意粉廚房

營業中

休息中

聽啲同事講，尖沙咀有間餐廳非常好用，做sale 單一流，又靜又唔趕客，嘢食又Ok.茶啡湯任飲.同佢要咗地址。地點好喎，尖東區，近地鐵，約客一流。但都要看看個場先。今日下午。見完客就去睇睇。哦，原來那間最佳盛品酒店地庫的一間叫“意粉厨房”的東柬。來到-一場，當然要順手一試。但午餐巳過，整個下午茶先。有8樣食，每樣2件，包任飲茶啡。＄88+，Ok低食。那小牛城雞翼無得頂。個場又沒客。地方約客講單好。 個同事無.点錯

朋友約食飯，想座得、食得、價錢相宜。友人同我都好中意食pasta, 但食野一向係貴精不貴多 今日就黎左一間係尖沙咀以pasta命名既餐廳 Pasta Kitchen. 喜歡它藏於一間酒店內，不易被察覺，令到多人的尖沙咀增添了一處聚腳好地方. order左一個set. 香蒜大蝦意粉- 呢個有少少辣，個意粉好彈牙，汁亦好好味，蒜味啱啱好，蝦帶香脆 , 蝦好爽口彈牙，雖然蝦味唔係太多，但係個意粉同汁搭救 真係好大隻 仲啖啖肉 有好友一齊分享 好滿足. 下次再黎

原來佢地係尖沙咀B2出口加連威老道尾地點非常方便夜晚去到好多人呀！門口有條小樓梯，好有情調又有音樂，環境都幾舒服，傾計唔錯。 餐前麵包是日餐湯，蘑菇湯味濃好有蘑菇味好飲，不咸！叫左一個黑松露油帶子搭配波菜麵，感覺清新啲帶子真係新鮮又大隻。一個蜆肉蟹柳意粉，雙重口感又不覺太膩，製作用心出色，試完都想再試.出色不止於此，另有其他午市及晚飯套餐，親民價錢可吃到不凡菜餚。大廚會定期更新菜單，驚喜不斷，愛吃的你不可不嘗。朋友非常喜歡 ,一定會再次光臨!

前兩日同女朋友食飯，、諗住揾間環境比較靜嘅餐廳食飯，但係喺尖沙咀，環境比較靜嘅餐廳消費都比較高; 沿著加連威老道行，見到有間位於地庫嘅餐廳名為意粉厨房，女友說之前聽過朋友介绍過意粉和湯做得不錯。就座後，我點了黑松露油帶子波菜麵，女友點了紅酒燴牛肋排意粉，帶子size很大，面層煎得呈金黃色及點上黑松露，入口甘香彈牙，而红酒火熗牛肋排炆很，很好味，跟餐湯是磨菇忌廉湯很有水準，好creame, 好好飲，最好還有咖啡及茶，所有意粉都是套餐有湯及飲品，十分划算，環境清靜值得推薦

Pasta Kitchen地鐵站行過去大約三分鐘左右，都算方便。店子小小，座位唔多，裝修簡約時尚丶光線充足。Pasta kitchen嘅選擇都唔算少，叫左餐湯係好濃的南瓜湯，南瓜的鮮甜味道再加忌廉的幼滑，好夾好香，熱熱的忌廉沒有太溜的感覺，反而味道清新而且幼滑，不錯。講返個 main course，講單時服務員會問食客喜歡食意大利粉偏硬(意式傳統) 或偏軟，好細心。本人一心想試下帶子意粉，意粉選了偏硬，結果當然無失望，意粉食落有咬口，加入橄欖油及香草炒香，好食

個日約左朋友食午飯. 無主意唔知食咩.叫食”比薩”雙方講開都無興趣.剛剛想起在”尖沙咀”好像有間叫意粉屋之類.只賣意粉.抵食,無得輸，於是約左朋友一齊去試下啦！上網 GOOGLE 間餐廳位置, 是於尖沙咀最佳盛品酒店， 叫”意粉廚房”，其實唔係在這邊反工，都應該比較少人會去，因為在酒店裡的餐廳，比人覺價錢貴。去到附近找唔倒, 原來酒店装修.門口在停車場那邉.不好找. 行落樓梯見到細細間, 無人. 静静地.我叫了一碟”蜆肉蟹抑意粉” ($98), 朋友要”拿破崙芝士火腿意粉” ($78). 蜆肉又大又不腥，意粉不會太硬身，太油，味道不錯，價錢又唔太貴，上菜又快，又不用等位，又可以食完之後坐好耐，真係抵食無得輸。

同朋友去街 夜晚想食pasta 佢介紹呢間我試 Pasta Kitchen. 又唔多人喎 唔洗等位. 可能因為6pm就上左來. 呢度系Basement但又幾靜喎 配埋背景音樂 坐得好peaceful. 呢度d Pasta有好多選擇呀 可以選天使面。長通粉 扁面...etc 有我最愛的香蒜大蝦意粉好靚呀.賣相非常吸引!! 大蝦好彈牙! size 唔算好大 但一個男仔食都夠. 系度坐左好耐 staff自動加水 無趕人走又無限時 . 呢度好適合一大班人黎食下野,傾下計. 好滿意 下次會再來  

新正頭，「Let eat糕」左幾日，個口對於傳統中國味道已經無晒反應，一定要搵返D西洋口味，平衡一下。假期後返工老細話食開年飯，本來都係諗住去酒樓，點知Book位完全唔易，加上唔少同事都食糕食到怕，多數都贊成轉「西風」，於是揀左間酒店入面嘅「意粉廚房」，一於食好D。難得開年食西餐，由於自己顧自己，同事都各自發揮，有叫意粉，有叫長通粉，好明顯，埋單唔平得過食中式。不過，味道都有水準，畢竟係酒店入面食肆，個湯的確比其他西餐廳好得多；我貪新鮮，叫左個香蒜蕃茄野菜意粉，份量唔多，啱晒滯滯地嘅我，而且汁唔算多，味道偏淡，食落幾清新，清碟之餘，仲可以留肚食甜品。有個同事叫左個紅酒燴牛肋排意粉，既然係牛，就唔可能唔濃味了，但個樣都幾吸引，份量亦唔細，我攞左件試下，味道濃郁，口感亦佳，色香味同價錢計，算係值得一試。

今日放假, 中午同Friend來意粉㕑房 lunch, 在加連威老道頭，好近尖東。我order了芝士卡邦拿意粉, 有一塊凝結的芝士絲, 發出咸香, 火腿絲也不不少，意粉的軟硬程度拿捏得準, 少許硬實的口感令到意粉嚼得過隱, 沒有豐富的配料卻強化了意粉的絲絲麥香, 有濃濃的芝士汁,餐飲方面我們三人不約而同的都要了熱檸水, 另外，我認為價錢好合理，又足分量，食要有飽滿感嘅最佳ge地方!

一早要同小朋友尖沙咀霸位睇煙花。早啲出去順便食飯。但間間都超貴。酒店不在話。普通餐廳都唔平。一家大小都好重皮。老婆打電話問朋友。佢細妹話尖東有間唔起眼的食意粉餐廳，唔多人知，價錢唔貴。過年應該Ok .那間餐廳叫“意粉㕑房”，在加連威老道頭，好近尖東。食完去海邊霸位方便。同老婆行到去，要落地庫. 周圍環境幾好，坐低看餐牌價錢，套餐最貴都唔過二百二連加一。New Year 日子好低。我要個西冷牛扒，老婆食黸魚,扒。兩個細路食猪扒。最正是湯，茶免費添加。食物份量有些大。男人剛剛好。女人小朋友就大份啲。份牛扒5成熟有些生，但肉質我個人就覺得好，老婆條魚扒就平凡，無魚味，知道是冰鮮貨，當然一分錢一分貨,，是合理的，最低限度無雪味。還有一提。服務真是不錯，飲幾次湯那些服務生都無問題。整體性價比高

Walk in 同女朋友諗住試下，我就叫咗個香蒜大蝦意粉，我女朋友就叫咗個帶子波菜麵，啲大蝦好彈牙，個蝦頭脆到可以連殼食，而且有羔。至於個帶子波菜麵有好香黑松露油既味道，帶子都幾大隻。啲餐湯係用蘑菇打粹整既，非常好飲，而且可以任but，檸茶咖啡都係diy任飲。你話會唔會encore，一定會，值得推介。

響香港食薄餅意粉，細個就淨係識得去P記同S記，之後外賣牌子愈來愈多，坊間專食Pizza同Spaghetti嘅細店都唔少，但愈細就價錢就愈唔講得少。早排去過一間酒店入面嘅「意粉廚房」，價錢唔貴，最緊要係味道唔差，而且環境同服務都有一定水準。叫了個茄汁海鮮意粉，先唔講過粉，淨係個羅宋湯就已經夠吸引，少少肉多多菜，任添任飲!，而且味道同質感覺得係真正煲出黎，唔係溝出黎；個意粉唔能夠叫好好味，但肉質有口感，味道比起P記同S記算係好些少，份量亦ＯＫ。飽肚而環境舒適，係唔錯嘅選擇。日後值得再試。

Visited again. A good location to meet up with clients . Ordered the afternoon tea set to share. Good quality food with unlimited tea and coffee. Mini burger & chicken wings were delicious. Again reasonable price, good quality food and good location.

本身唔太好意粉，由於餐廳開係公司附近，所以開左之後同同事過黎食，覺得好抵同好味! 佢不論午餐同晚餐都係同一個餐牌，晚餐貴20蚊左右。以佢80至100蚊不等，包曬餐湯同野飲(任refill), 價錢好合理。我黎左不下五，六次。試過中午同晚餐，都係選大蝦香草意粉或帶子菠菜麵，以份量來說，可能配菜較多，感覺大蝦麵份量大一點。意粉炒得香，配菜都是有烤過的，所以好吃。大蝦食左幾次都新鮮，水準穩定。平安夜仲有其他特別set (牛扒，魚)，但最終都揀番我最愛既大蝦意粉。價錢照平時，侍應服務好好，人又少，所以食得開心會再幫襯，佢已經成為我尖沙咀飯堂名單既其中一員啦～

星期六，要開OT。又以為自已放假。幾手遲到。好彩無遲。但就無食早餐。做到两点幾，頂唔順要食嘢。人在尖沙咀，又是星期六，通街都是人，醒起同事講加記，即加連威老道有間係地庫食意粉餐廳，幾好食，價錢中等，又清静可以慢慢食。問咗同事，原來是那聞最佳盛品酒店下面地庫。立即去。去到加記街口，找唔到😇，要Google 先知何處。天穚對落就係。行入去，服務幾好。我未講就主動行來打招乎。坐下看看餐牌價錢。唔貴，尖沙咀來說六七十是正常價，個服務員講再包任飲湯和茶啡，就 0K。要咗個好像大蝦什麼意粉。先來麵包 ，有两個包少見，通常得一個。湯就自己去攞。湯可以，師父少，連飲两次。正。再坐定意粉到。外表唔錯，隻蝦又大，意粉分量又大。先試食，意粉做得幾好，有口感，彈牙。你去大x落食意粉就知，但都唔平喎!   意粉汁唔係用粉開胡做，有啲心機。整體唔錯，價錢合理，可以再食