悠蔬食 (渣甸中心) (已結業)

今日lunch又黎到悠蔬食 因為佢晚市既定價真係偏貴而且有啲食唔飽，所以dor通常都黎食lunch, lunch set $88-$108 有前菜有湯有main包特色餐飲，午市仲可以叫點心食😍所以lunch黎食係抵食好多架！藜麥鮮果果仁沙律 好健康既前菜，蘋果菠蘿加藜麥配柚子意大利黑醋汁 酸酸甜甜好開胃 不過唔見有果仁既🧐🧐天生雪蓮椰子花生雪耳湯 dor其實因為呢個湯先成日黎食🤫 超足料既雪耳煲到個湯章住個口 滿滿既膠原bb好好飲呀 雪耳又軟稔稔 又健康又好味 次次都飲中湯 唔知道西湯係點😂點心拼盤配榨菜菇絲杞子湯麵 $108呢個餐個個都會跟唔同點心同麵既，dor好多時都叫呢個，又食到點心又有麵就夠飽肚（其他set份量比較少）可惜今次既點心唔夠熱，尤其炸物凍左就唔好食，希望餐廳質素唔好下滑啦☹️Lunch仲包特色飲品，叫左個熱檸檬蜂蜜生薑茶，今日天氣咁凍，飲完暖笠笠岩哂，本來想+$20試埋個燉桃膠架，可惜賣哂😭唯有下次再試啦由最初希望支持環保♻️而食多左素食，食得多左發現素食真心幾好食，由環保angle慢慢變左為食angle去食素，黑洞胃怒食都冇罪惡感，當然dor仲係超鐘意据扒韓燒羊腩煲放

新年食得太多油膩食物，今日就食返清淡啲，食素啦！兩個人食叫左一個Dinner Set加黑松露大啡菇（1）黑松露大啡菇點餐時，侍應生好好。主動建議offer 2個大啡菇份量。唔一定照餐牌嘅3個去叫。黑松露大啡菇用薯蓉撈埋黑松露加芝士去焗⋯黑松露味夠香，大啡菇都好juicy 不過芝士唔係好多 都幾好食⋯美中不足係唔夠熱（2）Dinner SetSet嘅前菜-香芒牛油果苜蓿芽⋯苜蓿芽第一次食 好清草味、牛油果夠稔同熟、芒果唔算甜⋯都ok gei⋯餐湯很香菇味及燕麥味 非常特別而我地叫嘅青咖喱⋯味道唔算濃⋯咖喱比較稀⋯入面都係菇同西蘭花、椰菜花咁⋯配上香脆嘅印度薄餅同一小方方的飯。份量真係一人份 唔會多，岩岩好！可以一試飲品方面就較遜了咸柑桔蜜竟然偏甜⋯可以改善一下。餐廳提供暖水，感覺健康，加上食素的關係感覺很養生😂餐廳環境光線溫和，很舒服，幾好

有感平日多肉少菜，所以這天決定遠離紅白肉，實行蔬菜天，早餐麥皮，中午水果沙律及三文治，放工就到悠蔬食繼續吃蔬菜。我們約7時許來到，餐廳已經陸陸續續擠迫起來，食客亦坐得滿滿，感覺確實有點侷促。 餐牌上的選擇非常多，令我開始有點選擇困難，最後，決定點dinner set，套餐內包括了前菜、手卷、湯品、主食、甜品及飲品，價錢為HK$228或HK$238。 前菜共有3款，分別是日式麻醬蒟蒻菜絲沙律、四喜烤夫及麻醬沙薑豆絲粉皮。三款當中以四喜烤夫的味道最重口味，有點偏鹹，而日式麻醬蒟蒻菜絲沙律配搭上非常創新，紫菜與蒟蒻的味道很搭，加上日式麻醬，令原來淡味的食菜頓時變得美味，不過，我最愛的還是麻醬沙薑豆絲粉皮，粉皮口感煙韌，青瓜絲爽脆，味道清新。 露筍素香鬆苜蓿芽手卷 及香芒牛油果苜蓿芽手卷 手卷全都是用新鮮的蔬菜製成，個人認為香芒牛油果苜蓿芽手卷較露筍素香鬆苜蓿芽手卷好吃，因露筍素香鬆苜蓿芽帶有點草青味道。白松露椰菜花忌廉濃湯忌廉濃湯口感香滑圓潤，忌廉味道濃郁，帶有淡淡的白松露香味，而當中的椰菜花含蛋白質，能促進細胞的成長；加上椰菜花還含大量維生素U，可刺激身體產生抗癌蛋白酵素，對身體非常

係銅鑼灣鬧市越來越多素食的時候，遇到呢間“真“ 素菜。顧名思義，係全~部~係~蔬~果~午餐有藜麥沙律加無味精中或西湯。主菜可選點心拼盤或其他主菜。是日選了雪耳桃膠湯，發現有椰子，好好飲。焗意粉用了猴頭菇，竟然同芝士好夾

情人節唔舒服，朋友仔帶我食素菜慶祝節日，呢間好多人推薦，即管試訂位，噢…無位吖…唯有waiting啦~好彩最後都有得食節目通常都係套餐為主，但都有得散叫，可惜有啲點心原來只係午市供應，唯有下次再試。我地叫左個素菜煲，好多菇菇，幾惹味，配白飯一流。又叫左四季豆，同好似雞鎚既炸腐竹，好搞笑，味道唔差喎再黎一個竹碳pizza，黑色pizza真係未試過，樣子就麻麻，但味道又唔差喎，配杯茶就剛剛好。食唔慣素既朋友都可以試下，雖然朋友食佢食完好快就又餓返。

早上上完堂下午要上班，所以一早找定了餐廳，上到去才發覺午餐餐牌有少少不同，竟然有我最想食的墨西哥卷餅！*藜麥鮮果果仁沙律配柚子醋汁跟餐的沙律超有誠意，有炒香過的果仁，配上清新的沙律和高纖的藜麥；還有酸酸甜甜的鮮果和柚子醋汁。*天山雪蓮椰子花生雪耳湯中湯比較清淡，所以選了中湯。很甜很入味，蘿蔔很淋，有爽口的雪耳，飲完很滋潤！*牛油果鮮果墨西哥卷餅配香脆薯角及紅菜頭蘋果藜麥沙律($98)比起飯麵，我更愛是麵包夾餅類的；紅菜頭蘋果藜麥沙律甜甜的，有少少柚子皮的甘。薯角口感上似是烤焗而不是炸的，所以不太油。這是一個素墨西哥卷餅，除了牛油果、生菜，還有豆製的素肉；卷餅微溫，外皮脆脆的；因為有醬汁，所以不會太乾。*藍蝶花雪梨汁 (+$10)不會太甜，很有梨的清香。*紅棗桂圓百合燉核膠 (+$20)最後都愛養生，可以的話都會選中式糖水；這個紅棗桂圓百合燉核膠甜度適中，核膠很滑。

今晚六點入座，相信係第一枱落單，叫左兩個套餐，前菜手卷都好快上枱，食完等到18：45都未上主菜，但係隔離兩枱散叫d野食都差唔多到哂好耐，所以就追一追餐，之後第一個主菜終於在1850到左，差唔多又食哂，但係第二主菜都未到，所以又追一追餐，最後竟然要在1910先到，但明明間餐廳未full booking, 同埋我地應該係最早落單的。第二主菜食到一半就收走哂第一主菜d野問上埋甜品好唔好。上甜品無問題，因為老婆食完好耐都想食甜品先。最大問題係上完甜品無耐就遞左張單埋黎話埋左單先，果時我第二主菜都未食完......其實食物真係好味，同埋特別，可以再試，不過晚餐最低消費要200蚊有d貴，所以下次再幫襯都係食午餐好了。

經癌症病患朋友得知呢間素食餐廳，廚師會用時下健康素材，製作中、西、意、日美食，我一向唔鐘意食齋舖所煮嘅素食，往往都只食到醬、油、汁，味濃到無哂原本食物嘅鮮味，所以好期待今餐素食新體驗。我中午十二點去到，未算多人，叫左午市套餐，頭盤秘製滷水拼盤，小小地開始，味唔鹹，食到台式滷香味；餐湯紫薯紫椰菜粟米忌廉濃湯，顏色好鮮艷，紫色襯托小許黃粟米粒，配綠色番芫茜碎，見到都心情開朗，份量夠，口感香滑；等左多過15分鐘嘅主菜終於出現，牛油果鮮蔬墨西哥卷餅，配香脆薯角及紅菜頭蘋果藜麥沙律，上枱好似碟紅綠燈🚥咁，擺放得好精美，味道都恰到好處；餐飲我要左杯熱鹹柑橘蜜，尚可；＋20蚊要左件宇治抹茶紅豆千層班㦸，呢件好食，好食在cream夠滑，層層足夠分量，綠茶味濃。

通常外面啲齋好油膩，所以已經好耐冇喺外面食齋，不過估唔到呢家啲齋可以做到形神俱似，嗰碟齋炸雞肶有四隻鷄肶，外形丶顏色酷似都不得了，食落口居然咬到有鷄骨嘅感覺，最初諗住咬耐啲可以慢慢食左去，點知發覺唔得，原來條鷄骨喺由木雪條棍做，哈哈，真喺幾好玩，仲有嗰牛油果芒果手捲都幾好食，夠新鮮，侍應仲特登提醒要早啲食，唔係紫菜會冇咁新鮮(脆)，夠專業提醒，後嚟食落之後發覺有沙律醬汁嘅嘢，原來喺蛋加奶撈埋嘅效果。

新年食得好雜，今日就同男朋友嚟到位於銅鑼灣嘅悠蔬食清下腸胃😄 我地就先點左個猴頭菇南瓜芝士焗飯($98)😌 落左好多番茄同芝士，味道唔會單調，食落炸左嘅猴頭菇口感同肉真係幾相似☺️ 飯底仲要係紅米嚟嘅，好健康👅 另一個set點左個炒意粉配炸連子👀👀意粉用左番茄汁炒左，酸酸甜甜好開胃！而且落左幾多菇同翠玉瓜，食落口感豐富！小食要左牛油果手卷🥑🥑入面嘅蔬菜好新鮮，紫菜又脆口⭐️⭐️餐湯係紫薯湯，好重紫薯味，亦幾creamy 🙏🏻🙏🏻 甜品加左20蚊要抹茶千層😻抹茶味濃亦有口甘，呢個價錢好高性價比😺

拜完太歲就同媽咪嚟食素，呢間素食餐廳比較新潮，我自己就成日食架啦！今日就帶食開傳統齋菜嘅媽咪試下🤗🤗👅 先點左個墨西哥卷配紅菜頭salad($98)🤘🏻🤘🏻 係今個月嘅新lunch set😀 墨西哥卷入面左芝士番茄素肉等食材，食落幾juicy! 而紅茶頭沙律夠清新，仲有d梨等嘅生果做配搭，口感好爽脆😋😋薯角一樣香口😌 餐湯要左中湯，清甜滋潤🙆🏻‍♂️ 另外加左松露菇包👐🏻👐🏻 好似真嘅菇咁，食落松露味十足，包亦軟熟，十分推薦！最後加20蚊要左新嘅紅棗桃膠湯水，桃膠口感似jelly 😻😻好滿足呀！

新年假期, 陪伴我的係無限煎糕, 數之不盡的零食、又煎又炸, 冇食到爆瘡總算幸運, 但其實真心食到怕又膩......所以今晚出街食飯都想食得清淡D。之前聽過朋友介紹D間素食餐廳，今晚一於食齋！其實細個都抗拒食齋，覺得D齋整到五顏六色，一係就扮魚扮肉又扮魚生，仲係唔好味。但係近呢幾年開始發現其實齋都分好多種類，比較少食肉嘅我其實都幾鍾意食素食。今日試D間位於銅鑼灣渣甸中心嘅25/F悠蔬食。雖然店舖唔算好大但係我見都有兩間包廳房，外面都有好多卡位私隱度高，坐得舒服。睇到個Menu仲有新年嘅Dinner set大約＄300已經有五道菜＋飲品, 咁我哋今晚就一人點咗一個set。前菜已經有三款四起烤夫 （D個食落似滷水豆乾）、紅菜頭蘋果合桃沙律（夠開胃，如果少啲蘋果多啲紅菜頭可能會好啲）同埋麻醬沙薑豆絲粉皮 （呢個似我哋平時食嘅雞絲粉皮，好味）手卷（2選1）我地各揀了1款蘆筍素香鬆Alfafa 手卷水蜜桃牛油果Alfafa 手卷兩個手卷Alfafa嘅比例係好多, 估唔到原來手卷係唔一定要用米飯做，原來用Alfafa來做都好有口感。餐湯（2選1）我地各揀了1款白松露椰菜花忌廉濃湯，好creamy好

人人都go green，唔通人人都想go green咩？正是！之前聽朋友講過悠蔬食呢間素食店，今日終於嚟到親身一試！打開個menu，見到個set dinner有成五道菜加一個飲品，唔駛諗即要一個！先嚟三款前菜，有四喜烤麩（煮得好香甜入味）、紅菜頭蘋果合桃沙律（酸酸哋勁醒胃）同麻醬沙薑豆絲粉皮（仲惹味過雞絲粉皮）跟住嚟燉湯，秘魯人參竹笙黃耳百合，聽個牌頭都知佢夠哂滋味/陰/補啦，飲完成個人暖笠笠！跟住呢個手卷都驚喜爆燈！見佢紫菜包住一大堆alfalfa以為佢會淡淡的，但原來夾埋蘆筍，素香鬆同少少醬汁，食落去香甜得嚟又清新美味。侍應仲好貼心咁提醒要儘快食，咁先可以品嚐到脆脆嘅紫菜！食最後一啖嗰吓，真係有encore多一個嘅衝動！主菜係士多啤梨醬燒猴頭菇配珍珠糙米飯，哦？原來即係「咕嚕肉」！立即加分！士多啤梨醬汁甜酸度啱啱好，愈食愈開胃。個猴頭菇整得外脆內軟，食得出佢係新鮮即製！好味！喺呢個時候其實已經食到捧住個肚，但係見到（加上聞到）個鮮磨腰果露，又忍唔住立即食番啖！腰果味好濃，滑得嚟又唔會太甜。加咗兩粒香到不得了嘅芝麻湯圓，嗱嗱嗱，呢啲就叫做畫龍點精喇！邊個話食好西一定要大魚大肉架？今時

食素都可以又好味又好飽❤️❤️叫左2個晚餐share，本來想去第度再食甜品，但實在太飽🤣 🥗前菜有蒟蒻菜絲沙律、四喜烤夫、豆絲粉皮，前菜一啲都唔馬虎，尤其係豆絲粉皮，撈埋麻醬食就好滋味～ 蒟蒻菜絲沙律彈牙～ 四喜烤夫，是豆製品吧～ 豆絲粉皮，感覺好似食緊雞絲粉皮呀～ 🍲湯可以揀忌廉或者中式燉湯，我地兩個都有揀。 白松露忌廉湯好足料，味道香濃，濃稠適中。 中湯就夠晒滋補～ 🌯手卷有2款揀，我地要左香芒牛油果苜蓿芽手卷～ 入面係冇肉同飯，但完全冇草青咩，紫菜又夠脆☺️👍🏻👍🏻👍🏻～. 牛肝菌椰菜忌廉燴扁意粉拼大啡菇 $238 大啡菇好juicy😍，意粉入面仲有好食菇菇，忌廉汁唔膩，食起黎仲好香， 扁意粉仲非常有口感🤩～ 🍅 牛油果鮮豆包雙薯藜麥焗千層麵 $238 唔用肉醬整既千層麵都係第一次食，面頭有勁邪惡既芝士😋，千層麵入面有牛油果、鮮豆包、仲有啲薯仔粒，加埋番茄醬，味道非常開胃而且好有驚喜🤭 最後仲有2客甜品，份量唔多，食完勁想encore😍，紫薯千層糕 真係勁正， 紫薯味重，而且好煙靭！ 晚市有最低消費每人＄200 ，價錢略貴，但食物質素高，非常推薦去食！！❤️

食物不錯，環境雖然有點迫，重點是booking 沒有註明。入座也沒有註明，突然到last 接近叫了甜品，服務員突然說我們還差$99！是每人最低消費要$250.....之前完全沒有提及，我們叫了甜品其實都挺飽的，根本吃不下了，我們唯有投訴他們，服務員還說他們沒有說是他們的錯，可是站在哪裡還等著我們要再下單最後我堅持不會再點，經理走來了解才說可以免了我們不用再點菜。下次考慮還來不來