔太重童話感覺，多返少少燈光會好啲。我哋叫咗個二人餐 $428，可以多啲野揀，包括：頭盤兩份、主菜兩份、是日甜品一款、愛麗絲杯子蛋糕一個同餐飲兩杯。食物整體一般，仍有進步空間。服務態度方面就真係如網上大家一致評論一樣：態度很差，由落單到埋單，服務員完全係有種唔想理你嘅態度去應你，每一枱客人都係咁對待。🔹 特偉兄弟孖寶 (牛肉芝士迷你漢堡 + 雞肉豆腐迷你漢堡)黑色漢堡係牛肉芝士迷你漢堡，而另一個就係雞肉豆腐迷你漢堡。漢堡包本身較乾身，而中間嘅餡雖然外層都有少少乾，但咬落去都有啲肉汁，可接受。仲附有炸薯條，呢款係似直身版炸薯圈，好香口。🔹 大烈鳥打槌球 (秘製紅黑鴛鴦雞翼)秘製紅黑鴛鴦雞翼分別係醋味同BBQ味，個人喜歡BBQ口味，因為大眾化少少，而醋味略嫌太酸，有點似糖醋排骨味😂🔹 神秘鏡中屋 (手作卡邦尼海鮮意大利麵)雖然海鮮款式比較少，得青口同蝦，但份量都多，配上蘑菇同煙肉，成碟意大利麵

平日不寫評語，唔好的餐廳最多唔再去，但呢間真係要破例，等人知何其差勁唔好中伏。呢度唔係講服務態度而係講你欠了個待應幾多，比Menu 係施捨你，黃金時段我們一檯客浪費待應打機時間，所以Menu食物同埋單全用劈落枱有得我們吃要感恩，廉價快餐趕你走享受幾難找但呢度絕對做到有聲有色，食物好一般但價錢略貴，本想叫幾樣試看什麼好味再叫，但好唔抵食所以求其食完去第二度好過😒其實呢間餐廳係唔想做生意的，我們很明白了，呢度坐1分鐘都覺得自己係度作賤自己一行五人快快食完走都走唔切,真係第一次想火速離開,真係無乜事唔好打攪這餐廳，人地係想關門大吉，大家唔好再左佢地了

叫了一個蘑菇意粉，味道是非常普通。這個價錢真的寧願吃別的。而且雖然吃過其他cafe，份量也是偏少，不過還是希望可以多一點意粉。餐廳環境非常安靜，裝潢擺設都非常符合主題，看得出來餐廳主人是有用心的。餐牌上的食物如果可以更多款式會更好。算了一下覺得叫set也不會便宜很多，只是多了個湯/沙綠，更划算的set可能會比較吸引。飲品的款式還是挺多的，不過太貴也沒有嘗試。整體來講，如果只是求一個地方坐下聊天，還是不錯的，可是應該不會再光顧。

首先，一入門口侍應態度好差，好似唔想做你生意咁。侍應用掉嘢嘅方式掉本menu俾我地，之後佢自己就坐低噤電話，落單嗰陣侍應就態度勁差咁對答。叫佢黎想點野既時候 佢就問咩啊？呢個係一個做餐飲既人應有既態度？做到咁不如執左去啦嘢食嚟到賣相就普通，朋友喺碟沙律度搵到眼睫毛。。。原本都諗住算喇，一兩條唔小心姐應該。之後嚟咗個pasta，點知係意粉入面有條橡筋。。。橡筋撈意粉。。。。最後食嗰燴飯入面又有眼睫毛之類嘅物體。。。真係比錢黎買難受😣

所有野都不在預期環境 普通 但唔能夠令人想影相打卡慾望餐廳方面 係Cashier旁邊有個影相佈景(門口位置)不過每當你行出去影相 就會有好多人望住你 呢個你夠自信 食物 最普通 兩個人叫左兩杯飲品同野食

話說我同兩個朋友出街，本身諗住吃串燒，但等左好耐都無位，最後決定轉場！行行下見到橦cafe大廈，係水牌見到愛麗絲既海報，盲中中就咁黎左愛麗絲cafe!可能因為太夜，大約9:00，地方偏細，入到去得2枱客人，女侍應問我地有無book位，當然無啦，不過都比我地坐底...其實個環境唔係特別靚，而且揾唔到可以打卡呃like既位，成餐飯我都無影過自己，只係影下食物或環境！見到餐牌食物種類都唔算多，而且價錢絕對唔平，仲有設最低消費，每人$100！放心！一個飯或麵已經超過$100，仲要唔包飲品，加飲品亦無優惠..我地分別叫左...1. 吐司+愛麗絲飲品2. 青口意大利飯+白皇后3. 蕃茄蝦意粉+蜜糖牛奶食物方面，吐司係最好味，不過我朋友覺得較咸...但意大利飯同意粉唔夠熱，（似翻熱的感覺）而且味道略淡！份量都夠飽，但咁既價錢咁既味道，真係伏!飲品方面，最正常係蜜糖牛奶，因為一定唔會難飲，但另外兩杯就...攪拌後變左杯灰色既野，除左乳酸味其他都飲唔出而且侍應態度都唔太好，上餐或上飲品隨手放下就算，到10:00左右，開始吸塵，感覺就好似趕我地走咁！埋單差不多$500

要先預約，好快有位，環境佈置用心，打卡影相一流。我哋都影咗好多相，每張凳都係唔同嘅動物，就連天花板都佈置有心思。望到主餐牌嘅時候都覺得好貴，其實都局住叫餐，2人餐仲送Alice cup cake，咁要試啦，散叫仲貴。比個濃湯你試試先，唔算太熱，岩入口，不過好鹹，飲左兩啖我就頂唔順因爲我唔鍾意食沙律醬，所以要求另上，D茶都新鮮，但係好多都有水係上面，好濕，又唔係咁好，個醬應該自己教，我朋友們話好過卡夫奇妙醬去Cafe梗係試吓佢嘅特別飲品，呢度有好多以藍碟花為題材嘅飲品，顏色好靚，有親戚探訪嘅女士就唔好試，不過個味真係無特別，我形容唔到，但.......黎到咪試下囉另外梗係叫杯咖啡試下，及非嘅咖啡應該有D水準，但好一般般般影相好睇，味道好重呀鹹、油膩唔飽，但唔想食呢個好小小，無咁鹹，可能茄膏味無咁覺以為漢堡會正常，點知最難食，個漢堡好細粒，D肉好硬好實，仲要明知係咩肉，但你食唔出果下夠驚喜終於等到女人嘅主菜，愛麗絲腳個cup cake....只係食到藍色裙以下嘅野，對腳係膠，會唔會reuse架？唔好咁諗。紅色果個係野莓味，小小藥水，唔得。朱古力果個就幾好食，但甜左小小，不過我食哂。其實連洗

以愛麗絲為主題既cafe，裝修得好靚好夢幻，可能因為星期一既關係，加上訂左位，完全唔洗等就入得，2人仲被安排坐4人位，坐得好舒服。店內枱櫈裝修裝飾全部都係以愛麗絲為主題，仲有果靚位可以打卡。佢果餐牌都整得幾靚，一開始幾頁為愛麗絲故事，之後就有小食同主食餐牌，再黎就有飲品同甜品餐牌。食物選擇唔算多，不過啲名都幾得意，全部都同愛麗絲果故事有關。先講飲品，問左店員，全部梳打都有漸變色。影出黎真係好靚，好夢幻。我自己點左白皇后，即係凍水蜜桃乳酸梳打，朋友就點左紙牌兵，即係凍水蜜桃草莓乳酸梳打。靚就好靚，不過就太甜，唔係話好好飲，不過用黎打卡一流。主食我就點左公爵夫人的寶盒，即係野牛肝菌青口燴意大利飯，朋友就點左迷失森林，即係香蘆筍雞肉燴意大利飯。我自己果個飯青口份量都不少，不過食得出青口係超市果種急凍青口，冇鮮味又細細隻縮水果種，但cafe唔會要求太多啦～ 果意大利飯都食到好creamy 有唔少菌類，幾好食。最後到甜品啦，我地點左紅心皇后的餡餅，即係雜莓荔枝軟心慕絲蛋糕，靚就好靚，但食落有啲似藥水味，唔太好食，果然係打卡用。整體黎講，佢啲食物就還好，但係成間餐廳都係打卡用，啲食物既餐盤餐具都係