意粉 360 (已結業)

大家一起慶祝生日加聖誕節！要book定位先，聽聞意粉唔錯！每間餐廳多數有好食同一定唔好食食物，睇下你有冇咁好彩叫中最難食個碟。好！講重點，最推介如下：1.胡麻醬雞肉意粉2.肉醬焗薯條其他不過不失，可能下次會叫簿脆pizza。總結：整體食物ok,份量可以多少少，服務唔錯，餐廳值得再黎 。最值得讚 門口男職員見在場有人拎藥出黎食，主動給熱水，十分細心，其他職員都會自動問洗唔洗幫手影相，服務不錯，超預期！**想餐廳改善下現場有蒼蠅係餐廳飛，同飛入食物情況

收工後約了友人飯聚，選擇了大家工作地點的中間位置～旺角～可是又不想去太多人的地方..友人提議不如去moko食晚飯，多選擇又唔會太多人～反正好耐無去moko～都係一個唔錯嘅提議～突然好想食和式洋食，所以選擇了意粉360～睇個名覺得好似西餐廳～但係其實係和式洋食～就好似菠蘿包無菠蘿一樣～好多嘢都估佢唔到～menu都有好多種嘢食選擇～因為大家都好肚餓，所以就決定叫三個意粉同一個小食share～我哋點咗雙色芝士焗蟹棒忌廉意粉，羅勒牛油果北海道帶子意大利粉，雙色芝士焗蟹棒忌廉意粉同鐵板棒棒雞翼～點完大概五分鐘就有得食了！會唔會快咗啲呢...好似唔洗煮嘅一樣..唔通佢係行快餐店嘅路線?首先試明太子醬海鮮意大利粉～非常多海鮮，有蜆肉，帶子，墨魚圈，蟹子同蝦～每樣配料都至少有3件以上，可以見到海鮮舖滿晒面～佢哋另外主打係自己做嘅意大利粉～意粉硬度適中，可以沾汁吃，海鮮有一點遜色,比較沒有味道，我估應該係雪藏海鮮,不過明太子汁搭救味道~加上蟹籽爽脆，所以整體來說不錯～羅勒牛油果北海道帶子意大利粉～呢間啲意粉都幾足料～帶子size都唔細，食落十分柔軟，火候拿捏得剛剛好。另外加上蘑菇和芝士塊作配襯，整個意粉

「意粉 360」與「意粉屋」同屬一集團，前者走年輕副線，多點嶄新菜式；後者承傳經典，食品相對更佳。 這間「意粉 360」吸引小編的地方不在其菜式，而是設於一角的「360 Kids Playground」。這個兒童天地雖然面積不大，玩意亦不多，但對於一眾年幼小朋友而言都有一定吸引力。從家長角度來看，這個兒童天地設於餐廳盡處的一角，店內很多座位都能望見唯一的出入口，大家可安心放玩吃飯 =P 食品方面，「蘑菇忌廉湯」口味淡薄，不太欣賞。附上的多士亦硬身不熱，水準之下。主菜「胡麻醬豚肉 1.7mm 意大利粉」胡麻醬味道泛甜，能帶起豚肉的滋味。意大利麵條是否直徑 1.7mm 無從考究，但掛上醬汁後都算好吃。此套餐的另一亮點是包含「窩夫」作甜品，可與咖啡相伴作結。一如既往，「意粉 360」的水準平平，不及同系「意粉屋」。但因此分店設有一個 kids corner，考慮完全不同。親子同遊可考慮。

由於自己是spaghetti house member, member card有折同coupon於是試下同一集團既spaghetti 360，在MOKO的分店，6點幾去到，等左一個鐘先有得食，5點幾行過仲好冷清，估唔到會咁多人!香桃鮮果梳打~熱情果鮮果梳打~兩杯野飲都唔錯，不過我就私心鍾意熱情果多D啦~好味唔會話勁酸又或者好淡，D水果都OK~見都幾多人叫既360特盛拼盤，第一次幫襯咁就叫尼試下可以試多D野~ 個拼盤有D凍，D豬仔骨好似冇乜肉，個軟殼蟹都OK嫁係細舊左少少姐，炸雞有D大舊粉加上唔係熱辣辣所以令人好滯~個薯條就最好食啦，都叫係熱既同埋都好味~香煎紐西蘭青衣柳龍蝦汁鐵鍋燴飯~ 由於本人喜愛食魚咁就要叫個有魚既飯啦~ 個魚都唔錯既，其實同平時D魚柳冇乜分別，不過唔會好大舊粉又或者好腥又或者好大雪味，都OK~ 龍蝦汁燴飯，個人覺得幾好味，不過混入大量洋蔥粒! 另外不喜歡龍蝦汁既人應該會覺得個飯好臭飯入面D菇就麻麻地啦~日本直送漢堡扒奄列咖哩飯~ D咖哩唔錯幾好食，真係日式咖哩，漢堡扒都好味好有肉味~奄列都唔錯，不過就好滯~鐵板北海道帆立貝牛油粟米~ 失敗在於D帆立貝係凍，要留係

簡選炸雞意粉配酥皮湯，餐飲配炭燒白咖啡。意粉賣相一般，炸雞粉太厚，茄汁偏酸，酥皮湯夠熱，味道濃郁。最欣賞炭燒白咖啡，雖然賣相不突出，但味道出乎預料之外。店內坐位亦闊落。

平時唔打食評既我，今次忍唔住要打一打尋日同朋友去新世紀睇戲所以近近地去左呢間餐廳食個晚飯6點半去到好多吉枱，完全唔駛等位可能仲早吧。叫左個二人餐，所有野食都勁快上菜有兩碗帶子龍蝦湯但帶子係生的，凍的我仲同朋友討論，呢個帶子應該係特登生的，用湯整熟佢呱當然湯係未熱到可以整熟到佢。。。之後上左個牛肋條併芝士烤包個蕃茄仔係凍的入面仲有薯仔，係未熟的，咬入口sharp sharp聲，完全係生既味道個包熱既，但係係淋的，唔似係岩岩烘好，似係烘家放埋一邊等客叫就上菜牛肋條不過不失。。。之後仲有個pizza和風照燒雞香蔥薄餅不過不失，偏重口味朋友餐飲叫左杯碳燒咖啡但朋友話味道唔得我叫左杯黑糖紫薯牛奶冇黑糖味，冇紫薯味都唔知飲緊乜最後飲左半杯，頂唔順飲番水好過最令人反感既係成間餐廳既員工傾計既聲音仲大聲過幾枱客樓面5個員工，有一位好勤力我地去到個陣佢掃緊地，之後準備定餐具籃，又上菜其他4個圍埋企係我地張枱隔離既餐櫃傾計，傾到郁身郁勢廚房係開放式的，入面有幾位員工又係傾計傾得勁大聲，仲有個係咁禁電話其實如果食物質素係冇問題，你地點傾都冇問題架，但4樣野食有3樣都唔得，其中兩樣仲要未熟，咁就真係差差差完全

Waited 30 mins for the desert and then need 15 more mins to deliver. 45mins for a desert ! I don’t think it is worthwhile to come back for meals.

三人來到位於旺角新世紀廣場的spaghetti 360° 。星期六晚餐時間,在門口等了20分鐘左右，但不覺得等了很久，可能我們三人嘻嘻哈哈時間快過。一坐低，覺得座位不舒服，我們就問侍應可否換張枱，雖然客人好多，但好快就替我們換了張枱，我們就開始點餐。魷魚墨汁意粉$96 意粉硬度適中，魷魚好軟滑，口感好彈牙，沒有煮到過火。個墨魚汁夠咸，唔錯的。無端端有三粒蕃茄仔調色，其實好攪笑但幾有心思，反而個三粒蕃茄出奇好味，焗過架喎，唔係求其放三粒野拌碟。脆趣薄餅$88餅皮好薄好薄，薄過梳打餅，就係太薄所以覺得中間的芝士好多，用刀切開，餅邊好脆，用刀尖一督已經碎開。下次分餅時，大家可以在中心落刀就會切得完整一點。芝士味好重。火腿煙肉放得唔均勻，一邊好多餡料，一邊無餡料。黑胡椒牛肉石鍋炒飯$84這個飯微辣。飯偏硬身，粒粒分明，溝左黑胡椒汁都不會太濕。牛肉都是黑胡椒汁味，沒有牛肉味。牛肉好薄，鍋底的牛肉太碎，跟餐牌上的大塊牛肉差很遠。芝士烤包$36好味呀。個包好夠熱，剛剛烘起的。外脆內軟，上面鋪滿芝士，好香，咬落去有芝士絲。雪糕綠茶紅豆冰$46先飲一啖未攪起杯底紅豆的綠茶，綠茶味好濃，不太甜有少少甘苦味

Weekday夜晚來到，餐廳內人不算多，門口雖掛着用餐限時90分鐘的牌，但最後我和朋友坐足兩個半小時都沒有被催促離開，而且我地還被安排坐到梳化位，完全是個聚會傾計的好地方。我同友人叫了360特盛拼盤($108)及明太子醬海鮮意粉($92)share食。首先特盛拼盤有唐揚炸雞、豬仔骨、酥炸軟殻蟹、薯條及沙律，豬仔骨醬汁調味不錯，但炸雞及酥炸軟殻蟹的炸粉太厚，粉多於肉，炸雞表面的醬汁更是甜得蓋過了雞的味道，是整個拼盤最大的敗筆。另外，明太子醬海鮮意粉的的份量頗大，內有蜆肉、魷魚、帶子及蝦，用料尚算多，而且明太子醬充滿濃郁的明太子香味，整個配撘都做得很好。其實我已經來Spaghetti360用饍過好幾次，一向覺得這裏的食物水準不俗，今次的特盛拼盤確實有點失望，但果然意粉是餐廳的賣點，保持一貫水準。

想搵個坐得舒服嘅地方傾下計所以選擇左呢道。見好多家庭都帶埋小朋友一齊黎食，心諗應該都幾welcome一家大細。叫左個麻醬雞肉意粉、芝士海鮮墨汁石鍋飯同一個牛油果沙律。雞肉意粉好香，微熱，雞肉好嫩滑，份量陪2個人share,麻醬好多。芝士海鮮墨汁石鍋飯好香，熱辣辣，一畢起芝士係拉絲，但又唔會太漏，飯嘅調味加埋芝士好夾好好味，成個飯唔會因為起石鍋入面而好乾，反而佢keep到好濕潤但又唔會林曬。海鮮都係蝦同墨魚果啲，冇乜特別，但成個combination好好食。牛油果沙律就冇咩牛油果，普普通通，但菜量幾多。不得不提，服務好好，staff好有禮貌又好注重顧客舒適度，佢地會特意幫人推入啲sofa等人食得舒服啲，亦會提人啲飯同石鍋好熱要小心。

Too tired to shopping in a mall, we can’t wait till dinner time, jump into this restaurant, however, it still need to wait about 20mins in weekend around 5pm! Chicken stone rice, not good but also not bad! Soup and pork tomato pasta, up to standard Too creamy for iced matcha Iced peach tea

今日去到新世紀唔知食咩好，一個人就去左Spaghetti 360食lunch, 職員推介我食春日之盛宴- 車打芝士海蝦1.7mm意大利粉，最後我選擇左明太子醬海蝦意粉，隻蝦都幾大隻，而且味道唔錯，我都係第一次試呢款，再叫埋杯凍奶茶，慢慢嘆住食。

坐火車來到新世紀廣場，也不知道吃什麼，最後選擇了意粉360。從外看來餐廳乾淨整潔，坐着也舒服寬敞，雖然食客也頗多，但並不嘈吵。簡簡單單點了三樣食物，分別係海蝦蟹棒墨石鍋飯，黑松露石鍋炒雜菜和鐵板香蒜牛肉。飯香味濃，還有少許草菇作伴，味道滋美！有玉瓜、洋蔥、菇、西蘭花🥦，清甜可口，但底部的蔬菜有的略帶苦澀。雖然份量較少，但是牛肉炒得香口嫩滑，再加上香噴噴的䓤蒜味，口感不錯👍🏻雖然今次點的菜不多，但是吃得很舒適快樂😁

星期六約左幾個朋友，帶埋佢地既小朋友黎到新世紀廣場行街，依舊人山人海。book左依間位於4樓既餐廳，主打我最喜歡既意粉好彩有book枱，keep住有人等位。限時90分鐘，但都唔會太趕人走既。有個兒童區，好多一家大細黎食野。出左個春日之盛宴，好似都唔錯咁，不過今次試其他先。首先叫左個芝士焗肉醬法蘭克福腸薯條，味道唔錯，好香脆，夾埋d醬食一流。另外叫多一個特盛拼盤，好大份呀，有炸軟殼蟹，豬仔骨，薯條等。叫左1飯，1意粉同1pizza, 好滿足既一餐。每碟既份量係好足料胡麻醬烤雞意大利粉，醬汁味重，但配搭唔錯青衣柳龍蝦汁焗飯，條魚無咩味汁過多，變左好濕。脆趣簿餅，有煙肉，火腿，蛋，蟹子，揀左厚批，好好味，俾足料

和朋友去新世紀shopping 前食午餐，見有間日式西餐廳，誤打誤撞，估晤到又幾好食啵～環境又舒適值得下次再嚟。由於我地二個人食，但味道真的不錯，好快ko左三碟360~2mm趣脆薄餅有雞蛋，煙肉，火腿和蟹子脆得像餅乾，好好食，餡料飽滿鐵板西班牙黑毛豬生薑燒有日本醬油伴炒的黑毛豬肉片，還有洋蔥和菇類一起，味道好濃郁，好好味到……好想嚟一碗白飯。芝士肉醬法蘭克腸 薯條好邪惡，食完一條還想繼續食肉醬中的蕃茄醬好開胃