意粉屋 (太古城中心)

營業中

休息中

今日WFH，食完早餐之後冇食晏晝，所以到下午茶時間就開始肚餓要出去搵嘢食啦！好耐冇食過意粉屋嘅下午茶，今日就順便去食吓之後再去Aeon買定啲嘢食返屋企做儲備我哋點咗兩個下午茶，一個係拼盤，另外一個就係龍蝦汁琵琶蝦焗飯！之後再加咗一客酥皮湯！食物好快已經嚟到！食物中規中矩啦！拼盤有雞翼、三文魚酥皮撻、Parma ham 沙律菜同薯條！薯條我覺得未完全炸透，所以唔太香脆，另外個酥皮湯呢～其實幾足料，不過酥皮都係未完全焗好，一啲都唔香脆，有啲失望！另外焗飯都唔差，熱辣辣拎過嚟，而且味道都夠晒！講真，我自己覺得意粉屋下午茶其實唔係好抵食，以呢個價錢嚟講其實一啲都唔平，計埋加一都成百蚊一個人，我覺得好多地方都有啦！😌不過呢個純粹個人意見啫！

意粉屋幾時都係品質保證. 靠得住. 每次諗唔到心水餐廳. 都諗番去意粉屋. 無謂冒險.午餐餐湯係龍蝦湯. 要另外加錢嘅. 好飲. 夠熱. 好過好多貴價餐廳.主菜係龍蝦汁海鮮濶麵. 之前食過意粉屋嘅龍蝦汁天使麵好好食. 今次配咗濶麵其實冇咁夾. 可能同意大利粉嘅質素有關. 冇咁上汁. 整體唔錯嘅. 海鮮都可以. 有蝦, 鱿魚, 魚. 唔會霉. 冇乜怪味雪味.另外叫咗個溫泉蛋帶子意大利粉.餐飲叫咗咖啡. 正常整體餐廳環境, 食物質素, 性價比高非常理想.

如果食晏晝套餐，除咗可以加餐湯餐包沙律呢啲之外 原來都仲有的搭配甜品🤤檸檬芝士餅🤍芝士餅囉嘅芝士味都幾濃郁，好實淨嗰種！檸檬味都食得出酸酸地中和返，嗰種芝士比較飽嘅感覺！！不過餅底就略嫌有啲鬆散 唔實🥲🥲一Pat出嚟啲餅碎就散晒出嚟🥺呢一點都可以再改進 但整體來講都值得一試嘅 如果你唔想再飲餐湯嗰啲～另外晏晝嘅意粉都幾好食，價錢都合理，套餐有煮食小食仲有嘢飲咁幾唔錯☺️上次嚟見到好多小朋友發現原來呢度都算係親子餐廳～～好啱一家大細嚟

📍 #意粉屋人均消費: HKD150想起以前食意粉，意粉屋算是經典了！四年前在機場食過之後就無食過了！⭐️芝士卡邦尼意大利粉🍝$138試枱後可即刨芝士碎，好有儀式感😂 卡邦尼賣$138不算平，不過份量都算OK！入口有陣蛋香，汁比較杰，但香味搭夠，煙肉有口感！💯雙重芝士焗海蝦蟹肉意大利粉🍝$132幾有驚喜！ 芝士焗得好香，海蝦大隻爽口，好好味！ 重點是裡面超級多蟹肉！多到你估不到！ 每啖都有蟹肉香！ 意粉份量仲要超多！ 重點是仲平過卡邦尼！ 😂😂

一張放了很久的$50現金券一直未用，最後兩天到期，很久沒有幫襯過意粉屋，晚飯時段點選了一人餐 - 蜆肉蘑菇炒天使麵🍝連一罐汽水🥤盛惠$78💰天使麵很香蒜味、蜆肉很多但沒什麼味道，天使麵的份量也多，男士應該也會很足夠。外賣除了有多款一人餐之外，還有幾款套餐。那天是星期一，餐廳門外一直有人在等位，看來生意也不錯。負責在門口落單的職員有禮也專業，沒有因為我只幫襯了$28而服務有偏差，讚👍多些熱誠禮貌的飲食從業員，進餐也會開心些😄不過拖了這麼久的疫情，那個笑得出呢☹️

記得以前同老公拍拖時🥰，成日食意粉屋🏘️🏘️，因為價錢抵食，食物又好味。❤️前幾日同屋企人去咗太古城分店食大餐🍽️🍽️呢間分店最近重新裝修，更加kids-friendly ，啱曬家大細去食飯🤗👍🍽️雙重芝士焗海蝦‧蟹肉意大利粉好足料，入面有大大隻海蝦，仲有唔少蟹肉， 雙重芝士焗得超香濃，一家大細都啱食。🍕🍕意大利海鮮薄餅 呢個薄餅有驚喜，餅底好脆，上面嘅海鮮料多到滿瀉，而千島醬汁甜甜酸酸，食多幾件都唔漏。🥘西班牙海鮮飯海鮮夠新鮮，飯底吸收咗海鮮嘅鮮味，帶少少辣，好惹味。🦞石板燒龍蝦尾・美國牛肩肉（110克）配脆薯條・藜麥牛油果沙律食材高質，龍蝦尾啖啖肉，十分爽彈。牛肩肉肉質嫩滑，自己煎到5成熟都夠啦🤤🤤配返個沙律夠balance✔️🥗烤海蝦柚子沙律配黑醋汁沙律好大份，一家人share最啱。裏面除咗有海蝦，仲有唔少牛油果同柚子😋😋🍼「The Mini House」兒童餐兒童餐都好多選擇，囡囡超開心。飲品揀咗Qoo青提子汁，主食就菠蘿火腿忌廉煙斗粉。 仲有🍋檸檬蜜糖雞翼， 炸薯條，啫喱同水果超豐富🍈 呢晚食得好開心，下次有family gathering都揀返呢度❤️💖💯

唔可以話好好食/有驚喜，但亦不是唔好食，中規中矩對得住價錢，大家唔想伏可以試吓。叫左兩個lunch set, 1. 煙三文魚pizza $108薄餅的口感&煙三文魚的新鮮度都係正常(煙三文魚好難唔好食)有埋沙律菜，加分。2. 海鮮蕃茄扁意粉目測全場有一半人都食呢個，魷魚圈有三四舊，蝦有三隻，帶子都有兩粒(唔係珍寶size 但絕不是細隻)個蕃茄汁做得幾好，有埋黑olive 去吊味，overall 叫做對得住$120。

好耐冇食意粉屋啦！呢日就買外賣同小朋友返屋企開餐！見到佢哋剛剛推出期間限定嘅春日「Seafood Delight」餐牌，睇落好似幾吸引所以就點左幾款。芝士焗龍蝦尾・帶子天使麵龍蝦啖啖肉，帶子夠晒大隻又彈牙，配埋半溶芝士真係好香西班牙海鮮飯成個飯都鋪滿海鮮夠足料，海鮮精華滲入飯粒，十分鮮味，微辣口味更令人食指大動石板燒龍蝦尾・美國牛肩肉 配脆薯條・藜麥牛油果沙律龍蝦鮮甜又多肉，牛肉燒得剛剛好，多汁嫩滑，配埋自家製醬汁味道好夾意大利海鮮薄餅 Size都唔細，上面鋪滿蝦丶魷魚丶蜆肉，口感夠哂豐富烤海蝦柚子沙律配黑醋汁海蝦配上柚子味道出奇地夾，食落感覺清新又健康，配上黑醋汁酸酸地好開胃「The Mini House」兒童餐小朋友見到啲星星薯餅已經心心眼，配埋可愛嘅Qoo果汁就最開心呢餐真係食得好飽，大人小朋友都好滿足！

寶貝女考完試, 話好想食Spaghetti House嘅兒童餐, 就一家人去食飯餐拉！迷你千島樂園 兒童餐迷你千島醬pizza餡料有蜜糖腸、菠蘿、粟米, 細細件啱曬小朋友食。星星薯餅, 脆卜卜一口一粒。啫喱、士多啤梨 小朋友嘅至愛, 仲有Qoo青提子汁。芝士焗龍蝦尾 帶子 天使麵選用美國龍蝦尾充滿鮮味, 芝士烤焗香氣四溢, 聞到都流口水, 龍蝦醬汁好濃沃, 啱曬伴天使麵嚟食！喜歡食龍蝦嘅, 就一定要試下！德國咸豬手 老公就最欣賞德國咸豬手, 外皮香脆, 內裏肉質軟嫩帶點油脂甘香, 啖啖肉大快朵頤, 仲有酸椰菜同脆薯條, 充滿飽足感！刁草檸檬海蝦意粉清爽清新帶有淡淡檸檬香味, 海蝦鮮甜爽口彈牙, 意粉幼滑得嚟不失嚼勁。西班牙海鮮飯材料豐富, 有大蝦、青口、帶子粒、蜆肉。用上上湯燴意大利米, 粒粒原渾煙韌軟熟, 吸收精華啖啖都充滿海鮮鮮味。意大利海鮮薄餅經典薄餅, 有大量蜆肉、墨魚圈同我最鍾意嘅芝士, 食pizza最緊要襯熱食, 脆卜卜香噴噴, 仲有拉絲效果。

我好鍾意食西餐,小店同埋連鎖我都會食.但意粉屋,都算係我食過最唔好食既西餐...我又唔想用難食..但..真係..唔好食..分別點左兩個set lunch1. 香辣蕃茄龍蝦尾意粉+周打海鮮海+凍MOCHA $198+302. 烤丹麥雞胸鮮果沙律+雜菜湯+鮮奶咖啡 $140+30額外加左一份星星薯餅 $38周打海鮮湯好淡,成個感覺就係...忌廉湯..仲要係..無料既忌廉湯..簡單講就係兩粒蜆加牛奶忌廉.溝出黎既湯...好難飲!雜菜湯 好油! 成個碗面都係油!好差.唔知咩包,有黑糖味既包,好細舊.咬落黎.好似麻糬咁..唔係法包又唔係軟包.唔知食緊乜 無果醬牛油乜都無.口感奇差左邊係MOCHA 右邊係鮮奶咖啡.MOCHA得個甜字..好甜..無朱古力又無咖啡味.鮮奶咖啡 應該係唔會失準既咖啡飲品.好神奇地得個樣,完全無咖啡吁...唔知咖啡去左邊??薯餅 新鮮炸起. 香脆!首先佢並唔香辣,因為完完佺辣味,連落小小辣椒仔呃下我都懶...番茄汁好水好淡.真係鹽都慳番? 龍蝦尾好細隻...咁碟..垃X 收我198雞胸抄律 雞胸 好鞋好UN.鮮果唔新鮮 唔知放左幾耐 沙律醬亦係酸個隻.陣味無記錯.係卡夫X

There are plenty of people waiting outside during Sunday night. After checking on the takeaway menu, we decided to order takeaway instead.Spaghetti  with  clams  in  herbal  and  cream  sauce ($78)The portion is large, but it is not so yummy. It’s just a Hong Kong Style pasta which you can make at home.Baked  Pipe  Rigate  with  Ham  &  Double  Cheese ($88)This one tastes better but it’s a bit dry.

昨天和家裡兩老在這裡午餐，叫了兩個餐加一個單點，叫餐飲時年青侍應特意提醒長者卡可多一杯飲品，由此小小細節可見員工的待客態度積極友善，實在值得贊賞。餐廳環境舒適，食物水準高，難怪餐廳外經常大排長龍

7月 28日                我其實是意粉屋（The Spaghetti House）的會員，下午茶第二份可以半價。所以今天特別來到太古城的意粉屋。這間意粉屋相當受歡迎，通常門口都有人龍。今天可能遲了一點，來到已經是下午四時十五分。不用排隊便可順利入內，侍應還給了一個六人卡位（大梳化）給我們二人。坐下隨即點了蜂蜜蘋果批雪糕，這個蘋果批貨真價實，很大個，裡面是粒粒果肉，雖然要 75元，但第二個可享半價，平均下來只是五十多元。飲品還可upgrade去Cappuccino和檸密，怪不得長期門口都有人龍。蘋果批外我們還叫了一個煙三文魚海鮮炒飯，又是一個水準之作，因為炒飯最重要吃起來乾身一但不至於令你喉嚨乾，佳作也！

3月 16日Spaghetti House （意粉屋）        在意粉屋當然會吃意粉，但當然又少不了意大利出名的薄餅。所以今天就order了：香辣茄龍蝦尾意粉，珍寶雜錦薄餅，再加一個雞胸南瓜籽沙律，完美地遵守營養均衡準則：澱粉質、蛋白質、礦物質、維生素和纖維。        除了營養豐富，我也很讚賞這一餐的水準。龍蝦尾非常多肉，意粉做得也相當不錯。薄餅熱辣辣、脆卜卜。拿上來吃時，焙了的芝士在餅邊流下，滑進嘴裡，很綿滑的感覺呢！棒！南瓜很有口感，再配上雞肉、松籽、感覺整個沙律也不會那麼dry。

Only one scallop is served per dish. Talked to the server and confirmed with the kitchen that is the case. Scallop spaghetti for 120 dollar comes with just one scallop. What kind of scam is this? customers should have a reasonable expectation towards what is worth a 120 dollar dish.