意樂餐廳 (海富商場)

營業中

休息中

第一次係度食早餐，杯奶茶有驚喜，意外地好飲！雞扒餐同朋友牛扒餐都好食，雞扒幾滑，牛扒都幾嫩口，位置闊落，坐得都幾舒服。食完繼續坐係度傾計，d伙計都唔會話chur你，趕你地走交檯咁。幾好

連鎖餐廳表現一直不俗，QA做得好，表現出色，無論是味道還是價格都相當親民。面條煮得剛好，彈牙爽口，搭配清新的白酒醬汁，讓人一口接一口。鮮蜆的鮮甜和煙肉的鹹香相互交融，增添了層次感，絕對是平價餐點中的享受。

用支付寶埋單，第一次話收唔到錢，俾埋電話佢睇已經支付成功，收銀話總之收唔到錢你要俾多次，態度非常差，算，我支持本地消費，諗住俾多次支付寶會好快原路返回，或者餐廳埋數嘅時候可能網絡有延遲可以即時退款，點知嗰晚打電話去餐廳佢點都話冇收過，拖完1日又1日。堂食外賣嗰個餐份量又少。唔想做就唔好做。

下午茶餐—————公司附近既一間意樂，平時有食過lunch/下午茶既外賣，今次終於有機會堂食下呢間意樂。呢間意樂係商場入面，環境衞生都叫正常唔錯。今次下午茶叫左咸牛肉炒蛋牛角包🥐配沙律賣相算唔錯，牛角包熱辣辣，味道唔錯，再加小小沙律菜🥗 算係懶健康少少既選擇啦下午茶餐包野飲，叫左杯特濃朱古力。呢間意樂既熱朱係濃既，唔係淡到好似水個種熱朱（雖然近月發現熱朱無以前咁濃咁好味，但都叫做合格，希望餐廳見到評語可以留意下）

✨雞扒滑蛋飯呢個我食的😋，表示滿意個份量，雞扒、蛋、飯都多👍🏻👍🏻雞扒煎得好香口，肉質嫩滑多汁，雞皮脆脆地 幾好食🤤🐓；滑蛋就冇咩特別，就係好多蛋汁咁🥚；飯最估唔到嘅係用珍珠飯，粒粒分明，好有咬感🍚.✨海鮮湯扁意粉聽講幾好食，扁意粉好香嗰浸麵粉香 但一定係唔掛到湯汁🍝湯裏面有1-2隻蜆、蝦、菇.✨咖啡見到係即磨咖啡 就想試下☕️🤎雖然呢個都係有落糖，但微苦味+甜味+咖啡味都幾好飲.✨奶茶茶味唔算濃郁，味道偏甜😵😵（但外賣冇得選甜度🥲😭

以前食係因為覺得好平又多又抵依家做起咗真係越做越差先講服務態度 好似趕頭趕命咁一到八九點好多嘢都話冇得食啦早排佢有一個牛油果飯真係幾好食隔咗一排就落咗架原因係個醬已經買唔到跟住有一段時間去食嗌親阿華田都話冇要我轉其他嘢飲 又話買唔到個粉真係好奇怪咁大間連鎖餐廳 最基本嘅嘢都冇但係實話實說衛生環境其實都OK 但係態度就真係差啲同朋友仲有兩個字左右就有得轉lunch menu 但係啲職員好似想趕我哋走咁 講話我哋喺度特登等到晏晝時間但係間餐廳唔係full…. 真係冇下次

附近行完街整返2份下午茶先香草雞件火腿絲扁意粉、氹仔豬扒包配滋味薯條茶餐香草雞件火腿絲扁意粉賣相麻麻～三嚿細雞件份量少～味道普通～幾嚿小南瓜粒連皮～湯底好淡麻麻哋～跟餐加奶油多(+$4)~厚切奶油多有烘過～不過冇乜奶油味～滋味芒果啫喱冰冰(+$6)～氹仔豬扒包滋味薯條配熱飲～豬扒即炸好香口唔算乾～生菜都新鮮～薯條配茄汁芒果啫喱冰冰好多冰～叫咗走冰冇理到～人手走冰得三份二杯～啫喱甜到漏～唔好飲試一次就夠下午茶嚟講份量少偏貴

首先服務態度已經奇差，係收銀處叫外賣要肉醬意粉，店員電腦㩒錯制變左卡邦尼，跟住無啦啦行開左，另一位員工行過嚟接手，一黎就粗聲粗氣叫我比錢，我話我唔係叫卡邦尼，佢先好晦氣咁話等人黎幫你，到原本個店員返黎就話佢唔想void 單叫我照比個貴d嘅錢再現金補返比我，都算。食物質素係垃圾，我叫嘅肉醬意粉如圖係冇色嘅，以為肉醬係意粉底部，撩黎撩去只係得幾粒肉碎同丁點茄肉，跟餐個紅湯仲杰過佢d所謂肉醬，忍唔住倒左d湯撈意粉，意粉就好似未煮熟咁偏硬身，如果唔係外賣拎左返屋企一定同佢講。$57話貴唔貴但咁嘅質素一定唔合格，冇下次！

（原來要至少200個字先可以仔細評分，好，take three）其實呢間餐廳價錢絕對唔係平，幫襯得，通常都係走投無路，因為附近d餐廳都唔係好幾多但係點知，都係一次又一次刷新失望話說果日一個人食飯，嗌左個日式豚肉丼飯，心諗牛丼/豚丼都冇乜所謂啦，都係香口送飯野。點知個餐一到，望左一望，了左幾了，呆咗⋯⋯明明我嗌咗日式豚肉丼架喎，點解會變左日式「肥肉」丼既呢⋯⋯⋯？但係眼前呢堆接近99%既肥肉，又真係名乎其實既「肥肉」丼喎⋯⋯相我就放左喇，大家評一評～

位於大角咀嘅意樂餐廳係大角咀街坊常去的地方每次嚟到都會爆滿今日食早餐我就嗌咗 豬扒腸仔湯扁意粉 都係40蚊首先，豬扒是這道湯扁意粉的主要配料之一。豬扒肉質鮮嫩多汁，經過炒製後散發出浓郁的香味，搭配湯扁意粉一起煮熟，使得湯扁意粉的口感更加豐富。其次，腸仔也是這道湯扁意粉的重要成分。腸仔的口感彈牙，搭配豬扒一起燉煮，使湯底更加有層次感。腸仔的鮮香味道能夠完美融入湯扁意粉中，帶來獨特的風味。湯扁意粉的湯底清澈透明，喝起來鮮甜可口。湯底是以豬骨熬制而成，經由長時間的熬製，湯底的味道更加濃郁。湯扁意粉在煮熟之後，能夠充分吸取湯底的味道，使得湯扁意粉的味道更加豐富。

平時同家人或朋友都會幫襯，今次非常之失落，真係要分享吓俾大家知道，特別係旺角區海富苑分店，早餐/晚飯份量越來越少，配菜偷工減料，今晚同屋企人食左晚餐，叫左龍蝦海鮮湯配珍珠飯$65，飯裡只有一隻蝦，三隻蜆，幾條草菇，幾個蝦殼，魷魚都唔見一條⋯⋯安格斯牛柳炒珍珠飯/$72，分量都係偏小，牛肉偏硬，炒飯無色無味道⋯⋯完全同菜單張相不符合，平時都隻眼開隻眼閉，已經不只幫襯一次，越嚟越差😔😔😔😔真係非常之失望

以前一星期都黎幾次食早午晚 今個review 只係想講早餐時段 等候人數唔多 大約8-9成滿 對比旁邊既美心 美心排隊排到出去店外講服務本身已經都冇乜 自己搵位 自己拎水 想落order d職員見住你舉手都直行直過 埋單仲要拎張單企係收銀位等幾分鐘等你d職員行過黎先埋到單由凍檸茶縮水到冇檸檬變左濃縮檸茶 熱咖啡淡到冇咖啡味 魚柳size縮水到得返原本既3分1 沙律芝麻醬變左千島醬 食物味道不過不失 早餐價錢$44加凍飲$3 價錢可以接受但貴過同一屋村商場其他鋪既早餐價錢裝修係屋村商場黎講算幾好 但普通座位我覺得太逼

這餐廳也幫襯了很長時間，水準一向不太穩定，時好時壞，但近來水準的確每況愈下。肉醬意粉肉醬不夠，只有少量肉碎，極其量只可以稱為蕃茄蘑菇肉碎意粉。而所謂的黑松露野菌煙肉炒珍珠飯，並沒有加入任何黑松露，反而加入了青蔥及炒蛋，頓時變了楊州炒飯。西多士不好吃，西多士中心沒有放花生醬，變了放蛋漿，表面才放上花生醬，味道完全不對。外賣送來的熱檸水，杯蓋也沒有，漏滿一袋點了三樣食物，每一樣也是貨不對辦的，簡直是完美中伏

當累到某一點，可以有位唔駛等，輕鬆食少少嘢，已十分感恩。店舖座位也不錯，很舒適，可以作一個小小休息點。食物種類多種但想喝蕃茄湯只好選蕃茄湯料理，豬雞之爭。。。但真正吸引我的，是牛角酥，希望可以熱辣辣，脆口牛油味重，那麼就已有很好了。原本蕃茄湯天使麵中的麵幼滑，麵量十分多，真係食極都仲有。而餸除了豬扒，仲有餐肉和火腿，嘩……咁多嘅，肯定話你知，我食唔到咁多……當然蕃茄湯，就全部喝完。選了黑啡，又清爽，啡香醇厚，我的所愛。謝謝一處好好休息的地方。

晚市外賣第一個order都可以執漏野，好失望。買牛扒餐就係鍾意個牛肝菌汁，但漏左冇俾我，個忌廉湯都一樣係漏左冇俾我。咁簡單一個餐都少左兩樣野！辛苦拎到回家先見到，想追都冇得追。唉，信間餐廳先冇對就拎走，真係太傻。