意粉屋 (已結業)

叫左個$238,二人餐,有2個龍蝦湯,海螺凱撒沙律,芝士龍蝦帶子意粉,加2杯飲品.龍蝦湯都幾好,幾濃,個沙律外表好似好勁咁,有個好大gei螺殼盛住,個樣都幾好,但味道就唔多得,D汁又少又稀,完全食唔到咩味,海螺唔鮮甜,又唔爽,總之要返三文魚鮮果沙律好過.意粉好似淋左D,响沙田果間好似做得好食D.飲品加$11可以轉D特飲,D名都幾攪野,咩達文西乜乜,哥倫布物物咁.

20050303 1pm又係farewell 飯局. 8人.每人叫一個lunch set ($39-$48).另散叫一個唔知咩雅典pizza 薄批底(餡料有菠蘿同肉腸切片).我要o左個雜菌牛肉炒菠菜麵. 配忌廉三文魚湯, 蒜蓉包同餐茶. 雜菌麵好淡, 一般. 湯又係一般, 三文魚細粒到肉眼見唔到. 最離譜, 杯熱檸茶得半杯! 好似比人飲過咁, 我即刻叫佢換過. 好在都肯換. 反而個pizza 相當唔錯, 可能因為新鮮即焗.service 唔掂, waiter 十問九唔應. 同佢講o野無表情好似聽唔到咁.

~28.01.2005~星期5~因為有張BUY 1 GET 1 FREE COUPON所以就拉左男朋友同我黎食喇以前都有食開意粉屋不過都係DINNER多食TEA都真係少之又少呀第一次黎哩間分店食新裝過後環境不錯呀下卡位設計(感覺好好)點了公司3文治+芝麻醬雞意粉TEA SET(連飲品)3文治唔知係唔係即製喇(食完碟粉先上呀)又唔係有咩特別喎都係一般公司3文治咁0既料喇(不過應該佢+上左火雞肉)哈哈...但有我男朋友喜歡的熱浪薯片伴碟(+分喇)至於個意粉本人就覺得不錯喇喜歡芝麻味的人一定喜歡(但唔夠香)每人都只係$23咁0既質素黎講...真係好抵呀!

食左個lunch~~~ 服務ok喎~，個經理唔錯呀.......d野就ok囉，野飲就唔太得喇........難drink~~~~~~~

以前經常來意粉屋，價錢OK，食品味道也不錯！但一次跟朋友慶祝生日，就留下極壞的印象，以後都不會再來。話說那天我朋友生日，我們都叫了那個最貴的SET，吃完了，外加一客CHEESE CAKE，經理已經過來催埋單，我們表示仲有野飲未上，O甘佢就話不如快D叫佢上埋，OK，到我們剛飲完，又過來催埋單......找數都差不多$400，又唔係平過人，但經理都提供D茶餐廳的服務質素，最大件事是我朋友唔開心，唉，又列入黑名單！

前陣子一家人去過...waiter的態度不錯, 還主動跟我們說長者會送飲品(grandma亦與我們同行!)我叫了一客焗肉醬意粉, 意粉上桌後我不小心碰到碟邊, 心想, "死喇今次, 個碟咁熱一定起水泡!"點知個碟一d都唔熱, 再試試碟中的意粉, 只有微暖!相信不是新鮮出焗爐的吧!叫waiter替我換過一碟意粉, waiter態度很好, 十分友善地替我更換...不過不失啦!

昨晚跟朋友一起去食，一行八人（有一個三個月大ＢＢ），叫了兩個二人套餐（最貴的兩個餐），另加一個漁港風光普通批、芝士焗茄子、素長通粉、兩個菜湯及三杯飲品。首先來的是【三文魚什果沙律】，全用新鮮的生果（有蘋果、菠蘿、Strawberry、蜜瓜），除Strawberry因不是當造而帶酸外，其他很鮮甜；跟著來的【豬仔骨排配辣味炸薯仔】，骨多肉少，味道也不錯，不過侍應沒有將原隻骨排替我們拆件，令我們感到有點麻煩；然後【龍蝦茄子扁意粉】及【焗芝士龍蝦天使麵】一上桌便被餓鬼們搶去一空；跟著來的【芝士龍蝦湯】及【蟹肉湯】味道也很好，但落單時侍應問我們要不要加酥皮，沒有說明每客要加＄１１；而【漁港風光厚批】則屬一般；【素長通粉】味道比較淡，也屬一般；反而【芝士焗茄子】（＄２９）的芝士很好吃，朋友們搶著要碟底的芝士來伴薄餅吃；本來我們想叫甜品吃的，但此時大家都很飽了．．．

唔係喎我都經常係度食d 食物好多時都幾熱, 感覺幾新鮮喎。

今晚吃了意大利菜湯, 雞肉意粉和薯茸。全部食物d 味道都唔錯，但就衰在d 食物唔夠熱，你真係想像唔到點解d 湯會係暖的，d 意粉又係暖的，唔通d冷氣真係咁大?

我們一行四人昨晚去了旺角新世紀意粉屋吃了兩個餐好飽d 食物都幾好, 尤其係個什麼野米飯d 飯幾特別, 似糙米的口感另外,一讚經理及員工的服務態度我覺得佢個樣好nice, 當然個人都有講有笑雖然sell我買vip 咭, 但係我唔買都唔會黑面好過某些連鎖店, 黑面=_=環境唔錯唔錯！

意粉屋可謂無人不知，食物okay啦，價錢合理。不過值得提係奶茶～加多少少奶都會變奶水，我如果唔加$10轉特飲只會飲汽水。

又一間新裝修的分店service & food 都ok, 都可以保持一貫水準但可能因為旺區, 所以都嘈d

依間意粉屋的服務態度其實算係咁啦，我附近返學，lunch time 度食，的確有時上菜的次序亂D;或者要追一追單，記得有次主菜先上湯，不過間午膳時間成日爆，都要體諒D 人。間個經理服度態度一流，親或者走果陣一定好warm咁歡迎或say bye，有冇咩問題，佢都好友善咁解答，無話詐型黑面。有D 員工其實都唔錯，有時都會主動問番你的意見，不過負責門口個就差D。D 食物都係咁，無乜特別好或差。

我好同意佢上菜係好亂，我地兩個人叫左兩個ｓｅｔ　ｌｕｎｃｈ，都百幾蚊架喇，因為我個朋友有張信用卡，可以食夠２００蚊就有８折，咁我地就加左１０蚊飲ｃａｐｕｃｉｎｎｏ，另外仲叫左一個雞翼食，夾埋計番８折都唔洗２００蚊！佢個ｒｉｂｓ味道唔錯，但係就鞋左少少，ｄ肉有ｄ痴牙（ｒｉｂｓ係其中一個ｓｅｔ既ｍａｉｎ　ｃｏｕｒｓｅ），而另一個係白汁海鮮意粉，個意粉令我地好失望，唔知係唔係佢唔記得左落鹽，個意粉好淡，只係有一陣忌廉味，都好”漏”下。而我個ｓｅｔ跟既湯就好普通既忌廉湯，另一個ｓｅｔ就跟蘇皮湯既，叫做保持水準，唔錯架！ｄ雞亦就比較細隻，我呢ｄ唔食得雞皮既人去左?陣皮就已經無咩好食了～但係ｄ辣辣地既汁就好好味，用黎點其他野都得！兩個人唔洗兩舊水有湯有ｍａｉｎ　ｃｏｕｒｓｅ有野飲仲有小食，都算係咁啦！食熙時見隔離食個蟹蓋焗飯好似好好味咁，下次都要試下先！

服務差勁, 上菜次序混亂: 先上主菜, 再上湯(要催先有); 隔鄰檯更離譜, 未上完所有東西便上甜品; 餐飲和coupon 甜品催了不下三次才送來; 有一家人更慘: 七人坐四人卡位.<br><br>問用匯豐信用咭是否有折, 答有; 但其後告知我們要吃滿200元才有; 那我便拿會員卡出來, 侍應收了, 但過了很久才告知我們送了甜品便沒九折.<br><br>一怒之下一個仙貼士沒給便走了! 這是服務最劣的一間意粉屋.