恰迷紅茶 (已結業)

上次試咗佢嘅Q罩杯，覺得很一般，今次會試埋佢嘅招牌紅茶，恰迷紅茶加芋圓$28。今次飲微糖，甜度就剛剛好，茶底都ok, 芋圓份量都算多，水準keep到，芋圓Q彈有蕃薯味。但呢間價錢偏貴。

岩岩開嘅時候已經有留意 依家熱潮過去唔洗排隊係時候試試啦上網睇佢嘅評價就好壞參半 等我驗明正身啦-🔹#Q罩杯 $32/M伯爵茶底 有珍珠 芋頭 地瓜圓比例大概6:3:1 😂😂可想而知地瓜圓係勁小嘅.我係嗌左微糖嘅 我覺得甜度就岩岩好小小伯爵茶嘅香 奶味唔重 珍珠加芋圓佔左半杯 所以飲哂d茶仲有淨再慢慢食珍珠唔算好煙韌 普通質素 芋圓比較好味 珍珠嘅size又幾有咬口 1d都唔粉.我覺得唔錯 唔洗排隊係值得一試嘅 另外如果係想影相可以叫staff放d珍珠芋圓上面😂但我趕住走無咁做到.🔹小芋圓奶茶 $28/M由於芋圓先係重點 所以呢杯無珍珠嘅係唔錯嘅嗌左半糖 ummmm 好甜 建議微糖甚至走甜呢杯係普通奶茶茶底 無茶味奶味勁出我覺得Q罩杯好飲d🤭

新裝修時未開門經過，心想又有新嘢可以試喇！第一次星期六下午經過男女老幼排哂長龍，天氣又熱S辣辣，就算幾好飲，幾想試新嘢都等下次啦……之後一星期睇過幾個食評，見網络平台評價又幾好……就等有機會收工路過再會一會佢先，睇下有冇台灣手搖杯水準。終於有晚收工7點幾經過見得二，三人排，就試下……點知中伏……奶少少甜口但好淡，肯定加左不少水。芋圓太實淨亦冇味。以$32試新嘢，可一不可再。對比台灣無論味道用料價錢差天共地。失望！

荔枝角不嬲無咩野好飲知道有間新野開左 專登同同事去幫襯下點知排隊排好長 等到差d想走排左陣終於買到 我就買左蜜香紅茶 朋友就買左黑布蕾奶茶（因為貪每日限量）自己個杯覺得幾特別 甜甜地又有茶味 好少係香港飲到咁樣既純茶味道朋友個杯都覺得唔錯 飲落除左奶茶仲有好似豆花咁既感覺 但夾埋一齊又好特別 唔會怪 店員好似話係黑芝麻黎唯一覺得唔好既係好似冷氣唔太夠 d員工有d慘 去個日又好似好多野都賣曬 但下次會再幫襯 試下其他唔同既茶款

平時我飲野係唔會加珍珠,不過呢次我唔加真係唔得呀!呢間過江龍未黎香港之前我已經follow左好耐,因為佢最出名嘅Q罩杯,唔止得珍珠,仲有芋圓,仲係超!級!多!D粒粒真係全部都好Q好彈牙,而且真係有唔同味道,所以就算我杯飲品無糖一樣好有味好清~不過我自己覺得佢太慷慨太足料,去到最後我飲曬d野依然剩低好多丸子XD朋友叫左杯奶蓋綠茶,茶都幾清,不過相比Q罩杯,佢無咁突出,ok la~~BUT我要提醒大家,由於佢太受歡迎,所以宜家無論甚麼時候去買都要大排長龍,所以大家要有心理準備啦.

甘岩有野做出開荔枝角，冇咩理由唔到一到訪呢間人氣台茶店，其實之前經過過幾次，但次次又見到人山人海，仲分唔清邊d人係排緊隊搭巴士，邊d人真係排隊幫襯。其實鋪面細細，但可以等野飲嘅地方真係唔多。唔知係我好彩，定熱潮甘快散去，竟然係lunch time 冇人排隊！我一向好好like 黑芝麻，所以冇咩理由唔order 佢個期間限定嘅！黑布蕾其實即係黑芝麻布甸，單單評呢個布甸，其實我都會俾好高分，只係我明明叫微糖少冰，我都真係唔明點解成杯野都仲甘甜，兩三啖飲完仲發現成半杯滿嘅冰完全令人o咀

早前在台中飲過恰迷CHAME Q罩杯及黑布蕾感覺有少少偏甜 而朋友通知在他公司附新開了一間所以去試一試， 廢話講完現在來評一評因今次買唔到Q罩杯所以不能評論 先評一評黑布蕾今次在香港我選擇少甜走冰, 建議可以少冰但不要碎冰， 如果碎冰會快啲溝淡奶茶 黑布蕾+少甜會帶出更濃芝麻香味令奶茶更加香，。總括少甜更合本人口味,😋至於珍珠奶茶 亦都係 少甜比較佳而所有飲品亦都可以選擇甜度 、冰量多少碎冰等、 配合每人不同口味可加珍珠、紅豆、芋圓 等等

係fb同ig見到新開，同朋友約埋去試下…試業期間 買一送一，超多人! 我地排左個鐘OMG買左Q罩杯 少甜/微冰 ，因為買一送一只限中杯 ($32)…Q罩杯 茶底係伯爵紅茶+牛奶，有珍珠+芋圓+地瓜圓，珠珠好q好足料不過杯野茶味吾夠濃，水左d… 吾洗排 可以飲多次ge~

呢間野都開左2星期左右終於條龍少返啲人試左個黑糖奶霸黑糖味足 好飲 有啲感動，返左咁耐工 終於荔枝角有間正常野飲店唯一收工時間出面巴士站好多人有啲迫 㨂3/4點時間黎會更好

恰迷紅茶又係一間全新嘅手調飲品店，喺台灣起家，喺網上一直都有好多產品相，飲料適合相機食先。開到黎香港第一間店選址荔枝角，兢爭少啲，附近多工廈、寫字樓，鋪頭位於億利工業中心大路，人流有一定數量保證。頭兩日推出買一送一活動，預計會有好多人去排隊，加上飲料店一大賣點係將配料堆喺杯面，聞說活動期間，就暫停「拍攝服務」，配料只會放喺杯底，同任何一間手搖杯無分別，所以我留待優惠後先一試。可惜實際上已冇買一送一，依然係冇拍攝服務，如果有優惠價怕應付唔到人流，都仲可以接受，如果正價購買都圖文不符，相信令不少人失望，包括我餐牌供應原茶、奶茶、拿鐵、鮮奶、芝士奶蓋、特調等，分中、大杯，定價$16-36，大部份可選甜度、冰度。可加珍珠、紅豆、小芋圓、黑布蕾，$4-8。平日放工時間前往，隊伍比想像中短，一條隊買，一條隊取。等候時間唔算十分耐，約20分鐘。對我黎講，完全可以接受Q罩杯 $32/M/正常冰、甜黑布蕾奶茶 $28/M/正常冰、甜雙Q、布蕾都係放於杯底，兩杯都算係招牌吧。Q罩杯用紅茶底加奶製作，有齊珍珠、芋圓、地瓜圓，份量並非特別多，我呢杯以珍珠佔多。三者喺味道上冇明顯分別，唯一只係質地唔同，珍珠夠彈

在荔枝角返左工差不多三年...終於有第一間台飲店...一直想去試試...開業頭一星期都超多人排隊...今日終於少人左...不過都仲係要等30分鐘左右...在網上見到很多評語說茶味很淡...便沒有什麼期望...因為剛剛吃飽唔想再食芋圓咁Heavy...就叫了杯蜜香紅茶估唔到佢地既茶真的幾好飲，一試令人驚喜....希望網上的差評不是被人惡意中傷吧....因我親身試完真的很滿意...有質素又用心對顧客的店係應該好好支持....下次一定會帶老公同仔仔來試埋其他款 ^^

排隊排了超過80分鐘，以這區來說價位略高，所以期望很大。。。試了他們自稱皇牌的芝士奶蓋綠茶，綠茶是蜜香甜底，茶味不濃，奶蓋比較杰身但不夠細滑，奶味很淡，芝士味喝不太出來，反而喝到一點點灑在杯頂的抹茶粉，基本上整杯都被甜味蓋過。如果對奶蓋很有愛很有要求，真心不建議你在這裡喝。過一陣子不用排隊時，可能會試他們的Q罩杯或黑糖珍奶。P.S. 另外就算你幾嗜甜也好，一定一定一定要少甜，唔好試圖挑戰佢地的甜度。

見平日星期一至五都好多人排隊.....返工時間好難抽時間排T_T⋯⋯今日星期六終於冇咁多人.......決定排一排一試！！！！試左個皇家奶蓋紅茶 少糖少冰店員建議不用飲管用蓋的開口直接喝 頭一兩啖喝到奶蓋有芝士味又厚滑。再大啖飲多啖飲到茶..覺得茶底好香同有茶味和奶蓋的濃郁非常配合👍飲到最後都仲有奶蓋 先混合黎飲 唔似其他的只有薄薄一層 真心推介！下次冇咁多人排隊再試試其他，想試埋個黑糖奶霸 可惜當日賣哂 唯有下次

• 皇家奶蓋紅茶 + 雙Q (珍珠&小芋圓) $40紅茶味濃，帶澀味，茶底不錯，可惜奶蓋不夠濃厚，有點稀，沒有喝下去很幸福的感覺，但味道不差，珍珠不夠Q彈，小芋圓亦太粉。總結：如果要排半小時以上，味道不太像如期的好，而加上這價錢，的確有點失望

公司附近開左呢間第一次lunch time 買....排足成個lunch條隊唔係長，但好多人一次買好多杯因為附近太多office佢仲做外賣...所以好耐我覺得lunch呢d咁多人時間應該限買囉我前排幾個都一個人叫四杯四杯七杯咁少人排都等一個鐘今次星期六一點放工買等一陣就有得飲買左相思逗珍奶即係紅豆珍珠奶茶我慣左走冰微甜，每間珍奶我都係咁叫紅豆珍珠有糖水撈均左個甜度都岩岩好好中意紅豆配珍珠口感個奶茶其實一般啦，不過不失淡左少少都還可以我會繼續試未飲佢招牌雙Q