23
5
4
餐廳: 意樂餐廳 (囍逸)
資訊:

為推動全港減鹽減糖新飲食文化及新生活態度,環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.eeb.gov.hk/food/cn/committees/crss/restaurants.html

所有分店 (42)
電話號碼
27258100
營業時間
今日營業
07:00 - 22:00
星期一至日
07:00 - 22:00
付款方式
AlipayHK 支付寶 現金 八達通 雲閃付
其他資料
當面支付
以上資料只供參考, 請與餐廳確認詳情
食評 (51)
等級1 2024-03-26
80 瀏覽
經外賣平台,叫咗兩個蛋黃煙肉卡邦尼長通粉, 嚟到嘅時候一粒煙肉都冇,全部變曬紅腰豆同埋綠色豆 。打電話去返店舖問,職員話可能煙肉賣曬 , 我問點解冇任何通知或者顯示, 可以顯示賣曬或者打電話通知, 店員都只係重複可能賣曬。我話屋企人唔食豆, 佢叫我拎返兩個外賣返去,換返兩個。病咗先要叫外賣,嚟到又冇嘢食,一肚氣。 繼續閱讀
(以上食評乃用戶個人意見 , 並不代表OpenRice之觀點。)
等級2 2024-02-08
158 瀏覽
呢排因為要過年要執屋而且需要買一啲家用品所以就出咗街順便食咗個lunch 嗌咗個日式咖喱雞柳管意粉不過不失雞柳同意粉份量比例都OK 其實每次食親一啲有窿窿好似通粉咁嘅食物都會有啲擔心會俾佢焫親條脷但呢個幾好窿窿入邊冇好熱嘅咖喱汁但啖啖都有咖喱汁味呢個餐包埋嘢飲飲杯開心果杏仁latte 幾特別但有啲甜,應該唔啱啲戒糖人士價錢都唔算好貴,大概$70,都afford到環境方面可能因為係下晝時段,特別多人,見啲侍應姐姐都好忙,但依然態度好好 繼續閱讀
(以上食評乃用戶個人意見 , 並不代表OpenRice之觀點。)
等級1 2024-01-22
139 瀏覽
我哋對意樂嘅印象一直都仲係停留喺以前嘅麻麻地,有其他野揀都唔會揀佢嘅概念。但咁啱今日腳痛,唔想行咁遠就去食下。點知又幾有驚喜喎!小朋友揀咗必食嘅pizza,佢揀咗烤牛肉。個批係薄皮,係少少唔夠脆,但都好味嘅!然後個安格斯牛柳粒炒飯好夠味,肉都好食!媽咪叫咗個鰻魚蓋飯,鰻魚就少咗啲,係切碎一條條嘅。但個蛋汁加埋蒜蓉汁撈埋飯就好好食下次可以試吓雞扒或者豬扒!佢個西蘭花係煮得夠腍嘅(我好在意呢樣)叫咗杯好立克,都幾淡下。紅豆冰,仔仔表示正啊!整體嚟講,呢個價錢同質素,性價比是高的下次可以再揀佢。 繼續閱讀
(以上食評乃用戶個人意見 , 並不代表OpenRice之觀點。)
等級3 2023-12-25
121 瀏覽
放假搵下午茶,三點幾去到意樂,發現唔駛等位,當然即刻入去。唔知幾時,呢間已經改咗部份裝修,靠牆有自閉位,啱晒我呢啲一個人去嘅。下午茶餐個牌有改過,唔會千年一樣,而且下午茶時間都可以叫午餐。我就叫咗個天使麵,份量比想像中大,而且超級無敵熱辣辣,啲菇都好好味,成個健康得黎又有口感,你可以問侍應拎支辣椒仔。食下午茶,一定要加雞翼。我印象中係有得加雞翼,但係餐牌好似冇寫,我就問店員,佢就話$15可以有三隻。個柚子蜜雞翼真係世界級,超級無敵辣口!雖然都係冇乜服務可言,唔記得比刀叉我,但而家果啲都好過幾年前果堆超多嘢講嘅阿姐。除咗食物,我最滿意就係呢啲對住埲牆嘅位! 繼續閱讀
(以上食評乃用戶個人意見 , 並不代表OpenRice之觀點。)
等級3 2023-07-28
382 瀏覽
夜晚同屋企人出去食飯諗唔到識咩好最後又入咗呢間餐廳.對於西式快餐嚟講呢間餐廳嘅質素都幾唔錯今次叫咗豬肋骨套餐旁邊有配少少蔬菜同薯條🍟整體嚟講性價比都幾高成個set包括咗餐湯、嘢食、同嘢飲白汁蘑菇湯味道好濃郁豬肋骨調味都好好👍肉嘅口感都好嫩 個人很喜歡呢個芝士蕃茄焗豬扒飯味道中規中矩不過份量就幾大本身叫咗番茄汁豬扒滑蛋飯但最後上嚟嘅汁底係蒜蓉汁店員搞錯咗,不過都幾好味.但呢間餐廳嘅Staff之前落單嘅時候已經落錯咗一次🥶我哋叫佢Pizza上面又放少咗隻溫泉蛋😅如果淨係過嚟食嘢唔太在意個服務就冇乜所謂嘅整體嚟講,佢啲嘢食味道都唔錯👍 繼續閱讀
(以上食評乃用戶個人意見 , 並不代表OpenRice之觀點。)