意廊

營業中

休息中

睇到d食評咁好，心諗都想同男朋友黎呢到試下。個晚星期四咁啱去到知道星期四用中銀白金咭簽帳有50% off﹗(日日都唔同咭ga)點左個set dinner (二人餐)係忌廉湯，唔會太膩，點埋d包食，好味~ 不過包得兩款onlythen 黎左兩杯香檳(餐包的)，清清喉再食第main dish。係意大利肉腸意粉......講真，本人不太喜歡，最初仲要見到勁細碟，覺得好唔抵。但主打ge海鮮拼盆真係好得﹗﹗好多野，吉列生蠔、炸魚柳、香煎大蝦、龍蝦仔、蟹、酒煮藍貝、八爪魚仔、白汁龍蝦、薯條&薯蓉(應該係咁多)，仲有四種sauce比你間，茄汁、沙律醬、忌廉醬同埋蒜味醬~then 甜品係tiramisu，ok la。有埋餐飲奉送，食完勁飽~服務唔錯，而且人少少，感覺幾好﹗

今晚睇完大家寫既食評都評得幾好,所以同個friend落左去試下la~叫左個海鮮拼盤既2人set dinner,整體上都好好重食得非常之飽添,但唯獨係海鮮拼盤中既蟹唔知點解煮唔熟wo...個蟹真係扣晒分la...(但好彩我食o個隻就熟,但我個friend食o個隻就....)我都幾鍾意佢地既服務,好有禮貌^^因為本人係超習慣講"唔該"既,每次上菜我都會講唔該,而D待應又會係甘"唔洗客氣,慢用"我覺禮貌真係好夠^^我諗我都會再去既^_____________^

Avanti Ristorante,the Italian Restaurant nearShing Mun Riverside, it is romantic to enjoy dinner here. Italian candle-lit dinner is recommended to try. Good place for lovers!

今日係同事生日, 所以諗住食好d, 但係沙田區真係無咩係好食, 見到呢間餐廳食評非常唔錯, 就訂枱一試. 果然無令我地失望, 我地3個人每人叫左一個set lunch, 頭盆係烟三文魚沙律菜, 因為我地有2位唔食烟三文魚, 咁就同我地轉左火腿沙律菜, 真係有d後悔, 因為呢到既烟三文魚係非常好食, 一d都唔同出面果d, 不過呢個火腿都ok, 就其個沙律汁係有史以黎最好食既一個, 餐湯感覺豐富, 值得一讚係麵包, 面部充滿芝麻, 軟軟地又熱熱地, 好好食, 仲有得添食, 我都係第一次未食主菜就食左兩個餐包, 因為真係好食到唔停得口, 主菜點左西冷牛扖, 吞拿魚意粉, 燒春雞, 牛扖肉質美味, 略為過熟, 因為我要7成, 但係好似熟晒, 不過都ok, 燒春雞肉質嫩滑, 意粉較差, 魚肉較實同乾, 意粉汁亦有d怪, 甜品係芒果布甸, 布甸面有半粒士多啤利(非常清香), 一粒藍梅, 兩片芒果(好甜呀~), 同埋有少少甜甜地既汁, 灑左少少糖霜, 個甜品整體都好食, 不過如果布甸入面都有芒果粒就更加好, 餐茶(凍檸茶)亦有水準. 服務方面都唔錯, 環境舒適寬敞, 有整潔高雅.

1個月已經去左4次.推介近排主打的海鮮餐.有龍蝦. 凍蟹. 小龍蝦. 凍蝦. BLUE MUSSELS, FISH AND CHIPS, 炸蠔, 八爪魚..呢個SET 仲有兩位南瓜湯. 一個PASTA, 2杯CHAMPAGNE, 兩個PANNA COTTA , COFFEE OR TEA. 服務好貼心. 環境夠闊落. 唔洗$400 PER HEAD. GOOD VALUE FOR MONEY!

沉晚一個人去左位於沙田城門河呢間酒店既Avanti食飯..叫左個4 course set dinner..set dinner有吞拿魚沙律...鮮蝦忌廉湯(好多料)..主菜揀左燒羊鞍(一D都ng硬)仲有甜品同飲品...因為同事俾左copon我既關係..埋單二百蚊有找...好抵食啊^--^

琴晚同班Friend去o左呢間意大利餐廳點o左個海鮮拼盤，個盤送到o黎真係嚇o左一跳，份量超多，初時見咁多仲諗住味道實係一般，但又o吾係o番，o的o野食又超新鮮超好味、大家o吾好以為個價錢會好貴，咁就錯喇，又抵到俾喎，幾個人夾埋百零蚊落樓，超抵！絕對不失我為食超人強勢推介。

星期六出完街返到屋企老婆無啦啦話要食甜品，夜媽媽係邊搵俾佢。好在收信個時收到酒店優惠，估吾到佢又真係有宵夜甜品。個到俾想像中多人但吾洗等，又係既，星期六又幾十蚊任食，款又幾多，我老婆話最緊要佢係健怡同埋吾"溜"，可以食多幾件，大家都可以去試試。

琴晚有一位同事牛一，我地放o左工之後就到o左呢間意大利餐廳同佢慶祝，我地點o左果個有六道菜既和牛燭光晚餐，有超大帶子沙律、什菜湯、鵝肝批加果凍、超級牛扒、羊架、芝士餅、雪芭仲有o野飲。話晒都係同同事慶祝生日，無生日蛋糕又點得呢！所以我地再點多一個番茄香草軟芝士Pizza當生日蛋糕，整體o黎講食物很新鮮很好味，仲有最緊要就係價錢又o吾貴，每人都只係百零蚊真係非常超值。

成日食埋D連鎖餐廳真係食都食到厭...今日決定同朋友一齊入酒店食...今次試左呢間意大利餐廳...而家佢地做緊和牛..我地叫左4&6 course set dinner...個肉眼扒好新鮮...仲有個大蝦黑松露扁意粉水準之作..五粒星推介呀...仲有沙律甜品同餐飲..三個女仔都可以食到飽啊...每人都係二百左右...酒店黎講都幾抵....

1. we got a promotion2. four courses a. pumpkin soup b. main course - japanese beef - tasty, juicy, big size, and tender.....delicious c. salmon salad. d. tirumisu3. all good!

同女友去食，佢地有四道菜同六道菜套餐，我地叫左一個四道菜，一個六道菜一齊食，有帶子沙律，有湯，有鵝肝，有龍蝦，有肉眼扒，有tiramisu，同咖啡，質素好正，招呼算係咁喇，不過不失，幾有禮貌，最緊要係坐出面有得食煙^v^,埋單三百幾,酒店價算好抵食喇!!

環境非常good, 客人比較少,service 你d人very nice.又好醒目.食物方面:開始時有新鮮條飽送上，仲有十幾隻牛油俾你選擇，我選了黑松露butter,都幾特別.very good.之後我要了6道菜色,包括1. 香煎鵝肝配意大利陳醋汁- 外皮香脆,入口即溶...配上apple...超正.2. 豆湯- 有水準3. 忌廉蟹肉露筍意粉- 份量少,但夠乾身,不錯4. 青apple雪芭- o岩o岩好clear左意粉的creamy感覺,fresh.5. 特級牛扒- 肥美可口,有肉味,極正6. 朱古力cake - 好sweet,好濃但唔搶喉,不錯7. 餐飲- 一般埋單由於有特價promotion,$208一位有超值的感覺。值得推介。