意樂餐廳 (天澤商場)

營業中

休息中

今日喺天水圍食晏，諗住試下啲間嘢，平時見周圍都分店，又真係未食過，同埋有現金券可以用。一入去竟然無人招呼自己搵位坐都無問題，落單態度差仲要落漏單，搞完一輪水都無杯。嘢食黎度都無乜問題，味道可以接受，建議可以試下。跟住我都未食哂，個態度差個侍應又走埋黎話張單埋錯左，叫我只可以俾現金，我同佢講我諗住用現金券，佢話唔可以，仲要即刻俾錢。叫左另一個侍應黎處理解決，可以用現金券但係要我即刻埋單囉。我野又未食完，杯凍咖啡仲有半杯未飲，你叫我埋單？張單300蚊係唔多，都唔要求有咩高質服務，都唔係差到咁？現金券唔用得唔好出啦！

今日晏就去食左意樂，咁就嗌左個午餐set既肉醬扁意粉，再加杯利賓納啫喱冰冰。首先個肉醬扁意粉都ok既，d醬都非常多，又惹味，但就我個人而言，就覺得唔係太夾扁意粉，都係配返傳統意粉好食d😂😂利賓納啫喱冰冰就非常得意，一邊飲仲可以有d咬口，讚👍🏻👍🏻

又系一個自己食晚飯既晚上,行過意樂餐廳,見門口推介呢個咖哩雞飯,自己計一計,呢個套餐加杯抹荼紅豆冰,埋單計都唔洗六十蚊,入去坐底到個餐整,都等左十五分鐘,試一試D咖哩汁,起初都唔覺得辣,但後來越食越多既時候,就發覺好惹味,食到頭髮標汗,咀唇發抖.又夠自己飽.值得推介.

今日做冬放假，但都一早起床陪Girlfriend食個美味breakfast 再送佢返工🤣呢間意樂喺我屋企商場裡面，地方算寬坐得幾舒服早餐選擇都幾多，而且咖啡係即磨嘅女朋友叫咗呢個餐$31焗流心蛋好好食，多士夠厚蒜蓉香口，粟米用牛油撈過我呢個蕃茄湯公仔麵配什菌同流心焗蛋，湯底濃郁，公仔麵剛剛好不會過淋，另外附上奶茶同咖啡，奶茶麻麻地茶味不太特出，咖啡即磨都幾香值得一提係呢度嘅侍應服務好好，好有禮貌係呢間商場我唯一會常來嘅餐廳

今天起床特別早，梳洗完畢突然好想飲杯即磨咖啡☕️提提神以應付忙碌的一天屋企附近商場今年初大翻身，多咗幾間餐廳，意樂係其中一間，入到去嘅格局裝修以乎同另一間百分百好相似，唔知係咪同一集團呢呢度啲裝修格局以木材為主調，感覺幾舒服😌！呢度坐位算多而座位之間空隙闊落早餐款式選擇多，早餐均配即磨咖啡或奶茶今次選擇呢個燕麥片多士餐加流心焗蛋，焗蛋表面睇嚟好似焗到好熟，但入面確實係流心㗎多士都幾脆口，唔錯，燕麥片無加糖今次嚟嘅主要目的係想飲杯即磨咖啡☕️，當然預料呢度唔會用咩優質咖啡豆啦！但打咗奶後尚算可以接受

今日我地兩姊妹傾傾下計...發現餓餓地...原來已經係下午3點幾啦，走左去商場入面嘅呢間意樂坐底左，見到下午茶當然一人叫一份啦我叫左份 香草烤雞茄子忌廉焗飯 ，味道呢個下午茶都算係咁啦，埋單加埋先係$77咋😁😁😁

今個星期天又來到這間茶餐廳很喜歡這裏的白湯 蘑菇和紅蘿蔔都打到一粒粒很喜歡這裏的焗飯或焗意粉因為我是芝士控 超級大塊芝士而且這裏的意粉是扁意粉每次都會吃到一滴不靜而我老公很喜歡叫這類的常餐這個是蒜蓉包不過不失雙拼番茄湯米粉

Pizza Hut食得多，今次去了意樂食puzza。叫了一個千島菠蘿海鮮pizza，另外再叫小食。餐廳有水免費的，但我加錢飲菠蘿乳酸特飲。因為如果跟餐叫飲料，是半價的喔。千島菠蘿海鮮pizza : Pizza 上面的千島醬和芝士都算多，上面又有少許菠蘿和海鮮。海鮮是蜆肉之類。我個人認為如果千島菠蘿海鮮pizza再焗脆一點，應該會更好食，因為現在有點兒像吃千島菠蘿海鮮麵包。肉醬芝士焗脆薯條 : 薯條上面有肉醬和芝士，都幾香口，餐廳有茄汁跟，所以我有一邊沾茄汁，薯條都是配茄汁最好食，嘿嘿。菠蘿乳酸特飲 : 好甜。菠蘿乳酸特飲好甜。太甜。甜到有點兒像糖水。

商場裝修完多左幾間新鋪，之前喺其他地邊都試過呢間餐廳，既然呢到開咗一間，就試一試睇下會唔會有分別朋友叫咗個豬扒飯，賣相唔錯蕃茄味濃郁，豬扒份量都唔算少，抵食👍🏼👍🏼另外叫咗個雞扒飯，一上枱好似去咗西餐廳食飯咁，好大隻碟再加少少香草喺碟邊。雞扒煎得好香，雞蛋好滑而且好大份，什菌蒜汁味道香濃，淨係汁撈飯都食咗一大半飯😂😂兩個飯107蚊，都唔算貴，而且味道亦唔差。如果想飲野就要另外加錢，就算係紅豆冰呢d特飲都係半價，相當抵食🤤🤤

呢個係意大利蕃茄濃湯，但係就得果幾粒蕃茄，就話係蕃茄濃湯，講真完全冇咩蕃茄味，另外，我叫侍應小姐幫我豬扒碎上，佢話有刀有叉你自己切， 之後，嚟到我就問，呀小姐，我有刀有叉塊豬扒係啲湯麵上面我點切?之後佢就比咗隻碟我🙄

意樂嘅下午茶有好多選擇，細食嘅人士可以揀啲輕食，大食人士可以揀飯和意粉，昵到就啱晒，價錢又唔貴吉列炸豬扒配粟米粒粒野菜沙律吉列炸豬扒都幾厚身，豬扒炸到皮脆肉嫩，沙律菜好爽好新鮮。意式鮮茄肉醬焗扁意粉肉醬味濃，扁意粉煙煙靱靱，仲有好多蘑菇，唔錯唔錯$67兩個下午茶掋食，有下次。

叫牛角酥 攞牛油要另收$2蚊？出去埋單 聽到有客問 係咪而家啲食肆都係咁計喱 早餐好似好多選擇，但係其實就冇選擇 多士都叫做落得足牛油，加埋啲香草都好香!不過一件細細塊仲要搣開，對最愛夾餡食嘅我都 好難夾!一係就切得平均點，咁就好似两塊咁， 就可以做餐蛋多士，可能會好點其他都係醃製嘢， 漢堡扒呀～火腿呀～餐肉呀～咁冇乜好唔好味嘅，都係罐頭食物咁，咸咸地我都唔好意思有咩要求囉！不過懶係炒滑蛋咁就係咪真係要炒到碎濕濕，散成咁，當然無蛋香，咁就唔會有蛋味! 不過口味人人唔同嘅，應該用淡奶炒，對我呢講，算用得幾啱啱好，因我戒奶好耐， 對奶味食品一般一般，但 對我嚟講 呢度我啱啱好都係嗰句 口味各有不同啦不過對我呢講係：🎤每週開心🎵時刻,🎶媽媽date~~,date mom,mom🎼🎵🎶🎤 註：唔使去m記嘅“Melody“ 所以不計較了，不過不失， 中規中矩啦！多

點了呢個加拿大安格斯牛 叫咗8成熟點知嚟到，仲有血水標出，但肉質嫩滑，份量十足，配菜蕃茄芝士、焗薯蓉、薯條非常香脆美味。仲有呢個濃香菌皇忌廉湯，真係非常之濃郁， 因為佢係將D菌類,打碎曬混入湯中。咖哩雞飯，咖哩有點辣，不過非常美味，值得一試。吉列豬扒拉麵，奇怪係佢哋拉麵湯底，有點芝士奶味。（不是一般的拉麵味道） 如果佢嘅豬扒可以切開之後先上，會更加好， 因為當我自己切開時，豬扒底有張墊紙剪，紙墊也切爛了，還有好多油。

星期日想早餐周圍都人頭湧湧，見呢間新開嘅「意樂」就試下等左15分鐘左右就有位坐。叫咗兩份早餐，一份係番茄濃湯肉碎通粉，一個係火腿通粉配蒜香牛油多士。蕃茄濃湯通粉好重蕃茄味，夠濃味味道唔錯，不過通粉煮得唔夠淋，食落有d硬😖。蒜香牛油多士賣相唔錯，但上到枱已經係凍左，所以食落係硬，應該係一早整左所以一d都唔暖，食落係無蒜香味😑。火腿通粉個湯夠濃味，通粉一樣係硬硬地唔夠淋😓，食完仲好口渴添，應該味精好重下。嘢飲叫咗杯熱菜蜜同凍鴛鴦，普通野所以都可難唔好飲。整體一般，可能新開張，所以食物暫時覺得一般，過多一排先會再試下。

其實不太恨嘆下午茶，有茶友肚子餓，就陪吃下午茶。點了公司三文治，每人分一舊。麵包烘過而且軟熟，蛋亦炒得不錯，含適量沙律醬，整體是新鮮製作的感覺。下午茶餐配了熱檸水，沖開了四杯，味道都可以。