意粉屋 (尖沙咀)

小食拼盤: 唔值七十幾蚊一碟春卷係普通茶樓果D,但比茶樓春卷肥膩,雞翼冇咩特別,但算幾滑,幾有媽咪味豬肉腸好軟,如果就咁食,冇咩驚人味道,仲幾膩下,但加埋佢準備定既汁,味道幾出眾,薯條唔太油,外脆內軟,點返佢準備既汁,竟然比點茄汁更好!洋蔥圈,好脆口,但冇咩洋蔥口感,就連中間既配菜點返隻汁,完全冇食草既味道,隻汁好百搭食完呢個都有5成飽,兩個女仔SHARE 田螺蒜蓉煙肉薯蓉,平時我好少食意粉屋,平時係pizza hXt食,係冇個包,呢道係有,個蒜蓉睇落好似好咸,但其實咸咸地,但唔會搶薯味,但我係唔食田螺,所以唔知田螺係點,但我食蒜蓉煙肉薯蓉,三隻味balance得幾好,初頭上枱果陣仲覺得怪怪地,個包冇味,但好脆,又唔會吉落去又唔會散呀爛呀果d,夾埋隻包食,同個薯蓉好夾!好有層次,大家唔會搶到大家既味卡邦尼意粉,好香,好creamy,好香芝士味,火侯岩岩好,係火黃色,冇燶到,又唔會食到口乾呢隻意粉,基本上係可以兩個極端,好食既,真係好好食,唔好食既,真係好難食,之前同老公食過兩間唔同餐廳既carbonara,不過一間焗得唔金黃,有少少黑,一間冇焗,成pat嘔吐物,而且個汁,論賣相定味道,

小食拼盤: 唔值七十幾蚊一碟
春卷係普通茶樓果D,但比茶樓春卷肥膩,
雞翼冇咩特別,但算幾滑,幾有媽咪味

豬肉腸好軟,如果就咁食,冇咩驚人味道,仲幾膩下,但加埋佢準備定既汁,味道幾出眾,
薯條唔太油,外脆內軟,點返佢準備既汁,竟然比點茄汁更好!
洋蔥圈,好脆口,但冇咩洋蔥口感,
就連中間既配菜點返隻汁,完全冇食草既味道,

隻汁好百搭

食完呢個都有5成飽,兩個女仔SHARE

田螺蒜蓉煙肉薯蓉,平時我好少食意粉屋,平時係pizza hXt食,
係冇個包,呢道係有,個蒜蓉睇落好似好咸,但其實咸咸地,但唔會搶薯味,
但我係唔食田螺,所以唔知田螺係點,但我食蒜蓉煙肉薯蓉,
三隻味balance得幾好,初頭上枱果陣仲覺得怪怪地,
個包冇味,但好脆,又唔會吉落去又唔會散呀爛呀果d,
夾埋隻包食,同個薯蓉好夾!好有層次,大家唔會搶到大家既味

卡邦尼意粉,好香,好creamy,好香芝士味,火侯岩岩好,
係火黃色,冇燶到,又唔會食到口乾

呢隻意粉,基本上係可以兩個極端,好食既,真係好好食,
唔好食既,真係好難食,之前同老公食過兩間唔同餐廳既carbonara,
不過一間焗得唔金黃,有少少黑,一間冇焗,成pat嘔吐物,
而且個汁,論賣相定味道,真係意粉屋係最好,一試難忘,
飽到8成都仲想食埋佢,最後都係剩左幾啖...好好味

至於服務方面,發生左件好funny既事

主角係呢道既waiter,如果冇睇錯應該叫weder zee
佢大頭蝦,唔夠細心,但勇於認錯,勇於面對

大頭蝦既係佢幫我加水果陣,因為我果杯係暖水,
佢應該先加熱水後加凍水,但佢加左熱水就走左去,
唔記得加凍水

唔夠細心既係,大概係我食完兩個小食拼盤,開始食緊第二輪意粉時,
佢先記得黎加水,但杯熱水仲熱既,佢繼續加熱水,
而我朋友既都係暖水,但佢加到變左冰水

其實只係小事,我同朋友覺得佢幾有趣,亦冇咩唔滿意,
只係話:「咁搞笑既..加加下水又走左」
可能係其他waiter提佢,佢以為我地鬧佢,
竟然主動走埋黎同我地道歉:「唔好意思呀對唔住呀..我岩岩係咪講錯野?」

雖然唔細心,但大意得黎好可愛

之後佢不停loop呢句,後尾問我地係咪佢講野太大聲,
其實佢講野係幾斯文,一d都唔大聲

仲不停咁搵出自己既錯處,例如以為自己冇主動拎調味料

果陣都唔算係少人,但佢每次經過都道歉,搞到我地都唔好意思

大概我地食完個意粉,佢走埋黎同我講:「對唔住呀...我可唔可以請你食個cheese cake?」
我朋友:「唔駛錢既放低丫haha」
跟住就好快上左個cake比我地,雖然佢冇咩錯,
但竟然請食cake做賠罪?!

到埋單果陣,又冇咩客,我就用呢個最後機會同佢講咩呢個小錯

埋完單,我同朋友想去一去toilet,佢竟然衝出黎教我地點樣行去toilet,
又一次「對唔住呀唔好意思..」

呢位咁可愛既waiter,個樣睇落應該係岩岩中五畢業,
依家既年青人可以咁勇於認錯,勇於面對,夠主動,唔夠細心,
大頭蝦純粹係因為佢新,青澀,因為睇落佢既效率都幾新人下,
對答同應對都係似新人,但相信日後佢會有好大進步,
我相信佢會好努力咁改進自己,呢個post唔會係佢日後既post,
希望佢可以得到賞識,有一個晉升機會,呢個的確係好少有既年青人