意樂餐廳 (啟田商場)

夜晚有重要事忙，同朋友快速食下午茶跟住繼續工作，冇諗到焗飯咁大份！物超所值！🔸西西里式鮮茄烤豬扒焗珍珠飯豬扒經過醃製，外皮焦香，肉質鮮嫩多汁，搭配甜美的西西里鮮茄，增添了濃郁的番茄風味。珍珠飯粒粒分明，吸收了豬扒的肉汁和番茄的酸甜，口感滑順，讓人一口接一口。🔸 粗粒花生醬厚切西多士西多士簡直是我的愛！厚切的吐司外脆內軟，金黃香脆，花生醬的顆粒感帶來豐富的口感，甜中帶鹹，讓每一口都充滿層次感。配搭牛油，糖漿，是花生醬愛好者的必試之選！🔸凍特濃朱古力朱古力香濃順滑，十分好飲！…查看更多

呢間餐廳嘅環境真係幾乾淨，座位都幾舒服，坐得耐都唔會覺得攰。食物方面，算係不過不失啦，冇乜特別驚喜，但都算係穩穩陣陣。不過，早餐同常餐就真係有啲失望，因為冇我至愛嘅炒滑蛋，得嗰啲所謂嘅煎焗溫泉蛋，但食落去又唔覺得有煎過或者焗過，感覺有啲名不副實。不過，值得一讚嘅係，無論幾時去，就算係繁忙時段，佢哋都會盡量安排卡位畀我兩公婆，呢點真係幾貼心。仲有，大部分員工嘅服務態度都好好，就算要催單，佢哋都會認真跟進，唔會敷衍了事。總體來講，呢間餐廳雖然有啲小瑕疵，但服務同環境都算係令人滿意，可以再嚟試吓其他嘢食。…查看更多

叫咗兩個鮮蜆白酒煙肉蒜香天使麵，個賣相都叫正正常常，但一食就大件事，首先唔知點解佢會落芫荽，而唔係番茜，仲要係切到勁碎嘅芫荽，本人因為係唔食芫荽嘅，所以全程都要一路食，一路係咁揀晒啲碎芫荽返出嚟，其次就係個天使麵勁碎，碎到係用叉食唔到，要用埋匙羹一齊先食到，同埋啲汁多到變咗做湯麵咁，而且勁冇味道，完全食唔到白酒同任何蒜香味道，亦見唔到任何蒜茸粒，但就出現咗紅腰頭同青豆…..令成個意粉嘅感覺勁九唔搭八…查看更多

屋企人想食意樂，咁就幫手買外賣，屋企人通知我想食芝麻雞粒炒飯(下午茶)，屋企人就對蔥類敏感，每次去餐廳食野都會叫走蔥，走唔到就食另一樣；以前佢都有食過，都有要求走蔥，同集團既分店都會再三叮囑廚房唔好落蔥類，今日嚟到呢間叫外賣，我再三要求廚房唔好落蔥，連洋蔥都唔好落，結果返到屋企食咗一啖，滿口都係洋蔥，跟住就入咗廁所不停嘔，極不滿意呢間餐廳既服務，以後都唔會選擇呢間分店，對唔住，應該係無以後先啱，謝謝…查看更多

📍藍田 - 【意樂餐廳 Itamomo Cafe】藍田啟田道50號啟田商場2樓235號舖(藍田站A出口，步行約6分鐘）⁡好多年都冇食過Itamomo，好多年前覺得又平又好食，但今次再食覺得好失望😞樣樣嘢食都麻麻地。。。⁡我地叫咗：⁡夏威夷比薩🍕味道OK，夠芝士味同多菠蘿，但唔知點解裏面加咗勁多生洋蔥，一食成口生洋蔥咁，建議點餐時揀返少/走洋蔥🧅🫠⁡惹味牛柳炒珍珠飯味道正常，但唔稱得上惹味⁡青醬大蝦鮮蜆管意粉首先一望落，管意粉個賣相古怪，粗到有啲似烏冬嘅意粉，煮到唔掛汁，而且一食落個青醬味係一陣怪味，唔似平時食到嘅青醬味，食咗幾啖都唔想再食落去😞…查看更多

同朋友過咗嚟食下午茶 餐廳環境都幾好 望落去幾闊落 燈光唔會十分之光猛 所以氣氛幾好意式鮮茄肉醬焗扁意粉 $39果然焗嘅意粉都係比較香 但因為佢係扁意粉 所以比較難夾起 肉醬汁都做得不過不失🤪👍🏼但如果再多少少汁就更加好啦！整體嚟講味道都幾好奶油厚多士 $28同朋友怕食一個下午茶差唔夠飽 另外再叫咗個奶油厚多士 以性價比嚟講嘅話一定及上叫意粉或者叫飯食咁飽 而且佢呢個厚多士比我想像中薄咗啲🤔 咁我寧願佢下午茶價錢貴少少食個厚少少嘅多士…查看更多

在藍田這個廣場裡面，這家都很多人去排隊，今次系在裝修後第一次再去光顧，裝修後原來暗斜的路變平坦反而看上來餐廳變寬闊。跟上次比餐牌就轉了別的，但味道還不錯，先來介紹一下這次點了甚麼食物。叫了一個肉醬鮮茄扁意粉，我喜歡這家意粉質感比較乾身，加上有完整的香葉，上面還有翠玉瓜粒加上芝士，顏色看上去不會只有紅色，如果不愛食一大塊肉的朋友可以試試。另一個是新鮮番茄湯通粉配上蒜蓉包，蒜蓉包香口香脆而且不會蓋了包的香甜。通粉配上一隻蛋和漢堡扒熱狗的茄醬很足，也不會讓包很普通。另一個是雞翼芝士撈麵，雞翼是辣的，做了像韓國那種的香辣雞翼，加上面身很乾，食下去不會像發脹一樣這是一家大小也適合的餐廳。…查看更多

經外賣平台落單自取，四個餐裝埋一齊，四杯野飲倒瀉三杯，加錢兩個牛角包，一個都冇俾到⋯打返去了解，話環境大嘈，聽唔到我講咩，叫我落去餐廳處理⋯⋯⋯⋯⋯⋯⋯⋯⋯⋯⋯⋯⋯…查看更多

我叫咗個鮮蜆白酒肉肉蒜香天使麵，價值62蚊，啲蜆有沙就常識啦，重點係完全冇味，分明係白烚完再林汁，呢個價真心搞唔掂，仲衰過去茶記食，茶記啲嘢至少有味，anyway, 完全唔推介食。…查看更多

由以前一路食開，呢間野臨執笠前已經開始個餐牌好多野都冇，成日話個炒爐壞咗，意粉果D咩都冇。直到兒加轉個名同一間公司開番，啱啱開左一排無論早定遲去個餐牌就係唔會齊野食，最近去咗幾次間野連烏冬都冇，炒野又唔係樣樣有，同之前完全冇分別，連我屋企人都話唔會再幫襯。員工態度又差，叫極都唔應，終於叫到個人落單，啱啱行到過泥又比個主任當住我地枱前叫佢去出餐，之後又唔幫我地落單，真係唔知呢間野想點，開左冇耐已經係咁！…查看更多

重新裝修，食物水準，保持之前一樣，走性價比路線，質素係同類型餐廳較為穩定裝修好後，餐廳,從不同朋友中口碑兩極，不過個人覺得整體係較為走廊闊落左，但座位就相對冇之前咁好座雞扒包拼薯條-炸雞扒保留到肉汁，麵包較為偏硬，薯條，感覺上比之前改良咗比較編為，硬身薯條種類卡邦尼長通粉-保持到一貫水準，當然係大眾化口味（不過通粉個人口感比較喜林一D，所以較硬嘅通粉一般般）漢堡扒煎蛋，蕃茄湯底通粉-正常水準，無什驚喜…查看更多

意八改意樂 第一次光顧裝修還是喜歡以前暗一點 有點格調食物質素 味道keep到…但配料小了 份量也不多 挺迷你的海鮮沒了以前最愛的墨魚價錢上調了一點點 可以接受整體黎講ok既…查看更多