意粉屋 (已結業)

尋日行吓ａｐｍ．諗都冇諗住食意粉屋．但睇廣告好似有新餐出左．而且星期日間間都咁多人等位．咁惟有間間都攞吓飛咁囉．不過唔知點解上幾個食評都講得咁差我就覺得佢地既服務非常好喇你有冇試過你等位都會有汽水飲丫？自問我未試過．門口嗰２位服務員亦好好態度．冇黑口黑面既情況發生等左唔駛半個鐘就有位喇入到去．ｄ服務生個個都好好笑容．一叫人落ｏｒｄｅｒ即刻有人應．完全冇上幾位所講悠悠閒既情況．環境同氣氛都好好．真係有酒店ｆｅｅｌ我地叫左個２個２人早餐．一個係廚師推介嗰個．一個係三文魚茄湯．仲有叫左幾個小食冰鎮螺片麻麻地．仍然有ｄ雪味．ｄ青介未有太淡味．ｄ青瓜條仲有ｄ水．好怪！而個薄餅幾有新意．起初以為係普通ｐｉｚｚａ底．點知原來係有ｄ似印度薄餅既底咁．加埋ｄ蕃茄．幾醒胃．個三文魚湯一定要讚吓．因為我個妹係唔飲魚湯既．但佢竟然同我爭黎飲．就係因為佢一ｄ都唔腥．仲有ｄ酸酸地．好易入口．可以叫一ｄ唔鍾意飲魚湯既人試吓．個扇貝薯茸上個餐牌冇賣．今次又出返．一貫水準．不過如果份量加多１，２隻．咁就好喇之後食完．當然要試吓ｄ甜品啦．以我印象好似除左ａｐｍ呢一間意粉屋之外．冇其他有甜品食．咪試一試囉賣相好似好吸引．而

我上星期好似星期二去食過..起初唔唸住食意粉屋o架..因為一向意粉屋都冇話有咩特別野食..不過行過佢地門口見到放左幾個蛋糕個樣又幾靚下..咁米問下門口位小姐囉(相信哩位小姐就係上一個評所講o既果個黑口黑面小姐啦)佢的確係態度有D問題..問佢有冇得食櫃入面D蛋糕佢就話冇..佢真係就咁答一個字..已經想掉頭走啦但又見到有個牌介紹甜品喎心思思又想食又見其他店好多人唔想等位..就同黑口黑面小姐講咁佢當然照樣o既態度(黑面)帶我地入去坐啦..入到去我同我D朋友都好驚訝..意粉屋o既裝修好靚..有D酒店feel...坐低後過來招呼我地o既侍應真係同門口果個真係有天壤之別..入面果D態度好好多..問佢地野有問有答有介紹..咁心情好左好多囉..就叫左個幾樣野食(名唔記得囉有PAZZ 有天使麵等等)仲叫左一人一個甜品..先講D野食..野食整體上冇咩特別不過有D鹹..但都OK好食..之後甜品啦..甜品真係好食呀如果唔係飽都想叫多個試下..我叫左個芒果杯(個名唔知係唔係咁)好正囉我好怕食太甜o既甜品但係果個有小小酸但係只係芒果o既酸所以會覺得好香好甜..我食左我朋友果個蕉糖咩蛋..面頭果d糖好好食好得意唔知

星期日去食下午茶ｓｅｔ，　食物係意粉屋一貫水準，　幾滿意，GOOD! 但係service超差!首先，　ＡＰＭ假日大部份食肆確係人來人往，　但取籌時發覺跟本只需要等幾張籌，　我見到佢餐廳只係坐６至７　成客，　有好多"吉"，　不過全部未執拾，　如是者...要等set好至入坐，　竟然要等約２０分鐘!　我同好多籌等位客都鼓譟，　因為並唔係無而要等，　而係因為侍應'唔掂'而等，　浪費我時間，　點解咁講...係因為你入去坐低之後會feel到呢間店其實有好多侍應生返工，　但好似位位都遊緊魂咁，　包括supervisor 都未及水準，　帶位個長馬尾女郎仲非常冷傲，　黑口黑面，　追佢俾位仲要俾佢串爆答：〔跟籌嗌緊啦．．．〕我夠知啦，　弊在有咩理由１０分鐘內一張都無帶過呀？　大家有眼見呀！　餐廳係Open Area o架，　唔掂啦！　（咁唔鍾意做服務性行業唔好做囉．．．阿水迫妳咩？！）