悅鮨 (已搬遷)

昨晚我同屋企人終於可以再次去悅鮨食晚餐。早前因為疫情關係所以休息幾天，依家開番而且食物水準保持高位。今次我地叫左炸澤蟹仔，心形蕃茄，紅酒煮牛肉，燒油甘魚鮫，汁煮魚鮫，大蜆稻庭烏冬，手卷(海膽，軟殼蟹)， 碎蔥吞拿魚腩蓉，牛油炒滑子菇，右口魚刺身，炸軟殼蟹。炸澤蟹仔每隻造型不，啵啵脆口，但蟹身較硬。心形蕃茄蕃茄挺身清甜，加左鹽後更將甜味提升至另一層次。紅酒煮牛肉汁濃而不膩，肉質熟度適中，最好配多個白飯食一流。燒油甘魚鮫每次我去都叫的，脆口的魚皮，香濃而多汁的魚肉，每食一口就如同一顆煙花在口腔爆發一樣，魚香味充斥著整個口腔。汁煮油甘魚鮫若果喜歡多汁菜式的朋友應該會喜歡，汁煮保留了油甘魚魚肉的嫩滑甜香，而我個人對配菜十分喜歡，特別係已經把魚汁緊緊鎖在內體的白蘿蔔。大蜆稻庭烏冬大蜆的鮮甜 ，煙韌的烏冬， 兩者的配合便變成人飽肚而滿足嘅食品。手卷海膽手卷表現唔錯，手卷上面同裡面都有海膽， 食後口腔仍然有濃郁海膽味。軟殼蟹手卷，我覺得乾脆而柔軟的軟殼蟹配壽司飯同紫菜，個人覺得如獨立食軟殼蟹更佳。碎蔥吞拿魚腩蓉香滑鮮甜的魚蓉令人感覺到口腔似有一條活潑開朗的吞拿魚在口腔游走一圈後游入肚内。而且你可以自由配合紫菜，牛蒡等配料。牛油滑子菇今次初體驗滑子菇，新穎又有趣， 可以推介大家試食，而且係素食所以感覺唔錯右口魚刺身清甜爽口炸軟殼蟹作為獨立菜式無得輸…查看更多

同事Farewell lunch，黎到同事們至愛既日式餐廳，上次試過魚生飯，今次就試下壽司啦！諗左好耐要10件定15件好，10件驚唔夠飽，15件又驚太多食唔哂，不過最後都揀左15件～除左壽司，仲有前菜，湯，蒸蛋同雪榚。蒸蛋好滑，雪榚有兩個口味可以揀～壽司用木板上，塊塊板都唔同架～大部分都好鮮味，油甘魚、鯛魚、三文魚正常發揮，魚生片紋理尚算完整，厚度也適合女士食用。帶子、甜蝦體型也比平均大，彈牙度反映出佢地既新鮮。再來就係重點既吞拿魚，總共有四款，由普通既赤身到入口油感順滑到包住條脷堅係不得了既中拖羅，果然係整碟既亮點。但係有其中一款就比較腥（右上角那舊），食完都唔知係咩魚，要飲好多茶先沖淡。呢間店食過幾次，水準一路都唔錯，但因為價錢既問題，所以唔係成日黎食。…查看更多

食物： 一般（於其價錢與食物水準不配）服務：其中一名四眼女服務員態度有一點差👎。當時覺得餐廳內氣溫有點冷，嘗試叫她開把其中一個對著我們吹的冷氣機調細（當時只有我們一枱客，沒有其他客人），那女服務員便很不願意地說不可調，調了會很侷促。於是我提議可否換去對面的抬，因對面的枱沒有冷氣直吹。那女服務員便顯得很不耐煩，喃喃自語，好像心裏咒罵我們麻煩。便很不情願地說那你們不用換枱搬枱，會很麻煩，那面也有冷氣吹，她說盡量把這部冷氣調細一點。點知說時快那時慢，她便將那部冷氣機調細後，不知是不是專登，把另外一邊的冷氣調大，風口吹着我老公。我開始有火，但我老公說不要挑事，快快食完便走，以後不再來光顧便是。最後埋單成$1，000，兩大一小晩飯，其實可以有很多別的選擇。也十分同情那店的老闆知不知道他店的服務員有這樣的服務，不停在趕客！！！去之前沒有在這看看食評。原來也見十分多差評，下次去餐廳光顧前，我都覺得應該要在這看看這裡的食評然後才決定了…查看更多

今天晚上，一行四人來到淸風街吃日式晚餐，點了一個五碟5dishs及散點料理，味道較連鎖日式料理店出色，但稱不上鮮味，較有驚喜的是燒魚蛟，香口肉軟，蟹殼鮮甜可口，可一嘗嘗。…查看更多

聽朋友介紹銅鑼灣有間米芝蓮推介既日式餐廳就同媽咪去試下，去到環境清靜舒適，地方唔算好大，我地坐左係卡位到。首先前菜個花螺好好味，味道好特別。之後刺身，賣相好令，樣樣都好新鮮，有啲仲入口即溶，之後到食燒牛舌，燒到岩岩好十分好味，佢係有塊葉包住燒好特別，可能咁有種特別既味道，到食壽司，燒拖羅壽司入口即溶，海膽壽司好正好新鮮，最後甜品係日本時令生果，唔洗講當然好好味，好細心幫你切開哂，雪到凍冰冰十分甜，簡直係畫上一個完美既句號，好滿足，店既職員都十分友善同細心，下次一定再去!…查看更多