意樂餐廳 (啟鑽苑)

營業中

休息中

一大班人諗唔到食咩，意樂實在係好選擇。欣賞佢嘢食大大碟，出餐又快，夠多位，價錢實惠，而且位置方便（地鐵站一出就係）之前食過早餐，覺得係平民價好選擇。可以話係Cafe 質素，但價錢平一半以上。早上唔算多人，環境靜靜地。炒滑蛋好大份，不過乾身d會好d，宜家塊包會濕咗。而且不過張檯略嫌細張，差唔多擺唔曬d 野食。lunch time 同下午茶餐亦有唔少好選擇。$50-60 已經有個set，而且味道ok。侍應態度都爽快有禮👍

成個餐牌啲選擇都係一啲好heavy 嘅食物，芝士焗、咖喱⋯⋯飯、意粉⋯⋯連薯條都油膩過人 🤪。唔健康！冇乜小食order…… 飲品有好多揀但都係冇乜特別。啲待應係大陸人，竟然話牛肉係雞肉😓仲叫我哋自己放食物在枱上⋯⋯⋯🥶🥶大胃口或想增肥或喜歡濃味嘅人可以試，但想要健康嘅你就試一次好了。

石頭鍋飯d飯同牛肉竟然係暖！好難食.隻溫泉蛋仲係好凍！應該係雪櫃啱啱攞出黎！本身自己都好肚餓！我食左幾啖都冇胃口再食！唉. 仲叫人點會再黎食😫咁嘅質素真係冇下次

估唔到意樂啲下午茶係大件夾抵食😙🫰🏾，完全可以當做一份正餐😂😂食飽左下午茶， 晚餐都食唔落😛今日食左個焗意粉， 好多料， 都幾好味嘅😌😌但係。。。。唯一古怪嘅就係西式焗意粉竟然落芫茜😣😣唔食芫茜嘅我。。。唯有問侍應借對筷子逐啲逐啲夾返出黎🥲佢地嘅檸檬茶都幾特別，好似而家興起嘅爆打檸檬茶咁🍹，唔係自己篤嗰隻🙈都幾好飲🤭🤭$40 就食到咁大份下午茶， 仲可以做埋晚餐， 又有爆打檸檬茶飲， 抵㺯弓爛😂😂

朝早都係嘆番杯咖啡☕️清醒一下。。。行過呢間餐廳好靚～木質嘅裝修有好多近窗口位，落地玻璃望到出邊嘅景緻最衰玻璃窗望出去仲喺圍欄地盤早餐都有好多選擇⋯⋯通心粉套餐、 #美式早餐我order 左#嫩煎香草雞扒配蒜香欖油多士#太陽蛋 #午餐肉 咖啡好好飲香味撲鼻、質感滑溜😋早晨上枱已經好靚🤩仲有沙律伴碟🥗雞排即煎，好Juicy🍗多士亦都兩件大大件#早餐好抵食#又坐得舒服 #如果唔係趕住要做嘢#可以坐多半個鐘睇吓書仲好

今日叫左2個意粉，一個焗蕃茄意粉，一個天使面意粉，本來平日天使面都有食，心想著一定不會有甚麼問題最少不會難食，誰知道今天的天使面真的有點失準。原因是今天的奶油太少了，今天食下去就有點乾，所以食下去就感覺特別乾和少了點味，本來天使面味道淡要用奶油的味才好食。反而另一道焗豬扒蕃茄意粉有驚喜，味道還比較好食，夏天太熱時通常都沒有胃口，但這菜酸酸的在夏天很客易入口。午餐還送上湯跟飲料，但湯朋友就說比較沒太多口感,因為湯料質全打碎了，質地就像嬰兒用的糊，但我自己就對糊的質地有點喜歡。後來他們的員工提我，如果下次汁比較少可以叫廚房再加點，這個我必須加分給服務上。

呢間意樂開左一段時間，今日終於黎左食，一打開餐牌多選擇到唔知點揀好，樣樣野都超想食，最後揀左豬扒炒烏冬，跟餐會送餐湯同飲品，我選擇左白湯同凍奶茶少冰，餐湯好好飲，粟米味加蘑菇蓉無得輸👍🏻炒烏冬嘅豬扒整得好嫰，一啲都唔鞋，又入味，唔記得左叫少辣，但都算接受到，未去到好辣，杯凍奶茶都係普通餐廳正常水準，環境空間感足夠又乾淨，侍應姐姐好有禮貌，服務好好，人均$60，抵食之選👍🏻👍🏻下次會再黎！

幾乎每星期嚟4次咁滯，Lunch 或下午茶餐食過晒咁滯，因為貪方便，而且連鎖式通常保持水準。今次真係頂唔緊，下晝4，5開得一半場位，1人食飯唔想搭枱，無位叫我坐4人，是但啦，可能間場時間唔攪咁多野。例牌循環叫左碟「香草鮮野菌忌廉天使麵」食過好多次，OK先再接再厲姐，一嚟到果碟野白雪雪到暈，搵來搵去得4條菇，幾粒洋蔥碎！！！有無攪錯呀？呢蝶菜已經係無肉，仲要咁慳皮？之前都唔係咁，今次無法接受，以後不要食。佢嘅下午茶餐維持35至45蚊左右，42蚊以上係意大利粉或飯餐，食個豬扒包加沙律仲似樣。「香草鮮野菌忌廉天使麵」未食架，搵唔搵到有餸呀喂我真係搵唔到，我食完唔知食左咩，食左兜粉囉$42蚊包熬飲，一係你cut左呢度菜啦，整到咁樣，呢排都唔會嚟！

明明諗住食黑松露意粉，上菜嘅時候發現成個意粉都係芫荽味，完全沒有黑松露的味道，忌廉汁好稀，煙肉還好 ，只有3-4秀珍菇，食過咁多間意樂 ，呢間係味道最差最唔好食 👎🏼仲有烤牛肉薄餅 啲牛肉烤到好肉牛肉乾咁 ，如果要讚先可以寫食評 咁呢啲做打手，真心寫出黎 就係想餐廳去改進 改進左大把客人爭住食啦

已經幫襯此店多次了。每次都深深感受到此店員工的有禮而高效率的服務質素 👍🏻👍🏻 而其中的一位身上掛着工作證 ～ 呂X如很待客特別親切誠懇，令人賓至如歸 👍🏻👍🏻👍🏻，希望此店老闆對她如此表現給予嘉許鼓勵一下她吧 🙏🏻 另外，此店的座位間距也相當闊落，這亦是此店吸引之處 👍🏻此店將會繼續幫襯 💪🏻

今日叫咗個葡汁雞皇焗飯，舖頭入邊唔係好多位，我估唔多過10個位，乾淨企理嘅，個雞皇焗飯嘅葡汁味好足夠，但係就冇乜雞肉，近乎零，得幾粒，再有啲薯仔粒同蘿蔔粒，味道係可以嘅

自從啟鑽苑落成，有唔少餐廳進駐，我先知道原來意樂餐廳原來喺好多屋苑商場都插左旗，佢嘅早、午、晚餐都幾抵食，外賣每分加一蚊。有時仲會有平價嘅雪凍外買飯盒賣，第日返工帶飯非常方便。唯一一個唔滿意嘅地方，係呢度嘅檸檬水係用檸檬汁加水，而唔係用新鮮檸檬片，冇得自己選擇酸度，麻麻哋。爆牛牛角酥配田園沙律$36- 壽喜燒醬汁肥牛加上炒到入晒味嘅洋蔥，非常惹味，同牛角酥牛油嘅香味亦都非常配合，推介！氹仔風味豬扒包配田園沙律$36- 相比起爆牛牛角酥，豬扒包偏乾，千島醬加上薄豬扒都幾好味。香辣蕃茄煙鴨胸炒扁意粉$45- 呢個價錢有五、六塊煙鴨胸都幾抵食，醬汁真係偏辣，好刺激。不過食到最後碗底都比較多油，油膩咗少少。

【 食過一次就愛上的半溶芝士炸雞 】🍔每個星期帶哥哥去鑽石山番興趣班，都會去意樂餐廳食lunch，因為哥哥好鍾意食佢哋的半溶芝士配一口炸雞，而且餐廳環境夠大，座位多，就算繁忙時間都唔使點等位。🍤餐廳職員友善，知道同行有小朋友，都盡量唔會安排坐高櫈。我哋的推介餐飲 :🍜和風照燒雞肉湯拉麵拉麵彈牙，照燒雞肉有3-4塊，但不夠林，湯底配料份量足。🍗半溶芝士配一口炸雞哥哥必點菜式之一，套餐可以加$29叫一份，份量都多，好抵食！炸雞香脆可口，一口一件，再配搭半溶芝士一齊食會更正。🍋凍檸檬茶意樂餐廳的凍檸檬茶好出名，係新鮮鮮榨檸檬製成，酸甜度適中，好開胃。

老公鍾意食牛～見到呢度嘅外賣菜式都幾得意，有好多用牛肉入棧嘅料理。烤牛肉pizza$63Pizza表面鋪滿芝士，有少少烤焦嘅效果，芝士愛好者應該幾鍾意❤️烤牛肉甜甜地，保留肉汁。成個Pizza都幾好食，而且價錢便宜，性價比高。安格斯牛柳炒珍珠飯$72每一啖飯都會食到安格斯牛柳，再加上粟米甜甜地，食到停唔到口。水牛城辣汁烤雞翼（2隻）- 加配價$12為起$6隻雞翼都幾抵食，而且質素唔錯。整體來講，鍾意食牛嘅朋友可以試吓Pizza同炒飯，比較少見呢兩個菜式。價錢亦相對合理。一定要加錢叫水牛城辣汁烤雞翼，$6隻性價比高。👍🏻