意八餐廳 (已結業)

間野開左都一段時間, 終於都去左試.可能星期日,等位時間較長.有個4位ge妹妹遲過我大約15mins 先去拎飛,都早過我入- -都吾明咩道理.同埋嗌no. 都較亂, 冇lala由538跳去564,之後又去番539.話晒間野都比較新, d staff 落單就有dd問題,要repeat 幾次先ok.同埋係用no.黎落單,咁就清晰d.三文魚得過且過,冇乜特別.茄子好好味,好足料,好香.pizza有好多cheese, 味道並不太濃.牛扒set死左做7成, so 我冇叫.轉左雞扒. 我覺得個皮硬左d.個鐵板亦吾夠熱. d 汁倒落凡都冇'sa' "sa" 聲.同埋呢個等好耐,大約要30mins.飲品叫左檸蜜,但黎左淨菜蜜.之後加番檸檬.(係佢自己落錯單)

第二次來吃~開頭仲以為要等位，原來行入去搵個位坐低就得喇…3個人食下午茶餐SHARE食…食品:叫左一個焗珍珠飯、一個天使麵同一份西多士~82元~焗珍珠飯...雞,好嫩但好咸~粗粒花生醬西多士...都係仲差小小.花生醬唔夠粗粒~天使麵...算是不錯的~~唔洗加錢的普通熱飲...~加7元的特飲(牛乳抹茶啫喱冰冰),,,好似同個名唔係太MATCH~麻麻地,食唔到有牛乳味同抹茶味,只係啫喱係有味道...找人來點餐都等左好耐,兩次到最後一個餐都要追問先來…

已經有朋友預先攞左位..所以唔洗等..見門口都有幾個人等..但係入到去明明有好多空位..朋友話門口等位果d根本無人派飛..佢係自己入黎搵位既,,睇餐牌..下午茶選擇好多..足足有幾十樣款式..價錢仲比商場內其他食肆平..不過服務真係差..全場無一個員工係有丁點笑容既..舉高手叫人落單..有幾個人望到都唔理..終於有個男仔走埋黎..但個樣好似好唔願意咁..落單果陣心不在焉..人地講幾次..佢仲要再問多幾次..效率又唔掂..我2個朋友食完晒d湯麵..我最先落既天使麵都仲未黎..叫個女侍應幫我跟..唔好意思都無聲..無聲無息咁去拎個天使麵比我..一追單就拎出黎..我諗都應該放左係度好耐都唔拎黎..放入口..只有少少微溫..証明無估錯d湯麵無口感..湯底多味精..天使麵既白汁底好鹹..杯熱奶茶淡到好似水咁..味道中下..服務更加唔洗再講..就算幾平都真係無下次..連收錢果個收銀員都係黑面..唯一一個好處就係卡位對正黃大仙廟..有個景睇下..全程都未見過有經理級既人出現過..如果唔係真係想投訴下..

等位: 0分鐘 , 我直衝入去就有位, 雖然全場爆滿, 因為星期日, 因企出面太多人, 好亂, 都無票俾人拎...等食; 30分鐘: 太多人的及太多選擇的原固吧; 且即時焗要等.....驚喜: 下午茶餐咩都有得食... 以下所講的係餐的總類, 非單叫,每樣有幾款可選 : 焗飯+焗意(有幾款選)餐; PIZZZA餐; 多士餐; 美國焗薯; 意式排包餐; 豬骨飯; 炒意餐; 三文治餐; 拉面餐...... 野飲: 加2蚊就有杯柚子梨茶, 好足料, 食到好多柚子; 但用塑膠杯, 覺得對熱飲的安全唔係好足.......我叫: 百香草火腿焗意大利通粉(被外表PIZZA紅透CHEESE黃的相吸引)......半小時後送來: 招牌r唔知咩國家的雞肉焗飯(與通粉一樣外表).......... 因太肚餓, 再叫要等半小時, 唔理了, 照食!!! 但好好味哦, CHEESE好夠, 可以拉的果種, 汁好香, 雞肉奄得夠味, 有意大利香草味; 入面仲加入茄子/南瓜齊齊焗, 想唔到D茄子可以焗得咁香口......最讚的係飯: 佢係壽司的飯, 好好味, 雖然用焗, 但粒粒好香口, 吸晒D汁~~單係食D吸左味的汁,

黃大仙沒什麼好吃,本來打算去黃大仙中心M記吃就算,途徑這店,外面很多人排隊,原來新開裝,看似不錯,幾十元吃個意大利餐一試也無防於是拿攕排隊,誰知一排就大半小時坐位OK吧,跟快餐店沒差,很嘈地方很大,可是服務員不多,落單都要等三人行叫了碟XX拿破崙海鮮炒飯,一個燒汁雞PIZZA,一個炸薯王上菜慢,而且沒次序,炒飯PIZZA都差不多吃完才上湯XX拿破崙海鮮炒飯有怪味,好嗅的蘇味而且分量很少,第一次吃到這麼難吃的炒飯燒汁雞PIZZA更差,很多燒汁沐在PIZZA面，餅底又硬在7-11買個叮的比它更好吃意大利菜湯和忌lim湯 很容易喝得出是濃縮的罐頭湯唯一最正常的是炸薯王,但等了很久才上,還是炸得不夠熟感覺像用了幾十元去吃一些即食包裝的食物令願去旁邊的M記

同媽媽去開黃大仙中心食lunch行經意八就試一試叫左兩個白湯、鴨胸飯、炸魚柳飯好似其他人所講某d菜真係要等好耐先會黎不過真係幾好食無論係賣相定味道真係有番一定水準淨係d珍珠米都抵番哂出面煮會變到糊仔咁但依到就煮完出黎都粒粒分明唔會變到一pat pat而且兩個人食lunch $100就有找真係算幾抵不過真係要計好d時間萬一撞著多人真係要係出面排一段時間||||不過絕對值得一試而本人亦會再去幫襯！

已經係第二次食呢間野我去到已經8:30，但係都仲好多人等緊位講返正題，o尋日叫左兩個小食、一個天使麵、一個意大利飯，仲加左12蚊要左2個沙律如下:香濃芝士白汁焗波菜 - 味道唔錯芝士味同白汁味都剛剛好，問題在於一份量少左啲，二來黐晒底抽子芝麻烤雞翼 - 基本上係豉油雞翼，加啲啲柚子同埋芝麻咁lor，同波菜一樣...黐晒底意大利黑醋胡椒和牛炒天使麵 - 其實係豉油皇炒麵加上好普通嘅牛肉，黑醋...原來係圍住碟邊嗰少少，另外我又食唔出胡椒味/辣味帆立貝海鮮龍蝦汁意大利飯 - 好有海鮮同龍蝦味，不過海鮮好少...帆立貝、帶子各一；蝦3隻；蜆兩隻4樣野之中，我個人覺得波菜係最好食，龍蝦汁意大飯排第二，另外兩樣不過不失服務員態度都算okay...係成日唔記得幫我refill水lor (提左3次先終於記得)各位去食呢間野...最緊要睇清楚啲用具是否清潔因為...真係幾污糟下lor

見佢新開張就想試下E頭冇邊幾間意大利餐廳新開張成日都好多人今日行過見到冇太多人就入去食整體幾好但係個冷氣so cold,D野好快就冷晒D野幾好食,價錢經濟一家大細放假尼食就最岩學生放lunch食都唔錯D員工好多都係新仔所以都整幾耐整體尼講都好好值得去試試

唔知會唔會係第一個幫呢間食肆寫食評呢??同女友返家企前, 去到黃大仙中心搵食無意間見到有間新野成9點都仲有人等位不過都唔係等咗好耐一叫到我哋既時候, 侍應叫我哋去xx號枱ok, 咁我地跟住佢指既方向行去到一張無人座既二人枱ok, 但點解未執枱既? 仲有好多食剩既野喎想點先?!?!幾乎想搵門口個侍應理論一下好彩, 有另一個男侍應快快手咁埋黎, 仲叫多一位同事幫人即時清理終於可以坐低見餐牌有好多野食我哋點咗帆主貝意大利飯 + 墨西哥肉醬焗扁意粉 + 白湯 + 紅豆冰首先, 飲個白湯先唔算好好味, 的確稱唔上好味膠碗 + 厚膠匙, 好似食bb 餐咁之後係意大利飯, 係幾好味的如果多返少少汁會仲好dd 海鮮唔覺腥, 但又唔算鮮以價錢來講, 合格了再來一個墨西哥肉醬焗扁意粉味道濃郁, 夠辣, 唔會焗得太乾, 幾好, 但多咗d 油無咩餸但食落又幾好味可惜要等得比較耐, 等到頸到長先到的主餐最後的紅豆冰, 不過不失, 正常不過埋單都係$100 元正無加一, 算好抵食呀勝在選擇多味道係ok 的, 環境都ok, 服務有待改進我會再幫襯的

為了不用撞午市人流，11:40搵左張未執嘅枱坐落去，睇埋餐牌先一次過搞掂晒佢地果時係11:55友人的炒飯在十五分鐘左右已經到了，我的拉麵還未到，我都等下去等並不是問題，也明白到店那麼大，等多少少都是合理的問題是，在我等的時候，已看見很多湯麵降落於不同枱面就連隔離枱遲我二十五分鐘坐低嘅一對夫婦都食緊...等左四十五分鐘正式走人，我話之佢計我杯特飲正價都要走因為我由唔餓等到餓，由唔火等到火而我亦不是火的唯一一個知道不是員工的服務有問題，我亦深感同情，但係一個拉麵等成四十五分鐘都未整到我真係好驚俾我果時碗嘢會變左糊仔所以友人拖慢左半個鐘先掃完碟飯好已經即走真係好火...隔離有對客人都係等得耐先CUT單走人佢地仲可以不分先後係咁出人地D ORDER而無視我的存在走是唯一解決肚餓嘅辦法這是我第三次來光顧第一次吃午餐烏冬+母上吃薄餅覺得這店極度合理第二次吃午餐鐵板 X 2也感到味道、品質OK兩次都等25分鐘左右先有得食，都唔多理佢...但今次係四十五分鐘都無了期等等無可等&忍無可忍　寧願上慈雲山吃Saizeriya都不願意在短時間內幫襯這店要知道食物來得快、食客食得快、走得快，生意先走得快要明白品

有時間, 有耐性, 捱得肚餓, 抵得冷先好去呢到食野呀由於呢間餐廳在這商場是新開業, 所以吸引很多人來, 下午茶時間等得不太耐, 只花了十五分鐘約3:15分便可入坐我們點了公司三文冶跟熱奶茶, 另加一個百里香忌廉雞皇焗飯跟熱咖啡點餐後惡夢便開始, 餐廳的空調較得很大, 天花還裝有吊扇, 一般都是作點綴用, 但這裡似乎不是, 開得有點大, 感覺很冷第一樣來的食物就是餐茶, 但足足等了差不多15-20分鍾, 再過多2個字就來了公司三文冶, 最差的是要過了4:30分先來焗飯, 足足由點餐到食最後的焗飯, 已過多小時, 真可媲美食一頓法國菜, 其間我們已兩次向不同點員反映, 他們只睇一下張單, 問我們欠什麼, 便拿了張單走開, 當中沒有向我們交代亦沒有叫我們多等一會, 真令人氣結, 眼見隔離檯剛入坐的客人都很快進餐完畢,於是再向第三位點員反映, 當中都輾轉死纏同一個點員兩次, 幾經辛苦先食到呢個焗飯,真叫人越等越不耐煩,而最後我們由落單3:21分等到4:30分後焗飯至到, 下午茶已變成了我們的early dinner再講番食物, 盛熱飲不是一向用的鐵杯或厚身杯, 而是用膠杯, 因此, 不但不能

今日無煮飯,見樓下新開一家四口走去試 點知.......18:30到等位等咗九個字都算.差唔多19:20入到去坐下叫野食,叫人洛單有應咗但係唔知走咗去邊,好再叫過叫咗一個pizza 一個鐡板一個焗飯,個時無到30分,ok等野食等咗三個字仲未有,叫人追下,10個字先黎鐵板,等到20:00都未有其他,再追係呢個時候隔黎剛坐下兩人叫野啲人先同佢講叫鐵板同焗飯of意粉要等最小半個鍾(點解無人同我講)等到火都黎,唔係我個囝囝係到(xy%^&^**)等到20:17先到其他啲野食差到無朋友味精重同燶,仲有樣食食下有個阿姐凸然伸手入黎話收野,大佬呀食緊伸隻手黎我面前做咩(有無洗過手嫁)真係吹x帳呢個以入咗我黑名單服務(差),食物(差)以後都唔去