意廊 (已結業)

同事推薦, 話說有間酒店餐廳座落於灣仔區午餐好好食價錢亦對得起食物質數, 所以今日一行十一個去試一試. .... 環境開陽, 地方整潔, 服務又貼心. 經理話今日係全新餐單. 如果覺得好食又滿意的話可以去fb 比個like.. 之後有九折及送小食. 我哋每人一個set ,有餐湯有蒜蓉包, 我今日点左個10oz 安格斯牛扒.... 嘩真係好好味. 第一冇soda粉, 原汁原味, 只有基本salt n pepper , 再跟個煙肉芝士汁炸薯條.... 原美. 我喜歡尼道... 一定再黎過

終於收工, 公司附近有間叫意廊的餐,平時間唔使都去尼道食午飯, 今次係第一次去食晚餐. 首先講吓環境........Em ..... 冇裝修..... 環境衛生 但係有服務 呢度個經理我由午餐到晚餐成日都見到佢, 今次終於畀佢勸服我成功過嚟食一食過晚餐 今日分別嗌咗兩個主菜一個係香煎銀鱈魚另一個係燒羊鞍...... 味道出乎意料嘅好, 相信呢度呢廚房嘅同事都應該係受到一定專業嘅訓練點伴碟擺位都好精緻. 值得鼓勵.. 味道方面 個羊肉好嫩口愛皮燒到好香脆 至於銀雪魚都好似一般嘅魚咁樣啦但係都好好味嘅. 整體嚟講服務質素, 價性比我係畀五粒星佢哋嘅... 但係就有少少都要負評下嘅佢哋嘅散叫餐單裏面太少食物選擇啦pizza或者意粉嗰啲太少啦數量. 變相我入到嚟我都會食套餐因為套餐裏面一個價錢包曬所有嘅嘢湯沙律主菜同甜品及餐飲.

悠閒嘅時間又要搵Tea食啦 ! 經過莊士敦道見到有間食意大利菜嘅餐廳，諗起好耐都冇食過意粉就入去試下🍝內裡環境都唔錯，卡位有落地玻璃窗，可惜當日太陽☀️直曬...所以冇選擇窗口位坐😎點菜 ✍🏻。。。好肚餓點多款小食🤤Set 1+2+3 黑椒蜜糖雞翼+意大利肉醬意粉🍝+雜果賓治🍸先嚟飲品...沒有雜果嘅賓治，飲落去唔夠味肉醬意粉味道可以，但意粉唔夠淋身偏硬一點黑椒蜜糖雞翼 - 皮脆惹味，可以做餸食埋我碟意粉😝😝

整日反工經過，都係匆匆而過。今日特登與朋友仔下午茶時間過黎試下先。間鋪仔細望落其實唔算大，但因為周圍都係鏡。所以視覺效果下都感覺唔細。而且有兩邊都有落地窗。光線都好好。西餐固定擺盤。下午茶menu.有粉麵、薄餅、三文治與窩夫……價錢都唔算貴。店家仲好貼心咁有埋免費2小時WiFi服務朋友仔叫左一個肉醬意粉，我Order左一個煙肉忌廉汁闊條麵。雖然我地叫既係茶餐，但個份量好似午市咁。兩碟麵食味道與賣相都ok.唯一問題就係麵煮得唔夠淋，所以偏硬。小食:黑椒蜜糖雞翼。無咩黑椒味。但有少少辣椒粉。面頭個蜜糖烤得香脆，唔會太干身，側邊仲有薯仔沙律。整體ok.飲品:雜果賓治。可能得橙汁與西柚，酸酸甜甜。

話說今日鋪頭得翻3個人一齊食lunch，諗到頭痕唔知食咩噶時候，就醒起有間叫意廊的物體出面見到都OK下，就入去食個午餐+下午茶從幾款之中大家一致認為“香烤肉眼牛扒”應該都唔會點樣伏，筆者最後就選擇左7成熟配炒飯，飲餐湯:忌廉粟米湯，還有飯後飲品:橙汁餐湯嘛，個人就覺得味道唔夠，然後湯好似加左薯仔蓉，反正我就唔多識欣賞，個包就算了吧。終於到主菜，就甘睇落去都可以，牛扒煎得几靚仔，飯食落口都好食，但是就分量少得有點誇張，還有個唔知咩名的鹹汁。ps:肉切開食之前唔記得左影相，不過就肯定唔是7成，肉中心還是幾紅噹噹，但是就是無咩肉汁。成個餐最好食就是個炒飯，只是唔飽肚甘解。其實以呢個價錢，可以有更多其他好的選擇。PS:由於手機本身問題，相片有水印，所以未能提供

曾經在灣仔工作的我，都試過不少食肆，這間餐廳，經過了不少次，每每經過意廊，見到有人食薄餅都覺得很吸引。今晚，在附近按摩完之後，找個地方食飯，於是便順理成章到這裡開餐。人不太多，但餐廳環境幾開揚，我幾喜歡這種走舒適風格的餐廳。每枱人都會叫薄餅，應該是不錯吧，所以一定要叫，本身想叫肉類的選擇，但最後還是選了貴價一點的海鮮薄餅。也算足料的，而且熱騰騰的薄餅焗出來，那有不好吃的理由。另外，點了個前菜，非常大件的蟹肉餅叫人吃得滿足。朋友看見隔離枱叫了一個斧頭扒,佢非常想食，於是都唔理食唔食得晒便叫了，立刻今晚主角反而不是薄飯，威士忌火焰岩鹽焗36安士美國斧頭扒，就是外表已經一絕。即場落火燒，那個美感，值得拍照。平時很怕牛扒很生，今日的這個就煮得很熟。香烤大蝦黑松露伴野菌意大利飯我已經飽到冇乜能力再吃了，樣子又是值得拍照。甜品試了經典滋味窩夫，這個普普通通罷，如果女性想吃點甜品,是可以試試的。窩夫還附上兩種味道的雪糕，不錯。以一個不算不貴的價錢，在這個方便的區域吃了一餐不錯的晚飯已經算是可以。

家陣好多飲食集團都會將旗下餐廳分開不同戰線，務求擴展市場佔有率。而富豪酒店亦在灣仔插旗，在人流暢的灣仔，開設了意廊。餐廳有落地玻璃窗，望著街外川流不息的行人，自有一種寧靜感。海鮮濃湯 材料豐富，有帶子、藍貝、魷魚、海蝦及鱈魚柳，而湯底濃稠，每口都有幽香的蕃茄及蝦味，有水準。美式香脆蟹肉餅伴牛油果沙沙 蟹肉餅真係好大塊，食完都半飽，外層酥脆，個人覺得簡單的配上蕃茄醬已經好好味，反而牛油果沙沙可有可無。意廊海鮮薄餅 餅底是店方自家出品，有誠意，熱辣辣上檯，係最佳狀態下進食當然好，餅邊脆而不焦，火喉控制得相當好，材料亦豐富，有魷魚、帶子、蜆肉及海蝦，說是店方名物，一點都不錯。香烤大蝦黑松露伴野菌意大利飯 其實有點貌合神離，大蝦烤得啱啱好，但意大利飯卻味道單薄，而且飯粒太遷就客人口味，質感太稔，欠了夾生飯的嚼口。經典滋味窩夫 窩夫蛋漿未夠香，雪糕一上檯已經溶化中，要快食，真係一般。

剛剛去了這間意大利餐廳本想吃個早飯 我上午十一點半到 問部長哥哥他們是否有早鳥優惠 他說好久已經沒有這個優惠 吃完了午餐后 食物還可以 加一后$120 拍下了這照片 大大字貼在餐廳外牆玻璃上

農曆新年假期食左幾日中菜, 所以今日lunch 揀左食西餐, 誤打誤撞黎左依間意廊~首先講service.Lunch hour 12:30pm, 成個鋪面一眼睇晒, 喺門口等左2-3mins 一個職員都無, 連cashier 都無人, 我都唔知等帶位定自己入去坐好😅 最後我地自己入左去坐低, 先有人出現.之後講衞生情況同帳單混亂 (❗️重點❗️)我同朋友A 都同時落單叫左個煙三文魚忌廉汁扁意粉, 然後朋友B 遲左10mins 到餐廳再落多個, 前後3個扁意粉.過左一陣第一個扁意粉到左, 我食先, 接住第二個扁意粉出左黎, 但係竟然係比隔離遲過我地落單嗰枱, 再之後就無再拎過扁意粉出黎🤷🏻‍♀️追單下職員表示另外兩碟都未煮, 其實佢成個場當日只係得5-6 枱客, 點解都可以咁亂.其實食物味道係正常嘅, 但係衞生情況同服務上真係要改善下

第一次留言因餐廳實在太差🤬環境太污糟友人嘅湯仲有隻昆蟲🦟張台鋪滿塵😨肉醬意粉係凍嘅牛扒燶到乾但入面係粉紅色無諗過俾百幾蚊食個lunch set個質素會差成咁同場仲有幾台客都有反應食物質素有問題唯一可讚就係店員禮貌唔錯...

年三十晚打算食餐好，結果伏到應一應，我勸大家都係回頭是岸，同等價錢，你有好多更好的選擇！肉醬意粉伏中伏，伏到唔記得影，又凍啲肉又似唔熟牛扒技術之作，真係好難做到面頭燶哂，內邊一半見血水一半全熟走啊！唔好啊！

牛扒超薄，一般水準，價值連加1都160元，雖然配包及湯，不飽，賣相超普通，湯包都可以，主菜份量一般人都吃不飽，餐牌可選橙汁，可惜連橙汁都說沒有，奇怪。以下午lunch set來看，完全不值。

本身在灣仔區工作,日常都同啲同事經過尼間餐廳但一直都冇試過。今日見到個型仔經理企在門囗(嘩仲要噤鬼凍。都咁落力推介是日午餐) 好我哋今日4個人就决定試一下。一行4人分别叫左4份唔同的set lunch. 真心講經理叫我哋試佢地的意式牛扒, 真係好味。分量同質量絶對對得住尼個價錢。其如分别叫左意大利飯&牛舌意粉味道都唔錯。不過pizza就真係要改善一下。皮太厚口感似麵包。唔好食! 不過我相信我會再黎食午餐或晚飯, 原因係服務質素, 及食物質量, 價性比, 絶對合格特別係在港島區。再加上經理大力推介個爷頭扒大餐4個人份量都唔駛700蚊。真係超值, 所以我一定會再黎試吓(個經理好好人嫁。佢話下次請我飲紅酒)

高高興興同朋友去食lunch，失望至極。Lunch set 有幾款，選了這個🌈香煎鱸魚蘆筍意大利飯 $118未上枱，waiter捧著餐走過來是已嗅到陣陣魚腥味，心裡已大叫糟糕！不會是我們這碟吧！那碟傳傳陣陣怪味的碟就放在我面前！OH NO!! 算，照食看看。🐟真的不好吃，未至於壞不過不是新鮮好吃的魚，失望。Risotto太膩，忌廉太多太heavy，口感好滯！味道沒什麼層次，淡得來又rich，索價過百元的lunch竟然是這樣子，完全不推介！吃不了幾口已經吃不下了。朋友點pizza看起來正常少少。Set soup的蕃茄忌廉湯和熱咖啡正常，不過主菜太糟糕。

想要讓大家知道「這是一家不錯的餐廳」晚餐雙人套餐特價265很便宜值得推薦服務熱情⭐️⭐️⭐️⭐️⭐️上餐快⭐️⭐️⭐️⭐️⭐️餐點水準之上⭐️⭐️⭐️⭐️濃湯⭐️⭐️再熱一點會更好鮭魚沙拉⭐️⭐️⭐️⭐️⭐️很有誠意比薩⭐️⭐️⭐️⭐️⭐️冷掉都好吃、而且選擇多加兩種配料牛油果跟三文魚讓比薩口感更多層次、一切都是值得的。牛肋條⭐️⭐️⭐️⭐️⭐️雖然是本人厭倦的澳洲牛、但是調味很好、而且加一些黑胡椒可以蓋過澳洲牛的草腥味。即使看到再多負評、我想我很幸運又找到一家好的餐廳。