意廊

營業中

休息中

甜品吧的朱古力蛋糕超好味，魚子三文魚pizza 沒有油膩的感覺， 很好吃。 比目魚及 鱈魚嫩滑好吃，大蝦 夠大隻 沙律吧 的蘋果沙律及蘑菇湯 值得推介，健康又好味。 服務員態度 專業有禮，環境寧靜舒適。 有很好的體驗。

是日同家人聚餐，之前都有幫襯過，一行人都係食lunch set，失望而回。先講個salad bar，食物種類比以前少左好多，我地大約1點到，salad bar野食都得返4-5成😅而且真係無refill過…幾失望。甜點方面用餅乾代替蛋糕…。有一款類似蜜桃鴨胸沙律..只見到蜜桃😂，大家可以想像到無refill嘅情況。主菜方面，點左pizza同卡邦尼意粉。pizza好乾身同普通。皮邊乾到我吃不下。意粉其實份量幾多，但上面嘅配料醃得太salt🫠服務方面一如既往，佢嘅服務係近乎零😂客人其實唔多，樓面職員少，佢地亦唔會巡視下客人有無需要😂。以往覺得性價比都唔錯，今次去就真係幾失望。

真係零服務，明明早到，未夠6點就入座 。餐廳入座一半人都無，叫個牛扒半個鐘都未到 ，隔離枱遲過我入座仲快過我有扒食。追佢，仲話多單，神級答法，唔發火都難 。餐廳環境唔算乾淨，啲櫈有跡既，酒店個廁所又污糟 。呢間酒店真係想執既做法 。叫個意大利飯，味道尚可以，但份量真係小 。人手又唔夠，不過依家啲食肆都係咁上下 ，有工無人做 。睇見呢啲不思進取既食肆，真係影衰香港既餐飲同旅遊業 。唔好怪人地北上消費，自己有無諗下點樣做好本份？

It has been years that my family had celebrations at Regal group restaurants because of the member privilege. This year I chose to have semi-buffet lunch at this restaurant. This was my fourth visit, but the first time with a lovely couple, my sister and her husband. Right after the entrance, we could see the salad and dessert bar. There were a few kinds of Cheese, sliced assorted meat, desserts, fruit and soup. We were led to a spacious table with street and river views. I asked a restauran

好友相聚，最重要有個好地方，靜靜地食下野傾下計，我地四個人，叫左四個晚餐加沙律吧，個沙律吧好正，雖然細細地，但有齊沙律菜，生果，芝士，甜品啫喱等等，有好既服務，有清靜舒服既環境，傾到人地收工都唔捨得走，好誇張😋😂😂

This is the first time that I write to the restaurant critic. The food is delicious and great, and I am very impressed by the crew members of well treated. We ordered the American Platter, Ibérico Pork, 8 inch Pepperoni Pizza , Risotto with duck meat and Foie gras, and Cream Mushroom Soup. The soup is creamy and has chopped mushrooms. How nice.The crew are nice and well treated and sometimes ask what you need. How Excellence! We totally paid 1720 for 5 persons. How Value and economy.

今日森仔同女朋友去開沙田 搵咗間寧靜坐得舒服啲嘅餐廳食晚餐 兩個人輕鬆chill下廚房係開放式，能夠讓客人看到食物製作過程，衛生乾淨之餘，也是蠻有趣😎今次我哋嗌咗兩個main course同一個8吋嘅Pizza 和牛肉醬伴芝士手工意大利麵麵質口感煙韌彈牙有咬勁又掛汁 富蛋香味 肉醬嘅味道特別 肉醬濃稠飽滿 一啲都唔乾身 油浸鴨肉鵝肝牛肝菌意大利飯味道相當不錯 好足料 🙌🏻好飽肚 鴨肉同意大利飯好match 鴨肉汁融入意大利飯 鴨肉絲同飯撈埋 🤩女仔都好易入口，而鵝肝濃郁豐厚，都幾大件意外地鴨肉鵝肝加埋都唔肥膩美式香辣牛肉風味辣肉腸薄餅淡淡香草味，肉香豐富的辣牛肉配上薄餅底 薄得嚟又有咬感👍🏻而且多芝士 配料份量適中

意廊餐廳係位於沙田麗豪酒店嘅美式同意式風味嘅餐廳提供手工意大利麵、即叫即造薄餅、漢堡等等菜式🔸 鮮蝦帶子墨魚汁手工意大利麵雖然海鮮份量唔算好多，但係食得出係高質嘅大蝦爽口帶子應該係刺身級，所以特別鮮味手工意大利麵口感亦都出色🔸 美國安格斯 漢堡(十二安士)伴薯條漢堡扒又厚又juicy 加埋半溶芝士真係好香濃另外爽脆嘅蔬菜又可以中和返個口感🔸超級蒜泥辣肉腸巴馬火腿蘑菇薄餅見到個名都知道好豐富！有辣肉腸，又有巴馬火腿，另外仲有蒜泥同埋蘑菇每塊Pizza上邊都有一塊完整嘅巴馬火腿，超足料加上蒜泥勁香都算係一個幾新穎嘅配搭鍾意重口味嘅，唔可以錯過餐廳特設戶外用餐區可以帶埋寵物一齊食飯所以我地都帶埋妹豬一齊去而且佢地仲有pet menu有雞肉窩夫、雞肉cupcake同埋鴨肉瑞士卷都算幾多選擇！

相約客戶在麗豪會面，完成公事，順道一起到麗豪的意廊午餐！門前有毛孩街的布置、相信是寵物友善的餐廳 🥰🥰🐶🐶🥰🥰有戶外座，可以帶寵物寶寶一起用膳，會很開心的！環境優美，座位寬落舒適！有天然光及植物景觀！點了招牌美式拼盤 $208，拼盤最大優點就是樣樣有，可同時品嚐不同美食！拼盤有醬烤豬肋骨、水牛城雞翼、煙肉芝士焗薯皮、炸洋蔥圈配蜜糖芥末汁，份量每款兩件，二人食剛剛好！另外點了超級蒜泥辣肉腸巴馬火腿蘑菇薄餅8吋 $128小圓批，味道滿滿火腿鹹香，餅底唔算厚，嘆多件都不會太膩！輕食了主菜，留肚食甜品，先來意大利雪糕香蕉船 $88，船身是香蕉，船上有雪糕三球，味道是雲呢拿、士多啤梨及朱古力，還有碎上的草莓🍓、藍莓🫐，好味道。再來朱古力布朗蛋糕伴朱古力雪糕 $78，布朗蛋糕🍰有二大件，蛋糕內有果仁碎，朱古力味濃郁，還配有朱古力雪糕，朱古力控不能錯過！簡單中有細緻的午餐，甚為滿意！

意廊 (沙田)沙田大涌橋路34-36號麗豪酒店地下。今日同朋友去左彭福公園放狗狗 ☀️ 天朗氣清熱到人同狗都好攰呀。去完玩就當然要醫肚，去左附近既麗豪酒店食西餐，貪佢有outdoor可以同狗狗一齊黎chill下 。呢度係超級寵物friendly，有埋毛孩食物order，我地都叫左份雞肉窩夫（$28）俾狗狗開心下 🐶 。油浸鴨肉鵝肝牛肝菌意大利飯（$218）Risotto口感煮得岩岩好，唔會過生又唔會變左普通飯，鵝肝煎香左真係無得輸。US Angus Beef Burger with French Fries ($198)呢個burger係好高質，足足有12oz angus beef，兩層牛肉肉汁豐富，包外脆內軟，估唔到整得咁好。Combo Recommendation ($188)有個好抵既套餐，$188就有一支法國sparkling wine加一碟buffalo chicken wings，weekend chill飲番杯就最岩

同男朋友book左過夜🤍睇OpenRice見到呢間餐廳就決定一試原來餐廳係對住河泮堂食一定好浪漫🌹💓👩🏻‍❤️‍💋‍👨🏽今次我同男朋友就叫左外賣啲野食樣樣都好吸引😛手工意粉 Pizza 小食等等🍽️全部都好想食🤤最後叫左2樣野食🍽️美式水牛城雞翼 個汁好特別但可能外賣關係拎到上房 啲雞翼凍左少少🍽️美式辣肉腸pizza (Size 12”)呢隻pizza係簿款黎2樣野食黎講 我地最中意呢隻😋

想搵比寵物一齊的餐廳，帶佢去之前都睇下個環境是否舒服同合適？今日午餐嚟左沙田 Avanti，佢係沙田麗豪酒店餐廳之一，都個明可以帶寵物。內裡檯與檯之間都寬闊，不擠迫，感覺良好☺️。大部份客人傾計音調適中，對於寵物嚟嚟講都幾緊要。主菜：墨汁鮮蝦帶子手工意大利麵、油浸鴨肉鵝肝牛菌意大利飯手工意大利麵彈口又入味，唔係硬口，真心好味😋。油浸鴨肉鵝肝牛菌意大利飯：鵝肝大件，加上意大利飯很入味，對女士嚟講，很快就好飽。不過好好味😋，最仲意係鵝肝香脆又juice.甜品：1）蘋果批配雪糕 - 蘋果批即焗，熱辣辣又鬆脆，配上雪糕，中和了蘋果的甜膩感。份量比想像中大件。2）芝士蛋糕🍰：份量是外界的1.5件，口感中度，不算太實或太鬆，不錯。

Avanti意廊位於沙田麗豪酒店的地下的餐廳, 環境是偏向意式風情設計, 桌比較大張座位舒服.餐廳可以讓客人帶同寵物一同前往，門前有個小角落讓客人打卡。美國安格斯漢堡伴薯條 (198$)漢堡採用優質的安格斯牛肉，經過精心烹制，使得肉質鮮美、口感紮實。二件安格斯牛肉重疊在一起十分厚，喜牛之人咬落去十分滿足。搭配上新鮮的生菜、番茄和特製醬汁，味道層次豐富。不得不提是薯條外皮十分酥脆，剛出來熱度十足。美式水牛城香烤雞中翼 (6件) (98$)這道美式水牛城香烤雞中翼皮脆肉嫩，口感較乾身，以香港人口味道黎講偏酸 。美式香辣牛肉風味辣肉腸薄餅 (128$)薄餅口感酥脆，上面鋪滿了滿滿的牛肉風味辣肉腸、香蔥、番茄和綠椒，再撒上濃郁的芝士。牛肉份量合適， 牛肉口感偏硬， 牛肉切細粒些可能會比較好。朱古力布郎蛋糕伴朱古力雪糕 (78$)朱古力布郎蛋糕入口即化，口感較鬆，朱古力味濃郁 。搭配上一球口感綿密的朱古力雪糕，非常滿足 。

意廊 Avanti沙田大涌橋路34-36號麗豪酒店地下養寵物嘅人一個食嘢好地方，可以帶寵物去 歡迎寵物環境好寬敞 間隔十分足夠 食飯有足夠嘅『距離』傾偈，談天說地都方便啲 露天室外 河畔在旁 食嘢飲嘢carefree & comfort餐廳的裝潢簡約優雅，氛圍舒適，適合與家人朋友一同享用美食菜單豐富，前菜、湯品、義大利麵、披薩、主菜和甜點等服務也非常周到，讓客人感受到賓至如歸的氛圍U.S. Angus Beef Sirloin with Grilled Vegetable and Forest Mushroom Sauce頂級美國安格斯西冷扒伴薯菜及野菌紅酒汁 一道豪華的主菜，口感豐富，色香味俱佳西冷扒的肉質鮮嫩多汁，搭配上脆香的馬鈴薯條、清脆的蘆筍和香味濃郁的野菌紅酒汁，口感和風味都係一流！薯條用另外一個藍裝住 呢點幾欣賞 唔使同牛扒放埋一齊 牛扒嘅肉汁會『整濕晒啲薯條』網燒 睇得到既一格格 五成熟 紅紅地色嘅血紅蛋白 睇到都開心

今日係沙田酒店同屋企人食飯，驚喜地好食👍🏼價錢唔貴，但食物質素好合理。⭐️招牌美式拼盤 $208拼盤有：醬烤豬肋骨、水牛城雞翼、煙肉芝士焗薯皮、炸洋蔥圈配蜜糖芥末汁；幾樣都好好食，尤其係豬肋骨，個汁甜甜地又唔會好咸。⭐️加洲海鮮薄餅 8 inch $128Pizza好多料！千島醬Pizza汁底，配帶子、蝦、煙三文魚，超多料又creamy，餅底又夠脆。⭐️鮮蝦帶子墨魚汁手工意粉 $198手工意粉🍝好彈牙，同一般意粉完全唔同，墨魚汁個調味好夾手工意粉，份量都唔少，性價比高。